رايك شنو يا غير مسجل فى الابداع ده ؟

انا شخصياً بتوه فى عوالم تانيه
وانا بستمع للصوت الرائع
و الكلمات الحبلى بالمعانى
و بندهش لخيال من كتب و رسم هذه اللوحه

كلمات: عمر بشير
ألحان: سليمان أبو داوود
غناء
: عبد المنعم الخالدي


فوق جناح غيمة بشاير
وفوق عباب دفقة مشاعر
في غمار صفحة خواطر
بي فرح منساب وغامر
جيت مهاجر من بنادر
تايهه في ليل العدم
لى عوالم في عيونك
فوق متون شاشاي ونم
في عيونك شفت نبع الطيبة حانى
وهداءة الليل في الصحاري
وروعة النيل في العصاري
وغيمة تمرح فوق رحاب فاصل مداري
شايله طيف... نسمة تباشير الخريف
لبلاد جفت حقوله
وحركت في ليله كامن
وايقظت اشجان طفوله
في عيونك فرحة مشتاقة وخجولة
في عيونك قصة متابعات فصولة

ياسلااااام علي الابداع والاختيارات الرائعه العزيز ابوامجد

ابومجد رمضان كريم
لوحة لوحة لوحة من الطبيعة
ابدع من رسمها
اختيار موفق
الرحمة والمغفرة للفنان بن الجزيرة عبدالمنعم الخالدى
والتحية للشاعر المبدع عمر بشير
والملحن سليمان داؤد
ابوامجد ذوقك عالى

تعظيم سلام يا ابو امجد
ابداع ...ابداع ...ابداع
بدون تاشيرة : فلتذهب (( الدكاترة يا الستة)) الى الجحيم

كلمات: عمر بشير

ابو امجد يا رائق
اكيد ابداع بس كنت داير اسالك دحين مانسيت (الالف و اللام حقات ابو الجنا ده؟) او ( بدلت الميم بي الباء؟)لو حصل ما بنطلب غير ما تكتب ليهو(سامحني غلطان بعتزر)
تسلم

المشاركة الأصلية كتبت بواسطة ابو امجد

انا شخصياً بتوه فى عوالم تانيه
وانا بستمع للصوت الرائع
و الكلمات الحبلى بالمعانى
و بندهش لخيال من كتب و رسم هذه اللوحه

عاد والله يا أبو امجد مافي كلام ، انت سيد الذوق والحس المرهف ،،، مافي شك .

فوق جناح غيمة بشائر
شايلة كل أشواق وريد
,,,,,
في غمار صفحه خواطر
تنسج حروف أحلى القطوف
,,,,,
جيت مهاجرمن دواخل
محبوسة في ليل الحنين
في عوالم ،في عيونه ؛
توهت ريدي الأليم
,,,,,
في عيونك لهفه مشتاقة وحنين
في عيونك ريد وحب وأشواق سنين
"""

روعة والله مافي كلاااام

لوحه من الزمن الحلو
اختيار موفق

اولا
رمضان كريم على الجميع
اقبولها وان جاءت متاخرة
ثانيا
نعتذر عن الغياب
والغائب عذره معاه
ثالثاً
مشكور الرائع ابو امجد
وهذا ديدنك دوما مصدر ما هو كل جميل ورائع
طبعاُ في جانب الاغاني اخوكم صفر دولي لا ينافسني في ذلك الا الجماعة اياهم فصفرهم اقدم واعرق
ولكم ان تتخيلوا اني لا احفظ ولا اغنية
لا سودانية ولا غيرها
اما صوتي فقد كفاني الله الحرج بان قال ان انكر الاصوات لصوت الحمير
(والعارف عزو مستريح )
يقولون كل انسان يطرب لصوته
وعندي هذه المقولة اجدها غير مقنعة
فصوتي لا يطربني ولا استخدمة حتى في الانتخابات
يعني كاتم صوت
لا ادندن حتى لا اوذي الاخرين
وبرغم كل هذه المقدمة
استمع لاي فنان ومن طرف
ان شاء الله عوضية عذاب
ما تضحكوا وتقولوا لي الاسم جبته من وين ؟
عادي ممكن تختار اي اسم ويطلع اسم فنان او فنانة
البركة في نجوم الغد
كفتنا شر الحرج
فمشكورة جعلت حلم ان اصبح فنان يراودني
بعد كل الذي ذكرت لكم عن صوتي
فعدد الفنانين في السودان جعلني اقتبس مقولة فاطمة الصادق واقول
(في كل بيت سوداني فنان)
اما عن عبد المنعم الخالدي فهو فنان جاء بسرعة الصاروخ ورحل بذات السرعة
متفرد في صوته متفرد في اغنياته
صنع لنفسه اسماً من خلال ما قدم من اغنيات وقف وراها شعراء وملحن ممتميز
رحل هو الاخر بسرعة (سليمان ابو داود)
ما يميز الخالدي اضافة لبصمة صوته اختياره للكلمات لذا وجدت كل اغياته قبولا منقطع النظير من المتلقي السوداني
رحم الله الخالدي وسليمان داود
شترة
لم اتمكن من مشاهدة كاس العالم هذه المرة لظروف العمل
ولكني سعدت لهزيمة البرازيل وعقبال الارجنتين
مجرد سؤال امس هتلر كان لاعب مع الالمان ؟؟؟؟؟؟
دموع كابتن البرازيل ذكرتني دموع بله جابر في عطبرة
ما عارف وجه الشبه شنو ؟

