رئيس البرلمان ( سمعت بثراء اخوان الرئيس)

ومساءاات
---------

رئيس البرلمان: سمعت بأقاوايل حول ثراء (أخوان الرئيس)
التيار بقلم : عثمان ميرغني


في حوار خاص مع (التيار) قال مولانا أحمد إبراهيم الطاهر رئيس المجلس الوطني (البرلمان) إنه غير سعيد بعدم وجود (المعارضة) تحت قبة البرلمان. ملحياً باللائمة على الأحزاب وضعفها في المنافسة. ووصف الصادق المهدي رئيس حزب الأمة بأنه (شخص متردد) و حسن الترابي زعيم الشعبي بأنه طامع في رئاسة الجمهورية. وقال الطاهر إن حزب المؤتمر الوطني أدرك مغبة التغافل عن التطورات داخليا وخارجيا فكون لجنة لعمل ترتيبات اصلاحية شاملة تبدأ يتعديلات كبيرة في نظامه الأساسي وتتيح لعدد كبير من القيادات التنحي لصالح أجيال ودماء جديدة. وأبدى الطاهر حزنه لتركيبة البرلمان الحالية (354 مقعداً يحوز المؤتمر الوطني على 329 منها) لأنها تضعف دور البرلمان الرقابي والنيابي وتغيب الرأي الآخر. لكنه رمى بالائمة كلها على الأحزاب التي أمعنت في التخلف عن عصرها شكلا وموضوعاً. وقال إن الصادق المهدي زعيم حزب الأمه بتردده المستمر أعصف حزبه وبدد فرصة تنفيذ الاتفاقيات التي وقعه مع الحكومة أو المؤتمر الوطني. ( هذا هو المتاح أمامنا.. فهل نأتي بأحزاب غيرها جديدة) على حد قوله. وقال الطاهر إن زعيم الحزب الشعبي حسن الترابي شطر الحركة الإسلامية بسبب طمعه في رئاسة الجمهورية وما يزال يحلم بأن يقطف الكرسي ولن يترك حلمه إلا بأقدار الله. وقال رئيس المجلس الوطني إن السودان مستفيد أساسي من الثورات العربية التي تطيح بالجيران حولنا. فالدول الثلاثة تونس ومصر وليبيا كانت تستبطن العداء للسودان خاصة القذافي الذي ظل الراعي الأساسي لكل حركات دارفور المسلحة وقبلها الحركة الشعبية التي أسسها منذ أول طلقة. وقال إن (اسلامية) الثورات الشعبية العربية تخفف من غلواء المجتمع الدولي ضد الحكومة الإسلامية في السودان. (لم يعد السودان وحده الذي تعلو فيه الشعارات الإسلامية). وقال الطاهر إنه سمع بأقاويل حول ثراء (أخوان الرئيس) لكن الأقاويل وحدها لا تكفي لإقامة البينة والحجة وهناك إدارة للثراء الحرام في وزارة العدل تتقبل أي شكوى دون اعتبار لصلة الشاكي بالموضوع. وتنشر التيار غدا باذن الله تفاصيل الحوار مع رئيس المجلس الوطني
</i>__________________

ومساءاات
ونحنا ذاتنا سمعنا بس وماعندنا اي دليل ملموس
وكان مفروض نكون حاضرين السرقة لاموال الشعب
لكن نحنا عاذرنك فانت رئيس البرلمان ( عين المحاسبة والمراقبة ) ومافاضي لي شوية
مليارات نهبت من مال الشعب ----
الشماشة جوه المجاري سمعوا بي اخوان الرئيس وانتا الساكن جوه القصر الجمهوري ماسمعت
--- وبعدين افرض انك سمعتا انتا في ايدك شنو تعملو ---- معاك حق وما ممكن تقول ليهم تعالوا ياحرامية نحاسبكم ---- ديل اخوان الرئيس --- وكمان هم مجموعة صعب علي شخصكم مراقبتهم
انتا شرع القوانين وخليهم يسرقوا ---- ما عليك لوم تب
بعدين لو منكر ونكير سالوك قول ليهم ديل اخوان الرئيس ؟
انتو عايزني اعمل ليهم شنو --------- انا عبد المأمور ----
----------------- اختشي يا راجل ----- خجلنا ليك ----------------

الفقراوى
تحياتى
طبعا أخر حاجة بنتوقعها هى محاربة الفساد والمفسدين ...
الا كما قال الهندى عز الدين فى صحيفة الاهرام اليوم (الا اذا عمل البشير ثورة داخل الحزب الحاكم)
فلربما ...
لك الود اطنان

