عاجل / هبوط طائره فى احد احياء مدنى .... اشخاص نزلوا منها و غادرو بركشه !!!

مدنى / حسن محمد
فوجئ مواطنو حى عووضه و حى المنيره بمدينة ود مدنى فى تمام الساعه التاسعه و النصف من صباح
امس ( الاثنين ) بهبوط طائره هليكوبتر عسكريه فى ميدان شعبى يعج بالاطفال و الشباب اثناء ادائهم مرانا
فى كرة القدم بينما صبيه اخرون يمارسون اللهو فى الميدان ذاته .
و اثار الهبوط المفاجئ الذى لم يكن يخطر على بال سكان الحى الآمن و الهادى حاله من الذهول و الدهشه
وسط المواطنين و الماره من هول المفاجاة .
الصدفه وحدها كانت وراء وجود مندوب ( الاهرام اليوم ) فى قلب الحدث النادر حيث افلحت الصحيفه فى توثيق
الحادثه بالصوره التى لا تكذب ولا تتجمل.
لكن المفارقه العجيبه تضفى على الحدث بعداً اخر يتطلب معه الوقوف على المخاطر المحتمله جراء الحدث
حيث لوحظ عدم وجود اى قوه عسكريه لحفظ النظام و تامين المنطقه او وجود عربة اطفاء تحسباً لحدوث اى
طارئ .
و شاهد الحاضرون افراداً ينزولون من الطائره و من ثم يستغلون (ركشه) لتكملة مشوارهم و سارعت الصحيفه
بالاتصال بمدير شرطة محلية ود مدنى الكبرى للوقوف على حقيقة هبوط الطائره فى هذا المكان فى ظل وجود مهبط
للطائرات داخل مدينة ود مدنى ( غير انه نفى علمه بالحدث )

صحيفة الاهرام اليوم
الثلاثاء 5 يونيو 2012م
الموافق 14 رجب 1433
العدد (877)

يابوامجدياهوده السودان لاتستغرب اوتتعجب ياخى ماامكن هيلكوبترخصوصى وبعدشويه حاتشوف الدبابات عادى شغالات فورمزاد والكلاش مفروش مع البصل قلت لى تموالباقى بى ركشه

و الله يا أبوأمجد الحكومة الهاملة دي تتوقع منها أي شئ ، غياب أمني في الغرب و الشرق
ربنا يستر بس!

والله ده اغرب خبر
ياخى معقوله الإستهتار وصل للدرجه دى؟
والله دى قصص عجيبه
اها ومدير الشرطه ما كان عارف بعد ما عرف عملوا شنو يا ربى؟
والناس الركبوا الركشه دى مشوا وين؟والطيارة تابعه لى وين؟
كلام غريب
مشكور ابو امجد على الخبر وفعلا البلد دى تتوقع فيها اى شى

والله كلام عجيب ليه ركبو ركشة مادام جاءوا بطيارة يغلبهم يركبوا ليهم سيارة على مستوى ؟؟
وبعدين الطيارة خلوا مع منوا وين مشوا ؟؟
وين جماعة الدفاع بالنظر ؟؟
وين فى مدنى يعنى وسط السودان والشرق والغرب والشمال ايه بيحصل فيه ؟؟
ومدير الشرطة قال ما عندو خبر كان بصلى فى العشاء ؟؟
ابوامجد ان بوقف الاسئلة هنا الى ان تاتينا باجوبة هذه الاسئلة
ابوامجد كمل جميلك وجيب لين خبر الجماعة ديل