التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 191 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 613 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 361 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7699 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10243 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6030 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6837 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7249 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-قسم المكتبات والتوثيق -۩۞۩»

«۩۞۩-قسم المكتبات والتوثيق -۩۞۩» قسم للمكتبات يستضيف الكتاب والمبدعين من أبناء الحصاحيصا بصفة خاصة وكبار الكتاب والمبدعين السودانيين بصفة عامة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 02-04-2009, 04:56 PM
إيهاب الأمين غير متواجد حالياً
لوني المفضل Brown
 رقم العضوية : 2103
 تاريخ التسجيل : Oct 2008
 فترة الأقامة : 5651 يوم
 أخر زيارة : 06-06-2022 (06:49 AM)
 المشاركات : 99 [ + ]
 التقييم : 10
 معدل التقييم : إيهاب الأمين is on a distinguished road
بيانات اضافيه [ + ]
افتراضي مكتبة الشاعر إيهاب الأمين



أجئُ إليكِ بحلمِ الوصول
أُمنّي نفسي بطيب اللقاء
وحلوِ الحديث...
ومنك القبول
أسافر فيكِ كمهرٍ أصيلٍ
يمدّ يديه ويقطف نجماً
على ناظريكِ بدَلٍ يجول
وأكتب عنك قصائد شعري
برسمٍ أنيقٍ ووصفٍ يطول
فهل يحتويني عبابُ جنوني!
وهل يحتويكِ غناءٌ وشدوٌ
وشعرٌ وقول!
وهل يشتهيكِ السحابُ
فيبعثُ ـ عشقاً ـ إليكِ الهطول
وكلُّ المفاتن زُفــّت إليك
وموجُ البحارِ ترامى لديك
فماتت قلوبٌ بجمرِ التأسّي
وسالت دموعٌ وطاشت عقول
يبارحُ حلمي الجريحَ ابتسامٌ
ويسرقُ فرحي الكسيحَ الذهول
وأنتِ صفاءٌ مليحٌ صبوحٌ
إليه الجمال سعيداً يؤول
وجدت الصحارَى تسائل عنك
وكل المزارعِ كل الحقول
أقول إليكِ بحق السماءِ
وحق الغرام وحق المثول
دعيني أخاطب فيكِ التجلـّي
وأنت صفاء لا كالصفاءِ
فهل تأسفين
لأن شموسي تخاف الأفول
وأن مسائي قريـباً قريـباً
سيُـرخي السدول
وأن حياتي ستمضي سريعاً
ويرحل عمري بخطـوٍ عجول
إذا ما الليالي توارت وغابت
إذا ما توقف سير الفصول
أجئ إليك بعشق التمني
فيصهل عشقي وتبكي الخيول


[youtube]



 توقيع : إيهاب الأمين


إيهاب الأمين
00966539369870

رد مع اقتباس
قديم 02-04-2009, 05:00 PM   #2


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي اسمها نسرين



لم تنكصٍ الأقلامُ يوماً
عن مداعبة القراطيس
المغنجة اللعوب
لم تنكصِ الأقلام يوماً
عن مشاكسة القصائدِ
إعترافاً باختلاجات القلوب
والهمس في صمت الدجى
يطوي حديثاَ قد تناهى
في الغيوب
يوم أن ضجـّت
صباحات الغرام المترفة
واستوى نزف الحروف
مع استباق المعرفة
قبل أن ألقاها
ما خبرت خطاي عن الهوى شيئاً
ولا اكتملت حسابات السنين
أعلنت للأيام ما أخفاه قلبي
واستباحته الظنون
فعرفتها نسرين
اسمها نسرين
كانت تؤرق جفن نجم العاشقين
كانت تشقشق طفلة
تكسو رياضَ الحب خضرتَها
وتزرع في البراري ياسَـمين
كانت ـ وما زالت ـ
تسافر في جبين الشمسِ ضحكتُـها
تزيل هناك بؤس البائسين
كانت وما زالت
تمارس طهرها الأبدي
ما زالت تجلـّل
قلب أزهاري الوضيئة باليقين
اسمها نسرين
تمنح حلمها السريَّ للغيماتِ
للموجاتِ والعشقَ الرزين
تأتي عصافير الغرام ملوحاتٌ
ترتدي شجن التدافع
نحو كل الخائفين
نسرين تلقاها
وتنثر فوقها أملاً
وتهدي كل نهر ضفتين


