هيبة يا المريخ هيبة يا النجمة

هيبة يا المريخ هيبة يا النجمة
تتواصل استعدادات المريخ للمقابلة العالمية المرتقبة مع بطل العالم فريق بايرن ميونخ الالماني وتأتي المباراة الودية في اطار استعدادات المريخ للموسم الجديد حيث يترقب عشاق المريخ هذه المباراة والتي حدد لها يوم التاسع من يناير باستاد جاسم بن حمد بالعاصمة القطرية الدوحة وتجري الاستعدادات على قدم وساق للترتيب لقيام المباراة الكبيرة هذا وقد قام وفد من نادي المريخ بزيارة لدولة قطر لوضع الترتيبات النهائية للمباراة ,,,,

هههههاى هههههاى هههههاى
بلاى ماتنسوا ترتيب الشولات قبل الشنط
قلته لى بطل العالم؟ضد ناس بله جابر وزغبير وعلاء الدين يوسف...
غايتو نحن راجين اليوم ده بفارق الصبر
بس ااكد ليك لو المباراة اتلعبت ح يلعبوا معاكم بالفريق الرابع
ياجماعة ارحموا نفسكم وانسونا من المباريات مدفوهة القيمة دى لابتقدم لا بتاخر وده شغل بتاع شو ليس الا.

والله لو اتغلبنا مية صفر عادي جداً لانو لاعبين مع بطل العالم ويكفينا ظهور بلة جابر والزومة مع روبن وابطال العالم وما تنسوا تتفرجو علينا عليكم الله لانكم 80 سنة بتتفرجو علينا

المشاركة الأصلية كتبت بواسطة عارف

والله لو اتغلبنا مية صفر عادي جداً لانو لاعبين مع بطل العالم ويكفينا ظهور بلة جابر والزومة مع روبن وابطال العالم وما تنسوا تتفرجو علينا عليكم الله لانكم 80 سنة بتتفرجو علينا

هاهاهاها
ماقلنا وماقلنا وماقلنا
قشرة فى قشرة
وحب ظهور
وصورنى واصورك

بس ما ح تتغلبوا كتير يا اخوى
لانو كلووووو خاشى فى الإتفاق
برضو فى الاتفاق ممنوع الجوز بتاع بله وشلاليت علاء الدين الفى الرقبة والشوت فى اكرم من بره الخط
وما يغلبوا المريخ كتير
ويا يوم بكرة ماتسرع تخفف لى نار وجدى

أها انا جيت
الكان محيرنى فى الكورة دى
و خلانى اصدق كلام ود الحصاحيصا
ناس بايرن ميونخ ديل مافيهم واحد بعرف يملا كراعه فى الكورة دى
و لا شوتة ...
معقولة بس ...!!

اها يا اخوانا المباراة انتهت والحمد لله وبطل العالم غلب بطل السودان 2 بس ومدرب بايرن ميونخ اشاد بالمريخ وبالنسبة لكلام اخونا ود الحصاحيصا البقول انو الحكاية مطبوخة يا سيدي الكويت الكويتي دفع اكتر من المريخ واتغلب اكتر من المريخ ودة معناها انو كلامك افترا وبس ويا حبيب بطل العالم ما بعرف مباراة ودية ولا دورية اهم حاجة سمعة الفريق وبس, على العموم نحن نسينا الكورة دي زمان وقفلنا الملف بتاعا والآن بنستعد لزينت الروسي وبطل النمسا وخليكم انتو مخلوعين كدة بس ,,,,

المشاركة الأصلية كتبت بواسطة عارف

اها يا اخوانا المباراة انتهت والحمد لله وبطل العالم غلب بطل السودان 2 بس ومدرب بايرن ميونخ اشاد بالمريخ وبالنسبة لكلام اخونا ود الحصاحيصا البقول انو الحكاية مطبوخة يا سيدي الكويت الكويتي دفع اكتر من المريخ واتغلب اكتر من المريخ ودة معناها انو كلامك افترا وبس ويا حبيب بطل العالم ما بعرف مباراة ودية ولا دورية اهم حاجة سمعة الفريق وبس, على العموم نحن نسينا الكورة دي زمان وقفلنا الملف بتاعا والآن بنستعد لزينت الروسي وبطل النمسا وخليكم انتو مخلوعين كدة بس ,,,,

