شريف الفحيل يقول (انتظرونى انا وريماز فى عيد الحب)

خبر غريب وتعبان وخيبان تناقلته المواقع الألكترونية جاء كما يلى:
جدد الفنان شريف الفحيل الحديث عن علاقته بالفنانه ريماز ميرغني ،حيث قال :انا عبركم احييها كما قال اكون مبالغا اذا قلت ان اى احد يتمني ريماز كزوجة فريماز لها الصفات السمحة الجميلة مايجعل كل انسان يتمناها لكنه عاد وقال (تربطني علاقة اكبر فهي اختي ونتلقي في الافكار الفنية وتتجاوب مع مشاريعي وانا ايضا اتجاوب مع أي مشروع تقدمه وبالتالي تجاوزنا مع بعض الكثير من المحطات حتي اصبحنا كاننا خرجنا من رحم واحد فرب اخ لم تلده امك ،واضاف الفحيل انه سيتم انتاج عمل خاص مع الفنانه ريماز ميرغني سيتم تقديمه في ثوب انيق وتجري الان البروفات والعمل يسير بشكل طيب وسيرى النور عما قريب من خلال عيد الحب وهو عمل ياخذ طابع الرومانسية والحب بين الناس.

يا اخوانا عليكم الله دى ما حاجة تطمم البطن وترفع الضغط؟
ياخ الناس فى شنو والزول ده فى شنو؟
الشباب بموتوا فى الميادين والشوارع والزول ده بستعد لتجهيز عمل فنى
عشان يقدمو فى عيد الحب،قال شنو(حتي اصبحنا كاننا خرجنا من رحم واحد فرب اخ لم تلده امك)؟؟؟؟
قال ح يقدموا فى عيد الحب وهو عمل ياخذ طابع الرومانسي
ياخى رومانسية شنو؟والناس فى شنو وانت فى شنو؟
لا حولا ولا قوة الا بالله
واخر دعوانا ان الحمد لله رب العالمين.

يا شاب ما تضايق رقبتك ساكت
قلت لى خرجوا من رحم واحد ...
فى دى كضب لانى بشك انهمخرجو من نفس البويضة
احترامى

كل واحد بغني علي هواه

والطيور علي اشكالها تقع

صحي المثل البقول ليك

الناس في شنو والحسانيه في شنو

قال شنو رومانسيه هو الشعب ناقص رومانسيه

تمساح
ابو عمر
اشكركم جدا للمواساة
وحقا هذا الفنان يغرد خارج السرب
ويعرض خارج الحلبة
ماساتنا ان مثل هذا الفنان اصبح لا يتجاوزه الزمن
لذا فانه يكبر ويكبر
فيعمق جراحاتنا ويمعن فى اذيتنا
ويفقع مرارتنا زاتو
....
ربنا لا تؤاخذنا بما فعل السفهاء منا