الاخ فقراوى
لك التحية
ونسال الله ان يحمى اموال العامة
من السرقة
وان يخف الفساد فى وطننا الحبيب

البلد دي بقت كلها حراميه ولا شنو .....هنا اخوان الرئيس وهناك كمر المحليه............
خلينا هنا وهناك برضو الفساد ريحتو لاحقنا محل مانقبل ......
ربك يكون في العون .............(
لك التحيه يافقراوي

الفقراوي يا عزيز تحياتي .. رئيس البرلمان ده يالفقراوي راجل لذيذ ورايق جداً الراجل ده عاوز يقول لينا ياجماعة امشوا لي اخوان الرئيس وخلوهم يكتبوا ليكم اعتراف انهم سرقوا ونهبوا وبعدها جيبوهو لي خلونا نناقشوا في البرلمان لاحظ حتي الاعتراف المكتوب ( حاااااااا) يناقشو في البرلمان وطبعا اخوان الرئيس رجال وطنيين جدا بمجرد ما نمشي ليهم علي طول حايدونا اعترافات مسجلة ومكتوبة ويودعو نسوانن واولادم ويهيئــوا نفسهم للمحاكمة ودخول السجن ..ونحن طبعاً لاننا ناس بنحب الكلام يكون مبرلم ( مشتقة من برلمان) ما حانشيل الاعتراف المكتوب ده والدليل المادي الملمووووس ده ونوديهو المحكمة علي طول علشان تحاكم اخوان الرئيس ليه هو نحن مستعجلين لي شنو لا ضروري بعد ما يدونا الاعتراف الملموس ده اننا نوديهو البرلمان علشان برلمانا الراقي ده عندو مراسلات ورجال توصيل خطابات ممتازين بيعرفو يوصلوا الخطابات لي النائب العام بياتو طريق مافيهو زحمة واختناق مروري ويصل الاعتراف باسرع ما يمكن ياااااا سلام يا سلام ياخ !!! شفتة الموضوع بسيط كيف مجرد ادله ملموسة نختف رجلنا لحد كافوري ونجيبة ونجي يا سلام ده البرلمان ولا بلاش دي المساءلة ولابلاش دي النزاهة ولابلاش مش زي برلمانات النصاري والكفار واليهود اللي بتمسك الزول بمجرد ما تفوح ريحتو وتقعد تعصر وتمصر فيهو وتدقق في حساباتو وتفندة سطر سطر وتتبع اموالو من بدايتة لي نهايتة وتتقصي وتستجوب وتقيس الزول قبل ان يتولي المنصب وبعد ان تولاه ومظاهر الفرق بين الحالين ومقارنتهم بعلم الممكن والغير ممكن ومابينهما من مساحات شاسعة للفساد والمحسوبية وتعامل الفساد كجريمة لا تحتاج لاثبات مادي ولكن فقط يكفي انو الشخص تحوم حولو شبهة الفساد من ناحية مظاهر بائنة تعتبر في عرفهم دليل يوجب المساءلة وتشكيل اللجان للتقصي والمراقبة والتدقيق فالفساد في عرفهم وعلي وجه الخصوص الفاسد المتنفذ هو مجرم اذا بانت وظهرت عليه مظاهر الثراء الفاحش .. وتجي تقول برلمانا لا يا فقراوي برلمانا ارقي من ذلك بكثير واروع والذ برلمان .

المشاركة الأصلية كتبت بواسطة ياسر تمساح

الفقراوى
تحياتى
طبعا أخر حاجة بنتوقعها هى محاربة الفساد والمفسدين ...
الا كما قال الهندى عز الدين فى صحيفة الاهرام اليوم (الا اذا عمل البشير ثورة داخل الحزب الحاكم)
فلربما ...
لك الود اطنان

ومساءاات
نعم ----- عليه التخلي عن رئاسة الوطني ------ حتي يلحق به اخرون
لكن عمك مكنكش زي تلج الفريزير ودي من اسباب خلافو الكبير مع جدو الترابي
والثورة داخل الوطني تحتاج الي عزيمة وفتح باب مشاكل والرجل ربما ما عايز غلبه
لذلك يكتفي فقط بمس كول --------- والجماعة ضاربيين طناش ------
---------------------------------- حبابك ياغالي -------

