التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
۩ﺴ ﺴ۩راكوبة الحصاحيصا۩ﺴ ﺴ۩ مساحة للونسة والضحك ونسيان بعض الهموم فيها |
|
أدوات الموضوع | انواع عرض الموضوع |
03-16-2013, 08:02 PM | #301 |
|
تراوري يتألق ويرضي على ياسر تمساح بهدف صاروخي في شباك سيوي سبورت العاجي
كم أنت جميل أيها الهلال |
|
03-16-2013, 08:08 PM | #302 | |
|
اقتباس:
يكفى الهلال جمالاً انه جابك
ما عارف ليه قدر ما (نتر لى غادى) ترارورى ده لاحقنا اتاريهو لايوق جنس لياقه |
|
|
03-16-2013, 08:18 PM | #303 | |
|
اقتباس:
تفتكروا
اللى اشترى خط هيثرو ده مشغلو بالدس ولا طياراتو لابسه طاقية اخفاء انا شايف الحكايه لا دايره تحقيق و لا دقيق مجرد سؤال بيطرح على الشركه المستفيده من الخط مين اللى باع ليكم ؟! الحكايه ابسط من البساطه نفسها بالنسبه للجداد انت الهرمنه دى تفتكر جايه من الهرمون ولا جايه من الحرمنه انا يبدو لى جايه من التانيه بعدين بينى و بينكم الكلمتين فيهم هارمونى مبااااالغه بالمناسبه انا بفضل الهرمنه على الكرمته ( ودى جايه من الكريمات ما من الكريمت) برغم انهن الاتنين القصد منهن التجميل وده قصد شريف !!! ولا شنو ؟!!!! |
|
|
03-17-2013, 11:37 AM | #304 |
بيتحقق |
بما انى بكتب من موبايل يبقى معفى من حاجات كتيرة
مثلا زي الاقتباس عشان نكون واضحين قبل ما اشوف ترارورى المشغل خطه منو داير اكون صريح انا اول ما سجلت دخول كان المود مش ولا بد لكن بعد دخلت وقلت اسلم على القاعدين لقيت ام اريج ... المود اصبح رايع وقمت طوالى اتذكر فى الزمن الجميل ... هنوية و اخت الحزين وحبوبة ياسلاااام ووين ريري ووين وين ناس الطيبة والمحنة ب قينا الواحد لو ماشى فى الشارع بزود الاحترام حبة ... طالما انت محسوب من هذه الزمرة ... ياريت تعود ايامنا امتنانى |
|
03-17-2013, 11:52 AM | #305 |
بيتحقق |
قال ليك الشريف قال اعدمونا فى ميدان الامم المتحدة اذا كنا مخطئين اها الكلام ده انا شيلته من زاوية تانية يعنى الناس الفوق ديل حتى خرطة الخرطوم ماعرفينها قال ميدان امم متحدة والله حكم
بس الكيفنى لبسها وزير النقل قال هو الباع وهو القبض وانا فى انتظارك قابض على الحلم السراب كسرة هيثرو بالنص كسرة ناصية الاتباع شوية كسرة اخيرة سعيد بتواجدكم ادام الله علينا نعمة الاخاء امتنانى |
|
03-17-2013, 12:08 PM | #306 |
بيتحقق |
الراكوبة سكنوها غيرگ
الجملة دى عجبتنى شديد قمت شلتها واتصورت جنبها وبقيت بقشر بالصورة كل ما الاقى زول داير اعرفه بالمنتدى بقوم اطلع الصورة وااشر على الجملة واقول ليه ده المنتدى وااشر على نفسى واقول ليه ديل غيرگ . اتاريه الاحتلال ده لذيذ بشكل يعنى نحن الان قوات محتلة الغريبة انا كنت قايل انى عضوء بالميلاد لكن محتلة برضو استايل احسن من صمة الخشم كسرة كل البينا بقى حكاية ... كسرة اخيرة وبرضو ما بخلى الكتابة امتنانى |
|
03-18-2013, 10:57 AM | #308 | |
|
اقتباس:
ابوعمر حمدالله على السلامة وعودا حميدا .........
