لالوبا يا خداما بصوت اولاد الامين القرشى

لالوبا ياخداما الليل بجيب كلاما النوم بقالى ملاما
ياخلى أفهم كلاما للخدمو الليل هماما
حالا سرد عساما فوق الوجن وساما
اللالوبا الفاح نساما لاح البرق لى سهاما
فرسانا جات تتراما محمود قائد زماما
اللالوبا يا أم نسايم زولك مساهر دايم
حازوا السُّراى نعايم وآ حسرتك يانايم
اللالوبا يالالوبا عزوك فى مهيوبه
الولد الكشف ملعوبا نال من زخاير جيوبا
اللالوبا يالمزازا بلدك بعيد ومفازا
انا قولى لى عزازا للكسبو النوم نبازا
اللالوبا يا الشطانا أسيادا كربو بطانا
جابت لكك رطانا محمود أبوى سلطانا
اللالوبا فرعك نور والسارى جرحو اتغور
جاب المقدم تور حام فوق داياتو دور
اللالوبا المبروم خيتا لاح نورا فوق خديدا
أبواتى معدن بيتا عصروها جابو زيتا
اللالوبا عرقك جارى كم كسبت قنجارى
جايب خبرها السارى فارشين فى الضحوى تجارى
السارى جاف أوطانو ضرب الخلا وصنانو
الفــــــيل صرخ فى أذانو ترجم وقلب فنانو
هذه الصلاة المنظومه للنبى وآله عموما
المكاوى وفا رسوما تجى بالقبول مختوما

بصوت فرقة الصحوة