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:04 PM   #3


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي عـبـيـر



يخالج حسي كلام كثير
عساه الزمان يصالح قلبي
ويمنح عمري الصباح المنير
فأسأل صمتك ماذا يقول
وماذا يكتّم صدرك عني
وكيف يموت السؤال وتحيا
دهشة حلمي بنفس الشعور
لقلبي طموح يناجي السماء
ويطلب دوماً لقاء عبير
فأين عبير؟
صباها يسوق خطاها
وينحو إليّ بصمت مثير
لألقى عبير تحيي النجوم
وترسل شدواً ككل البلابل
همساً يحلّق فوق السحاب
ويمضي...
كهمس الخريف المطير
عبير تنادي الحمائم دوماً
فتأتي إليها بشغف أثير
عبير تساقط عشقاً جنياً
وتصمت عني
فيصمت شعري وتبكي الزهور
عبير تغني ككل الصبايا
وترقص حيناً بقرب المرايا
وتهدي هواها لشادي الطيور
إذا ما عبير أطلّت كشمس صباحاً
يضجّ الصباح
ويكتب شعراً يحاكي جرير
وعبر المسافةِ ألقى
فؤادى يحب عبير
ألاقي الورود تحب عبير
ألاقي الغروب يحب عبير
وحتى الحروف تحب عبير
وأيضاً أنا فوق هذا وذاك
أحب عبير
ينام المساء طويلاً ويصحو
لبدء المسير
تصيح الشوارع
تهذي المزارع
تهتف عشقاً عبير عبير
يطول التياعي
يجف يراعي
يموت التداعي وتحيا عبير
وأيضاً أنا فوق هذا وذاك
أحب عبير


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:05 PM   #4


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي بتمناك



بتمناك
يا مطراً زارنا
وصحّى موات الأرض البور
بتمناك
والهمس المطوي يدافر
جوة حناجر
شايلة صراخ أطفال مبتور
بتمناك
أنا قلبي النازف
كان بتحدى رحيل الغيم
عن ريداً فيهو النيل
زي أحلى عروس يتراقص
ومن أعماقو يطل النور
أغصان النخلة النايمة
تزور أحضان الجرف الباكي
تعدد في تاريخا الماضي
وعمق الحاضر... وفرحاً جاي
النيل بتباشر بالقمرية
وضل النخلة...
وكلمة عاشق...
بنسج ريدو غنا ودوباي
بتمناك
والقول ممدود أنغام وتحية
بتمناك
بيناتنا سدود...
بيناتنا حدود وسنين ضوئية
دمعة راحل فارق شمسو
وودع آخر نغمة ناي
القمر احتار
في الضلمة الجرفت
مد الحلم اليافع
وحس دلوكة تبشر بالأفراح
القمر النيل...
القمر العرب الرحل
أدى الناس أنوار ساحاتو
وراضي يفجر من واحاتو
وميض البشرى وطعم الكسرة
وحس طنبور
لا شمساً تحزن
لا عصفور يهجر أوكارو
تغني الدنيا ...
تغني النخلة وضل النخلة
وحلم النيل يتخطى السور
بتمناك
يا شغف الوادي...
وشرف أجدادي...
وخالد باقي دهور ودهور
بتمناك
يا مطراً زارنا
وصحى موات الأرض البور


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:07 PM   #5


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



لك التحايا اخى ايهاب الامين وانت تكرمنا بهذا الحضور الانيق
واتمنى ان نطالع دوما الجديد من اعمالك من خلال هذه المساحة
اكون سعيد جدا اخى ايهاب الامين اذا ما اتحفتنا بتلك القصيده والتى سمعتها مؤخرا
وتمنيت ان احصل على نصها،والتى على ما اعتقد مطلعها:
جايز عليك الإعتماد
يا مهرجان فرح العصافير
اللي عاد
..
.
اتمنى ان تكون دوما كما تود ونودك جميعا،ولك الشكر.


