|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩- المكاشفة والتعارف -۩۞۩» قسم يهدف الي تقوية اواصر المعرفة والعلاقات بين اعضاء المنتدي . |
 |
|
|
أدوات الموضوع | انواع عرض الموضوع |
09-20-2012, 05:25 PM
|
#31 | |
|
جنوب أفريقيا بلد نضيفة ،، لو عايز تجدع كعب سيجارة ،، في الشارع ،، بجيك شعور ،، إنوا الأسفلت زعل منـّك ،، عمر سيد فضل الله زول حبيب ،، كان رفيقي النظيف في زمن الوسخ ،، إجتهد عشان أسافر إنجلترا ،، لكن ،، سوء نازل قال كلام تاني ،، سافر هو إليها ،، وقمت مارق أنا القاهرة ،، من شدّة بـُعاد البلد دة أنا أرسلت لصديقي بابكر عبد الرازق وناس نادي النيل خطاب ،، وبعد شهر ،، في يوم رجوعي كان يا دوب بيقروا في الخطاب ،، بلد بعيدة ومـُدهشة ،، أماسي :- |
|
|
|
|
09-20-2012, 08:52 PM
|
#32 | |
 
|
انه بوح بطعم الكاكاو
جميل انت حين تترك الزكريات تتداعى هكذا بلا بداية او منتهى . اماسى هل لفظ البلد ام لفظته ؟؟ المراة اقتحمت اماسى بكل الوان طيفها ترى اى الجنسيات يفضل مقارنة (ببت البلد) ؟؟ اماسى يمتلك قلماً يريد الانطلاق ... هل يحتفظ اماسى بنصوص يعود اليها كل حين و اخر ؟؟ ماذا يكون رد اماسى اذا طلبنا منه رفد مكتبة المنتدى بقسم (يختص بمنتوجه الادبى ) ؟؟ اخى امين لك من الود ما تستحق |
|
|
|
09-21-2012, 12:17 PM
|
#33 | ||
|
اقتباس:
قبل يحرق السيجار الكوبي شنبك ،، بجيك راجع ،، الكاكاو ،، معناه إنـّك ،، كيف أمريكا الجنوبيـّة ،، وإنتا معاها ،، تساسق ،، الهنود الحـُمر ،، والنشاب ،، كيف الشوف عليك شـُبـُاك ،، أها ،، الساساق ،، كلام من خطوتين ،، أم ،، الحنين دفـّاق ،،، ما بين تـُرعتين ،، بجيك ،، و،، أسأل عنـّي بوليفيا ،، بمنتوج أدب ،، لديك الإدارة ،، أم ،، ما ،، سي ،، |
||
|
|
|
09-21-2012, 12:37 PM
|
#34 | ||
|
اقتباس:
أنا لفظت البلد ،، الشـُباك ،، ما إحتمل قول ،، ســُب عليك يا واطة ،، المرأة ما دخلت ،، الشـُباك ما كان موارب ،، الجنسيـّة الأفريقية ،، الخدم علي قول حبوبتي ،، غنوات للعصفورة ،، حاضرين ،، يا حبيب ،، كـُح كـُح كـُح ،، هسـّة خليتني زي حسن أحمد ،، الشكيـّة لي الله ،، كـُح كـُح ،، مالك علي يا جنا ،، أم ،، ما ،، سي ،، |
||
|
|
|
09-21-2012, 02:32 PM
|
#36 |
|
|
العزيز
بقيت اساسق في المسافه وتساكك في الشوارع فاتخذت من العنب سكرا ومن ضل الضحي انفاسا عسي ان تستريح روحي في ظلالك فدونك الايام رقراق والشمس يقت ما زي زمان تلفح وتنفح وتنفخ ونتصبب عرقا لذة للشاربين فما شربنا ولا سكرنا ولكن شوقا اليكم لشديد.........؟ فأين انتم من خارطه تتغير كل يوم وتتمزق كل حين وسالت الله ان يهب لي زريه طيبه ليكون امين ..... فتزوجتا من الكواعب الاتراب تصغرني بكم سنه ضوئيه... وجئتها علي استحياء لاقول لها ( ان ابي كان يناديني ب .. اباظر) فلم اسمع شخص يناديني به منذ زمن بعيد فاحن الي قبر ابي وخصلات شعر امي وهي ارق من الحرير علي السراميك وان كان راس الخيمه.... والضحيه وزكري سيدنا اسماعيل وسكينه وفديناهو بذيح عظيم ....؟ ونقيع التمر يساقط علينا شرابا هنئا..... وياخوي بل الشربوت ولا بل شوقي ايهما تختار فانا فيهم زائب ومذاب.......... وتحياتي عبرك لقبر الوالدة وصديقاتها وركبها الميمون فلها الرحمه ولك الصبر ولي حسن العزاء فتك بعافيه الا ابقي مارق الدنيا فللت والمغارب روحت |
|
كيف اللحاق بركب نعيك والشوامخ لا تطال
|
|
09-22-2012, 07:29 AM
|
#37 | ||
|
اقتباس:
شكيتك علي الله ،، أبوذر ،، أنا جاييك ،، أماسي :- |
||
|
التعديل الأخير تم بواسطة عارف مصطفي ; 09-23-2012 الساعة 05:19 PM
|
|
09-23-2012, 03:05 PM
|
#38 | |
|
يا أبوذر ،،،
لامن ناداك الله وقال ليك تعال في الدُنيا ،، طلب من زول إذن ،، نحن جينا غصب عن عين أبونا ،، ونحن نموت غصب عن عين وشكيت ضـُز علي السـُبـّابة ،، إنتا فاهمني يا أبوذر صاح ،، ربما يتم إيقافي غداً أو اليوم ،، لذلك هاك تلفون ،، 0927888275 ،، أمين محمد عثمان ،، |
|
|
التعديل الأخير تم بواسطة عارف مصطفي ; 09-23-2012 الساعة 05:18 PM
|
|
09-23-2012, 03:21 PM
|
#39 | |
|
عايز أتكلم عن مجدي الفاتح المنصوري ،، كان بصلي الصـُبح في جامع ،، تاني ما برجع ليهوا إلا بعد شهر ،، لأنوا بيعدد المساجد ،، في صلواتوا ،، عشان كدة يوم مات بكت عليهوا المساجد ،، قبل الناس ،، بكي عليه الاّذان ،، قبل العيون ،، يا مجدي الفاتح المنصوري ،، هسـّة سيدنا الحسين جنبك ،، وأبوه ،، عايز منك حاجة يا مجدي الفاتح ،، قول لي عمر بن الخطاب ،، مالك تتاكي في شـُباكك ،، مـرّة مفتوح ومرّات كيفن موارب ،، يعني أجيك ناطي من فوق السماء ،، بحبك يا مجدي الفاتح ،، وبحبك يا عـُمر بن الخطـّاب ،، أماسي :- |
|
|
|
|
09-23-2012, 03:34 PM
|
#40 | |
|
غنوات للعصفورة ،،
ربما ،، نخبر عنها ،، غنوات للعصفورة ،، تداعي الزكريات وتـُرعة طيبة والأحلام ،، الشاشاي ،، والزقزقة ،، الدويبت ،، السنوات التي ،، طشـّت ،، وكيف بحن للذي فعله أبوذر حسن طه ،، وإنعطن مع واحدة ،، علي سـُنـّة الكوز ،، وسبيله ،، بقصد علي سنـّة الله ورسوله ،، الله يزوج لي يا جماعة ،، الله يزوج لي ،، غنوات للعصفورة ،، شقشقة في دروب الزكريات ،، جاياكم ،، أماسي :- |
|
|
|
|
09-23-2012, 06:24 PM
|
#41 | |
|
والله يا جماعة ماني قايل انو في كتابة بتكون ليها طعم ولون وريحة سمحة متل دي يا اماسي ياخي والله نحن مظلومين اننا ما حظينا بصديق زيك
|
|
|
ألحصــــــــــاحيصــــــــــا يا اصـــلنـــــــــــا ومبتـــــــدانا حــلاة مســــــــــــرح صبـــــــــــــــانا وذكــــــريــــاتنـــــــــا ومشتهــــــــــــــــــــــانا
