الليلة انا زهجان وقرفان وما داير كلام مع أي زول خصوصاًانت يا غير مسجل

آآآآآآآآآآآي زهجان وقرفان
وما داير كلام مع أي زول خصوصاً (فلان )

هل حصل رددت هذه العبارة ؟؟
واذا رددتها ما الدافع أو السبب لذلك ؟؟

وهل وصلت بك درجة الزهج الى أن خاطبت شخص بعينه بأنك زهجان
وهو سبب زهجك ولا تريد أن تتكلم معه ،،
وما كانت ردت فعله ؟؟
وهل اعتذرت منه ،،، أم تماديت في طغيان زهجتك ؟؟

هيا لو تكرمتم أخبروني بقصة زهجكم ،،،

لكم خالص ودي واحترامي ،،،

الليلة مدير الشركة زهجني لدرجة كنت عاوز أدكه
لكن الله ستر

زهجانه من فلان غربه_ فلان زهج _ فلان شيف _فلان غسيل ومكوه _وفلان تجديد اقامات _وخروج وعوده للطالبات _ وفلان هدايا _ وفلان بناء _ وفلان كلووووووووووووووووو.............................

انا والله مازهجانة من دون الايام فرحانة شدييييييييييد

انا فرحانة لانو اتعرفتة علي ناس حلوين وما قصرو معاي رحبو بي احسن ترحيب بشكرهم مرة اخري

المشاركة الأصلية كتبت بواسطة الوطني

الليلة مدير الشركة زهجني لدرجة كنت عاوز أدكه
لكن الله ستر

طول بالك يا حبيب الوضع ده بمر علينا كل يوم لكن الواحد بذكر الاهداف الفارق اهلوا من اجلها وبستغفر الله وبتحمل .

المشاركة الأصلية كتبت بواسطة عاشقة الحصاحيصا

عاشقة الحصاحيصا معقول كل الزهج ده افرديها شوية الله يعينا ويعينك علي الكوم ده كلو من الزهج

المشاركة الأصلية كتبت بواسطة ريان

انا فرحانة لانو اتعرفتة علي ناس حلوين وما قصرو معاي رحبو بي احسن ترحيب بشكرهم مرة اخري

ريان ربنا يجعل ايامك كلها فرح وسعادة وما تشوفي يوم تعاسة
ونتمني لك طّيب الاقامة بين اهلك واحبابك وتجدي كلما يسرك

كل الناس هنا
كل الناس صحاب
كل الناس اهل
والماهم قراب قربتم ( الحصاحيـــــــــــــــــــــــــــــــــــــــــصا )

أنا لو زهجت من زول بتكون واضحه في وشي , لكن برضو *ببستفو !
ما أي زو بيزهجني و ما بعتذر إلا اكون فهمتو غلط و ظلمتو .
.................................................. ...........

بستف : يقال بستف الرجل : إذا أفحمه و و أداهو القلمين و سمعو من الشعر موال ...
المصدر : المعجم الفصيح
و لعمرك هذا الفعل مريح للزهجان من زول

تشكرات اخي حافظ .
والاعتذار شئ جميل يرفع من مكانتك لو كان الطرف الآخر يقدر معني هذا الاعتذار .

تسلم علي المرور يا لذيذ

أصلو ما ممكن
لأسه زهجان وقرفان
يا عمك إنت داير العرس

عارف ياعارف ياظريف
والله أنا معاي محاسب بسألو من حاجه واااااااحده بس وإجابتها مفروض تكون واحده بجاوب لي عشره إجابات وبعيد لي نفس الكلام خمسين مره
أداني إحساس إني غبيه وكده
عرفته أنا بزهج من شنو؟؟؟؟
من الكلام الكتييييير

المشاركة الأصلية كتبت بواسطة الوطني

أصلو ما ممكن
لأسه زهجان وقرفان
يا عمك إنت داير العرس

ده منو الداير العرس انا ولا المدير
الزهجة خلتك طاشي من الشبكة ولا شنو ياااااااااااااااااااااااااالوطني
قلل التفكير والزهج بتخارج براهو

