التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
|
#1
|
|||||||
|
|||||||
انداية الشعب الوطني
كعادته حاج احمد... ربط دحشة شبية الريح في عامود التلفون بجوار الانداية....
مع كم ربطة قصب وتناول عكازة وكيسة.. ودلف الي الانداية في مكانة المحبب اليه بين رفقاء الدرب والسلاح وبعد التحيات والممزاحات... وبصوته الجهور ينادي مستورة كيف زرعتي.....؟ اقصد كيف قيلتي ..؟؟ حبابك..... يا الاغبش.... حبيب الغبش..... شراب الغبشة افو... بقيتي تلوللي الكلام..... زي الافندية بخير وله الحمد استخرج شواله من بين فراغات الحطب والشعب .. وفرشة و رش قليل من الماء علي جنباتة هوي يا حاج احمد ما تكمل لي مويتي انتي ارفاها اني بنجيبا من وين ها المرة الممسوخة دي مالك جايباها من عد (بئر ) ابوك .........؟ والله انتي مافي شي اندك ( عندك ) خير ( غير ) لسانك التويل ( الطويل ) دة صدح بصوتة وترنم بقطر الانجليز الي ان وصل الي ابوسن في بطانتة واستخرج كل خضارة من تبش وبصل وشطه خضراء وقليل من اكياس التمباك وبداء الركب الميمون في الحضور الي انداية الشعب الحر وهم لفيف من الناس منهم اصحاب المعاشات وعمال اليومية علي صبي جزار منهم عوض كمونية وخالد الاعور ومن الافندية الاستاذ جغرافيا هكذا يسمونه ولا احد يدري من اسمه لانه ليس من قريتهم والمحاسب طه والملقب بحسابات والجرادل تحوم والصفائح ممتلئة بشراب العيش المنعش ومخمر وكلما جاء شخص جديد جاء معه دحش او حمار وكلما زاد العدد في الداخل زاد في الخارج بدحش او حمار عدا حسين الكهربائي عندو عجلة والي نحتسي هذا الشراب المرطب نعود وتفضلو مريسة الشعب الحر لا تغلط عليك ولا توسخ يديك
كيف اللحاق بركب نعيك والشوامخ لا تطال
|
07-23-2009, 11:03 AM | #2 |
|
الاخ ابو ذر . . والله سلامات
وطال غيابك يا خي . . ولينا شرف كبير أن نكون اول المتداخلين في هذه الانداية . . (يا الللللللللله . . . من الريحة ) لكن بيني وبينك طالما في مريسة يبقى ما في ( برمبل . . . . !!!) عودا حميداً |
|
07-23-2009, 02:04 PM | #3 | |
|
اقتباس:
حبيبنا برمبل وينك يا حبيب الكل وسيد العدة وصوانيها شوقنا رمل ودموعنا مطرة وتامبيرا قطع الخط وصالح شغال غيب وتعال تلقانا ......... والانداية نورت ويا بت جيبي البصل لود البلولة ووهطي الجردل لا ام فتفت خليها ست البنات بتسويها بس ولعي نار الحطب لا ما حطب ال......... عارفك انت حمالة ال............؟ نار الشية الله يطراك بالخير مالك قاطع الخبر كترتو ولا شنو ...........؟ محبتي لك فوق الاكيدة |
|
كيف اللحاق بركب نعيك والشوامخ لا تطال
|
07-26-2009, 11:31 AM | #4 |
|
التحيات والسلامات لقاطني الانادي من عرب وعجم وكجم
رجعنا والكاس لا زالت مترعة ببقايا من دريش بنكهة الفتريتة الزقاء وعمك فتح في الحكي والونسة ممسكا بعصاتة متكئا علي شعب تلك الجدران البالية التي شهدت خريف العمر من كل هذا الرهط المتواجد علي ساحتها وتمسح بكل بعر الانعام من بقر وغنم وحمير ورغم ذلك كان يحبذ بعر الحصين لانه يمنح الجدار رؤونقا خاصة وله رائحة تنعش الانوف وتزيد العيش تخميرا وكان حاج احمد كثيرا ما يتحدث في السياسة وهو لا لون له ولا طعم له في اي حزب سياسي رغم انه كان يفضل حزب ( سيدي ) وخلف رجله فوق الاخري وامسك بكاس القرع الفاخر وارد نيالا ذو لون ذهبي مصفر يسر الناظرين وبعد ان مسح به وجه الجردل ورشف منه جغمه ( جرعه ) وتركتك ذاك الاثر فوق شاربة المنتشر مابين شفته العليا وعلي جنبيه وحين مسح تلك الرغوة المخلفة من اثر الكاس نادي الي صديقة عوض كمونية والاعور انت عارف قالو في ترعة عايزين ناس الري يعملوها هنا للمشاريع حقت الحكومة والله الكلام دة جد رد الاعور وهو يعطي الارض وجهة لانه كثيرا ما يستحي من عينة ورغم ذلك لا ياخذ في خاطرة ان نودي بالاعور قلت ترعة عديل كدة لكن وين بيعملوة الاراضي الفوق للانادي دي كلها حقت شيخ الحلة وا اظنة يقتنع دخل عوض كمونية يا خوي والله بكرة يردمو ليهو القنزب ( القروش ) والله يبيع قبر ابوة زاتو دة انتو ما بتعرفو دا زول يحب المال حبا جما بس شوف حمارو براهو فيهو كم خرج وكم لجام وكم وكم وعييييييييييييييييييييييك لكن بس الحكومة لو عايزة تعمل مشروع زي دة كان تجي وتقعد مع اصحاب الحقوق وتتفاوض معاهم عشان بس ما تبقي عليهم حكاية ناس وادي النمل يضحك حاج احمد وتبين كثيرا من سنونة التي غادرت في زمن بعيد السلام عليكم وعليكم السلام يا جغرافيا مالك مسخن كدة والله كان عندنا مسح مع ناس الري ديل وهسع جينا نمسح معاكم ويضحك ضحكتة زات الطابع الهندي يعني الشغلة صحي صحي ايوة كمان ديل عندهم مسح برضو ............. لكن باقيلك شيخ الحلة وناس الحلة الفوق بيقبلو ...؟ والله ديل بكرة يرحلوهم ويجيبوهم ليكم هنا في الانداية دي ويرحلو الانداية دي فوق للترعة ما مشكلة من الترحيل الكعب الابادة ويضحك الجميع حتي الحمير في الخارج ترفع عقيرتها بالنهيق واندايتنا عسلية بس |
كيف اللحاق بركب نعيك والشوامخ لا تطال
|
07-26-2009, 12:24 PM | #5 |
مامون بدوى عبيد
|
.....