|
|
09-23-2012, 06:43 PM
|
#42 | |
|
السلام علي طه ،،
العيـّاشة ،، بيعرفوها الناس ،، في الحصاحيصا ،، ما في عيـّاشة ،، غيرا في السودان ،، الماعندوا قروش ،، بيجي يشيل القوت من هناك ،، نـــــــــــــص :- غنوات للعصورة :- ــــــــــــــــــــــــ في أمان الله ،، العصفورة تاكـُل ،، ما قفل الضباب الحلـّة ،، ما إنسـلـّة ،، من حلقوم غـُناها ،، النغم ،، وإنحلـّة ،، يوم إنبـلـّة ،، في واطة مشيها ،، الفيتريتة ،، وإنحرق في خاطرا ،، دُنيا كيف منصوبة ،، وشالت طرحتا ،، عصفورة مسكينة ،، في سوق رقيق مجلوبة ،، الواطة غانية ،، من غير تمن منهوبة ،، والمسكوبة ،، أحلام ،، في يوم هبوب مهبوبة ،، اّه العـُش معلـّق ،، كيف تنعدل راكوبة ،، أم :- ما :- سي :- 0927888275 |
|
|
|
|
09-23-2012, 06:53 PM
|
#43 | ||
|
اقتباس:
أنا ما نسيت أبداً عصفورة في الحلـّة الجديدة ،، كلما ،، أشوف قطعة بطيخة ،، وأضوق طعما ،، أقول يا ربي البطيخة بتشبه لي منوا ،، سجم خشمي ،، سجم خشمي ،، وا شرّي الشديد ،، أنا قاعد أحب وحات الله ،، أبوذر حسن طه ،، أظن أنا جاي منقطع ليك توش ،، في سجم رمادك السويتوا دة ،، أقصد الزواج ،، أم :- ما :- سي :- |
||
|
|
|
09-28-2012, 06:30 PM
|
#47 | ||
|
اقتباس:
يا ،، ماسي ،، إنتا أنا ناقص ألف ،، أو ،، أنا إنتا زايد حرف ،، يا ماسي ،، ما أذاب حمض الأسيد أصابع ناجي العلي ،، لكن ،، ماتت أحلام ( حنظلة ) ،، بالمناسبة للتوقيع بتاعك ،، لايوقة هي ،، أماسي :- |
||
|
|
|
09-28-2012, 06:43 PM
|
#48 | ||
|
اقتباس:
الراقي أحمد الهمباتي ،، من قال أنك لست صديقي ،، تعال أوشوش ليك في أضانك ،، لي صديق ( كـُنت ) بحبوا جداً ،، فجأءة ،، وبي قـُدرة قادرة ؟؟؟ قال لي إنتا ما بتنفع صديقي ،، بي نص رسالة ،، أصبت بعدها بإنهيار عصبي ،، وأصبحت عليل ،، وغبت عن المنتدي الأيام الفائتة بعد أن داهمتني غيبوبة مفاجئة وأنا عابر شارع القصر شمال ،، وأسعفني العابرون ،، وما زلت أعاني من تداعياتها ،، و ،، الحمد لله علي شيء ،، أنا متعود علي الإبتلاءات والمحن ،، وصامد بحول لله ،، لذا ،، صداقتي موجعة أحياناً للاّخرين ،، لكـــــــن :- كــُـ صديقي ــــن :- أماسي :- |
||
|
|
|
09-28-2012, 07:11 PM
|
#49 | |
|
يا عصفورة :-
شلتك مطرة ،، للعطشانة من واطة ،، بقت الموية تنزل ،، من سحابك شوق ،، ما نقص النغم من روح غـُناك ،، ما خلـّت قماري القوق ،، مرق الحنين من صدرك الصادح ،، صعد لي فوق ،، وإتعبـّأ السما جلست نجوم بي زوق ،، ما خـُنتي يوم معشوق ،، يا عصفورة من تالاي ،، ما جاتك نبلة وإنتي بتعرفي ،، جاك الحنان بكـّاي ،، جاك بي صوت يرن من ناي ،، ما شلت منـّك وشـّي ،، وأديتك قفاي ،، يا عصفورة تمسحي في شقاي ،، من هجير شمسي من شدّة شقاي ،، كـُنتي الشجرة كـُنت الضـُل ،، يميل دوباي ،، وكان شاشاي ،، حنينك ليـّا يا عصفورة ،، أمـاســي :- |