ياريت لو عندنا ناس ال (IRS ( Internal Revenue Services
وبالعربي يعني ناس ال (الخدمات الداخلية للإيرادات) وديل ما عندهم علاقه
بالحكومه او اي مصلحه تانيه دي حاجه قائمه بذاتها وما بتخاف من اي زول
مراقبين كل الناس ...يعني فلوسك في البنك زادت فجأة 10,000$ يجوك في البيت
جبتها من وين ويفتشو كل اوراقك وملفاتك وشيكات المرتب الاسبوعي ويحسبو عليك نفسك اذا
في طريقه ...بغض النظر عن انت منو ... عشان اذا الحكايه طلع فيها سرقه خلاص اصبحت
بلا مستقبل ...مخدارت السجن في انتظارك ...مهما كانت وظيفتك او رتبتك في الدوله وما يقدر
أي زول ولا الرئيس يقول ( بغم )
وبالمناسبه الناس ديل اخر السنه اذا وجدوا انهم اخدوا منك ضرائب اكتر من المفروض (لانه اي سلعه
يشتريها المواطن عليها ضرائب مهما كانت) وطبعأ ده علي حسب عدد اولادك وصرفك برجعوا ليك الباقي كااامل
وزياده حبتين مساعده منهم ليك ...
بس خلونا نحلم والله انا خايفه ناس خدمات الايراد ديل يجوا عندنا نلقاهم عملوا ليهم وزاره و....
الله يستر بس
يعني عليك الله يا فقراوي محمد الطاهر ده مشي زار اخوان الرئيس ولقاهم ساكنين في بيوتهم القديمه زاتها
ولا كيف يعني عايز ليهو دليل مادي اكتر من كده ....

المشاركة الأصلية كتبت بواسطة حبوبه

ياريت لو عندنا ناس ال (irs ( internal revenue services

المشاركة الأصلية كتبت بواسطة حبوبه

وبالعربي يعني ناس ال (الخدمات الداخلية للإيرادات) وديل ما عندهم علاقه
بالحكومه او اي مصلحه تانيه دي حاجه قائمه بذاتها وما بتخاف من اي زول
مراقبين كل الناس ...يعني فلوسك في البنك زادت فجأة 10,000$ يجوك في البيت
جبتها من وين ويفتشو كل اوراقك وملفاتك وشيكات المرتب الاسبوعي ويحسبو عليك نفسك اذا
في طريقه ...بغض النظر عن انت منو ... عشان اذا الحكايه طلع فيها سرقه خلاص اصبحت
بلا مستقبل ...مخدارت السجن في انتظارك ...مهما كانت وظيفتك او رتبتك في الدوله وما يقدر
أي زول ولا الرئيس يقول ( بغم )
وبالمناسبه الناس ديل اخر السنه اذا وجدوا انهم اخدوا منك ضرائب اكتر من المفروض (لانه اي سلعه
يشتريها المواطن عليها ضرائب مهما كانت) وطبعأ ده علي حسب عدد اولادك وصرفك برجعوا ليك الباقي كااامل
وزياده حبتين مساعده منهم ليك ...
بس خلونا نحلم والله انا خايفه ناس خدمات الايراد ديل يجوا عندنا نلقاهم عملوا ليهم وزاره و....
الله يستر بس
يعني عليك الله يا فقراوي محمد الطاهر ده مشي زار اخوان الرئيس ولقاهم ساكنين في بيوتهم القديمه زاتها
ولا كيف يعني عايز ليهو دليل مادي اكتر من كده ....

ونهاراات
كلام المراقبة للايرادات دا جميل لكن -----
ديل ما موظفيين حكوميين
-------- ديل اخوان الرئيس --------- يفترض انهم يراقبوا الناس ويكونوا اكثر حرص من غيرهم
لكن سمعنا بمكاوشة علي كل شي
ودخلوا السوق عديل كدا - حتي سمعنا بحوش بانقا جهة كافورى
والله حاجة مخجلة يندي لها الجبين ------ وعار علينا كشعب يفترض ايمان القاطع بالموت والوطن
هم عارفين ما في احد حيجي يحاسبهم --- ولابقدر واحد يسالهم ------ عشان كدا هاك يا مال سايب
من يطالبنا بالدليل ------ عليه ينتظر 100 سنة --- فربما حصلنا علي دليل واحد
مجرد الشبهة ---خيانة للوطن وللشعب
-------------------------- الحبوبة ----- دعاش الفرح الاكيد -------- حبابك --------