دي هديتي ليك يا دكتورنا فتقبلها بدون (غيظ)

قدر ما افتح اذاعة اسمعها..واللاّ قناة تلفزيون من قنواتنا الما عندهن طعم ديل...ولا منتدي... القي المذيع خاتي ليهو زول قدامو.... وشابكنا ضيفنا الاديب الاريب الشاعر المفكر فلان الفلاني)..... اديب دي هينة ممكن اي زول يكون اديب و مأدب وماسك خشمو عليهو وما يطرا اي زول ولا يدخّل خشمو في النضم البي يجيب ليهو النضم ويجيب ليهو الهوا...
زي المنتدي الايام دي
.اريب دي برضو هينة مع اني شايف انها قديمة شوية... اي واحد مننا ممكن يكون اريب.... يغير شريحتو من زين واللا سوداني لي اريبا....واريبا دي زااااتا اظنها اختن لي اريب.....قديمة لانها حسع بقت ام تي ان....وكان ممكن المذيع يقول لينا الاديب الامتن... نحن طوالي بزكاؤنا... بنعرفو انو زول ام تي ان(بعدين عاينو جاي ما تشوفونا كدي..نتطهّم ونضهّب .ونعديها كلها من شكل ومنابيذ. وبوست يزنقوك بيهو زنقه .....؟
والواحد فينا شايلو الهواء وماشي؟....نحن شعب زكي خالص..... وممكن كل اديب يتعرف من شريحتو ..الاديب الازيّن دا بتاع زين..الاديب السادن دا بتاع سوداني ...لكن نسوي شنو مع المذيعين البيمسكو في شي لو ما قالت الروب ويومن اسود يومي الجيت مارق عليكم وقبضتو فيني، ما بيفكوها....قبال كدي في فترة.... الشعراء مسكو في الحصين..... كل شاعر يجي ويقول لنا خيلي فترت..خيلي جقلبت والشكر لي حماد...وبعدين مكجنين الحمير يا كافي البلاء ويمارسو ضدها اقبح انواع الاضطهاد والاستعلاء الشِعِري....مافي ولاشاعر قال لنا حميري فترت.....لكن الحمير ليها خالق....وشاعر برضو هينة اي زول ممكن يبقى شاعر.... يرص ليهو نضم ويقعد يأشر بايديهو ويدفر ويرفس بي كرعيهو.... ويصر حواجبيهو.... ويرمي درابو في وشينا ويمشي....وبعد يومين نسمع ادوهو جائزة...وماشي يشارك في مهرجان الشعر العربي وين ما عارف....ويجي الطيش....ما مهم المهم انو شارك.....اما المفكر دي موضوع تاني ....وخاصة لو سالوهو عن الفكر والتفكير ينجعص ويقول لنا كلنا( الفكرة...آآآآآآآح....الفكرة....آآآآآآح يا الفكرة!!!..... الفكرة تنبع من وجدان المفكر..والمفكر الجد جد والبي صُح يتعمق في الموضوع يدخل فيهو جووووووا وما يجي مارق منو الا يكون جاب ضقلا يكركب...عندك مثلا كلمة "وطن".... فهي تتكون من تلاتة حروف واو طاء ونون....الواو هو واو الجماعة(الضكور) ومن شروط الوطن وجود الجماعة اي جماعة ما ضروري ياتو جماعة......والطاء ...طا طين اي الارض...وهي شرط ايضا من شروط الوطن وجود الطين...والواطا.....والنون نون النسوة.... النسوان في الوطن مهمات....لضمان التناسل .... والتكاثر والحفاظ على النوعية......اها كيفيني ليك في تفكيري؟... حاول عدة مرات ان يكون مفكر...وقدر ما قعدت وختيت ايدي فوق جضمي وسرحتّ.....وقعدت افكر ..ما لقيت لي شي افكر فيهو..ومع اصراري اني اكون مفكر زي باقي خلق الله ديل....في النهاية ربنا هداني للبنطلون السيستم..... وقعدت وما زلت افكر يا ربي الولاد ديل فهمهم شنو في البنطلون الناصل دا؟
قلت لا دي موضه والشباب بقلدو ساااي..... في اخوانا السود بتاعين امريكا الحله...وما يجي واحد فيكم يقول لي انت
عنصري.... انا من زماااان عنصري شديد كمان واكون قتلت ليكم الدش في ايدكم....؟
طيب ناس البوستات المفتوحه وسيدا رايح ولا عامل رايح...دا من شنو....؟
وناس قريعتي راحت الزي كدة يقولو شنو في زول شال البوست بصمه خشمو ووداهو الكوشه ولا الراكوبه....
طوالي تقتنع ان بوستيك شكلو شوالات وخيش وعيدان مكسحه ولا يمكن له ان يكون في الصف الاولاني... ولذلك نقلو ليك هناك ..يا عشوائي وبقدرة قادر يجنك ستات الشاي وناس ( ترمس ترمس كبكبي يا ) مزمز مزمز يا
والبليه العدسي تحت الراكوبه كيتن عليك.....
عشان كدة ياخواني قلت وبعد تفكير مضني وكبايتين شاي وجبنه ونص وماتسالوني نص شنو....
بس قلت ابقي مفكر والرائدة الله بتقوم.....

