رايكم شنو ؟!

افيدوني افادكم الله؟

الشريف مبسوط مني عشان انا بريد فني
مشيتلو باحساسي وبطبعي الاساسي
محتشمه ملتزمه خاته توبي فوق راسي
سودانا حافظاهو ما رميت مستواهو
غنيت في نيجيريا للناس البتهواهو
لقوني مافيشه قطعوا قايلني فيشه
مشيت بدعوة خاصه ما اتخففته ريشه
غنيت للحكومة في قلوبنا مرسومة
انا من الناس محسوده والله مظلومه
الحيين والماتو !!!!!!!!!!!!!!!!!!!!!!!
عرفو ا فني وغلاتو
الغالي بغلاتو نيجيريا تضوق حلاتو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هناي ويا هنايه امسكوا القنايه
المرسيدس ولكزس بكره الهمر جايه
اللكزس هديه ما علاقه شخصيه
انا شرفي حافظاهو ما بدور لي وصيه
اللكزس فريده وفي العربات بريده
مهما الناس يقولوا هي اجمل حديده
حسدوني المعايا في روعة غنايا
غنايا من جوه اغاني ملانه قوه
كتبه كوباني وامجد حمزه خوه
جيت مالكم سكتوا طرشتو واتبكمتو
جيت لبلدي تاني والعاقل يطلع شجرتو

صحيح الدنيا ما بترحم تزيد همي العلي هموم
تقيف دائماً مع الظالم وتنسي براءة المظلوم

تقيف دائماً مع الظالم وتنسي براءة المظلوم

سفيان إنتا رايك شنو

إنتا شاهدت الشريط بتاع الحفلة دى

والله مسخرة وشوهت صورة السودان بطريقة مزرية وتقول براءة المظلوم

مظلوم بتاع شنو .

شاهدو الشريط وشوفوا براءة المظلوم دى .

وليس لنا قول غير

(نساء كاسيات عاريات مائلات مميلات رؤسهن كأسنمة البخت المائلة

لا يدخلن الجنة ولا يجدن ريحها وإن ريحها توجد على مسيرة كذا وكذا )

وعافانا الله وإياكم

ودمت بكل خير

ابوسفيان ابيييييييييييييييييت انا ماعايز ارد لاني بخجل................. اوعندي كرامة

الحبيب البرنس
عفواً فقد التبس عليك القصد
عندما قلت (تقيف دائما مع الظالم وتنسي براءة المظلوم)
فالظالم عندي هذا الزوق المنحط والمظلوم المستمع
من اخر المستحيلات ان نقف او نشجع مثل هذا الفن
والشريط هو الذي جعلني اكتب هذه المهزله ولعلمك
عندما شاهدت الشريط شاهدته وانا مجبر ومن باب
العلم بالشي
الغالي ابن النيل
اياك ثم اياك ان تخجل فهولاء هم من يفترض بهم
ان يموتوا خجلاً

مع كل التبرج والإباحية الموجودة في حفلة عيد ميلاد ولدها بحضور الشريف جابت ليها كمان عبث بالنعمة وانا لو من ناس الامارات لرفعت عليهم دعوة باهانة عملتم بالرقص عليها لكن دا كلو من عدم الوالي....(اللهم لا تؤاخذنا بما فعل السفهاء منا)

ابو سفيان تسلم للفتنا لهدا ال......................... عموماً انا شخصياً الشريط ما شفته لكن طبعا سمعت بكل حاجه فيه ,,,,,,,,, عموماً الله يكضــب الشينـه ,,,

ودمتـــــــــــــــــــــــــــــــــــــم

غايتو البعرفو ولد المراءة دي تعب من لقيط القروش ويشهد الله حنيت عليهو....
لكن الظالم والمظلوم الله عااااااااارفو....
والله يسلمنا ولايمحنا ولايبلينا

اللهم لا تؤاخذنا بما فعل السفهاء منا - بالله يا جماعه المستوى وصل للدرجة المنحطه دي - ياخ زمان الشعب السوداني بيضرب بيهو المثل في أخلاقه و قيمه و موروثاته - حسبي الله و نعم الوكيل

اخى ابو سفيان انا لم اشاهد الشريط لكن سمعت عنه كثيرا . وحسب سمعى ان الشريط عكس صورة لا تليق بالفن السودانى الراقى المحافظ على الزوق الاصيل كان يجب على المسئولين بالدولة ان يحاسبوا هذه الفنانة على ما ارتكبته من خطاء فى حق الشعب السودانى .