التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
تعرف على ثروات أغنى 10عائلات.. جنسياتها ومجال أعمالها (الكاتـب : - مشاركات : 0 - المشاهدات : 72 - الوقت: 04:20 AM - التاريخ: 12-04-2018)           »          من عقد ايجار ل9الاف عام هكذا بدات غينيس شهرتها (الكاتـب : - مشاركات : 0 - المشاهدات : 85 - الوقت: 06:03 AM - التاريخ: 11-22-2018)           »          شاهد: ماذا يمكن أن تصنع الموهبة من قشور الفستق (الكاتـب : - مشاركات : 0 - المشاهدات : 181 - الوقت: 04:26 AM - التاريخ: 11-12-2018)           »          كل عام وانتم بخير (الكاتـب : - مشاركات : 0 - المشاهدات : 296 - الوقت: 05:55 AM - التاريخ: 11-06-2018)           »          الأبراج البشرية المثيرة (الكاتـب : - مشاركات : 0 - المشاهدات : 320 - الوقت: 05:44 AM - التاريخ: 10-25-2018)           »          مبادرة الجزيرة للتكافل المجتمعى فرعية الحصاحيصا . (الكاتـب : - مشاركات : 0 - المشاهدات : 315 - الوقت: 04:03 AM - التاريخ: 10-19-2018)           »          رحله يمني من الحصاحيصا الى النيل الابيض القطينه (الكاتـب : - مشاركات : 1 - المشاهدات : 355 - الوقت: 02:35 AM - التاريخ: 10-03-2018)           »          مرسال يتفقد مستشفيات الحصاحيصا (الكاتـب : - مشاركات : 0 - المشاهدات : 298 - الوقت: 03:06 PM - التاريخ: 10-02-2018)           »          عملات لدول مختلفه (الكاتـب : - مشاركات : 0 - المشاهدات : 278 - الوقت: 10:03 AM - التاريخ: 10-02-2018)           »          ?فيسبوك? يواجه دعوى قضائية جماعية محتملة (الكاتـب : - مشاركات : 0 - المشاهدات : 300 - الوقت: 12:37 PM - التاريخ: 09-25-2018)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩»

«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية


توثيق للأغاني الوطنية

«۩۞۩-منتدى الادب والثقافة-۩۞۩»


إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 01-24-2009, 05:24 PM
مامون بدوى عبيد
Dawzana غير متواجد حالياً
لوني المفضل Brown
 رقم العضوية : 1884
 تاريخ التسجيل : May 2008
 فترة الأقامة : 3874 يوم
 أخر زيارة : 12-31-2012 (06:00 PM)
 المشاركات : 343 [ + ]
 التقييم : 10
 معدل التقييم : Dawzana is on a distinguished road
بيانات اضافيه [ + ]
افتراضي توثيق للأغاني الوطنية



....
هي محاولة مني لتوثيق الأهازيج الوطينة
أتمني أعانتي...

الملحـــمة

كلمات: هاشم صديق


لما الليل الظالم طول
وفجر النور من عينا اتحول
قلنا نعيد الماضي الاول
ماضي جدودنا الهزمو الباغي
وهدو قلاع الظلم الطاغي

وفي ليله وكنا حشود بتصارع
عهد الظلم الشب حواجز.. شب موانع
جانا هتاف من عند الشارع

قسما قسما لن ننهار
طريق الثورة هدى الاحرار

والشارع ثار
وغضب الامه اتمدد نار

وهزمنا الليل
والعزة اخضرت للاحرار

وطني أنحنا سيوف امجادك
نحن مواكب تفدي ترابك
ولسه الشارع بشهد لينا
ف يوم الغضبه حصاد ماضينا
مشينا نعطر حقل الثوره
بدم نفديها بلادنا الحره
وكان اكتوبر فجر الغضبه
كسرنا قيود الماضي الصعبه
ولما مشينا مواكب صامده
تهدر وتغلي وتهتف راعده

الرصاص لن يفنينا
الرصاص لن يفنينا

وسال الدم في ارض الوادي
فدينا النور بالروح يابلادي
وكانت صفحه حكاها العالم
وفجر اكتوبر طل وسالم

وهزمنا الليل هزمنا الليل
والنور في الاخر طل الدار
وهزمنا الليل هزمنا الليل
والعزه اخضرت للاحرار

وكان في الجامعه موكب هادر
صمم يجلو الليل السادر
وكان الليل السادر غادر
فجر غضبو سموم دخان

الشعب الثائر صمم هادر
يصرع ليلنا الداجي الطول

وكان القرشي شهيدنا الاول
وما اتراجعنا
حلفنا نقاوم ليلنا وسرنا
وما اتراجعنا

للشمس النايره قطعنا بحور
حلفنا نموت أو نلقى النور

وكان في الخطوه بنلقي شهيد
بدمو بيرسم فجر العيد

يا اكتوبر انحنا العشنا ثواني زمان
في قيود ومظالم وويل وهوان
كان في صدورنا غضب بركان
وكنا بنحلف بالاوطان
نسطر اسمك ياسودان

