مكتبة شاعر الدوبيت/على المقبول

رجل هاش باش تستقبلك ابتسامته ودعاباته المتميزة
من محبى الشعر والأدب،وله مدرسته الخاصة فى شعر الدوبيت حيث جمع بين التصوف وشعر الدوبيت
وله باع طويل فى هذا المجال إنه الشاعر/على المقبول والذى يقول فى وصف نفسه:

ودمقبول سعيد بالدنيا مامهتم
بسوي صلاتو للنبي البفرج الهم
راجي من الكريم مولاه يوت ينعم
يملا الكون قصيد يشعر يجر النم

وعلى المقبول إقتصادى ومصرفى ضليع يحمل شهادات علياء
وتقلد العديد من إدارات المصارف والشركات المالية
كما هو ناشط إجتماعى وله باع طويل ومساهمات كبيرة فى العمل العام والطوعى
مرحبا به وهو يثرى المنتدى بكتاباته ويخص منتديات الحصاحيصا نت بمكتبتة

شاعرك يابلد موجوع قصيدو ونمو
اولادك جميع واقعين قبل مايسمو
واحد شاتم اخو وواحد ضرب ود عمو
واحد صابلو دم واخر غريق في دمو

جاهلة جميلة في الخلقة وكذا اخلاقا
حايزة سماحة الاوصاف علي اطلاقا
تتل الايد وريدة الناس تسوقا سواقة
شايلة قليبي زي مفتاحا في العلاقة

,
حسنك منتشر بيهو الارض ممطوره
ريدتك في الحشا جوة القليب مسطوره
ان طليتي يوت ياسمحة يامعطورة
فيكي بها وجمال ودلال وفيكي خطورة

انحنا الخلوة والتقابة والسبحة وانحنا مسيد
انحنا الفي الفرج والضيق نحمد السيد
الصلاة للرسول لاشك اغلي رصيد
بيها نفيض فرح وايامنا كلها عيد

يشلع نورك اّسمحة التكنو رتاين
اوصاف الجمال فيك كامنة نفلك باين
ان طليتي يوت ليكي الخلوق بتعاين
بسام ثغرك الافراح ويوم العيد وفالنتاين

المشاركة الأصلية كتبت بواسطة علي المقبول

,
حسنك منتشر بيهو الارض ممطوره
ريدتك في الحشا جوة القليب مسطوره
ان طليتي يوت ياسمحة يامعطورة
فيكي بها وجمال ودلال وفيكي خطورة

ود المقبول
قلتى لى
بهاء
و جمال
و دلال
و خطوره
ياخى ما بالغت

ابشر
دى ما ختريه لاقت خترى


حقيقة سعداء بتدشينك
لهذه المكتبه و التى تعد مكسباً لنا
امتنانى

.
ماني الزول بيقطع في الخلوق نضام
وماني اللي حقوق الناس سلوب هضام
للجيران مسالم وفي الحرب صدام
شاحد للكريم لا اضيم ولا انضام

,
شاكرك ياالحبيب نمي وغناي وسدري
بي حالي العلي اَزول خبرت وتدري
دايما لافي ضيقي واحتياجي وندري
بتب بي سراع تلحق تغيث من بدري

زولي الفي القوام لادن وطبعو معجن
دحر بي حبو جيش قلبي وصفوفو اتفجن
ان شمو الخلوق طيبو وروايحو القجن
فيهم من مرض واخر عديييييل اتلجن

اجمل هدية واحلي مفاجئة هذه المكتبة الحصرية
لدوت نت شكراً ودالحصاحيصا شكراً ودالمقبول

تسلم ابوعمر

اوصاف الجمال لابتحصي لابتنقال
فاقت للغزال في الجيد وفي الامقال
الخصر الرهيف لاذرة لامثقال
والعجب العجيب قام رافع الاثقال

المشاركة الأصلية كتبت بواسطة علي المقبول

تسلم ابوعمر

http://alhasahisa.net/?p=976

وياقمر السما بتشبه وجيه معشوقي
بفرح وبنبسط لامن اشوفك فوقي
بالنم والقصيد متل القماري اقوقي
تعرض خيلي طربانة وبترقص نوقي

ووشك قمرا ايضا بالسواد معروشة
بنيانا الضمير واردافك اضحن حوشا
بياض قدمك مخالف حنتو المنقوشة
دا الكتل الاسود هزم الملوك وعروشا

تقدل في البنات تحلف تقول الصيدة
انوار الجلال تبرق تصوي خديدا
تعبان النظر من طول مسافة جيدا
اوصاف الجمال مابتنحصر في قصيدة

الشوق للحبيب قطع قليبي وحرق
سامرت النجوم لامن صباحن شرق
الخلاني هيمان يوت منامي مفرق
بسمة ثغرك الحاكت سحابا برق

مكسور الطريف كسر القليب وشواهو
هيج ناري جنني وتعبني هواهو
مافي بنية تب فوق الحسان تسواهو
نافر من لماي قاصد اكون في حواهو

,
ماني الزول معقد في الصديق مشكاك
وماني الزول بيشرح لي ظروفو وشاك
اسأل للمكارم عني ان كت شاك
عطايات ايديني وسيفي ايضا شاك

,
وعاجباني البنية الديمة ساوة الفوت
في وصف الجمال فاقت علي البنوت
ان نطقت شهد والاحلي فيها سكوت
شوكولاتة وكريم حاشنو في بسكوت

,
وعاجباني البنية المابتمرق الشينة
لاحامت البيوت لا اتعججن كرعينا
الساترةالعرض والحافظة تب لي دينا
لي حقي بتصون واللي عهودي امينة

المشاركة الأصلية كتبت بواسطة علي المقبول

,
وعاجباني البنية المابتمرق الشينة
لاحامت البيوت لا اتعججن كرعينا
الساترةالعرض والحافظة تب لي دينا
لي حقي بتصون واللي عهودي امينة

ابشر بالخير
والله ده الكلام يا ود المقبول
وابياتك دى زكرتنى ابيات قصيدة ست البيت للمبدع ود الرضى:
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي

مشكور ود المقبول على التفرد والإثراء
وفى انتظار المزيد من الإبداعات

شوقا ساكن الجوف يغلي زي المرجل
لاسيفو انغمد لا من حصانو اترجل
في طبعو السفور لابداري لابتخجل
مكتوب في جنيس فاق للعبار واتسجل

,
في وصف الجمال محبوبتي زولة فريدة
فاقت للغزال في العين وفي طول جيدا
يتضاري الحرير ان شاف نعومة ايدا
والعجب العجيب حتي البنات بتريدا

مرحبتين حبابك ود المقبول
نورته المنتدى بطلتك من جديد
وحقيقة مرباعاتك بقتلنا زى فنجان قهوة الصباح
انضم يا اخوى والله حديثك يسر البال..

ومغرم بي حديثك وبي سماحة طلك
وعاشق للنسيم الهب شايل فلك
وعاجبني التراب الفوقو مرسوم ضلك
هاك اخر الكلام يابنية تعجبي كلك

الامين يسلم غاليك ياحبيب

ابواتك فراس شادين سروج الخيل
في الجود والكرم فاقو الديم والسيل
الخلاني عاشقك ولي هواك اميل
وشك نور صباح شعرك سواد الليل

رائع ماتقدمه الاخ ود المقبول ,,,,,,,,,,,,,,,,,,ارجوك لا تتوقف ... مرحبا بك اضافة للمنتدى.