وطولت الغيبة أخى............ الهضربة مااااعندها حد ماهى هضربة والسلام بس فى حاجات توجع ولازما تجى تفكها هنا وتعمل رايح ومااأكثر الوجع فى بلادى....... كسرة ماااتكتر غيابك........ حتما سنسعد بهضربتك... تحياتى |
|
أن لم تكن قدرى .....فقد كنت اختيارى
|
03-18-2013, 12:05 PM | #309 |
|
مارس شهر المرأة مازال الرجل يساند المرأةفى كل صغيرة وكبيرة ويقدم خدماته لها فى الهينة والقاسية وبالذات فى الامور التى تحتاج عضلات شيالة تقيلة ونعترف بذلك (وشهد شاهد...) وبذات الاريحية نجده يتعنتر على المرأة فى أشارات المرور التخطى و الانحناءت وفى كل مايخص الطريق....... هل عقابا للمرأة كونها تعدت على بعض مهامه او أظهار قوة وعضلات....... أو حقارة سااااااى.....أفتونى كسرة واستوصو بالنساء خيرا وكسرة تانية أنتي أمة بأسرها |
أن لم تكن قدرى .....فقد كنت اختيارى
|
03-18-2013, 12:14 PM | #310 |
|
غايتو كان كده عندي هضربة كتيييييييييييييييره
انا كنت مفتكر الهضربه ده عندها زمن وبتنتهي انتظروني في اولي حلقات الهضربه قريبا |
|
03-18-2013, 07:55 PM | #311 | |
|
اقتباس:
عجبنى اعترافك وارجاع الفضل للرجل فى مساندة المراة
و دى فى حد ذاتها محمده من احدى( نونات النسوان) لكن مؤاخذتك له فى سرقة الشارع و قرصة الصينيه ده بيدل دلاله واضحه على ان النساء غير جديرات بما منح لهن من حقوق فالسواقه ما دايره رواقه و زمااااااان كانو داقسين لما قالو فن و ذوق فالشاهد انى حاولت اتعامل بفهم الفن و الذوق لكن لقيت روحى ح اقيل فى عربيتى فعزمت ان لا اتساهل و اقسمت ان لا اجد شارعاً الا سرقته و لا صينيةً الا قرصتها و لا لفةً الا شلتها موزه يالسمحه الحكايه رجاااله عديل كده كيتاً للقوارير ياسر الشوق بحر ابوعمر ابقى واصل |
|
|
03-18-2013, 09:17 PM | #312 |
بيتحقق |
ما شاء الله عقد غيرك اقصد عقد المهضربين اكتمل
ابو عمر ليگ وحشة غيب وتعال تلقانا نحن ... السمحة يا اختى ما بسالگ هو المراة دى من بقت تسوق الحوادث بقت تودى الاخرة ،، ابو امجد الشوق فات حد الوصف كسرة 106 صباحا كسرة ناصية الحمد لله كده رضا ربنا يديم نعمة التواصل والاخاء كسرة اخيرة الغريب نورت المنتدى امتنانى |
|
03-18-2013, 09:38 PM | #313 |
|
تمساح يا عزيز تحياتي
يازول شغلتك دي اعتكاف ولا رهبنة .. ابوامجد وبقية الناس الهنا دي د قاعدين يطلعو من الاوضة دي مرة مرة ويتاوقو على باقي البيت ياخي انت ذاتك لو اوضتك دي قفلتها اسبوع اسبوعين وجيتنا برة الحوش هناك تكون ما قصرتة |
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
03-18-2013, 10:22 PM | #314 |
بيتحقق |
تعرف يا عزيز
كونك تكون بعيد من المنتدى افضل من الحالة الانا فيها دى عامل زى المحكوم بالانفرادى موبايلى مبرمج على الرئيسية والاوضة دى مرة حاولت اتشالق طشة اها نبقى لى عيق وعاق ولا كيف موضوع فك الارتباط الا استعنت بى صديق عبر الهاتف شايف حالى كيف دى القحة ولا صمة الخشم ذاته كسرة شال هم فرقتگ قلبى .. كسرة ناصية لمتين تعود ايامنا ونكمل المشوار كسرة ملف ورجعت المياه الى حنفياتها كسرة كده وگده شكرا لكل من وقف معنا فى محنتنا متمحنا امتنانى |