بدمانا السالت راويه الساحه
حلفنا نسير مانضوق الراحه
شهرنا سيوف عصيانا المدني
وكانت وحدة صف ياوطني
وايد في ايد حلفنا نقاوم
ومابنتراجع ومابنساوم
خطانا تسير في درب النصر
هتافنا يدوي يهز القصر

كسرنا حواجز ازلنا موانع
صفنا واحد
عامل وطالب وزارع وصانع
ياساحة النصر ياحقل النار
ياواحه بتحضن روح اصرار

روينا ورودك دم ثوار
وشتلنا فضاكي هتاف احرار
خطينا ترابك احرف نايره
بتحكي سطور ايامنا الثايره

وشلنا الشهدا مشينا ونهتف
الرصاص لن يفنينا
وجرح النار في قلوبنا بينزف
الرصاص لن يفنينا
سجينا الشهدا وجينا نقاوم
الرصاص لن يفنينا
مابنتراجع ومانساوم
بينا وبينك تار ياظالم
وفجأه ونحن صفوف بتصمم
زغرد فجر الغضبه الحالم

وهزمنا الليل هزمنا الليل
والنور في الاخر طل الدار
وهزمنا الليل هزمنا الليل
والعزه اخضرت للاحرار

قسما قسما يا اكتوبر
نحمي شعارك نجني ثمارك
ونرفع راية الثوره الغاليه
عاليه ترفرف فوق الساريه
عليها شعار الثوره الاكبر
ورسمو النادر زاهي واخضر
ولسه بنقسم يا اكتوبر
لما يطل في فجرنا ظالم
نحمي شعار االثوره نقاوم
ونبقى صفوف تمتد وتهتف
لما يعود الفجر الحالم
يااكتوبر



 توقيع : Dawzana


رد مع اقتباس
قديم 01-24-2009, 05:26 PM   #2
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



أنا سوداني


كل اجزائه لنا وطن اذ نباهي به و نفتتن
نتغنى بحسنه ابدا دونه لا يروقنا حسن
حيث كنا حدت بنا ذكر ملؤها الشوق كلنا فدها
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا يني جهدها ولا تهن
تستهين الخطوب عن جلد تلك تنهال وهي تتزن

أيها الناس نحن من نفر عمروا الارض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا اترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا احدا لا ولا لااضطهاد من امنوا
وكثيرون في صدورهم تتنزى الاحقاد والاحن
دوحة العرب اصلها كرم والى العرب تنسب الفطن
ايقظ الدهر بينهم فتنا ولكم افنت الورى الفتن

يا بلادا حوت ماثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطن
.....


 
 توقيع : Dawzana



رد مع اقتباس
قديم 01-24-2009, 05:44 PM   #3
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محمد مفتاح الفيتوري

أصبح الصبح

ولا السجن ولا السجان باقي

واذا الفجر جناحان يرفان عليك

واذا الحزن الذي كحل تلك المآقي

والذي شد وثاقا لوثاق

والذي بعثرنا في كل وادي

فرحة نابعة من كل قلب يابلادي

أصبح الصبح

وها نحن مع النور التقينا

التقى جيل البطولات

بجيل التضحيات

التقى كل شهيد

قهر الظلم ومات

بشهيد لم يزل يبذر في الأرض

بذور الذكريات

أبدا ما هنت يا سوداننا يوما علينا

بالذي اصبح شمسا في يدينا

وغناء عاطرا تعدو به الريح

فتختال الهوينى

من كل قلب يا بلادي

فرحة نابعة من كل قلب يابلادي
......


 
 توقيع : Dawzana



رد مع اقتباس
قديم 01-24-2009, 05:50 PM   #4
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



إسماعيل حسن

بلادي

بلادي أنا
بلاد ناسا في أول شئ
مواريثهم كتاب الله
وخيل مشدود
وسيف مسنون حداه درع
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع
وساقية تصحّي الليل مع الفجراوى..
يبكى الليل ويدلق في جداولو دمع

يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع
وتدفق مياه النيل علي الوديان
بياض الفضة في وهج الهجير بتشع
بلادي سهول بلادي حقول
بلادي الجنة للشـافوها
أو للبرة بيها سمع
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع
بلادي الصفقة والطنبور
وبنوتاً تحاكي الخيل
،يشابن زيي جدي الريل
وشبالن مكنن في طريفو ودع
بلادي أمان بلادي حنان
وناسها حنان ،يكفكفوا دمعة المفجوع
يبدوا الغير علي ذاتهم
يقسموا اللقمة بيناتهم
ويدوا الزاد
حتى إن كان مصيرهم جوع
يحبوا الدار
يموتوا عشان حقوق الجار
ويخوضوا النار عشان فد دمعة
وكيف الحال كان شافوها
سايلة دموع
ديل أهلى..
البقيف في الداره وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة
ديل أهلي
ديل قبيلتي لما أدور أفصل للبدور فصلي
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل..
كان أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟


 
 توقيع : Dawzana



رد مع اقتباس
قديم 01-24-2009, 05:53 PM   #5
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محي الدين فارس

