حب حسب المهنة

بسم الله الرحمن الرحيم
حب حسب المهنة
تعالو شوفوا الجماعة ديل اى واحد عبر عن حبو لمحبوبتو كيف:
بسم الله الرحمن الرحيم
حب حسب المهنة
@كتب سائق حافلة سفرية لمحبوبته
بحبك اكتر من حبى لفردة يوم احد وخميس
واكتر من حبى لفردة عيد التذاكر سوق اسود وبالتحنيس
واكتر من حبى لشارعا ملان ركاب وخلقو دفيس
هادى لا بتسمع فيهو صفافير ناس حركة لا بوليس

@وكتب موظف
بحبك اكتر من حبى لحافز بصرفوهو دوام للعيد
واكتر من حبى لصرف مرتب والتوقيع فى البيشيت
واكتر من حبى لترقية بتفرح وتخلى المرتب ازيد
واكتر من حبى لذوق صاحب بقالة معاملتو حلوة شديد

@وكتب معلم لمحبوبته:
بحبك اكتر من حبى للمدارس الخاصة القروشا كتيرة
واكتر من حبى للدروس الخاصة لطالب ابوهو وظيفتو كبيرة
واكتر من حبى لفرصة انتداب كت راجيها فترة طويلة
واكتر من حبى لفروقات ترقية بتساهم كتير فى الشيلة

@وكتب تاجر
بحبك اكتر من حبى لتجارة كل انواع العملة
واكتر من حبى لسوقا قالب فيهو البيع بالجملة
واكتر من حبى لكاش زبون دفعياتو دوام مكتملة
واكتر من حبى لمخزن مستف ما فيهو فرقتا تدخل نملة

@وكتب صاحب مطعم وقهوة
بحبك اكتر من حبى لطلبات الكبدة والسمك والشية
واكتر من حبى لطلبات البلدى والقراصة بالدمعة والتقلية
واكتر من حبى لطلبات الفول المصلح بالبيض والجبنة والطعمية
واكتر من حبى لكفتيرة شاى عدادا رامى من الصباح حدو عشية

@وكتب لاعب كورة
بحبك اكتر من حبى لهدفا احرزتو فى زمنا قاتل شديد بالحيل
واكتر من حبى لتشجيع جمهور نهاية الكورة بتشيلنى عديل
واكتر من حبى لاعلاما بكتب دوام عنى وبثنى عليا كتير
واكتر من حبى لموسما مفكوك فيهو وجاهز لسماسرة التسجيل
واكتر من حبى لفرصة احتراف ولو فى تيم النجم الكبير اوزيل

هههههههههههههههه

ضحكتني بجد ابراهيم

الاخ ابوعمر اضحك الله سنك
والامنيات ان يكون المزاج دايما رائق والناس مبسوطة 24 قيراط

@ وكتب واحد غلبان
بحبك ذي تُراب أرضي
ذي النيل بيجري أصيل فى عروقي
ذي التاكا ثابته فى تراث شرقي
وأكتر من زروع جزيره مرويه من شوقي
وأحلام مُزارعيه بحصاد قمح بلدي
ذي زهره رويانه شذاها يفوح بي حُبي
وذي كلمة علم بتضوي ظلام جهلي
ذي النسمه حلوه تهُب على صيفي
وذي مطر الخريف يروي جفاف أرضي
..
لك التحيه ابراهيم ود الريفي
"

و كتب مكنيكي يعبر عن حبه :




بريدك ريدة زي صامولة مربوطة و مقرطة تب
و زي مكنة مغيرة زيتها و نار بوايجها تشب
و موزون بلوتينها مستف تنكيها لامن برة يكب
عجلاتا لنج بوديها ما فيه دقة لا رشة لا معجون اصب
جربوكسيها مظبوط لا صوت كرونة نركب بس نجرب

الاستاذة تسابيح
الاستاذ ابوهمام
اسعدنى مروركم لكم كل الشكر والفدير على المشاركة الحلوة

هاهاهاهاها
والله بوست جميل
مشكور اخونا ابراهيم ود الريفى على الطلة الخفيفة والظريفة

وهاكم ده واحد مكنيكى
صوتگ سوسو سو
زي سويتش آلگريسيدآ

يآ فلآنة يآ دينمو آلقلوپ
يآ هنآية گهرپتگ شديدة

وقليپي زي پستتم
مگنتو آستاندر چديدة

فگيو گلتش آلريد خلآس
ودوسيهو پنزين حپنآ
وأرمي آلترس ,,,

ترسآً تقييييييييييييييل
تچيپيهو من هنآ لي هنآ
سنه يا انا

ههههههه مشكور اخونا ود الحصاحيصا على المرور القمة فى الروعة والظرافة ولك خالص التحايا
وهاك دى قطع اخدر
قال شيال
بحبك اكتر من حبى لكوراك زول بقول شيال
بمشيلو سريع بلقى عندو قفاف مليانة خضار
بهمة ونشاط برفعا ليهو فى كارو حمار
بحاسبنى وبقول لى البتاكلو كلو حلال