المشاركة الأصلية كتبت بواسطة قمرالزمان

عرفته أنا بزهج من شنو؟؟؟؟
من الكلام الكتييييير

رايك شنو يا قمر الزمان نفتح لدينا دار للصم والبكم ونعملك مديرة عليهم هنا اكيد مافي كلام نهائي بس المشكلة تجي بكرة تقولي فترته من الاشارات
ولا نسيييييييييت
هههههههههههههههه
انت ماعندك علاقة وطيدة مع بوليس الحركة

اديك العافية قمر الزمان

الاخ عارف
لك ودى
اعتقد ان جوالك " خارج الخدمة" .. لا عليك .. فقط اتصل بك لمعرفة احوالك.. فقط .. للاطمئنان عليك ولمعرفة توزيع الجريدة فقط لا اكثر ولا اقل .. الزهج لايغير شئ فى هذا الكون .. لقد تعلمت من البرمجة العصبية واللغوية ان اكون دائما هادئا .. متاملا .. مشيعا للخير والمحبة بين الناس .. لذلك انصح الجميع بتقنية التامل
لك محبتى سواء رددت على هاتفى ام لم ترد
عثمان عابدين

المشاركة الأصلية كتبت بواسطة عثمان عابدين

الاخ عارف
لك ودى
اعتقد ان جوالك " خارج الخدمة" .. لا عليك .. فقط اتصل بك لمعرفة احوالك.. فقط .. للاطمئنان عليك ولمعرفة توزيع الجريدة فقط لا اكثر ولا اقل .. الزهج لايغير شئ فى هذا الكون .. لقد تعلمت من البرمجة العصبية واللغوية ان اكون دائما هادئا .. متاملا .. مشيعا للخير والمحبة بين الناس .. لذلك انصح الجميع بتقنية التامل
لك محبتى سواء رددت على هاتفى ام لم ترد
عثمان عابدين

الاخ عارف
تحياتى
وانا ايضا اتصلت بك عددمن المرات ولم ترد ثم ارسلت لك رسالة عبر الهاتف ولم ترد ثم وصيت ليك الاخ بابكر ولم ترد فقط اريد ان اعلمك باننى ارسلت لك روابط الموضوع فقط
الاخ عارف
بالنسبة للزهج انا والله كثير الزهج واكثر ما يكون سببه الفلس عرفت ياخى الفلس يعنى عدم القروش ما دام ما فى قروش الزهج مصاحبنا دائما فى العمل فى السوق فى الشارع فى البيت مع الاولاد مع المرة مع الاخوان مع الاصدقاء حتى عبر النت . اما الاعتزار على حسب الموقف
ودمت
اخوك
المغربى

المشاركة الأصلية كتبت بواسطة الصادق المغربى

الاخ عارف
تحياتى
وانا ايضا اتصلت بك عددمن المرات ولم ترد ثم ارسلت لك رسالة عبر الهاتف ولم ترد ثم وصيت ليك الاخ بابكر ولم ترد فقط اريد ان اعلمك باننى ارسلت لك روابط الموضوع فقط
الاخ عارف
بالنسبة للزهج انا والله كثير الزهج واكثر ما يكون سببه الفلس عرفت ياخى الفلس يعنى عدم القروش ما دام ما فى قروش الزهج مصاحبنا دائما فى العمل فى السوق فى الشارع فى البيت مع الاولاد مع المرة مع الاخوان مع الاصدقاء حتى عبر النت . اما الاعتزار على حسب الموقف
ودمت
اخوك
المغربى

الاخ / عارف
انا اسف ليس المقصود عارف انت لقد اشكل على الاسم فقط وانى اقصد احد الاخوان اسمه عارف ايضا فى هذا المنتدى لك العتبى حتى ترضى
اخوك المغربى

المشاركة الأصلية كتبت بواسطة الصادق المغربى

الاخ / عارف
انا اسف ليس المقصود عارف انت لقد اشكل على الاسم فقط وانى اقصد احد الاخوان اسمه عارف ايضا فى هذا المنتدى لك العتبى حتى ترضى
اخوك المغربى

العزيز الصادق المغربي
لا عليك يا صديق الحاجات دي نحن طوالي واقعين فيها بي سبب تشابه الاسماء

اديك العافية يا سيدي وتشرفت كثيراً بي مرورك للعتاب والاعتذار لك التحية

زهجان طهقان مضايق
مامشكلة
بس رد علي التلفونات دي

	كل الناس هناك مابتخبر زعل تعزعل من شنو وتزعل فى شنو نحنا الطيبة كاتلانة والبزعلنا بنفرحوا

البرنس حبابك وشرفتنا كتير يا وجيه
بس انت اختلط عليك اللون ولا آه نسيت
ما إنت ...........................