|
|
|
|
09-30-2012, 11:10 AM
|
#50 |
|
|
سيري يا ركابي للركابي سلقي العصافير وصغار الزرازير من نقيع الفتريته وعيش امريكا وريغان
وحاتك بقت المسافات اقرب من حبل سري واطول من حبل الوريد وتراني اعصر فوق راسي خمر الهوي وفي اضلعي اعوجاج الدرب...... تناثرت كل حروف الهوي واشعار الوداع وحين رحلت ارسلت لي نص لا تزعل مني فانت تعلم مدي تعلقي بعشاش الزرازير وصغار البهم اشتاقن حماماتها وما عادت مياة السكر تغريها......... نفشت بعض ريشها حين افتقدت القطن طويل البال وقصير النظر......... هي مسافات مشيتها معها فما تعبت خطاي ولا كلن غنيمات الحي من مضغ اللبان في ظل الشجرة لاتنسي ارسل لي رساله مفادة اني احبك والايام دي قاعد اغني جنوننا بالخدار الخدار ياناس بس دلوكه ماعندي وايقاعي مشاترونشاز ومحبتي لك هل عندك فيها شك ويقين |
|
كيف اللحاق بركب نعيك والشوامخ لا تطال
|
|
10-01-2012, 06:04 PM
|
#51 | ||
|
اقتباس:
فهذه الحالة التي أنت فيها ،، تزورنـي أحيــاناً مثل ،، مثل حـُمـّي أفريقيـّة هي ،، غربية نوعاً ما ،، ولذيذة نوعاً اّخر ،، فأخرج منها ،، متيقناً من أنني ،، أحتاج لغـُسل جنابة ،، هو الألم اللذيذ الذي يجعلك متأكداً ،، من أنه ستولد لك دهشة ،، من حديقة ما ،، علي شكل زهرة ،، كـُن علي ثقة ،، من حـُبي لك :- أماســي :- |
||
|
|
|
10-01-2012, 06:28 PM
|
#52 | |
|
يا نجمات بساهـر ،،
وبعاين ،، تحت الموية عميقة ،، يا نجمات بتلالي هناك ،، ومعكوسة هنا ،، والقمرة حقيقة ،، هل راودتن يوم عصفورة ،، كانت تلهوا معاها حديقة ،، كان شعراتا سواد الليل ،، ولون يوم بـُكرة بريقا ،، يوم بـُكرة الخايف يمـرُق ،، كانت ،، بتجبد توب النوم من وشـّوا ،، وكان مرّات بتكاسل ،، تجيب الموية ترُشـّوا ،، يصحي يشوف الحاصل ،، يرجع تاني النوم لي عـُشـّوا ،، خايف يمشي يفاصل ،، يدوس العسكر عرشـوا ،، ويكسر فيهوا مفاصل ،، يا نجمات ،، والعصفورة بدل تغريدا ،، شالت كاس السم في إيدا ،، كانت عايزة تفر من قيدا ،، وكانت ،، يا نجمات هل راودتن يوم عصفورة ،، كانت تلهوا سعيدة ،، أمــــاسي :- |
|
|
|
|
10-06-2012, 09:29 AM
|
#54 | ||
|
اقتباس:
يا حبيب ،، أكان سمعك ،، أو قراك ،، أحمد عبد الرحمن ،، عمـّي ،، الشهير بالخميني ،، في الإمتداد ،، الله يرحموا ،، كان أقام عليـّا الحـد ،، بالقراية بس ،، شربوت ما بعرفوا ،، شامبيون بس ،، أكان جاي تعال ،، أكان ما جاي ،، برضوا تعال ،، قول ،، ألو ،، هنا ،، 0927888275 أماســـي :- |
||
|
|
|
10-06-2012, 10:03 AM
|
#55 | |
|
أخــــوي الحبيب :-