لا لن أحيد


أنا لست رعديداً يكبل خطوه ثقل الحديد
وهناك أسراب الضحايا الكادحون العائدون
مع الظلام من المصانع والحقول ملئوا الطريق
عيونهم مجروحة الأغوار ذابلة البريق يتهامسون
وسياط جلاد تسوق خطاهم ما تصنعون
يجلجل الصوت الرهيب كأنه القدر اللعين
تظل تفغر في الدجى المشئوم أفواه السجون ويغمغمون
نحن الشعوب الكادحون
وهناك قافلة تولول في متاهات الزمان وبلا دليل
عمياء فاقدة المصير تمشى الملايين
الحفاة العراة الجائعون مشردون
في السفح في دنيا المزا بل والخرائب ينبشون
والمترفون الهائمون يقهقهون ويضحكون
يمزقون الليل في الحانات في دنيا الفتون
والجاز ملتهب يضج حياله نهد وجيد
موائد خضراء تطفح بالنبيذ والورود
لهف من الشهوات يجتاز المعالم والصدور هل يسمعون ؟
صخب الرعود صخب الملايين الجياع
يشق أسماع الوجود ؟ لا يسمعون !!!
إلا شهوات حياتهم وكأنهم صم الصخور
وغداً نعود حتماً نعود
للقرية الغناء للكوخ الموشح بالورود
نسير فوق جماجم الأسياد مرفوعي البنود
تزغرد الخالات والأطفال ترقص والصغار
والنخل والصفصاف والسيال زاهر الثمار
وسنابل القمح المنور بالحقول وبالديار
لا لن نحيد عن الكفاح
...


 
 توقيع : Dawzana



رد مع اقتباس
قديم 01-24-2009, 06:09 PM   #6
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محجوب شريف

يا شعباً لهبك ثوريتك
تلقى مرادك والفى نيتك
وعمق احساسك بى حريتك
يبقى ملامح فى ذريتك
على اجنحة الفجر ترفرف
فوق أعلامك
ومن بينات اكمامك
تطلع شمس أعراسك
ماكَ هوين سهل قيادك
سّيد نفسك..
مين أسيادك
ديل أولادك
وديل أمجادك
ونيلك
هيلك
جري قدامك
تحت اقدامك
رجع صداك وسجع نحاسك
وانت نسيج الفدا...
هندامك
وانت نشيد الصبح كلامك
وعطر أنفاسك
أرفع صوتك..
هيبه وجبره
خلى نشيدك عالي النبره
خلى جراح أولادك
تبرا
كبروا...
مكان الضحكه العبره
إلاّ يقينهم فيك اتماسك
يا الإصرارك..
سطراً سطراً
مَلا كراسك
......


 
 توقيع : Dawzana



رد مع اقتباس
قديم 01-24-2009, 06:41 PM   #7
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



مسـاجينك

محجوب الشريف



مساجينك مساجينك مساجينك

تغرد في زنازينك

عصافيراً مجرّحه بى سكاكينك

***

نغنى ..

ونحن فى أسرك

وترجف ..

وانت فى قصرك

!سماواتك دخاخينك

مساجينك مساجينك مساجينك

***

برغمك نحن مازلنا

بنكبر بى زلازلنا

بنعشق فى سلاسلنا

وبنسخر..

!من زنازينك

مساجينك مساجينك مساجينك

***

حكايات الهوى الأول..

بنحكيها

بدايات الغُنا الطول.. نغنيها

حقيقه وليس تتأول

!حتخجل من عناوينك

مساجينك مساجينك مساجينك

***

للسودان عواطفنا

وبالسودان مواقفنا

ولّما تهب عواصفنا

ما حيله قوانيك؟

مساجينك مساجينك
.....


 
 توقيع : Dawzana



رد مع اقتباس
قديم 01-24-2009, 06:44 PM   #8
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محجوب شريف

وطنّا



وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى

بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل

أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك
.....


 
 توقيع : Dawzana



رد مع اقتباس
قديم 01-24-2009, 06:47 PM   #9
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



يابلدى ياحبوب

عشانك بكاك الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين

يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين

يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين

يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين

يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية
....


 
 توقيع : Dawzana



رد مع اقتباس
قديم 01-24-2009, 06:50 PM   #10
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



مبارك بشير

عُرس الفداء


نلتقيك اليوم يا وطني .. لقاء الأوفيـاء
قــــد تـنـاديـنـا خِـفـافــاً
كطيور الريح فـي جـوف العتاميـر
يا أرض البطولات وميراث الحضارات
نُغـنـي الـيـوم عُــرس الـفـداء
هـا هنـا ..يبتسـم النهـر القـديـم
لبعانـخـي ولتهـراقـا وللمـهـدي
لـعــلــي عـبـدالـلـطـيـف
لعبدالقـادر الحَـبـوب ..للقـرشـي
لصمـود العُـرس فــي كــرري
وللـمـوت الـفـدائـي العـظـيـم
نذكـر الـيـوم جمـيـع الشـهـداء
كل من خطّ على التأريخ سطراً بالدماء
نذكـر الـيـوم جمـيـع الشـرفـاء
كل من صـاح فـي وجـه الظلـم لا
نحـن أبنـاؤكِ فـي الفـرح الجميـل
نحـن أبنـاؤكِ فـي الحُـزن النبيـل
سنغني لك يا وطني كما غنى الخليـل
مثـلـمـا غــنــت مـهـيــرة
تُلهـم الأجيـال جيـل بعـد جـيـل
ونغني لحريق المَكِ في قلـب الدخيـل
لـــلــــجــــســــارة
حينما استشهد في مدفعـه عبدالفضيـل
نُكحِل اليوم مآقينـا بمـرواد الصلابـة
وبإيـمـان كإيـمـان الصـحـابـة
ســـوف نُـفـديـك دوامــــا
ونــنــاديــك هُــيــامـــا
فلتعِـش حُـراً أبيـاً فــي مهـابـة
......


