أكتب رسالة حب/ ممنوع دخول أقل من 35 سنة؛؛؛

كنت عايز صورة منك أصلو صورتك سر شقايا .

أصلو حبك فيني نامي و جاري في الدم و الخلايا .

و نظرة من عينيك كفاية كل أول ليهو آخر إلا حبي بلا نهــــــــــــــــــــاية .

لو نسيتونا كلمونا ولو كرهتونا خبرونا بس حرام من رسائلكم تحرمونا.

تحياتي يا دكتور..
أول شئ حمداً لله ع السلامة..
و ليه حارم أقل من 35 من الدخول و المشاركة..؟
ما تخلي (البلي) الصغار بتاعين طاشرات ينداحوا..؟
هسع أنا عندي كلام في الحُب و بعد كتبتوا ، خليتوا..!! لأني خفتا المدام تقوم تتصفح النت في وقت أنا مافي و تقوم تقول الراجل ده جاهوا الخرف المبكر و بدأ يتكلم برهـ من راسو..!! ده طبعاً لو ما دقتني ب(السفنجة).. و ربنا يكرمك و السامعين..
يعني يا حُب و أكل جوه البيت، يا أمشي أشوف لي شقق مفروشة أنوم فيها الليله و بكره إمكن أجي و لا ما أجي..؟
ياي.. ياي..ياي..يااااااااااااااااااااااااااااااااااااااا اااااااااي..
كل الود ..
و دمت

أنا المعجب انا المشتاق أشوف عنيك كل صباح واتعزب
وأسمع من شفاهك ديل ألذ نغم براي أطرب
وتلوح لي في صفاء عينيك بحور اتوه.....أقيف مشدوه اقول ياعبدو إتأدب
...

المشاركة الأصلية كتبت بواسطة الرشيد حبيب الله

تحياتي يا دكتور..
أول شئ حمداً لله ع السلامة..
و ليه حارم أقل من 35 من الدخول و المشاركة..؟
ما تخلي (البلي) الصغار بتاعين طاشرات ينداحوا..؟
هسع أنا عندي كلام في الحُب و بعد كتبتوا ، خليتوا..!! لأني خفتا المدام تقوم تتصفح النت في وقت أنا مافي و تقوم تقول الراجل ده جاهوا الخرف المبكر و بدأ يتكلم برهـ من راسو..!! ده طبعاً لو ما دقتني ب(السفنجة).. و ربنا يكرمك و السامعين..
يعني يا حُب و أكل جوه البيت، يا أمشي أشوف لي شقق مفروشة أنوم فيها الليله و بكره إمكن أجي و لا ما أجي..؟
ياي.. ياي..ياي..يااااااااااااااااااااااااااااااااااااااا اااااااااي..
كل الود ..
و دمت

أستاذ الأجيال الرشيد حبيب الله ..تحياتى لك ... حرمنا أقل من 35 سنة.. لأن الغرض من البوست عايزين نفتش الماضى

. وجايى تفتش الماضى ؟

خلاص الماضى ولىَّ زمان ،

وجفت مقلتى الباكية .. ونامت من سنين أحزان ،

وجاى تفتش الماضى ؟

**

أرجع بالزمن مرة وأتذكر حكايتى معاك ..

تلاقى القصة – جد – مره .

وانا قرأت فى مقال إن بعد ال 35 سنة الإمور تانى بترجع زى أول والحنين بزيد عشان كده دايرين نفتش الماضى. تحياتى لك.

المشاركة الأصلية كتبت بواسطة راشد عبدالرحيم

أنا المعجب انا المشتاق أشوف عنيك كل صباح واتعزب
وأسمع من شفاهك ديل ألذ نغم براي أطرب
وتلوح لي في صفاء عينيك بحور اتوه.....أقيف مشدوه اقول ياعبدو إتأدب
...

تحياتى الأخ العزيز راشد... بينى وبينك بعد ال35 الأدب مطلوب .. والكلام ده عشان الحكومة ما تزعل ذى ما قال استاذ الرشيد.

أول مسموح له بالدخول أقل من 35سنة ..ماذا قال؛