أبجد هوز (ربنا يرحمها )

وأوضح الدكتور المعتصم عبد الرحيم وكيل وزارة التربية والتعليم في تصريح لـه ان هنالك اتجاه لإضافة سنتين لمرحلتي الأساس والثانوي لتصبح عدد السنوات الدراسية (9) سنوات للأساس بدلا من (8) وأربعة سنوات للمرحلة الثانوية بدلا من ثلاث
وفيما يختص بالمناهج قال وكيل وزارة التربية ان هنالك تامين واتفاق علي إلغائها بمحتوياتها الحالية مع إدماج بعض الكتب مع بعضها وفصل البعض الأخر وجعل بعض المواد كتب مصاحبة.إنتهي الخبر.
فهمتو حاجة ياجماعة الحاصل شنو حقل تجارب مرة اساس ومرة تمنية وتاني تسعة حتي التعليم مناهج ما انزل الله بها من سلطان هل يعقل طالب بي شنباتو عمرو 18 سنة يدرس مع طالب لم يتجاوز السابعة وين التربية فيمايسمي بالتربية والتعليم زمان ماقلنا الاساس دا مافي داعي ليهو ومالو النظام القديم ابتدائي ومتوسط وثانوي تدرج في المراحل وتغيير لنفسية الطلاب الذين اصبحت عقولهم لاتستحمل مثل هذه الخزعبلات وكل من نام بليل وحلم الصباح داير ينفذ قراراتو ويجربها فينا وفي ابنائنا يعني كتبكم دي لو مانافعة كنتوا من الاول واجعين بيها رؤس الطلاب ليه .حليل زمن النايل كورس وجينير بقينا نسمع بي الانجليش هوم هي فضل فيها هوم عمركم سمعتوا بي العضوية والمولارية في الابتدائي الليلة طلاب الاساس بيدرسوها بالله عليكم دي قدر عقولهم كدي واحد يشوف كتب اخوانو ولا اولادو ويشوف الكلام الفيها والله انا واحد من الناس تفاجأت بي حاجات درسناها في الثانوي حاليا موجودة في كتب الاساس وبعد دا كلوا يجو يقولوا ليك عدم اعتماد الشهادات السودانية في الخارج ماليهم حق مايعتمدوها اذا كانت دي طريقتكم كل يوم طريقة جديدة في التدريس وحتي في السلم التعليمي والمناهج كمان الله يكون في عونا وربنا يفكنا من البلاوي دي ونحصل من سبقونا بألاف السنين الضوئية الله يرحم التعليم في السودان .

هوي يالبرنس انتو زاتكم شعب جنوا نقه نلغي ليكم الابتدائي وندمجو ليكم مع الحضانه والروضه والابتدائي تقولو ووب نجيب ليكم الحضانه مع الثانوي عشان نشجع المراهقين علي الولاده والذي منو تقولو لالا البامبرز غالي نودي ليكم الثانوي العام مع ناس الماجستير تقولو ياخي ناس الثانوي العام اعترضو .. ياخي ان شاءالله بكره البشير ده يجيب ليكم مبارك الكوده ويبقيهو ليكم وزير التعليم علشان ينقل ليكم الطلبه ديل انجمينا عشان زاتو يريحنا من نقة الشعب الجنو نقه ده ياخي ........