 
 توقيع : Dawzana



رد مع اقتباس
قديم 01-24-2009, 06:51 PM   #11
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محمد المكي إبراهيم

جيل العطاء

من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
والقيم الجديدة والسير
من غيرنا لصياغة الدنيا
وتركيب الحياة القادمة
جيل العطاء المستجيش
ضراوة ومقاومة
المستميت على المبادىء مؤمنا
المشرئب إلى النجوم لينتقي
صدر السماء لشعبنا
جيلي أنا..
هدم المحالات العتيقة
وانقضي سيف الوثوق مطاعنا
ومشى لباحات الخلود
عيونه مفتوحة
وصدوره مكشوفة
بجراحها متزينة
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
والجراح الصادحة
ولك الحضور هنا
بقلب العصر فوق طلوله المتناوحة
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر
...


 
 توقيع : Dawzana



رد مع اقتباس
قديم 01-24-2009, 06:54 PM   #12
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محجوب شريف

يا شعبا تسامى



يا شعبا تسامي
ياهذا الهمام
تفج الدنيا ياما
وتطلع من زحاما
زي بدر التمام

تدي النخله طولها
والغابات طبولها
والايام فصولها
والبذره الغمام

قدرك عالي قدرك
ياسامي المقام
ياملهم رماحك
سناهاالصدام
ام در والطوابي
في صدرك وسام
ملامح كم
تسامح
تغضب لا تلام
همه وعبقريه
ذمه وفنجريه
ضد العنصريه
وتحلم السلام

فداك وفي حواك
يامدد الكلام عفوك
انت ورضاك
وبرنا ليك تام
وبحلم بهواك بي حسن الختام
دينك كم علينا
منك والدينا
واجمل مالدينا
من يوم السمايه
من قبل الفطام

منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام
.....


 
 توقيع : Dawzana



رد مع اقتباس
قديم 01-24-2009, 06:57 PM   #13
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محجوب شريف

حنبنيهو


حنبنيهو ..
البنحلم بيهو يوماتى
وطن شامخ
وطن عاتى
وطن خيّر ديمقراطى

وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده
سياده
حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسره أغنيّه
مكان الطلقه
عصفوره
تحلق حول نافوره
تمازج شُفّع الروضه
حنبنيهو
البنحلم بيهو يوماتى

وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه
وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
.....


 
 توقيع : Dawzana



رد مع اقتباس
قديم 01-24-2009, 06:58 PM   #14
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محجوب شريف

بلا وانجلى

بلا وانجلى
حمد الله الف على السلامه
انهّ كتف المقصله
والسجن ..
ترباسو انخلع
تحت انفجار الزلزله
والشعب ..
بى أسرو اندلع
حرر مساجينو اندلع
قرّر ختام المهزله
يا شارعاً ..
سوّا البدع
اذهلت أسماع الملا
كالبحر ..
دواى الجلجه
فتحت شبابيكا المدن
للشمسِ
واتشابا الخلا

شفت البنادق فى السما
الظبط والربط انتمى
للشعب..
شعب الملحمه
الصرخه كانت همهمه
والهبه كانت ململه

سداً منيعاً يا وطن
يا شعب وهّاج الفطن
للظلم يوماً ما ركع
مهما جرى
تباً لعهد السمسره
والنهب..
ثمّ السمسره
سداً منيعاً يا وطن
صه يا طنين البلبله
أبدا ً لحكم الفرد..
لا
بالدم لحكم الفرد..
لا
تحيا الديمقراطيه
كم نفديك يا مستقبلا
بلا وانجلى
بلا وانجلى
حمد الله الف علي السلامه
انهدّ كتف المقصله
.....


 
 توقيع : Dawzana



رد مع اقتباس
قديم 01-24-2009, 07:03 PM   #15
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



محمد مفتاح الفيتوري

عــــرس السودان


ِفي زمنِ الغُربة و الإرتحال
تأخُذُنِي مِنكَ و تعلو التلال
و أنتَ عِشقِي
حيثُ لا عِشقَ يا سُودانُ
إلا لِنسُوِر الجِبال
يا شُرفة التاريخ
يا رايةً منسوجةً
من شموخِ النِساءِ
و كِبرياءِ الرِجال
لِمن تُرى أعزِفُ أُغنيتي
ساعةَ لا مِقياسَ إلا الكَمال
إن لم تكن أنتَ الجمالُ
الذي يملأُ كأسِي
و يفيضُ الجَمال
فدىً لعينيك الدماءُ
التي خَطت على الأرض
سُطورَ النِضال
داست على جَلادها
و هي في سُجُونِهِ
و أستُشهِدَت بِجلال
فدىً لعيني طِفلةٍ
غازلت دُموعُها
حديقةً في الخَيال
شمسُكَ في راحَتِها
خُصلةٌٌٌ طريةٌٌ من زهرِ البُرتُقال
و النيلُ ثوبٌ اخضرٌ
ربما عاكسه الخِصرُ قليلا فمال
كان أسمها أمدُرمَان
كان أسمها الثورةَ
كان العُرُس عُرسَ الشمال
كان جنوبياً هواها
و كانت ساعةُ النصر إكتمال الهلال
فدىً لك العُمرُ
و لولا الأسى
لقلتُ تفديك الليالي الطوال
....