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
قديم 02-04-2009, 05:08 PM   #6


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي من وين معاك



من وين معاك يبدا الكلام
يا نور رحل...
خلّف مع الحسرات ضلام
يا انتظار خطوة أمل... يا انتصار
يا ليل ممدد
في شوارعنا النشف ريقا
وبكت بعدك سلام



كل النجوم نايحات تشيل
دمعات وجوم رافضات تسيل
ومشى المطر
مشوار دموع
ودع أراضينا اليباب
أنغام رباب...
أنانة ... حزنانة... وتموت
في حلوقا أفراح الوصول
ترحل تفوت
بعدك هجر عشو الوطن
عصفور يدغدغ
عمرو باللوعة الحزن
يا انتحار قمراً طلع
قبال زمن
يوم خاصم السما والغمام



من وين معاك
يا حرقة الأسى والأسف
يبدا الكلام
من وين معاك يبدا الغنا
وتبدا الحروف تحرق تواريخا القدام
الكان مسجلة في الأفق
من وين معاك يبدا القلم
ويكتب رحيل زمن الصدام
يا صرخة القرى والحقول
يا وجعة الموج والفصول
يا همسة الرحلة الأليمة
وقول قديم مزروع شتول
ترحل معاك ضحكة ضفاف
فرحانة بي
موجاً غلب مدو النشاف
من وين معاك
ترجع خطاوي الليل سكون
وتغيّب البهجة الألم والإرتجاف


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:10 PM   #7


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي عيونك والمطر



لسة بسأل نفسي
عن سر العلاقة البين
عيونك والمطر
ولسة بسأل نفسي
عن سر التضاد
ما بين وجودك والخطر
ولسة بتساءل
شنو الخلى الربيع
ينحاز إليك
وينسج نسايمو غنا
ونغم أجمل وتر
إنت الفتحتي براكي
للغيم ألف باب
وبقيتي أنشودة صحاب
وهتفتي للصبح الأغـر
عصفورة بشويش غردت
فردت جناحا... اتمردت
جات قررت
دون سابق إنذار السفر
وجعتي قلب الليل
وبعزقتي النجوم
رجعتي للموج التساب
صالحتي مابين بوري يا بت
والسحاب
واحرجتي بالضي القمر
وأنا مندهش
ما بين عيونك والمطر
أشتاق ألاقيك سنبلة
يا وردة ... رقصة كمبلا
قدمتي للشوق ألف ناي
وأنا جيت براي
ما كان معاي غير الهواجس
والنوارس ...والكلام
الكان مسافر في الغروب
وجلبتي لي يا بت طيوب
علمتي نجماتي الألق
كرستي لعيوني الأرق
ورسمتي في اللوحة الشفق
شالتني موجات الحنين
فاجأني ضيك حين شرق
مديتي إيدك
وبيك نجيت من الغرق
وهواكي كان نازل مطر
نازف مطر
وأنا لسة بسأل نفسي
عن سر العلاقة
البين عيونك والمطر




 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:12 PM   #8


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي قولة أهلاً



يا غيمات في الدنيا انشرت
يا خطوات الفرح الجافي
يا مجلية بنور العفة
ويا مكسية سماحاً مافي
هلت فوقنا بشائر منك
ختت غنوة ولحناً دافي
كلمة تكون في طول نخلاتك
أهلاً مرحب بيك وعوافي
كلمة بسيطة فريع وسبيطة
محنة وهيطة وبلسم شافي
حتحت شوقك حس قمرية
وشالت شوفك حلمة غافي
يا منسية في كشفة حالك
يا مستورة وحالك خافي
قولة أهلاً ياها المقصد
بقة نورك يوم تنشافي
إنت الزمن الكاسك جابك
دودر بينا فيافي فيافي
وإنت الزمن الكاسك جابك
يكتح رملو سوافي سوافي
يا مطوية في قولة أهلاً
أركزي أثبتي أوعي تخافي
بكرة بمد فرحك ضرعاتو
وبكرة النيل حايرجع وافي


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:23 PM   #9


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي ربك لطف



ربك لطف
لاقاني بيك
في واحدة من أحلى الصدف
رجعني للفرح الزمان
أصلو الفرح طعمو اختلف



ومشيت بعيد
لامن لقيت سري انكشف
وغرامي ليك
الكنت داسيهو انعرف
احترت وين ألقاك... وكيف
في الريدة اتحاشى الكلف
إلا بس ربك لطف
لاقاني بيك
في واحدة من أحلى الصدف



قبال تجيبني الصدفة ليك
أنا كنت ماليني الأسف
وكتين حرق جوفي النويح
وكتين قمر ريدي انكسف
وأنا كنت في حيرة وظنون
ومعاها كم جرحاً نزف
إلا بس ربك لطف
لاقاني بيك
في واحدة من أحلى الصدف
رجعني للفرح الزمان
أصلو الفرح طعمو اختلف


