التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
۩ﺴ ﺴ۩راكوبة الحصاحيصا۩ﺴ ﺴ۩ مساحة للونسة والضحك ونسيان بعض الهموم فيها |
|
أدوات الموضوع | انواع عرض الموضوع |
01-11-2011, 11:37 PM | #2 |
|
نصائح ام سودانيه لابنتها
يا بت هوي فتحي عينك وابقي نجيضة وفالحة .....
قدر ما أجي داخله عليكم القاكي .... هي هي هي .... و قر قر قر ..... تضحكي مع عبد الله دا.... الراجل ما تضحكيلو كتير..... يسعلني الله بعدين يحقر بيك.... الراجل اديهو العين الحمرا. وان قدرتي لعند ايدك تلحقيها ليهو لحقيها... ابقي نجيضة..... آآي ..... زي امك..... الله بسعلني وقت ابوكي يقول حاجة تضحك.... امشي اتحشر في الاوضة واضحك زين واجي مارقة صارة وشي.... وبعدين اوعك وأوعك وبعدين تااااني اوعك... تقوليلو الجلابية دي سمحة ولا العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي.... واكربيهو بالطلبات.... اوعي تخلي لك قرش يبيت في جيبو... واوعك تخليهو يشوف.ال...... بيخربن الرجال وقت المسلسل داك يبدا جيبي فندكك واقعدي دقي أي حاجة جنبو ... ويا ريت لوكانت شطة... ولا كان شافعك جيعان وداير يرضع وبيبكي خليهو في بكاهو داك لمن المسلسل ينتهي.... وبعدين ما يجى داخل يلقاكى تغنى ... حتى ان بقيتي دايرة تغني اوعك من الغنا الخايس ناس حبيبي حبيبي .... امسكي في الغنا الحار زي "البيجري مصيبتو و مرتو طلقانة" ولا "اندب حظي" ولا "دفاعنا الشعبي ياهو ديل" ولا "النار ولعت بقلبي بطفيها"..... اااااااااااي.... عشان تربيلو الزلعة .....والخلعة.... بس اوعك تغنيلو "الليلة يوم الرجال".... بيقوم يصدق و يتحنفش فوقك ساكت........ واوعك تشكريلو حاجة جابها.... ان جاب لك لحم، ختي ايدك فوق راسك وقوليلو: ووب علي ووب علي ووب علي، غشوك وادوك الجلافيط ..... وان جاب لك فتيل ريحة اول ما تفتحيهو وتشميهو طوالي كشري وقبلي غادي وابزقي قوليلو: دا شنو يا عبدالله؟...... الريحة المتل ريحة الفسيخ دي جايبها من وين؟ غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت.... وان ابى يمرق... قدر ما يقول ليو نكته ولا يخفف دمو قدامن صري ليهو وشيك.... وقوليلو: انت يا عبد الله ما عندك غير النكتة دي؟ يا خي عملت لينا بيها وجع ... وش...... اصلهم الرجال عارفاهم ... الواحد فيهم لمن يشوفلو لمت بنات يقعد يخفف في دمو ويعمل فيها ودنفاش..... وتلقيهو يضحك بلا سبب... حتى ان واحدة قحت ساكت ... يقعد يضحك ويصفق ايديهو.... واوعك تخليهو معاهن وتدخلي المطبخ تسوي ليك شربات ..... وحات الله ... بنات الزمن دا ان غفلتِ من راجلك دقيقة بس ... تلقيها عرستو. |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
01-12-2011, 03:14 PM | #4 |
|
تسلمو هنويه وابو عمر علي المرور
يا هنويه بقولو كان جريت جري الوحوش غير رزقك ما بتحوش دي بس نصائح مضحكه ولذيذه للفرفشه ما اكتر لكن بيني وبينك ركزي مع السطر الاول من النصائح وخلاص ..عشان الحياة تكون جميله خليك حنينه وفاهمه ومتفهمه ومهتمه والباقي كله بجي براه ابو عمر ميييين المساكين كدي امشي شوف قصة قدوره قدوره بتاعة انبوبة الغاز ....هههههه تسلمو |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
02-06-2011, 07:46 AM | #7 |
أبو إسراء
|
تاري الوصاية قدر دا
لازم نوقف الاسكراتشات عشان الوصايا دي الا يرسلوها بي البريد حبوبة كان وين الكلام دا دي ماحرب البسوس عديل كدا |
|
02-09-2011, 08:28 AM | #8 |
|
ههههههههههه
يا حبوبه لكن خطيرة عليك الله الام الشفته دي وين دي مدرسة نصيحة واحدة منها ما كفاية عايزين دروس خصوصيه مكثفة جدا وتسلمي يا غالية والزمن دقيقة زاتا كتيرة الجكس بقا يشتغل بالنينو ثانية |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
نصائح سودانيه 100 الميه | محمد ودرعيه | «۩۞۩- قٌسًمَ أٌلِضٌحًڳّ وًأُلُنُڳٌأُتَ أُلّمٌصًوًرَة -۩۞ | 3 | 10-02-2010 08:01 AM |
شوفو نصائح ام لابنتها | جعفر يوسف ابراهيم | «۩۞۩-منتدى الحصاحيصا الحر-۩۞۩» | 2 | 06-24-2009 04:09 PM |
نصيحة ام سودانية لابنتها | umsara | «۩۞۩-منتدى الحصاحيصا الحر-۩۞۩» | 3 | 04-07-2009 04:56 PM |
رساله من أم لابنتها في عالم النـــت | اسراء عاصم عبيد | «۩۞۩-منتدى الحصاحيصا الحر-۩۞۩» | 2 | 02-09-2008 02:29 PM |
ام قالت لابنتها يوم زفافها | naji | «۩۞۩-منتدى الحصاحيصا الحر-۩۞۩» | 6 | 07-17-2007 10:26 PM |