 
 توقيع : Dawzana



رد مع اقتباس
قديم 01-24-2009, 07:57 PM   #16


الصورة الرمزية diaeldin
diaeldin غير متواجد حالياً

بيانات اضافيه [ + ]
 رقم العضوية : 1333
 تاريخ التسجيل :  Sep 2007
 أخر زيارة : 02-14-2017 (07:03 AM)
 المشاركات : 371 [ + ]
 التقييم :  10
لوني المفضل : Brown
افتراضي



الله الله عليك يادوزنه


 
 توقيع : diaeldin

اللهم انت خلقتنيَ ..وخلقتْ قلبيٍ معه
ففيه سعادتيِْ وشقائيِ.. وحبك وطاعتگْ
فيارب الخلآئقْ ..آحرسهْ وصونه ..ولا تجعل احد يشارگني فيه
الا وانْت راض عنْه.. ويستحق ذلك


رد مع اقتباس
قديم 01-25-2009, 11:21 AM   #17
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



...
أخوي ضياء الدين
حبابك ألف والله ، ما تجدع ليك معاي غنية غنيتين !!
وكان غلبك سوي ليك شكلة وخلي الباقي علي:)
ده وطنا وعصينا عصينا علي الحرية منو بوصينا
أشكرك


 
 توقيع : Dawzana



رد مع اقتباس
قديم 01-25-2009, 02:54 PM   #18


الصورة الرمزية مدثر عثمان الجاهوري
مدثر عثمان الجاهوري غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Nov 2006
 أخر زيارة : 01-14-2013 (11:21 AM)
 المشاركات : 1,695 [ + ]
لوني المفضل : Brown
افتراضي



أكتوبر الأخضر
محمد المكي إبراهيم

اسمك الظافر ينمو في ضمير الشعب ايمانا وبشرا
وعلى الغابة والصحراء يلتف وشاحا
وبأيدينا توهجت ضياء وسلاحا
فتسلحنا بأكتوبر لن نرجع شبرا
سندق الصخر ..
حتى يخرج الصخر لنا زرعا وخضرا
ونرود المجد..
حتى يحفظ الدهر لنا إسما وذكرا

بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي

كان أكتوبر في أمتنا منذ الأزل
كان خلف الصبر والأحزان أحيا..
صامدا منتظرا حتى إذا الصبح أطل
أشعل التاريخ نارا واشتعل
كان أكتوبر في نفضتنا الأولى
مع المك النمر
كان أسياف العشر
ومع الماظ البطل
وبجنب القرشي
حين دعاه القرشي حتى انتصر

بسمك الأخضر يا أكتوبر الأرض تغني
الحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي


 
 توقيع : مدثر عثمان الجاهوري

وشجرنا من لفح السموم غصنوا الرقص رويان وقع
لا شابا لى ريحة دعاش لا هش لى برقاً لمع


رد مع اقتباس
قديم 01-25-2009, 03:29 PM   #19
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



.....
اخي الجاهوري
عُـــمدة الحلة الجديدة وعمدتنا ، حييت الوطن
أحييك تحية بقامتك شموخاً
أثريت واتمني ان يحذ و الجميع حزوك
ويسجلوا تحية لوطننا العزيز
.......


 
 توقيع : Dawzana



رد مع اقتباس
قديم 01-25-2009, 08:38 PM   #20


الصورة الرمزية المحارب
المحارب غير متواجد حالياً

بيانات اضافيه [ + ]
 رقم العضوية : 1716
 تاريخ التسجيل :  Mar 2008
 أخر زيارة : 02-06-2014 (06:10 PM)
 المشاركات : 526 [ + ]
 التقييم :  10
لوني المفضل : Brown
افتراضي



حضور مميز وانيق ورائع يا دوذنة
ساعود


 
 توقيع : المحارب

صديقان نحن ..حبيبان نحن..الى ان ينام القمر.....


رد مع اقتباس
قديم 01-31-2009, 03:13 PM   #21
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



....
اخي التميــّز أنتم من أرسيتم دعائمه هنا
الاناقة تسير متبخترة حتي تتعثر أزيالها وتحترق علي وهج أحرفك التي أراها انجماً لا تضاهي
لك الود أقصاه و
حتي تأتي انا منزوي في أقصي ركن، ظل ليس إلّا ،ففي حضرة الشمس تختفي الكواكب ، وما انا ألّا ظل
لبعض حجر ،في بعض تراب ،علي إهاب نفس ،توهجت حتي الرماد، تتأتي علي خفر ،منتظرة أحرفك ربما أعود ك فينيق
فتعال...
.......


