السنه الجايه في إستاد الخرطوم

يحتشد إستديو النيل الازرق في برنامج أغاني وأغاني بالفنانين
1 - عصام محمد نور
2 - عاصم البنا
3 - جمال فرفور
4 - نـادر خضر
5 - شريف الفحيل
6 - طــــــه سليمان
7 - أحمد الصادق
8 - محمود عبدالعزيز
ـــــــــــــــــــــــــــــــــــ
9 - رمـــــاز
10- صبــــــــاح
11 - شموس
12 - منــــار
13 - ------
خانتني الزاكره عن زكر البعض
بالاضافه للسر قدور والفنان الضيف
بالجد ماتعرف الحاصل شنو الناس ديل في رحله ولا في مسيره للفنانين
وماخفي كان اعظم والقادم احلى
يعني زي ماقلت ليكم السنه الجايه لو استمروا بالزياده الفظيعه دي الاستديو ماحيشيلهم
لسه ماشاء الله السودان بخيير وكل يوم نجوم الغد بتطلع لينا نجم جديد الله يستر
عموماً انا متفاءله للسنه الجايه إن شاء الله تسجيل الحلقات حيكون في إستاد الخرطوم والدعوه عــــامه منتظرنكم

قمرنا ........... كل عام وانتي بخير
المدينة الرياضية بتكون احسن ........... لانها واسعة

قموره اذيك
وبيني بينك كانت لي نفس الملاحظه
بالجد نقصوا من اسهم البرنامج وذادو نسبة الغني فقط

تحياتي قمر الزمان والمكان
صراحة انا ما سمعت استاد الخرطوم وجيت
داخل علي وشي قايل الموضوع مريخ هلال
على العموم مشكوره علي اللفتة الرائعة
وفعلا السر قدور عودنا على الغوص دوما
في منابع الجمال والإبداع وفي كل حلقة
يؤكد بأن الفن السوداني ما زال بخير
وشكرا مره اخرى بس المره الجاية
راعي لي مشاعرنا في عناوينك

قمر الزمان .... والله ملاحظتك رائعه . لان الفن في السودان اصبح محطة الوصول السهل والكسب السريع كنت اتوقع ان يصبر الاستاذ السر وهو الرجل الذي عايش فترة طفرة الفن الراقي في البلاد على بعض هؤلاء الشباب والشابات حتى يرتقوا بانفسهم لمصاف النجوم فعلاً .و ان يجعل من برنامجه (و الشعبيه والرضى الكبير الذي حصل عليه ) محطة صعبة لا يمكن الولوج اليها إلا بالكفاة والاقتدار
راودني احساس بان البرنامج صار استعراض لفتيان و فتيات ((مدعيات النجوميه )) و المكيجاج واللبس الضيق جداً
اكثر من انه استراحه و جلسه هادئه لتناول الشاي بعد الافطار . الشي الذي جعلني امر عليه كلما هممت بتغير قناة قائلاً (( اعوز بالله من الشيطان الرجيم ))

الاخت قمر الزمان كان من المفترض ان يحتج النجوم الكبار الموجودين في الاستوديو واظن ان لهم مكانتهم التي حط من قدرها النجوم الصغار الذين قد ضاقت بهم الاستوديوهات واصبحت مكانا للعرض اللبس, الماكياج , التساريح(نفش النيش) ... الخ لكن الظاهر ان نجومنا الحال عاجبهم.

المشاركة الأصلية كتبت بواسطة ريري

قمرنا ........... كل عام وانتي بخير
المدينة الرياضية بتكون احسن ........... لانها واسعة

ريري ياسكر تصومي وتفطري على خير المدينه الرياضيه دي خليها لما يجو ناس شهاده عربيه (شروق ابو الناس وإيمان لندن وغيرهم من نفس المستوى)

المشاركة الأصلية كتبت بواسطة بنت القوز

قموره اذيك
وبيني بينك كانت لي نفس الملاحظه
بالجد نقصوا من اسهم البرنامج وذادو نسبة الغني فقط

تسلمي ياعسل بالجد دي حاجه ملاحظه

المشاركة الأصلية كتبت بواسطة عمر الشاذلي

تحياتي قمر الزمان والمكان
صراحة انا ما سمعت استاد الخرطوم وجيت
داخل علي وشي قايل الموضوع مريخ هلال
على العموم مشكوره علي اللفتة الرائعة
وفعلا السر قدور عودنا على الغوص دوما
في منابع الجمال والإبداع وفي كل حلقة
يؤكد بأن الفن السوداني ما زال بخير
وشكرا مره اخرى بس المره الجاية
راعي لي مشاعرنا في عناوينك