ودي رغم انها دون المقام ولكن تقبلها ولك فائق الود

المشاركة الأصلية كتبت بواسطة ابوذر حسن طه

قدر ما افتح اذاعة اسمعها..واللاّ قناة تلفزيون من قنواتنا الما عندهن طعم ديل...ولا منتدي... القي المذيع خاتي ليهو زول قدامو.... وشابكنا ضيفنا الاديب الاريب الشاعر المفكر فلان الفلاني)..... اديب دي هينة ممكن اي زول يكون اديب و مأدب وماسك خشمو عليهو وما يطرا اي زول ولا يدخّل خشمو في النضم البي يجيب ليهو النضم ويجيب ليهو الهوا...
زي المنتدي الايام دي
.اريب دي برضو هينة مع اني شايف انها قديمة شوية... اي واحد مننا ممكن يكون اريب.... يغير شريحتو من زين واللا سوداني لي اريبا....واريبا دي زااااتا اظنها اختن لي اريب.....قديمة لانها حسع بقت ام تي ان....وكان ممكن المذيع يقول لينا الاديب الامتن... نحن طوالي بزكاؤنا... بنعرفو انو زول ام تي ان(بعدين عاينو جاي ما تشوفونا كدي..نتطهّم ونضهّب .ونعديها كلها من شكل ومنابيذ. وبوست يزنقوك بيهو زنقه .....؟
والواحد فينا شايلو الهواء وماشي؟....نحن شعب زكي خالص..... وممكن كل اديب يتعرف من شريحتو ..الاديب الازيّن دا بتاع زين..الاديب السادن دا بتاع سوداني ...لكن نسوي شنو مع المذيعين البيمسكو في شي لو ما قالت الروب ويومن اسود يومي الجيت مارق عليكم وقبضتو فيني، ما بيفكوها....قبال كدي في فترة.... الشعراء مسكو في الحصين..... كل شاعر يجي ويقول لنا خيلي فترت..خيلي جقلبت والشكر لي حماد...وبعدين مكجنين الحمير يا كافي البلاء ويمارسو ضدها اقبح انواع الاضطهاد والاستعلاء الشِعِري....مافي ولاشاعر قال لنا حميري فترت.....لكن الحمير ليها خالق....وشاعر برضو هينة اي زول ممكن يبقى شاعر.... يرص ليهو نضم ويقعد يأشر بايديهو ويدفر ويرفس بي كرعيهو.... ويصر حواجبيهو.... ويرمي درابو في وشينا ويمشي....وبعد يومين نسمع ادوهو جائزة...وماشي يشارك في مهرجان الشعر العربي وين ما عارف....ويجي الطيش....ما مهم المهم انو شارك.....اما المفكر دي موضوع تاني ....وخاصة لو سالوهو عن الفكر والتفكير ينجعص ويقول لنا كلنا( الفكرة...آآآآآآآح....الفكرة....آآآآآآح يا الفكرة!!!..... الفكرة تنبع من وجدان المفكر..والمفكر الجد جد والبي صُح يتعمق في الموضوع يدخل فيهو جووووووا وما يجي مارق منو الا يكون جاب ضقلا يكركب...