المشاركة الأصلية كتبت بواسطة معتز عثمان عباس

والماهم قراب قربم البعمل
مرحبتين عزنا
هلا بيك وشرفنا مرورك كتير

وربنا يجعلنا واياكم دوماً مصدر سعادة للآخرين

عارف البذهجك شنو لا محمد ولا فاطمة

لكن بيني وبينك مرات في ناس برفعو الضغط

طبعا انا ياعارف من نوع الناس البدي الكلام للذول في يدو

يعني لو في ذول جاب كثافتي الله قال بقولو

لك ودي

هو عليك الله يا بت القوز الواقع فينا ده يتحمل ليهو محمد ولا فاطمة

وبعدين ده كلام ولا قروش البتديهوا للزول في ايدو ده

إن شاء الاقيك في لحظة وانتي زهجانة عشان تديني في يدي امكن تكون هدية قيمة

مشكورة كتير بنت القوز
وما تنقطعي وما تزهجي

اصلا هو الزهج بيحصل كتييييييييييير لكن الواحد لازم يتملك أعصابو ويكون صبور .

مرحبا اخ عارف مواضيعك جميله بالنسبه للزهج انا بستغرب واحد قاعد فى وسط اهله ويقول ليك زهجان والله القروش ماعندها اى طعم وانت بعيد من اهلك وامك واحبابك لو اتغربوا حايعرفوا قيمة الوجود وسط الاهل يعادل مال قارون

المشاركة الأصلية كتبت بواسطة رانيا خضر

اصلا هو الزهج بيحصل كتييييييييييير لكن الواحد لازم يتملك أعصابو ويكون صبور .

هلا ومراحب بيك رانيا

انت عارف صبري فات حد الصبر
بس في زهج بفوت حدوا واحياناً الاعصاب بتتلف والصبر حبلوا بينقطع الواحد في الحالة دي يعمل شنو غير يوكل امروا لله
تشكري كثيراً علي المرور

المشاركة الأصلية كتبت بواسطة أم أحمد

مرحبا اخ عارف مواضيعك جميله بالنسبه للزهج انا بستغرب واحد قاعد فى وسط اهله ويقول ليك زهجان والله القروش ماعندها اى طعم وانت بعيد من اهلك وامك واحبابك لو اتغربوا حايعرفوا قيمة الوجود وسط الاهل يعادل مال قارون

قالوا الجمرة بتحرق الواطيها
والايدوا في الموية ما زي الايدو في النار
حقيقة كلام مؤسس وفي محلوا الاخت الكريمة ام احمد
الف شكر علي الاطراء والاجمل هو مرورك وتعقيبك الذي اصاب كبد الموضوع
تسلمي ولا عدمناك

[size="4"]

بشكرك كتيييييييييييييييير ياعارف على السؤال ده ، ده فعلا موضوع يستاهل النقاش فيهو
طبعا بالنسبة لي الغربة صعبة والحياة فيها روتين شدييييييييييد والزهج بجي نتيجة الروتين ده
لو كان المزهجك واحد من ناس البيت كده بكل سهولة تقدر تواجهو بأنو هو سبب الزهج الحاصل ليك بس الأسلوب الراقي مطلوب. لكن لو كان الزهج ده من صديق أو من غريب أو لأي سبب كان بستحمل لو فاض بي بصرح بيزهجي ده و الحيزعل بوريهو السبب بطريقة ما تنفروا مني وآخد الزول المكرهني ده والهو سبب زهجي وأوريهو سبب ضيقي منو بدون ماأجرحو أو أحرجو قدام الناس

[/size]

بشكرك كثير الشكر رمشة عين علي ثقافة الوضوح
وحقيقة الزهج بكون من العوامل المحيطة وخصوصا للمغتربين لانه اسباب زهجهم كثيرة لا تحصي ولا تعد واولهم البعد عن الوطن والاهل والاحباب والتقيد الذي يلازم حياتهم والروتين اليومي الممل
تحياتي الجميلة بمناسبة شهر رمضان
ولك الشكر علي المرور الرائع
تصوموا وتفطروا علي خير