محمـــــــد المنصــوري :- مخلبت أنــــا بالشــــوق :- ـــــــــــــــــــــــــــــــــــــ نــــــــــص :- ,,,,,,,,,,,,,,,, ما حكيت القصـّة ،، بيني وبينك ،، ما كان كلام فرض من سـُنـّة ،، والطلع من ديني داخل دينك ،، أنا برضوا بمسح ،، بالسوق والأعناق ،، بمسح في العـرق ،، لو نسيت وكت الصلاة ،، وكانت الدُنيا ،، بتسأل في المغارب ،، ما شفتوه وين ،، حلمانة تسأل في الثعالب ،، والأنياب معبيـّة بالدماء ،، وتمعن في نقيط ،، نقطة دم ،، ونقطة دم ،، هـُس ،، أطبق عليك الفم ،، الصمت المريب ،، والهم ،، الشارع مسرسف باشبـُزق ،، والغـم ،، هـُس ،، الشارع سجـم ،، ما حكيت القصـّة ،، أحسن الحقيقة تكون عدم ،، أمــاســي :- 0927888275 |
|
|
|
|
10-08-2012, 06:08 PM
|
#56 | |
|
الليلة مالك ،،
يا صبيـّة ،، ما شـُفتا دربك بين مسالك ،، ؟؟؟؟؟؟؟ العتمة واقفة علي إجابة ،، قبل ما تسمع سؤالك ،، واقفة مدهوشة وتبحلق ،، الطريق مشغولبو بالك ،، المخالب ديمة تترصـّد جمالك ،، وإنزويتي ،، يا صبيـّة ،، إنزويتي وإنتي خايفة من المهالك ،، حـُفرة مـرّة وخربشة ،، وإيد بتتمدّا وتمزق فالـ ... الشـرف ياهوا الحشـا ،، مـرّة تبكي ،، ومـرّة صامدة ومـُدهشة ،، والطرحة تستـُر ،، محل نقيط الدم ،، كان سؤالي بلا إجابة ،، كانت إجابتوا عدم ،، كانت إجابتوا سؤال ،، مستـّف بالوهم ،، وهم الحياة ،، وضاعت صبيـّة ،، أمـــــاسـي :- |
|
|
|
|
10-09-2012, 05:49 PM
|
#57 | |
|
كثيــــف أنتـــــا ،،
أيـــها الفــــراغ ،، بـــدون رفقـــة تمــضـــي ،، بعيــــــد ،، هـُلامـــــي ،، دون اللمس ،، مـُطـرق الــرأس ،، حـــاســـــر الضــوء ،، إلــي أيـن تمـضــي ،، يــــا ،، فــراغ ،، كثيــــف إنتـــا ،، أمــــــاســي :- |
|
|
|
|
10-12-2012, 06:31 PM
|
#58 | |
|
ساعة الغضب ،،
لا أرعوي ،، شقيقتي دائماً تقول لي ،، يا أميــن ،، تمهــّل ،، ربما يكون ،، من يحادثك ،، نبي الله الخضــر ،، مــُخارجــــة :- مين يفـرّق بين حبايب نادا شوقم ،، أمـاسـي :- |
|
|
|
|
10-31-2012, 04:51 PM
|
#59 | |
|
كم من سنين ،،
علي ضهر الكواس ،، والهجرة ،، قلوب العباد ،، بين أصبعي الرحمن ،، وتبقي الفكرة ،، بين زات الحنين ،، وزات ،، الحنين ،، أماســي :- |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ابوذر حسن طه في مكاشفة تعارفية | ابوعمر | «۩۞۩- المكاشفة والتعارف -۩۞۩» | 25 | 04-16-2012 02:42 PM |
| الشايقي في مكاشفة تعارفية.. | الرشيد حبيب الله | «۩۞۩- المكاشفة والتعارف -۩۞۩» | 18 | 01-05-2012 06:31 AM |
| مكاشفة ( استثنائية) | ريري | «۩۞۩- المكاشفة والتعارف -۩۞۩» | 31 | 07-30-2009 04:14 AM |
| عارف في مكاشفة | ريري | «۩۞۩- المكاشفة والتعارف -۩۞۩» | 56 | 05-05-2009 09:50 AM |
 |
 |
 |
|
 |
العرض العادي
