نقطة ضو

اهدى للجميع هذه الكلمات الجميلة للشاعر الكبير
محجوب شريف والتى نظمها فى ميلاد ابنته الثانية
والقصيدة بعنوان نقطة ضو وقام بتلحينها الاستاذ شمت
محم نور وتغنت بها عقد الجلاد

فى اللحظة ديك والتو......
لحظة الميلاد
كنت نقطة ضو
فرهدت بيك فرهيد ....
وانتشيت بالريد
وطرت بيك الجو
قالو ايضا بت .....
قلت مالو ولو
بختي بختي ..
انت بتي ..
امي واختي..
همي شيلي ..
شيلي مني..
مني ختي

بشوفها عز التبتبة
بتي البريدة مرتبة
دولابا داك والمرتبة
جات من قبيل من مكتبا
ادت ابوها مرتبا
سددنا دين دكان حسين ...
كستني توب
نجدنا كم.. كم مرتبه
جيهت بيتنا القديم
السقف داك والمسطبة

قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا ...بتوصلنا
وتحصلنا ...تفك الحيرة
ما بتتعنت وما بتتصنت
ما بتاوق في حق غيرا

عروووووف يا عسل
اولا حمدالله على السلامه ومشتاااقين
وثانيا شكرا ليك على نقطة ضو

عارف ووضاحه - شكرا لكم معا

وانا بدوري اهديها الي ابنتي مآب وشكراً ابن العم عارف طبعاً ماتستغرب اصلو الحكاية اخوك جاي داخل المنتدي متاخر حبتين عشان كده كل يوم بنزور ونقلب في اوراق المنتدي
اخي كن بالف خير وسلامي الي الاهل بالسودان

مشكور الاخ عارف
و حمد لله على السلامة
و مشكورة الاخت وضاحة على انو خبرتنا انك غير موجود
تحياتي ليك و الي د / احمد عبد الوهاب و مشكور على رسائلك النصية
و لكــــــــــــــــــــــــــــــــــــــــم الــــــــــــــــــــــــــــــــــــــــــود