اها انت ده ...
باقى ليك ناس الكويت بسو الحاحا ..
ديلك ناس دايرين يعرفو مستواهم قصاد بطل العالم ما شوفونية و كده
نطيتوا من مقابلة الهلال مالكم

اخي تمساح المباراة قائمة غداً الجمعة في شكل مباراة استعراضية ولكن يبدو انك غير متابع ولسة معلق في مباراة الزعيم وبايرن ميونخ وحقيقة نحن ما نطينا ولكن يبدو ان ادارة الهلال ليس لها قبل بمتطلبات اداء مباراة ودية مع الزعيم ويبدو ان شركة بافاريا لم تقدم عرض يناسب امكانية ناديكم وحقو تدخلو واسطات واجاويد عشان يخفضو ليكم المبلغ انتو قايلين اللعب مع الزعيم بالسهولة دي ؟؟؟؟ وبالمناسبة حضرنا للدمازين لاداء مباراة رسمية امامكم ولم نجدكم يبقى منو الهرب ؟؟؟؟

المشاركة الأصلية كتبت بواسطة عارف

والله لو اتغلبنا مية صفر عادي جداً لانو لاعبين مع بطل العالم ويكفينا ظهور بلة جابر والزومة مع روبن وابطال العالم وما تنسوا تتفرجو علينا عليكم الله لانكم 80 سنة بتتفرجو علينا

أصلا انهزاميتكم دي واحدة من صفاتكم
كروجر زاتو عاديتوهو و بقي يقول ( جميع الاحتمالات واردة ما عدا النصر !!! )
و بدون حليفة مصدنقكم !!!
قلت لي لاعبين في التمهيدي متين ؟ خخخخخخخخخخخ قال عالمي قال !! في عالمي بلعب تمهيدي ؟
و اعلامكم دا و الله اغتس حجركم ، شابكم عالمي و أول مباراة تنكشفو و البكاء اكتر !!!

والله سعيد جدا بوجودك استاذي ابو همام وكدة اجمل حاجة واجمل انجاز لاقامة هذه المباراة العالمية هو رؤيتك مجددا في القسم الرياضي ويا استاذ حقيقة ما زال الاعلام المريخي يتحدث عن هذه المباراة متناسيا مباريات مهمة في البطولة الافريقية والقصد واضح وهو التريقة والتقليل من شأن الهلال وما زالت المناكفات مستمرة وكأن المباراة هي اقصى طموح الاعلام المريخي بينما انصرف (بعض) عقلاء الاعلام الازرق بما يفيد الفريق في التنقيب والبحث عن الفريق المالي وتحليل مستواه خدمة لفريق الهلال. ... واتمنى ان يهتم الاعلام الاحمر بمباراة المريخ امام كمبالا سيتي وان يتناسوا هذه المباراة فهي ليست الا مباراة اعدادية لا تستحق كل هذه الضجة وحتى تناول مباراة المريخ والبايرن لم يكن بصورة فنية بقدر ما كان تناول كيدي ومناكفات عنيفة لن تفيد الفريق على الاطلاق. ... كل الامنيات لجميع الفرق السودانية المشاركة في المحافل القارية بتحقيق نتائج تشرف السودان والتحية لك استاذ ابو همام

وبالنسبة لتصريح كروجر فهو تصريح منطقي جدا قياسا بالفارق الكبير في الامكانيات بين المريخ والبايرن بطل العالم ولكن رغم ذلك فالمباراة تمثل دفعة معنوية مهمة جدا للمريخ ولا اعتقد ان هذه التصريحات سلبية فمن وجهة نظر كروجر ان امكانيات فريقه محدودة مقارنة بفريق بايرن ميونخ ومن زاوية اخرى فان المباراة تعتبر المباراة التحضيرية الاولى للمريخ وبالتالي فان الفريق غير مستعد فنيا لهذه المباراة عموما تتواصل المباريات الاعدادية للمريخ مساء اليوم بمقابلة زينت الروسي واتمنى ان لا يتواصل التناول بمثلما كان لمباراة البايرن وان يقدم الاعلام المريخي الخدمة المطلوبة في تسليط الضوء على نقاط القوة والضعف للمريخ بدلا عن المناكفات والمخاشنات

وتتوالى البشريات لإدارة النادي العالمي والتي فاجأت الجمهور ببصين موديل السنة يحملان شعار المريخ وسيتم تخصيص البصين لتنقل اللاعبين داخل وخارج الولاية للمباريات والزيارات لمختلفة وبرضو هيبة المريخ هيبة يا النجمة