الاستقرار بالسودان

السلام على من اتبع الهدى
يبدو اننى غير محظوظ بتقطعى عن الدخول الى موقعنا المميز ومدينتنا الرائعة وذلك يبدو لكثرة المشاغل او ادعائها لا ادرى ولكن العودة الى السودان والاستقرار فيه صار من الامور الصعبة فعندما كنا فى الغربة وكما تعلمون جميعا فان الوقت يسعفنا فلا توجد مجاملات ومناسبات كماهو هنا فى السودان اضافة الى ذلك كثرة بعد المسافة ومشقة الطريق بين الحصاحيصا والخرطوم وساعات العمل التى صارت فى السودان كثيرة والزحمة فى الطرق عليه فاننى افنح هنا الباب للاخوة الذين عاشو زمنا فى الغربة ومن ثم عادو للاستقرار هنا فى السودان لمناقشة هذا الامر من واقع التجارب الشخصية او العامة مستصحبين معنا كل سلبيات وايجابيات التجربة عسى ان تكون هاديا لمن يفكر فى ذلك او ان تمنع البعض من تنفيذ فكرة ربما راودت الكثير مننا
اخوتى :-
انا فى انتظار ارائكم ومشاركاتكم ونامل ان تكون بشكل واضح وصريح حتى نتمكن من معالجة السلبيات واخذ العبر والايجابيات

السبب الذي ادي الي استقرار الشباب خارج السودان نسبه لان البلد اصبحت طارده والشغل صعب وتانيا المعيشة غالية ....لكن يا اخوانا دا سودانا ولازم الواحد يجي ويبدا من الصفر ويعاني لحدي ما ربنا يسهلها عليهو..... لانو زي ماقال الفنان الغريب مهما طال غيابو مصيرو يرجع لاهلوا واصحابوا. واهلنا الشوايقة بقولو اريت رزقا يغرب سيدو طاير.....

الاخ الكريم محمد بكش المغترب العائد لوطنه واحبابه بعد السلام عليكم ورحمة الله وبركات اولا اخلى العزيز المغترب هذا الشخص اللذى طالت غربته لابد يوما يرجع ويعود الى اهله واحبابه مهما طال الغياب والبعاد اما عن التكيف وان تتعود حال البلد من مناسبات وغيرها فالصبر جميل وشوية شوية ان شاء الله تتعود وطبعا الان انت تشوف المشوار بعيد وزحمة السيارات والطرق لاكن صدقنى السودان جميل وكما قال شاعرنا


بلادى وان جارت علية عزيزة واهلى وان ضنوا عليه كرام اخوك ابو عبد الرحمن

محمد بكش كيف حالك / موضوعك مهم لكن العودة احمد 000لابد من العودة لان الغربة بقت اصعب من المشاوير البتقول عليها المشاوير في الغربة اكتر من البلاد وانت عارف الا اذا كنت قافل نفسك و ماعندك مجاملات و زيادة على ذلك الدوامين ياخييييييييي والله همممممممم شديييييييد ونكد لا حدود له والله المستعان

اولا الغربة لي شنو عشان راحة البال وتييسير امور الحياة

ثانيا الغربة صح هي صعبة لكن عشان الناس تقدر توفر احسن السبل لراحة ابنائها

ثالثا الناس تغترب ماعشان قساوة قلب ولامافي محنة بس جات الظروف كدة

رابعا لو سالت اي زول عن الغربة صحي يقعد يقول ماقادرين نعمل حاجة ولابنقدر نمشي بلدنا ياناس البقدر بقدر لي مستقبلو

خامسا اي زول بقول ويدندن ويغني دموع في الغربة بكاية

الغربة جد صعبة وحارة بس عشان اولادنا ومستقبلهم بنستحمل شقاءها

ده كان رائي بي صراحة وبالجد انا الغربة خلتني اتحكم فيها واختلاف الاراء لايفسد للود قضية

لكم التحية بعمق احترامي

الغربة في اعتقادي شي مفروض على الانسان
وكل انسان يتمنى الاستقرار في الاوطان

الاخ محمد بكش السلام عليكم ورحمة الله وبركات


الغربة وما ادراك ما الغربة اخى الكريم الغربة كانت زمان زمن كان الجنيه السودانى يساوى مبلغ 12 ريال سعودى وكانت المرتبات المعاش ممتاز والمعيشة رخيصة مره ايضا ما تنسى الايجارات وارتفاعها

اخى الكريم عمك ابو عبد الرحمن لما حضرنا للشرقية كان قيمة الهايلكس كان بمبلغ 13 الف ريال من الوكالة من شركة تايوتا جديد لنج لنج الان كم سعر البوكسى الظروف والا حوال تبدلت بل صار الراتب مهما صار مافى بركة ولكن نسال الله ان يفرجها على امة محمد امين امين

ابوعبد الرحمن الان انشا ء الله ناوين العودة للحصا حيصا انشاء الله