الجميل بيكا

كوردة تأخذ الوانها من قوس قزح ياتي

ليفتح للفراشات نافذة من نور

.............






كفارس يخرج من اسطورة قديمة ياتي

ليجرح جلد العتمة والزيف



...............





كريشة مجنونه ترقص رقصتها الاخيرة على ايقاع الضوء ياتي

ليجعل من الحرف وترا وعود

...........





ياتي فيهطل فينا مطرا

فشكرا جميلا لانك اتيت

هذا البوست جعلني في ظهيرة مختلفة اشرب فنجان قهوتي جوار خاطرك ..... ياااااه عندما تمنحك اللغة براح يجعلك ترسم في ذاكرة الافق هذه النهارات المدهشة .... كيف للتفاصيل تقودك الي رائحة الحقول ... وكيف تصنعين كل هذا الالق وحدك بالله كيف ؟
ذات اغنية رسمت علي ضفافك رهاناتها ورحلت وقفت انا جوار انبهارك وحدثت البحر عنك خلسة .... وذهبت كعادتي للرمل وجربت طفولتي مرة اخري ورايتك تغنين للاطفال اغنية المحار والعشب ..... اكثر من معتي هذا البوست ربما اكثر من حياة ....
فشكرا لك انتي دائما تفتحين نافذة مشكوك في امرها لتحرري عصفورة لا تعشش ابدا في الظلام .... عصفورة لن تعيش ابدا في قفص
شكرا فانتي تمنحين كلا المسافرين بطاقة الطريق الي الوطن ... العودة الي السناريوهات الدافئة ......
شكرا فانني اراك دائما في خاطر كل الموجودين هنا وهم يلهجون بالشكر والمحبة
فهذه صحبة تجلس علي قارعة القلب

صديقي العزيز ..


لقد اعيانا الانتظار لغيم طـــــــــــــــــــــــــــــــــال تسفاره ليهطل علينا من جديد ..

وانا اضم صوتي واحتفل مع الزولة الرايقه بقدوم الدهشـــــــــــــــــــــــة .. بيكا ..
فلحظات السعاده هي البشري ..

ويكون للمنتدي مذاق اخر .. يجدد الاشــــــــــــــــــــــــــــــواق في صدورنا ويعلن موعد الاياب ..

ويدون في دواخلنا حضوراً لا غياب .. بمداد الروعـــــــــــــــــــــــــــــــــــــــــــــ ـــــــــــــــــــــة ..



ولكم ودي
واشواقي

	ست الرحيق شكرآ علي جمــــــال حرفك وبياض قصدك . يا بيكا عودتك كالشمس تضئ لنا جميعآ كل الأرجاء . إن بابكرهو بعد الله سبب وجودي في جنبات هذا المنتدي ولولاء اصراره المتناهي لمــــــــا كنت هنا لذلك أنا مدين له أن جعلني بينكم في رحـــــاب هذا الصرح الجميل . ثانيآ ما يجمعني به من ود هو اكبر بكثير من قدرتي علي تناوله كتابة ومعني فأكرم ببيكا ففيه الحسن’ مشتمل والحب’ مُحتفل ’ وجميل ياصاحبي الحرف فيك وفي رحابك . إهداء لك أغنية جوالك لأشاركك في حالها ومــــّالها : يا الشايل شمسك في جواك خليها تبين للناس تطلع يا النازع فرحة والدة هناك غير حس آهاتك ما بتسمع ****** يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقع ****** يا السبت عقابك وروحت وحيات عز بلدك لا تنجع الشتلة تقولك لاتنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع ****** ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع ****** ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح ****** مجلوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتو وكان آمسكين باعو الارواح ****** وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح ****** سايب اهلك ونخلك راحل قول وين ماشي وين آ صاح الشمس النايري ابت تطلع النيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح ****** قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح ****** ارجع ارجع يا زول ارجع الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد الحيل في خلوة حاج الخير مكتوف دكان الشيخ فوق الواطة كيمان كيمان ما فيهو رفوف