سؤال مشروع

انا مواطن سوداني كل فتره اسمع عن افتتاح مشروع
علي سبيل المثال
سد مروي
اكتمال تعليه خزان الروصيرص
مصنع سكر النيل الابيض
سندس الزراعي
ومشروع نسيت اسمه في سوبا وهو مشروع زراعي

المهم كل هذه المشاريع عند قيامها قدموا لها اهل الاختصاص دراسات جدوي
وابانوا فوائدها علي الوطن والمواطن
وقلنا خير يا رب
ولكن حتي اليوم مع ان المشاريع اكتملت
ولكن لم نحس بانتاجها في حياتنا اليوميه
يعني باختصار ما شفنا حاجه منها
يا ربي الحاصل دا من شنو

مع ان المشاريع اكتملت
ولكن لم نحس بانتاجها في حياتنا اليوميه
يعني باختصار ما شفنا حاجه منها
يا ربي الحاصل دا من شنو

سمعت قصيدة للشاعر الاستاذ كجنكي تعبر بشكل رائع عن تسامح المحب ومحاولاته المستميته في الدفاع عن محبوبته لدرجة انه يختلق حيناً وقد يطوع كل الظروف والاحداث مستعيناً بكل الممكن من الطرق وكل المستحيل منها كذلك لـ ( يلتمس لها الاعزار ) حتى لو ادى ذلك لمغالطة نفسه التي بين جانبيه .

تعود احداث القصه لايام الخطوبه فى تلك الايام تمنع فيها اى اتصالات بين الخطيبين
وكانت خطيبته قد وعدت ذلك الملهوف المسكين ب مقابلته ب شارع الاربعين
تحرك قبل الموعد بساعتين...
وانتظرها...6 ساعات حسوما ولم تاتى تلك المفعوصه....
وكان ذلك سبب ميلادهذه القصيده.....

وطالت وقفت الاشواق
معاى جنب المكان ذاتو
انا ورعشة ظلال الليل وقلبى حزينه دقاتو
وفات ميعادنا
فات روح وشال الليل حكايتو
وانا المستنى فى الميعاد
وليك حبل الصبر مديت

اغالط نفسى فى اصرار واقول امكن انا الما جيت..............................

طيب يا سعيد اذا كان كل ده عشان حتة بت مفعوصه لا راحت ولا جات فياخي ليه نستكتر شوية مغالطه نفس عشان خاطر حيكومتنا الرشيده وشديده ولضيضه يا سعيد ياخوي و نقول ( يمكن نحن المابنشوف )

الطيب يا طيب اريتك تبقي طيب
بالجد نحن بنشوف وبنحس
ولكن الحاجات نفسها ما موجوده
ولا حتي فور تست يعني للتجربه حتي
الامر محير جد مصانع بلا انتاج ومشاريع بلا عائد
عموما ولانو الكلام ما بقروش
بعض الناس حلقومهم وصل لدرجه يمنعوهم من الكلام
ولا يعقل ولا يمكن يكون ان تكون وزير منذ التاسيس وحتي اليوم
ولا تقدم ما هو جديد ونافع
العاقل يستقيل
حتي لو كان ناجح افتكر خلال عشرون عاما حسوما كفايه
استهلك كل خبراته
ومفروض يمنح فرصه للاخرين



اخر الكلام

سكه غير اللاعب

عندما استشهد القرشي في جامعه الخرطوم
هب الشعب وقامت الثوره ثوره اكتوبر
والان او من فتره يموت الطلاب موت الضأن ولا ثوره تقوم ولا يحزنون
يا ربي هل كان دم القرشي هو فقط الذكي
ودم الاخرين ملوث
اما ماذا
لطفا منتظر رأيكم

لك التحية أخ سعيد ..
أنت ما سمعت نكتة المليونير السألوهو جبت القروش دي من وين ؟ قال ليهم شايفين الكبري داااااااك ، قالو ليهو وينو الكبري ؟ قال ليهم في جيبي دا .
هذه المشاريع غالباً القصد منها كسب اعلامي أكثر من أي شئ أخر ، لتضاف هذه المشروعات الواهية الي سجل الانجازات الملياااااااااااااان مشاريع زي دي .