 
 توقيع : Dawzana



رد مع اقتباس
قديم 02-08-2009, 08:29 AM   #22
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



.....

نشيد الإستقلال


اليوم نرفع راية استقلالنا

و يسطر التاريخ مولد شعبنا

يا إخوتي غنوا لنا غنوا لنا

يا نيلنا

يا أرضنا الخضراء

يا حقل السنا

يا مهد أجدادي

و يا كنزي العزيز المقتنى


كرري

تحدث عن رجال

كالأسود الضارية

خاضوا اللهيب وشتتوا

كتل الغزاة الباغية

والنهر يطفح بالضحايا

بالدماء القانية

ما لان فرسان لنا

بل فر جمع الطاغية

وليذكر التاريخ أبطالا لنا

عبد اللطيف وصحبه

غرسوا النواة الطاهرة

ونفوسهم فاضت حماسا

كالبحار الزاخرة

من أجلنا ارتادوا المنون

و لمثل هذا اليوم كانوا يعملون

غنوا لهم يا إخوتي

فلتحيا ذكرى الثائرين

* **

إني أنا السودان

أرض السؤدد

هذي يدى

ملأى بألوان الورود

قطفتها من معبدي

من قلب إفريقيا التي

داست حصون المعتدي

خطت بعزم شعوبها

آفاق فجر أوحد

فأنا بها وأنا لها

سأكون أول مفتدي

يا إخوتي

غنوا لنا غنوا لنا
........


 
 توقيع : Dawzana



رد مع اقتباس
قديم 02-08-2009, 08:36 AM   #23
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



عـــــزة

خليل فرح

فلق الصباح قول لي

أهو نورك لاح خلي

يا خفيف الروح

هو هذا نداك

من جنان رضوان أصلك

لذا كل ربيع فصلك

اتنفس و فوح

تتنفس ناس

ما ألذ نسيم وصلك

ما رأيت يا جميل مثلك

يا بليبل الدوح

هو هذا هواك

انت روضة وليك زهرة

ولَه كوكب وليك بهرة

ضمخوك للجبير

زعفران وعبير

صبغ الخدين حمرة

بعد ساعة يشوف صفرة

الاصفرار ده كتير

أخجلوك يا أمير

صبح البستان شال

شجر الرمان مايل

صبح السلاف في الدنان

والكنار في حنان

انت كالطاؤوس خائل

كبريائك وفيك خايل

انزل انت كمان غني

وقول يا زمان

ما عرفنا عدوك ذاهل

ولَه لسه غلام جاهل

متهلل صيف

شتا عندك كيف

في لهيبك أشوف ساحل

كالفراشة أجيك راحل

جمعن في الدور

من خدود وبدور

يا صباح النور

على العيون الحور

عزه قومي كفاك نومك

وكفانا دلال يومك

عزه شوفي شباب قومك

سبقوك على كومك

بت رجال ولدوك

للقبيلة هدوك

الجمال في كمال وصفك

أدبك وجمال خلقك

الضمير كالعود

والعيون السود

منزلك عنوان ظرفك

نوريه يصون الفك

زعلك يا أم خدود

سوي لي حدود
.......


 
 توقيع : Dawzana



رد مع اقتباس
قديم 02-08-2009, 09:21 AM   #24
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



.....

الشـــرف البازخ

خليل فرح

نحن ونحن الشرف الباذخ

دابي الكر شباب النيل

قوم كفاك يا نايم

شوف حداك يا لايم

مجدك ولي وشرفك ضل

إمتي تزيد زيادة النيل

نحن نطارد العنزة الفاردة

نحن نزود مشارع النيل

نحن برانا نحمي حمانا

نحن نموت ويحيا النيل

ما بنندس ما بنتوصي

نحن نكيل برانا نشيل

نحن الطينة ومطر العينة

نحن الوادي برقه يشيل

نحن الصولة سيوف الدولة

نحن كنانة اسماعيل !

بابه العالي وشرفه الغالي

كان لجدودنا ظله ظليل

يا حكامنا جيبوا البينه

ولا انقرعوا كفوا الشينه

ده ود عمي وده ضريب دمي

انت شنو طفيلي دخيل

يا نزلانا أمرقوا الذمة

كيف ينطاق هوان الأمة

شالوا حقوقنا وزردوا حلقونا

ديل عاوزين دمانا تسيل

من تبينا قمنا ربينا

ما اتفاسلنا قط في قليل

......


 
 توقيع : Dawzana



رد مع اقتباس
قديم 02-23-2009, 07:49 PM   #25
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



....