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:25 PM   #10


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي سوناتا لعيون سعاد



بهواك
قدر ما تمدي إيديك للشمس
عفواً تمد ـ ريدة ـ الشمس
إيديها ليك
وأهواك
مداين من جمال
تدهش عصافيري وأطير
أحلم أرك ما بين عينيك
يا بت بحيرة وطرف ناعس
وقوس قزح
يا بت حديقة بتغرس
الريد في الضفاف
تهديني أكوان من مرح
عيد من فرح
زغرودة لي يوم الزفاف
بهواكي بي لون مختلف
ما شفت قبلك اختلاف
أديني رقراق من ولف
أديك عوالم ائتلاف
يا بهجة يا نور يا عفاف
يا همسة لامست الشغاف
يا موجة تتحدّى الجفاف
يا ضحكة بتهدّي الفؤاد
تقفل شبابيك العناد
تفتح مداين اعتماد
وكتين تطل تظهر
سعاد
والغيمة بتناجي الشمس
تفرد ضفايرا في البلاد
وأنا من أمس
من موكب التاريخ بحس
بيكي وأسافر في عيونك
وما بدس
ريدي وأبوح
يا غالية بي كل الكلام
بهواك
قدر ما تردي يا بت السلام
تدي الصباحات ابتسام
تنسجمي حد الإنسجام
ما بين تضاريس الحروف
الناقشة اسمك في الفؤاد
بيناتنا بس يفضل ميعاد
وكلام نقولو وما معاد
تنزل سحايب ريدنا غيث
تنده نجيماتنا البعاد
تنشر قصائد في سعاد
تنثر قصائد لي سعاد
تثمر قصائد يا سعاد
وأهواكي
يا بلبل بغني ومنشرح
يا عندليب زمني السمح
يا باقية لي إنت الحياة
يفصلني عنك إلا موت
يا رايعة يا كل البيوت
يا فارهة يا نور البيوت
ما طالما الليل ارتحل
حايبني وين العنكبوت؟
ما طالما الخوف ارتحل
حايبني ايه العنكبوت؟
وأهواك
قدر ما تمدي ايديك للشمس
عفواً... تمد ريدا الشمس
أنغام وصوت


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:26 PM   #11


الصورة الرمزية abdalrahim
abdalrahim غير متواجد حالياً

بيانات اضافيه [ + ]
 رقم العضوية : 309
 تاريخ التسجيل :  Jan 2007
 أخر زيارة : 10-01-2009 (07:39 AM)
 المشاركات : 47 [ + ]
لوني المفضل : Brown
افتراضي



[مشكوووووور والله يعطيك الف عافيهs []روعه والله ايها ب


 

رد مع اقتباس
قديم 02-04-2009, 05:28 PM   #12


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي وين ألاقيك



وين ألاقيك...
يا المسافر في عيوني
وصرت لي قلبي الشريك
يا الموهّط في الدواخل
منتظر لحظة مجيك
داير أضمك بي رحابة
ومن هجير الحر أضاريك
فجري بشرق من عيونك
تبسم اللحظة وأباريك
السما بتهديك نجوما
وتعزف القمرة المزازيك
والبنيات في الحواري
ليكا بتدق الدلاليك
وين أراضيك؟
الورود عنك بتسأل
وديمة تحلم لو تلاقيك
والضفاف في النيل بتزعل
إلا لو دايماً تماسيك
يبلع الموج ريقو مرة
ويجرف الساس والمداميك
والقصائد في الدفاتر
جوة في بطن الدفاتر
تستعيد أيامنا ديك
وين ألاقيك
حس غنيواتي الحزينة
انبحّ من كتر الكواريك
فيني شوقك كم تجدد
هل تجدد شوقي فيك؟
فيني شوقك كم تدفق
خش بالباب والشبابيك
حلمي دايماً إنت ترجع
موعدك يصبح وشيك
وين ألاقيك
وإنت ناسي الناس أتاريك
وين ألاقيك؟


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:34 PM   #13


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي السمحة الشمعة الدمعة نزيفا



[1]

الدمعة نزيفك
وجعك طال يا السمحة
وضو الشمعة السافر
رتل في الساحات
إنجيل الذكرى
وغادر قطرو براح الوادي
الدمعة نزيفك
شوفي خريفك
لون المطر... الخضرة
ونارو هجيرك
تحرق شرف الغطى رذاذو سمانا

[2]