عزيزنا المريخابي ود الشازلي هلال مريخ مستواه انتهى خلااااص
السر قدور عودنا على الغوص في منابع الجمال لكن الحاصل دا منابع جوطه وتسلم على المرور وكل سنه وانت طيب

المشاركة الأصلية كتبت بواسطة الطيب عبدو

قمر الزمان .... والله ملاحظتك رائعه . لان الفن في السودان اصبح محطة الوصول السهل والكسب السريع كنت اتوقع ان يصبر الاستاذ السر وهو الرجل الذي عايش فترة طفرة الفن الراقي في البلاد على بعض هؤلاء الشباب والشابات حتى يرتقوا بانفسهم لمصاف النجوم فعلاً .و ان يجعل من برنامجه (و الشعبيه والرضى الكبير الذي حصل عليه ) محطة صعبة لا يمكن الولوج اليها إلا بالكفاة والاقتدار
راودني احساس بان البرنامج صار استعراض لفتيان و فتيات ((مدعيات النجوميه )) و المكيجاج واللبس الضيق جداً
اكثر من انه استراحه و جلسه هادئه لتناول الشاي بعد الافطار . الشي الذي جعلني امر عليه كلما هممت بتغير قناة قائلاً (( اعوز بالله من الشيطان الرجيم ))

معليش ياأبو نجيب نعمل شنو دا بقى واقع الشارع السوداني نسأل الله الهدايه
تسلم ياغالي وشكراً على المرور

المشاركة الأصلية كتبت بواسطة هبة عمر

الاخت قمر الزمان كان من المفترض ان يحتج النجوم الكبار الموجودين في الاستوديو واظن ان لهم مكانتهم التي حط من قدرها النجوم الصغار الذين قد ضاقت بهم الاستوديوهات واصبحت مكانا للعرض اللبس, الماكياج , التساريح(نفش النيش) ... الخ لكن الظاهر ان نجومنا الحال عاجبهم.

هبــــــويه ياعسل النيش دا بقى طريق للنجوميه بكره نشوف لينا اقرب كوفير نتنيش ونبقى مارقين
مشكووووره حبيبه على المرور

رمضان كريم ياقمر القمر وتصوموا وتفطروا علي خير
حقيقة كان لي نفس الملاحظة والحكاية دي كا ماناسا يزيدوا بتكون أبيخ...

العزيزه قمر الزمان..
تحياتى ورمضان كريم...والله فعلا حاجه غريبه كمية الخلق الفى اغانى واغانى دى،وانا شخصيا ما عارف الفهم شنو لكن احتمال تكون فى رؤيه فنيه فى الموضوع يعنى من ناحية الاصوات ودرجات وكده،عموما البرنامج بقى بايخ بوخ شديد،وشكلو الموضوع فيو مجاملات لانو من دون ذكر اسماء فى فنانين بره الشبكه والناس بقوا ما بسمعوا ليهم اصلا..

العزيزة قمر الزمان ازيك

السر قدور زول مليان بالذكريات الجميلة ولو قدم البرنامج براه بحيث يقدم فقرة عن الاغنية ويجيب تسجيل

للاغنيه بصوت الفنان الاصلي ليها كان احسن واهو يكون ادى الفنان الاصلي حقوا وفيها احياء لسيرة فنانين قديمين

علشان يعودوا للذاكرة مرة اخرى

هسي قاعدين زي الفي مدرسة .... مدرسة شنو قولي روضه والبتلقي مكشر وبتلقي خادي يدو في خدوا

والنايم على روحوا وفجاة بدون مناسبة تلاقيه البصفق والبضحك بلا سبب والببشر شكلهم زي اللعبة الشغالة

بزنبلك فجاة تقيف


شفتا حلقة ترباس تحسي الاستياء على وشو كل ما طلب السر قدور من زول يقدم اغنيه حقتو من زول تاني

زي البقالعوا في حقوا او يحاول يخلي الزول التاني يبين مقدرات ماليه فكان ترباس بحاول يتداخل بصورة واضحة

توضح ضعف امكانية الزول البغني ليه الاغنية وكانو بقول اها شوفوا في زول بقدر يغني زي

يعني الحكاية بقت سلطة خالص

تسلمي يا جميلة وتحياتي