خليل فرح

عزة في هواك

عزة في هواك عزة نحن الجبال

وللبخوض صفاك عزة نحن النبال

عزة ما بنوم الليل محــــال

وبحسب النجوم فوق الرحال

خلقة الزاد كمل وأنا حالي حال

متين أعود أشوف ظبياتنا الكحال

عزة ما سليت وطن الجمــال

ولا أبتغيت بديل غير الكمــال



***



وقلبي لي سواك ما شفتو مال

خذيني باليمين وانا راقد شمال

عزة ما نسيت جنــة بلال

وملعب الشباب تحت الظلال

ونحن كالزهور فوق التلال

نتشابي للنجوم وانا ضافر الهلال

عزة جسمي صار زي الخلال

وحظي في الركاب صابه الكلال

وقلبي لسه ما عرف الملال

أظنه ود قبيل وكريم الخلال

عزة ما أشتهيت نوم الحجال

ولا السوار بكي في يمينا جال

وعزة في الفريق لي ضيق مجال

قبيلة بت قبيل ملأ الكون رجال



***

عزة شفت كيف نهض العيال

جددوا القديم تركوا الخيال

روحك أم سماح سري كالسيال

شجوا الفؤاد حيوا محسور الليال

عزة في الفؤاد سحرك حلال

ونار هواك شفا وتيهك دلال

ودمعي في هواك حلو كالزلال

تزيدى كل يوم عظمة ازداد جلال

***

عزة في حذا الخرطوم قبال

وعزة من جنان شمبات حبال

وعزة لي ربوع ام در جبال

وعزة في الفؤاد دوا يشفي الوبال

.......


 
 توقيع : Dawzana



رد مع اقتباس
قديم 02-23-2009, 07:57 PM   #26
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



....
خليل فرح

الشرف الباذخ


نحن ونحن الشرف الباذخ

دابي الكر شباب النيل

قوم وم كفاك يا نايم

شوف شوف حداك يا لايم

مجدك ولي وشرفك ضل

إمتي تزيد زيادة النيل

نحن نطارد العنزة الفاردة

نحن نزود مشارع النيل

نحن برانا نحمي حمانا

نحن نموت ويحيا النيل

ما بنندس ما بنتوصي

نحن نكيل برانا نشيل

نحن الطينة ومطر العينة

نحن الوادي برقه يشيل

نحن الصولة سيوف الدولة

نحن كنانة اسماعيل

بابه العالي وشرفه الغالي

كان لجدودنا ظله ظليل

يا حكامنا جيبوا البينه

ولا انقرعوا كفوا الشينه

ده ود عمي وده ضريب دمي

انت شنو طفيلي دخيل

يا نزلانا أمرقوا الذمة

كيف ينطاق هوان الأمة

شالوا حقوقنا وزردوا حلقونا

ديل عاوزين دمانا تسيل

من تبينا قمنا ربينا

ما اتفاسلنا قط في قليل

ما فيش تاني مصري سوداني

نحن الكل ولاد النيل

....


 
 توقيع : Dawzana



رد مع اقتباس
قديم 02-23-2009, 08:07 PM   #27
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



.....

محجوب شريف

عشة كلمينا ميري زكرينا

* * *


عشة كلمينا ميري ذكرينا

عَشّه .. كلّمينا

ميرى.. ذكّرينا

كل سنكى أحسن

يبقى ..مسطرينا

*

نحن شعب أسطى

يلا ..جيبو مونا

نبنى ..نبنى نبنى

مسرحاً..ونــــادى

مصنعــاً ..وبوسته

حرب لا لا لا لا

كبرى..استبــاليه

صالــه للثقــافــه

تســرح الغزاله

جنبها ...الزرافه

ركَ قمرى طار

قيره قيره قيره

نطَط الصغار

صفّق الترولى

طمّن ..القطار

حلقت ..وحلقت

حمامة المطار

كلّ طلقه..بينا

نحن تبقى وفر

سمسماً ..وبفره

سكراً وشاى

تترا سايكلين..

جاى وجاى وجاى

مافى حاجه ساى

كلّو عندو دِين

كلّو عندو راى

بور..وبورسودان

بارا.. والجنينه

عبرى ..ولاّ واو

حاجه مش كويسه

كلّ زول براو

هى سودانا بكره

من سودانا ناو

تكتب انت تقرا

تعرف السياسه

فى محل حراسه

حجرة الدراسه

تمشى انت تلقى

فى الضلمه..لمبه

ألف ضحكه حلوه

تسندك بجنبه

بى تمن طبنجه

أحسن الكمنجه

أحلى شتل منقه

أحسن الحليب

إيد .. وإيد وإيد

نزرع الجديد

غابة النشيد

إيد..وإيد وإيد

مافى بينا سيد

إيد..وإيد وإيد

نلحق البعيد

نحنه مش مرقنا

حته واحده جينا

جينا لى السرقنا

حقّنا..وعصينا

دمّنا..وعرقنا

ولّعوا الرتينا

*

عَشّه..كلّمينا

ميرى ..ذكّرينا

كلّ سنكى أحسن

يبقى ..مسطرينا

....


 
 توقيع : Dawzana



رد مع اقتباس
قديم 02-23-2009, 08:12 PM   #28
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



.....