دوام نلقاك يا السمحة غنانا
وغيمنا ضرانا
نقابل قمرك ساجد وسط الحوش
ودموعو تهتف
وين الصوت الطوّل صايم؟
وين القلب الكان بي نبضو
بصحّي الحلة
وينو صباحك ووينو عشانا؟
وحس أطفالك روّح وين؟
ديل أطفالك ناموا بدون أحلام
والحزن الخيّم...
وعد المطر الكان مكذوب
الفاتنا بدون ما يوصّف دربو
ودون ما يترك للغابات عنوان

[3]

نلقاك يا السمحة عوافي
بتطلع صافية نية
بتغشى الناس مرضية رضية
وتلقي رجاك أشجارنا صوامع
نحن القلنا عشانك
ندفق حبر الكلمة الشينة
وعاد نلقاك يا السمحة حمامة
لامن بيك يتلاشى
الخوف
ويتقطّع صبر الوادي مراكب

[4]


حتى الشارع كان عن جيتك
دايماً بسأل
ونحن نرد للشارع
رد الخايف ردو يزعل
ونخل الشاطي
الكان في يومن ما مابينا
الليلة يجينا
في إيدو رتينة
عشان ما يشوف السمحة الشمعة
الغالية علينا

[5]


الدمعة تسيل والسمحة تعاني
السمحة رؤانا وأسمى معاني
وزي عصفورة
تغني تغني تغني
وما بتهم
لو كان جنحاتا بقت مكسورة
السمحة صبورة
برغم الدمعة نزيفا
هجيرا وهبة زيفا
تقوم تتوهط
وتبدا تعيش وسط النجمات
مستورة


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:43 PM   #14


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي صمت الكلام



منو البقدر يشيل صمتي
ويعبّر عنو بالأحرف
ويدونو في شعاع الشمس
بالكلمات
منو البقدر يكون أحلام
وياخد من دموع عيني
ويغسل أسايا بالبسمات
متين يا ليل...
صباح الريد يطل
في دنيا أيامي
تبارح لهفة الأحزان
تبلل شوق قلب ظامي
متين يا قمري إنت تهل
وتطوي ستائر الإظلام
وتبعد سطوة الأوهام
ويسيل المد...
يهد سد الحواجز هد
تعال يا ضو
تعال يا أملي في الماضي
تعال يا رمز حلم الغد
تعال يا رقة الأنفاس
وخت البشرى في الإحساس
وزح السد
عشان ما تزغرد الآهات
عشان ما تكتر البسمات
وتمتد في المدى وتمتد
تجينا البهجة تتشابك
تهاجر في المقل أفراح
وتنزاح الهموم تنهد
ونرجع تاني للأحباب
نهدّي النبض والأعصاب
ونزرع تاني جنب الباب
شجيرات الوئام والود



[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 05:45 PM   #15


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة abdalrahim مشاهدة المشاركة
[مشكوووووور والله يعطيك الف عافيهs []روعه والله ايها ب
ألف شكر عبدالرحيم
يديك العافية


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 06:37 PM   #16
أبو إسراء


الصورة الرمزية البرنس
البرنس غير متواجد حالياً

بيانات اضافيه [ + ]
 رقم العضوية : 1127
 تاريخ التسجيل :  Aug 2007
 أخر زيارة : 12-10-2014 (10:37 AM)
 المشاركات : 4,957 [ + ]
 التقييم :  31
 الدولهـ
Sudan
 MMS ~
MMS ~
لوني المفضل : Blue
افتراضي



ايهاب الامين توثيق رائع
وكلمات تشدك من اول حرف فيها متابعين معاك
تسلم كتير أخي ايهاب


 
 توقيع : البرنس

مواضيع : البرنس



رد مع اقتباس
قديم 02-04-2009, 07:00 PM   #17


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي اعتماد



اقتباس:
المشاركة الأصلية كتبت بواسطة ود الحصاحيصا مشاهدة المشاركة
لك التحايا اخى ايهاب الامين وانت تكرمنا بهذا الحضور الانيق
واتمنى ان نطالع دوما الجديد من اعمالك من خلال هذه المساحة
اكون سعيد جدا اخى ايهاب الامين اذا ما اتحفتنا بتلك القصيده والتى سمعتها مؤخرا
وتمنيت ان احصل على نصها،والتى على ما اعتقد مطلعها:
جايز عليك الإعتماد
يا مهرجان فرح العصافير
اللي عاد
..
.
اتمنى ان تكون دوما كما تود ونودك جميعا،ولك الشكر.
[=""]جايز عليك الإعتماد
يا مهرجان فرح العصافير
اللي عاد
جايز أقالد يوم جديد
أرجع أعبي الكون قصيد
للغالية ستنا إعتماد