|
03-18-2013, 11:04 PM | #315 |
بيتحقق |
ياحليك والراكوبة سكنوها غيرك
فى ايحاء بالتطور البلد اول ما يكترو فيها غيرگ اعرف طوالى انها منتجة هسة فى واحد فكر يغترب فى بوركينافاسو لسبب بسيط لانگ حاتكون غيرك يوم يومين وتبقى زيهم لدرجة اللبس لكن لما تمشى اوربا والعهدة على الراوى بتحس انك غيرك ما بتشبه ناس البلد ولا فى اى حاجة ولا كيف دى بتذكرنى بى قون رمضان والواحد يرجع مغلوب ولا تراورى مغلوبين 4 ويجى يقول ليك اوفيت بى وعدى وجبت قون كسرة ما بسالك واعتب عليگ كسرة اخيرة شكرا حد الدهشة امتنانى |
|
03-19-2013, 11:13 AM | #316 |
بيتحقق |
ياحليلك والراكوبة سكنوها غيرك
و ست الودع ارمى الودع لى كشكشى صرح مسؤل رفيع فضل حجب اسمه بانه حاسد وبغران وقمت طوالى شلتها ودبلجتها مع الصورة عشان تانى اقول ده المنتدى وديل غيرك وده الشهادة من المسؤل رفيع المستوى كسرة صعبان على طول السفر كسرة ناصية مصعب نتمنى نتغلب تانى عشان تظهر كسرة اخيرة الوصية امتنانى |
|
03-19-2013, 01:46 PM | #317 |
بيتحقق |
ياحليلك والراكوبة سكنوها غيرك ، حاسد وبغران
البلد دى بالجد غريبة يعنى تصريح من اى مسؤل رفيع المستوى ممكن يعمل عمايل الدوحة ما قدرت عليها مع انه ممكن يكون تصريح ساكت والعجب ياحليلو الكبتنية لبسوها غيره العجب كان اتفقو اتنين متناقضين والتصريح طلع فى وگت واحد ياخ الدولار يدق الدلجة والناس تصدق وحتى الحضرى يرجع من غير ما يشارك ولا زول يساله كسرة الله يدينا الفى مرادنا كسرة ناصية ما بوعدك خليها بس كده للظروف كسرة اخيرة تصحى الكهارب فى .. امتنانى |
|
03-19-2013, 08:14 PM | #318 |
بيتحقق |
وياحليلك الراكوبة سكنوها غيرگ ..
الواحد داير يقترح يطرح الامر للنقاش خاصة انه معركة ذات المراكيب طلعت فشوش (والليييلة) الياء والتاء الا من عندگم يادى الخلعة نرجع لى اقتراحى نقوم نشيل شعار المرحلة القديم ما هضربة وخلاس وندشن الشعار الجديد ياحليلك الراكوبة سكنوها غيرگ برعاية المسؤل رفيع المستوى كسرة يا الفى الشروق ليك شوقنا طال كسرة ناصية ما منك من العليك كسرة ملف لو قلت نبداء من الصفر ... كسرة اخيرة ما تشغل بالك امتنانى |
|
03-19-2013, 09:11 PM | #319 |
بيتحقق |
ما طالبنى حليفة اتصال عبر الهاتف قال ليك الشعار ده ما بخارج معانا لانه لما نكون غيرك بحتاج نعمل اقامات وتاشيرات ودخول وخروج اها حسب كلام الزول القال ليگ فى ظاهره منطقى لكن لما نجى لواقع الحال ونخت الحضرى نموزج بنلقى اسهل حاجة انك تكون غيرگ مجنس وتجى وتمشى على كيفك وفى امتياز انك اى حاجة دايرها بوفروها ليك وانت تتجدع
ما قلت ليكم غيرك دى استايل ولا تراورى اى لعااااب لگن حلاقته دى لو ما غيرك كان الصلعة لحقته ... كسرة دنيا دبنقا امتنانى |
|
03-20-2013, 08:56 AM | #321 |
بيتحقق |
اسواء حاجة انك ما تكون عارف انك داير تعمل شنو ...