( البانة ) ظلها وريف و ( الباردة ) عيشها نضيف وناس جارو ليهم بنضيف اغشونا في التصريف ـــــ بس يا ابو ذر البيرق ماله أحمر ؟ الدخل الانداية منو ؟ شكرا لعودة احرفك ...... |
|
07-26-2009, 12:40 PM | #6 |
|
.....
Dawzana ( البانة ) ظلها وريف و ( الباردة ) عيشها نضيف وناس جارو ليهم بنضيف اغشونا في التصريف ـــــ بس يا ابو ذر البيرق ماله أحمر ؟ الدخل الانداية منو ؟ شكرا لعودة احرفك غشيناكم وما لقينكم شخبطنا ليكم بالفحمة في الحيطة المايلة وزكرتني ديك المسلمية بصلتو في النار وهو يعوعي لان حيطتكم مبلولة زبالتا وهي مميلة علي البانة حسادة منها بس والباردة عيشها دريش ونضيف والله البيرق دة حيرنا معاهو كل ما نركب لينا لون يجي الهواء يشيلو قولي نعمل شنو النبي فيك ومشكور اخي وابقي داخل من الحراية دي ودمت |
كيف اللحاق بركب نعيك والشوامخ لا تطال
|
08-10-2009, 09:30 AM | #7 |
مامون بدوى عبيد
|
.......
( زرزوور ) الحراية ما بتقطع عطشتها غير كانجي وللا دقة وبيني وبينك الاتنين ما بتلقن في الوقت ده ماااااا تقوم معاي نمشي لي ود ابو سنون ؟ يدينا من بيت الكلاوي نرميه في صاج السمك ونغشي بالمرة كده عاطف عدلان نشيل لينا منه حبة سلطة ونرطب لينا كده بدبل بوكو بعد داك نجي بنلقاهم نزلوا بيرقهم ده ونحبــّس بالكانجي مورو والرهيفة تنقد أبقي مارق .... |
|
08-16-2009, 11:15 AM | #8 | ||||||||||
|
الحبيب الغالي عساك بخير والاهل والله الحرايه دي قطعت ضهرنا لكن العطشة حلوة لمن يفكوها بجك كبير والله دعوتك مغرية جد لكن بس عايزا ليها جكة لزوم المساعدة لكن امشي انت قدامي انا بلحقك عشان بس ما نلفت النظر وانت عارف وانا عار ف وين بنتلاقاء ومحبتي الاكيدة لك |
||||||||||
كيف اللحاق بركب نعيك والشوامخ لا تطال
|
08-16-2009, 11:29 AM | #10 | |||||||||
|
معقولة يا بيكا انت تجي كيف ولا انا اجيك كيف ولو سري اكيد بيكون بيني وبينك بس ما تخاف بجيوك ناس ليلي وقت الليل .............. ومحبتي الاكيدة لك |
|||||||||
كيف اللحاق بركب نعيك والشوامخ لا تطال
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هل الشعب السودانى كسلان؟؟ | بكري حاج احمد | «۩۞۩-منتدى الحصاحيصا الحر-۩۞۩» | 11 | 03-18-2013 02:26 PM |
حكايات من سيرة أستاذ الكفاح الوطني | د.محمد الطاهر | «۩۞۩-منتدى الحصاحيصا الحر-۩۞۩» | 2 | 06-16-2009 06:33 AM |
المنتخب الوطني والتحدي الكبير | محمدجبو الخليفه | «۩۞۩-المنتدى الرياضى-۩۞۩» | 2 | 03-29-2009 10:05 AM |
الشعب العربى وين | diaeldin | «۩۞۩-منتدى الحصاحيصا الحر-۩۞۩» | 4 | 02-15-2009 08:22 PM |
حماس تخذل الشعب الفلسطيني | حسن وراق | «۩۞۩-منتدى الحصاحيصا الحر-۩۞۩» | 11 | 01-04-2009 12:07 PM |