العزيز والرائع دوما ابو امجد اولا رمضان كريم علي كل اعضاء المنتدي وان كانت متأخرة وربنا يعيده علينا والجميع في اتم الصحة والعافية
دائما ابوامجد تتحفنا بهذه الدرر الغالية وموفق في اختياراتك كلهم عظماء ابدعو في اللحن والكلمة والاداء وجملو الساحة السودانية التي اصبح يقدل في الورل فيها ظل غياب التماسيح
لك ودي واحترامي

المشاركة الأصلية كتبت بواسطة ابوعمر

ياسلااااام علي الابداع والاختيارات الرائعه العزيز ابوامجد

تسلم يا غالى

المشاركة الأصلية كتبت بواسطة امين 1967

ابومجد رمضان كريم
لوحة لوحة لوحة من الطبيعة
ابدع من رسمها
اختيار موفق
الرحمة والمغفرة للفنان بن الجزيرة عبدالمنعم الخالدى
والتحية للشاعر المبدع عمر بشير
والملحن سليمان داؤد
ابوامجد ذوقك عالى

و لك ارتال من التحايا
عزيزى امين
جميلون هم شعراء بلادى
و احسب ان غنانا يسبق الاخرون بسنين ضوئيه

المشاركة الأصلية كتبت بواسطة العشي

تعظيم سلام يا ابو امجد
ابداع ...ابداع ...ابداع
بدون تاشيرة : فلتذهب (( الدكاترة يا الستة)) الى الجحيم

العشى الزول السمح
هو غير الدكاتره السته ديل
المرض غنانا شنو ؟

المشاركة الأصلية كتبت بواسطة الطيب عبدو

ابو امجد يا رائق
اكيد ابداع بس كنت داير اسالك دحين مانسيت (الالف و اللام حقات ابو الجنا ده؟) او ( بدلت الميم بي الباء؟)لو حصل ما بنطلب غير ما تكتب ليهو(سامحني غلطان بعتزر)
تسلم

يا هندسه هوى
لا البشير
و لا المشير ما بعرف يقول كلام ذى ده
الظاهر الصيام و صل العضم
تحياتى

المشاركة الأصلية كتبت بواسطة المحجوب

عاد والله يا أبو امجد مافي كلام ، انت سيد الذوق والحس المرهف ،،، مافي شك .

تسلم تسلم
يا عزيزى المحجوب
الرجل المحبوب
براحه علينا

المشاركة الأصلية كتبت بواسطة تسابيح

فوق جناح غيمة بشائر
شايلة كل أشواق وريد
,,,,,
في غمار صفحه خواطر
تنسج حروف أحلى القطوف
,,,,,
جيت مهاجرمن دواخل
محبوسة في ليل الحنين
في عوالم ،في عيونه ؛
توهت ريدي الأليم
,,,,,
في عيونك لهفه مشتاقة وحنين
في عيونك ريد وحب وأشواق سنين
"""