يعنى تجى داخل بى فهم و تتزرع بى أى حاجة تلقاها قدامك ... زوغ ساى ... قشة ما تعتر ليك ... شكلك كده كنت جاى توصل رسالة ... لكن راحت عليك ... ما اعتقد انك رضيان بى ناس غيرك ... وقالباك الرجعة للوطن ... لكن من جانبنا حبابك ... وحا نخصص ليك مقعد امامى كمان ... صدقنى حا تلقى ناس غيرك حنينيييييين ... بس ما تغلط معانا ... خلى اشتياقاتك جواك ... يقوموا يطلعوك فى كشة ... ناس الراكوبة ديل صعبين ... لو كنت منهم صعبين ... خلى تكون مع غيرك ... بس لما تفكر وتجى لى غيرك طبق الشروط ... ولا حا نعمل ليك فيها رايحين ... الواضح ما فاضح ... شايف كيف امتنانى |
|
03-20-2013, 08:25 PM | #322 |
بيتحقق |
التطور الجينى للمنتدى
الالفاظ الدخيلة المابتشبهنا ولا بنشبها وهنا بقصد الخط العام هسة يقولو ليك هجليج والبلد فى حالة حرب انعدام المراقبين وكسل المشرفين واحد من اسباب ضعف اليوناميس وخط دفاع المريخ وتحول الاحساس بى علاقاتنا داخل المنتدى من اخواتنا البنعزهن للجنس اللطيف واسواء حاجة لما الهلال يلعب 3-4-3 بنتغلب طوالى كسرة بكيتنى انت وما بكيت كسرة ناصية عفوا الدواير مهملة حاليا كسرة خاصة الهمباتى اخير لى كده كسرة اخيرة ما منك من العليك امتنانى |
|
03-21-2013, 08:02 PM | #323 |
بيتحقق |
ما من المنطق
الانبراشة دى كلها ياخ داريوكان ما عمل كدة ولا باسكال ، يقوم وزير الدفاع فجاءة كده يقول ليك جاهزين للجلوس مع قطاع الشمال الغريبة كانت جاهزين لحماية الدين غايتو نحن جاهزين لاى صدمات وصدامات والنشوف اخرتها ومعذرة لو معاك منى الكلام حرة كسرة الخير يا عشاى تودينا لى اهلنا ،، كسرة ناصية لا بدورك ولا ... كسرة اخيرة داير اسس لى قطاع نصف دايرى فى المنتدى ده امتنانى |
|
03-24-2013, 04:45 AM | #324 |
بيتحقق |
صباح جميل
صباح بنكهة القرنفل اصلا لما اصحى والقى طيفك فى عيونى بكون ده حالى صوت اللستر بجينى زى نغمة كمان محمدية الخروع بقلب ورد انجليزى اى حشرة لافة بتتحول لى اجمل فراشة ياخ صباحى بكون عامل زى قون بشة يخليك تتبسم فى سرك و ... من علمك يافراش ... و ... سيبنى فى عز الجمر كسرة وغيرك مين بفرحنى كسرة ناصية يانا الزمان ياناس كسرة اخيرة استنينى استنيى امتنانى |
|
03-24-2013, 06:23 AM | #325 |
بيتحقق |
قالوا اتفقو
غايتو سمعتها كده وكمان قالوا الاتفاق المرة دى نهائى غايتو قبل كده سمعتها وكمان قالوا الجيش انسحب لحدود صفر بس الخوف الجماعة ديلك يكون فى قاموسهم مافى صفر او يكونو شغالين بى نظرية الصفر على الشمال مش ممكن ما شيطان التفاصيل وكده لما تشتاق للعواطف ابقى اسال عن قلوبنا بتلقانا جاهزين لحماية الدين كسرة اديس الدوحة بالنص كسرة ناصية جلسة المفاوضات بى كم كسرة اخيرة داير قربك لكن محتار امتنانى |
|
03-26-2013, 06:46 PM | #326 |
|
احساس سخيف
لما تمشى و انت محبط و مستاء لما جزء منك يفارقك لما تفقد مرايتك اللى بتشوف بيها عوجك و عيبك لما ينادوك و ماتسمع لما ينصحوك و ما ترعوى و لما و لما و لما تشتاق للمشاعر تملأ دنياك بي عبيرا لما تشتاق للعواطف تنسجم تلبس حريرا أبقي أسأل عن قلوبنا تلقي فيها كنوز محبة تلقي فيها بحور حنان و تلقي فيها الشوق يغرد و تلقي فيها الريدة فاردا جناحا تشتاق للربيع لما تقسو عليك ليالي الوحدة والليل يبقي ليل و النجوم تلمع بعيد تسخر من السهران وحيد برضو أسأل عن قلوبنا تلقي فيها كنوز محبة تلقي فيها بحور حنان و تلقي فيها الشوق يغرد تلقي فيها الريدة فاردة جناحا تشتاق للربيع إنت ما برضك حبيبنا والحنان الفي قلوبنا أصلوا ما نابع من عيونا والمحبة الفيها لو ما إنت ما كانت محبة كل أشواقنا ومشاعرنا وأحساسينا النبيلة إنت ما أهديتا لينا ليه تضيع أحلى ما أهديت ياغالي |
|
03-27-2013, 06:24 AM | #327 | |
|
اقتباس:
دائما بين حروفك اجد روحا تتمزج بما بنا من وجدان
وشعور يخرج لنا بروعه البيان ولكم تمنيت ان لا تنتهى بى الكلمات فلا يسعنى غير قول الصمت فى حرم الجمال جمال فدمت بكل تميز وابداع |
|
|
03-28-2013, 05:09 AM | #328 | |
بيتحقق |
اقتباس:
ربنا يديم الاخوة والمحبة ...
