التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
#1
|
||||||
|
||||||
قصيدة رائعة إسمها ( الشاكوش ) 000 نقراها أحسن
كهربجى ....عبدو
كتبت هذه القصيدة في طالب في جامعة الخرطوم اسمو "عبدو" وكان بحب واحدة لدرجة الجنون وكان خجولاً فلمّا حكى لزميله في الداخلية عن قصة هذه البنت نصحه زميله بأن يفاتحها في الأمر ، فرد عبدو :- "حفضل أكهربها ليك لو جا ملاك يخطبها ح ترفض وأحسن أكون تقيل أنا زول جميل وقيافة " ... وفضل صاحبنا "عبدو" يكهرب لحدي ما بطاريتو نزلت وفي النهاية جا مغترب وخطب البت .. وصار عبدو يكيل وهنالك مصطلح في جامعة الخرطوم متعارف عليه "إذا أحب طالب زميلته وتزوّجت من غيرو" شاكوش ب معنى آخر .. بقولوا "أدتو شريط".. في الليلة ديك القصة ذاتها بقت عليك يا عبدو وأدوك الشريط يوم قولنا ليك أنضم معاها وكلّما أبيت تسمع كلامنا وبقيت لميض وقلته أحسن أكون تقيل أنا ما جميل وبقيت تقيل لامن سقوك موية الغسيل وجيت تنطط زي زمان وتباري بقعور الشجر كايس كراسي الخيزران .. وقعدته يا زينة الرجال.. كهربجي قال رفعوا الستار والبت تجي ومرات تقيف ومعاها يا زول ولداً حريف والوقفة كانت وقفة ولف صاحبنا بالاحساس عرف سألته والناس كلّموك ووقعته في شارع الزلط تبكي وتجعّر والعيون اتورّمت ويد القميص ضهر القميص كم القميص حتى الفنيلة اتشرّطت يا عبدو عيب قوم يلا صلي على الحبيب الواطه صبحت دايرين ننوم يا أخوانّا لأ أنا عايز أموت أقع البحر يا عبدو عيب الدنيا حر .. والموية بتسخّن عليك ثلاثة ساعات زولنا يسب ويكيل ودموعو سايلات بالكفوف وشرايطو تلمع في الكتوف بقى فيلسوف في علاقة بين يوم السبت وعين الحسود؟! ومقارنات بين الجهل والجمال!! وسوء الإختيار قال شينة قال ...! قال شينة قولنا كلام صحيح وخطيبها زاتو ولد قبيح بس ياخي قوم الواطة صبحت دايرين ننوم قام تاني جاب سيرة البحر وقام تاني جاب سيرة البحر ودمتم / ود الشريقي
لا تحسبن المجد تمرا أنت اكله *** لن تبلغ المجد حتى تلعق الصبر
|
04-17-2008, 02:30 PM | #2 |
|
تحياتى اخ مروان
والله قصيدة جميلة ومعبرة عن حالة صاحبنا عوض دة ودى تستاهل تشارك بيها فى موضوع ود الحصاحيصا بتاع الشواكيش فى الاغنية السودانية ,,,, وبالمناسبة فى مقولة بتقول (تحب انت ويخش غيرك) الظاهر انو صاحبنا دة ما سمع بيهو قبل ما يتورط ولا شنو ؟ |
حصاحيصا ياام المدائن والقرى
من روحى بقريها السلام كل مانسيم الليل سرا |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ست البيت..رائعة مبارك حسن بركات | ود الحصاحيصا | «۩۞۩-منتدى الادب والثقافة-۩۞۩» | 15 | 10-27-2013 09:15 AM |
قصيدة | مبارك محمد عثمان | «۩۞۩-منتدى الادب والثقافة-۩۞۩» | 9 | 05-21-2010 04:12 PM |
رائعة عقد الجلاد ( عطبرة ) | ابوبكر ا الذبيدى | «۩۞۩-منتدى الادب والثقافة-۩۞۩» | 2 | 11-18-2007 06:56 AM |
هدية بمناسبة الشاكوش | النصري السر | ۩ﺴ ﺴ۩راكوبة الحصاحيصا۩ﺴ ﺴ۩ | 5 | 09-03-2007 08:45 AM |
(مصر المؤمنة) رائعة الزمان | waleed aljabri | «۩۞۩-المنتدى الاسلامى-۩۞۩» | 8 | 07-12-2007 05:44 PM |