تسابيح
لمرورك طعم خاص
لك وافر الشكر

المشاركة الأصلية كتبت بواسطة أمين عبدالله

روعة والله مافي كلاااام

استاذ امين
انت الروعه تفوتك تمشى وين
تسلم يا ذوق

المشاركة الأصلية كتبت بواسطة الهادى محمد عبد الله

لوحه من الزمن الحلو
اختيار موفق

حلو مرورك يالهادى
تشكراتى

المشاركة الأصلية كتبت بواسطة لؤي الصادق

اولا
رمضان كريم على الجميع
اقبولها وان جاءت متاخرة
ثانيا
نعتذر عن الغياب
والغائب عذره معاه
ثالثاً
مشكور الرائع ابو امجد
وهذا ديدنك دوما مصدر ما هو كل جميل ورائع
طبعاُ في جانب الاغاني اخوكم صفر دولي لا ينافسني في ذلك الا الجماعة اياهم فصفرهم اقدم واعرق
ولكم ان تتخيلوا اني لا احفظ ولا اغنية
لا سودانية ولا غيرها
اما صوتي فقد كفاني الله الحرج بان قال ان انكر الاصوات لصوت الحمير
(والعارف عزو مستريح )
يقولون كل انسان يطرب لصوته
وعندي هذه المقولة اجدها غير مقنعة
فصوتي لا يطربني ولا استخدمة حتى في الانتخابات
يعني كاتم صوت
لا ادندن حتى لا اوذي الاخرين
وبرغم كل هذه المقدمة
استمع لاي فنان ومن طرف
ان شاء الله عوضية عذاب
ما تضحكوا وتقولوا لي الاسم جبته من وين ؟
عادي ممكن تختار اي اسم ويطلع اسم فنان او فنانة
البركة في نجوم الغد
كفتنا شر الحرج
فمشكورة جعلت حلم ان اصبح فنان يراودني
بعد كل الذي ذكرت لكم عن صوتي
فعدد الفنانين في السودان جعلني اقتبس مقولة فاطمة الصادق واقول
(في كل بيت سوداني فنان)
اما عن عبد المنعم الخالدي فهو فنان جاء بسرعة الصاروخ ورحل بذات السرعة
متفرد في صوته متفرد في اغنياته
صنع لنفسه اسماً من خلال ما قدم من اغنيات وقف وراها شعراء وملحن ممتميز
رحل هو الاخر بسرعة (سليمان ابو داود)
ما يميز الخالدي اضافة لبصمة صوته اختياره للكلمات لذا وجدت كل اغياته قبولا منقطع النظير من المتلقي السوداني
رحم الله الخالدي وسليمان داود
شترة
لم اتمكن من مشاهدة كاس العالم هذه المرة لظروف العمل
ولكني سعدت لهزيمة البرازيل وعقبال الارجنتين
مجرد سؤال امس هتلر كان لاعب مع الالمان ؟؟؟؟؟؟
دموع كابتن البرازيل ذكرتني دموع بله جابر في عطبرة
ما عارف وجه الشبه شنو ؟

تعرف يا لؤى
انا عكسك تماماً
اموت فى الكلمه الحلوه
و احلق مع اللحن الجميل
و اسبح مع الصوت العذب
انا عندى الاغنيه
عمل فنى متكامل
يعنى تلاته فى واحد
كلمه
لحن
اداء
و بكل صراحه
عندى قناعه بان الاغنيه السودانيه
هى الاول على مستوى العالم العربى
اما بالنسبه للكوره
فثقافتى فيها ضحله جداً
ربما اكثر ضحاله من جونقلى
عشان كده
ما بعرف لعيبة السنترليق من ناس الممتاز
ولا كاس العالم من الدورى الاسبانى

كسره

سمعت بان الالمان غلبو البرازيل 7 / صفر
و الظاهر الحاجه دى اهم احداث كاس العالم
بعد الزول البعضى داك

المشاركة الأصلية كتبت بواسطة محمد الفاتح

العزيز والرائع دوما ابو امجد اولا رمضان كريم علي كل اعضاء المنتدي وان كانت متأخرة وربنا يعيده علينا والجميع في اتم الصحة والعافية
دائما ابوامجد تتحفنا بهذه الدرر الغالية وموفق في اختياراتك كلهم عظماء ابدعو في اللحن والكلمة والاداء وجملو الساحة السودانية التي اصبح يقدل في الورل فيها ظل غياب التماسيح
لك ودي واحترامي

محمد الفاتح
ليك وحشه
غايتو الخرطوم اخدتك مننا عديل كده
كويس اننا اطمأنينا عليك
و ياخى ما تحرمنا طلتك