محجوب شريف

السودان الوطن الواحد
مارس حارس ليس يخون
الألف
اللام
السين
الواو
الدال
الألف
النون
السودان الوطن الواحد
ما قد كان وما سيكون

* * *
مارس ماسك كتف ابريل
أعظم شعب...
وأعظم جيل
نعمَ بنادق لا ترتد
لصدر الشعب..
الغدر دخيل

* * *
شعباً صمم فرداً فرد
هبّ وهدّم حكم الفرد
وجاهو عديل
إعصار إعصار
خطوه بخطوه..
وايد على ايد
وسِلّم سِلّم
ما بنسلم
وشعب معلم..
قال اصرار:
عصينا عصينا
على الحريه منو بوصينا؟
نحن الشعب المابحتار..
اختار اختار
ديمقراطيه
بلا أميّه
بأيدى قويه
نحفر أعمق..
نرمى الساس
للسودان الوطن الحر
مرفوع الراس
للحريه بلا دوريّه
ولا تفتيش
ولا حق ينداس

* * *
ديمقراطيه عمود النور
ولما تغطى حقول القمح..
الأرض البور
والمكنه تدور
وترفع صوتك يا مقهور
وبينا وبين العالم سد
ينهدّ..
وسور

* * *
مارس حارس ليس يخون
الألف
اللام
السين
الواو
الدال
الألف
النون
السودان الوطن الواحد
ما قد كان وما سيكون

.....


 
 توقيع : Dawzana



رد مع اقتباس
قديم 02-23-2009, 08:27 PM   #29
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



....

محمد المكي إبراهيم

من غيرنا

من غيرنا يعطي لهذا الشعب
معنى أن يعيش وينتصرْ
من غيرنا ليقرر التاريخ
والقيم الجديدةَ والسيرْ
من غيرنا لصياغة الدنيا
وتركيب الحياةِ القادمةْ
جيل العطاءِ المستجيش
ضراوة ومصادمةْ
المستميتِ على المبادئ مؤمنا
المشرئب إلى السماء لينتقي
صدر السماءِ لشعبنا
جيلي أنا...

* * *


هزم المحالاتِ العتيقة
وانتضى سيفَ الوثوقِ مُطاعنا
ومشى لباحات الخلودِ عيونهُ مفتوحةٌ
وصدوره مكشوفةٌ بجراحها متزينهْ
متخيرا وعر الدروب..
وسائراً فوق الرصاص منافحا
جيل العطاءِ لك البطولاتُ الكبيرةُ
والجراحُ الصادحهْ
ولك الحضورُ هنا بقلب
العصر فوق طلوله المتناوحهْ
ولك التفرّد فوق صهوات الخيول روامحا
جيل العطاءْ...
أبداً يزلُّ المستحيل لعزمنا ..
وسننتصرْ
وسنبدعُ الدنيا الجديدةَ وفقَ ما نهوى
ونحمل عبءَ أن نبني الحياة ونبتكرْ

.....
....
...
..
.


 
 توقيع : Dawzana



رد مع اقتباس
قديم 02-23-2009, 08:45 PM   #30
مامون بدوى عبيد


الصورة الرمزية Dawzana
Dawzana غير متواجد حالياً

بيانات اضافيه [ + ]
 رقم العضوية : 1884
 تاريخ التسجيل :  May 2008
 أخر زيارة : 12-31-2012 (06:00 PM)
 المشاركات : 343 [ + ]
 التقييم :  10
لوني المفضل : Brown
افتراضي



.....
....
...
..
.

التجاني حاج موسي

السودان الجديد



يا جمالك يا بلادى جيت أغنيلك نشيد

ما خلاص نادى المنادى ( اتولد سودان جديد )

* * *

لو عذابك طال كتير وبالسنين مستحملاهو

وضقتى ويلات السعير وشفتى من الويل شقاهو

الشروق ساطع منير والأرض مستنياهو

يبقى كل الجاى خير يمسح القبلو ووراهو

* * *

وأنت يا شعبي النبيل فيك ملامح ما بتزول

أنت من أصلك أصيل خاتى كلماتة وخاتى قول

أنت يالدغرى وعديل انت يا العارف الاصول

يشهد التاريخ قبيل فيهو مثلت الفصول

* * *

نحن لو كان يوم سهينا مرة فى عمر الزمان

نحن عهدك مانسينا ولما حان يوم الآوان

جينا من غربتنا جينا وتانى لى نفس المكان

أتحدنا وبي أيدينا بنغسل الزل والهوان

* * *

وابدأ أفرح بيك واغازل

يا وطن بالعزة حافل

وافتخر بيك فى المحافل

وازرعك ورد وسنابل

يا وطن عارفك مناضل

والبخونك يبقى هازل

يبقى مكتول وابقى كاتل

* * *

وانظم الافراح نشيد

ما خلاص نادى المنادى

أتولد سودان جديد

أتولد سودان جديد
.
..
...
....


 
 توقيع : Dawzana



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مفهوم الوطنية صلاح عمر أحمد عمر «۩۞۩-منتدى الحصاحيصا الحر-۩۞۩» 0 05-19-2008 03:55 PM
اين الوطنية كتاب المريخ ابوبكر ا الذبيدى «۩۞۩-المنتدى الرياضى-۩۞۩» 0 07-12-2007 08:42 PM
القمة تعادلية ودرس فى الوطنية من الهلال ابوبكر ا الذبيدى «۩۞۩-المنتدى الرياضى-۩۞۩» 0 05-12-2007 03:07 PM


الساعة الآن 08:10 PM.


vEhdaa 1.1 by NLP ©2009