عندك مثلا كلمة "وطن".... فهي تتكون من تلاتة حروف واو طاء ونون....الواو هو واو الجماعة(الضكور) ومن شروط الوطن وجود الجماعة اي جماعة ما ضروري ياتو جماعة......والطاء ...طا طين اي الارض...وهي شرط ايضا من شروط الوطن وجود الطين...والواطا.....والنون نون النسوة.... النسوان في الوطن مهمات....لضمان التناسل .... والتكاثر والحفاظ على النوعية......اها كيفيني ليك في تفكيري؟... حاول عدة مرات ان يكون مفكر...وقدر ما قعدت وختيت ايدي فوق جضمي وسرحتّ.....وقعدت افكر ..ما لقيت لي شي افكر فيهو..ومع اصراري اني اكون مفكر زي باقي خلق الله ديل....في النهاية ربنا هداني للبنطلون السيستم..... وقعدت وما زلت افكر يا ربي الولاد ديل فهمهم شنو في البنطلون الناصل دا؟
قلت لا دي موضه والشباب بقلدو ساااي..... في اخوانا السود بتاعين امريكا الحله...وما يجي واحد فيكم يقول لي انت
عنصري.... انا من زماااان عنصري شديد كمان واكون قتلت ليكم الدش في ايدكم....؟
طيب ناس البوستات المفتوحه وسيدا رايح ولا عامل رايح...دا من شنو....؟
وناس قريعتي راحت الزي كدة يقولو شنو في زول شال البوست بصمه خشمو ووداهو الكوشه ولا الراكوبه....
طوالي تقتنع ان بوستيك شكلو شوالات وخيش وعيدان مكسحه ولا يمكن له ان يكون في الصف الاولاني... ولذلك نقلو ليك هناك ..يا عشوائي وبقدرة قادر يجنك ستات الشاي وناس ( ترمس ترمس كبكبي يا ) مزمز مزمز يا
والبليه العدسي تحت الراكوبه كيتن عليك.....
عشان كدة ياخواني قلت وبعد تفكير مضني وكبايتين شاي وجبنه ونص وماتسالوني نص شنو....
بس قلت ابقي مفكر والرائدة الله بتقوم.....

الجميل زورو
تحيات و اشواق كميات
اجمل حاجه الزول يكون عارف روحو داير شنو ؟
و يعرف يصل للشنو ده كيف ..
والا حيكون زول رايح ساااااااااااى
و فى هذا البلد الاستثنائى ( فى كل شئ )
توجد خيارات عديده ( لما يريده الزول )
انا لا اهتم بان اكون اريباً او سادن او حتى رجل زين
لكن صراحة
اؤمن بان الرجل العاقل فى هذا الوطن يجب ان يكون
منظم حتى تتنظم كل حياته
وحاجاته
فكرت فى ان اكون منظماً
لكن لان الطبع يغلب التطبع
وجدت نفسى لا استطيع الفكاك من
العشوائيه التى ادمنتها
او
ربما ادمنتنى

تخريمه جبانه
انا ما الدكتور لكن هديتك ما ( هنايه بس )