كده ممكن المود يبقى رايق ولذيذ ... اصلوا الواحد مما يجى داخل يلقى الحروف قدامه بتنقط عسل ... بعدل جلسته ويصلح ياقة القميص ... ده لو ما قام عاين للمراية ... شايف كيف ... حتى الابتسامة مذاقه بكون غير ... بتحس بى روعة ملتقى النيلين ... وبى همسة جروف النيل مع الموجة الصباحية اقول ليك حاجة انا ذاتى اخير لى اصمت عشان ما ابوظ الرصة ... كسرة سامحنى غلطان بعتذر كسرة ناصية يانسائم الليل اشهدى على بكاى وتسهدى ... كسرة اخيرة رجعنا لك ... امتنانى |
|
|
03-28-2013, 05:22 AM | #329 | |
|
اقتباس:
راقت لي كلماتك من أول عنقود لآخره روعة بجد ما كتبت واحساسك فاق كل الروائع انت نبع من الابداع لذلك دائما موجود لاتحتاج للرجعه تاني كن بخير لاكون |
|
|
03-28-2013, 05:23 AM | #330 | |
بيتحقق |
اقتباس:
ابوامجد يا عزيز مافقدنا راس الحكمة وانت فينا ... السؤال ده ليه تضيع احلى ما أهديت ياغالى ؟ داير ليه معلقة ... محتاج الناس تعمل ورش ... تقوم وتقع لحدى ما تلقى اجابة للسؤال ده ... السؤال ده صعب ... سؤال عامل زى القنبلة المؤقوته ... اذا ما تم تعطيلها بتنفجر... والتعطيل بتم الاجابة ... و ... صدفة واجمل صدفة انا يوم لاقيته ... اجمل يوم يومى الحييته ... كسرة الفنان يعبر عن حالنا بالاسئلة المحرجة ... كسرة ناصية قوووووووووووووووون كسرة اخيرة تانى رجعنا لك ... امتنانى |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الرئيس عمر البشير الشغلانة ليس جعلنة ساكت !!!! | ود اللواء | «۩۞۩-منتدى الحصاحيصا الحر-۩۞۩» | 1 | 10-30-2011 12:18 PM |
هضربة زول | محمد ارباب | ۩ﺴ ﺴ۩راكوبة الحصاحيصا۩ﺴ ﺴ۩ | 4 | 04-23-2010 06:35 PM |
اضبط..حرامي في الموقع يا بورداب | حسن وراق | «۩۞۩-منتدى الحصاحيصا الحر-۩۞۩» | 4 | 01-17-2009 09:44 PM |
هضربة انتيستين | الكييك | ۩ﺴ ﺴ۩راكوبة الحصاحيصا۩ﺴ ﺴ۩ | 4 | 11-10-2007 05:23 PM |
ادخل شوف واضحك من قلبك (نجار فاره ساكت صح) | الفاضل تمبول | ۩ﺴ ﺴ۩راكوبة الحصاحيصا۩ﺴ ﺴ۩ | 0 | 05-30-2007 05:14 PM |