المشاركة الأصلية كتبت بواسطة ابوذر حسن طه

...وبعدين مكجنين الحمير يا كافي البلاء ويمارسو ضدها اقبح انواع الاضطهاد والاستعلاء الشِعِري....مافي ولاشاعر قال لنا حميري فترت.....لكن الحمير ليها خالق....وشاعر برضو هينة اي زول ممكن يبقى شاعر.... يرص ليهو نضم ويقعد يأشر بايديهو ويدفر ويرفس بي كرعيهو.... ويصر حواجبيهو.... ويرمي درابو في وشينا ويمشي....وبعد يومين نسمع ادوهو جائزة...
الفكرة تنبع من وجدان المفكر..والمفكر الجد جد والبي صُح يتعمق في الموضوع يدخل فيهو جووووووا وما يجي مارق منو الا يكون جاب ضقلا يكركب...عندك مثلا كلمة "وطن".... فهي تتكون من تلاتة حروف واو طاء ونون....الواو هو واو الجماعة(الضكور) ومن شروط الوطن وجود الجماعة اي جماعة ما ضروري ياتو جماعة......والطاء ...طا طين اي الارض...وهي شرط ايضا من شروط الوطن وجود الطين...والواطا.....والنون نون النسوة.... النسوان في الوطن مهمات....لضمان التناسل .... والتكاثر والحفاظ على النوعية......اها كيفيني ليك في تفكيري؟... حاول عدة مرات ان يكون مفكر...وقدر ما قعدت وختيت ايدي فوق جضمي وسرحتّ.....وقعدت افكر ..ما لقيت لي شي افكر فيهو..ومع اصراري اني اكون مفكر زي باقي خلق الله ديل....في النهاية ربنا هداني للبنطلون السيستم..... وقعدت وما زلت افكر يا ربي الولاد ديل فهمهم شنو في البنطلون الناصل دا؟
قلت لا دي موضه والشباب بقلدو ساااي..... في اخوانا السود بتاعين امريكا الحله...وما يجي واحد فيكم يقول لي انت
عنصري.... انا من زماااان عنصري شديد كمان واكون قتلت ليكم الدش في ايدكم....؟
طيب ناس البوستات المفتوحه وسيدا رايح ولا عامل رايح...دا من شنو....؟
وناس قريعتي راحت الزي كدة يقولو شنو في زول شال البوست بصمه خشمو ووداهو الكوشه ولا الراكوبه....
طوالي تقتنع ان بوستيك شكلو شوالات وخيش وعيدان مكسحه ولا يمكن له ان يكون في الصف الاولاني... ولذلك نقلو ليك هناك ..يا عشوائي وبقدرة قادر يجنك ستات الشاي وناس ( ترمس ترمس كبكبي يا ) مزمز مزمز يا
والبليه العدسي تحت الراكوبه كيتن عليك.....
عشان كدة ياخواني قلت وبعد تفكير مضني وكبايتين شاي وجبنه ونص وماتسالوني نص شنو....
بس قلت ابقي مفكر والرائدة الله بتقوم.....

هديتك مقبولة اذا كنت قاصدني بيها يا ابو ذر بس صراحة هدية امبارح احسن كتير من الت الليلة...أمبارح قمت اعرض لك في المكتب مع زولتك لكن قفلت الباب عشان ما يقولو مجنون.
بالجد يا ابوذر نوعية كتاباتك الصحفية دي في ناس بتدفع فيها قروش وانت والله اظنك 75........ودي يعني انت ضايع ساي وسطنا هنا كان مشيت شفت ليك صحيفة صفراء من حقات الخواجات ديل وكتبت فيها جنس كتابتك دي امورك بتسلك وتاني ما بتجيب لينا سيرة الهناي ولا الهناية ..........بنشوفك ساي من بعيد مصنقر في العربات السمحة .....بس بالله ما تنسى اصحابك ناس هناي.....
اما فيما يلي شعر الحمير فقد سمعت لك احدهم يقول:
زمن الدهاريب والهواء المتخنق
كم كشيت حمير خليت دحوشا تهنق
وكش الحمير زمن الدهاريب كناية عن الشجاعة وعدم خوفه من العواقب رغم نهيق الدحوش.............
وأنا والله شخصيا بعد ما رشيتني (ودي جاية من الرشوة يا زول عشان ما تفهم غلت) بالهدايا قررت انو اقيف في صفك لكن كدي اول شئ اعمل ليك صف......

زورو
والله العظيم
مشتاقوووووون