* * *

القى الحنان في سكتك
ويبقى الجنون العندي زاد
جايز أتوه
ما بين عيونك والميعاد
ويمكن أروح
ما ألقى للكلمات مداد
يا رايعة زي غيم الخريف
يا غيث وغوث يا إمتداد
رحلة وجع حرف القصيد
الما عرف
عن موج هواك يوم إرتداد
* * *
حتماً عليك الإعتماد
يا حن وذوق
يا مقدرة
كاسات هواك المسكرة
تذكار من الماضي الورا
يا غنوة مالية الحنجرة
فيك القصائد بنشرا
ليك الجواهر بنثرا
وتدوزن القمرية ألحان الوداد
ويقالد الصبح الأماسي
يرجعن
لا زيف ولا سيف لا سواد
وتقيد معاك نار الغرام
تتمطي من وسط الرماد
قطعاً عليك الإعتماد
[/color]


 
 توقيع : إيهاب الأمين


إيهاب الأمين
00966539369870

التعديل الأخير تم بواسطة إيهاب الأمين ; 02-04-2009 الساعة 08:48 PM

رد مع اقتباس
قديم 02-04-2009, 07:04 PM   #18


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة البرنس مشاهدة المشاركة
ايهاب الامين توثيق رائع
وكلمات تشدك من اول حرف فيها متابعين معاك
تسلم كتير أخي ايهاب
لك الودالعزيز البرنس
كلماتك الجميلة قلادة شرف أعتز بها
حبي وتقديري


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:10 PM   #19


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي بجيلك



بجيلك
من هدير الموج
ومن سكة مشي الضفة
ومن درب النزيف أسكب
غناوي أنيقة ملتفة
بجيلك
لما صمت الليل
يفوت حدو ويزيد لهفة
ولما الوردة
تلبس من حروفك توب
ومن مرض الغرام تشفى
محل ما شوقي يبكي عليك
ووين ما الدهشة تصطف
بجيلك زي شعاع النور
وزي برق المحبة العاش
يداري مجيهو بالصدفة
بجيلك قيف بحر زعلان
تغسّلو دمعة من عاشق
حبيبتو اتغابت العرفة
وقلبو النازف المجروح
بترسم عفتو العفة
تدور الدنيا زي ما تدور
وأقيف عندك
قصيدة خجولة لما تشوف
صفاك تصفى
عليك ذات الحقيقة سؤال
شنو الخلاك
تباري سحابة مجنونة
وبدون كلفة
تقيفي تعايني لي قمراً
سرق أنوارو من وشك
وشيّد همسو ليك غرفة



[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:12 PM   #20


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي صبرك علي



صبرك علي...
يا دابو أتعبني الشجن
يادابو موج العشق هاج
خايف أضيع في الريد وأجن
خطوات سبيلك سلسبيل
بي لهفة ليك خطواتي جن



صبرك علي...
في سمايا طلت نجمتين
بستاني مهجور من سنين
الليلة غنت وردتين
فكيني من قيد السكات
وأديني منك كلمتين
لسة التواصل مستحيل
وأنا بيني بينك خطوتين



صبرك علي...
أنا صدقي بي حبك وشى
أصدح مع الطير في الغصون
وأتغنى همس ووشوشة
وأزيد في ريدك كل يوم
وألقاكي بي ود وانتشا
يا الدربك إنت هوى وجنون
أنا عقلي في دربك مشى


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:12 PM   #21
~|الدعم الفني|~


الصورة الرمزية support
support غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  May 2007
 أخر زيارة : 08-13-2022 (08:08 PM)
 المشاركات : 563 [ + ]
 التقييم :  10
لوني المفضل : Brown
افتراضي



حبيب الكل شاعرنا الجميل والله خلاص بقيت مدمن كلماتك واشعارك كل يوم قررت اقرا ليك قصيده وبالجد انت فنان...


 

رد مع اقتباس
قديم 02-04-2009, 07:17 PM   #22


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي مواسم ال‘نتظار



وتكلت زرعي علي الرذاذ
ولا مرة من نبعك شرب
انهدّ حيل شعري العنيد
وانسدّ باب راحة القلب



مالك سقيتي الليل سهاد
وأنا صبري من صدك تعب
جرّحتِ قلبي المستكين
ضيّعتِ من خطوي الدرب
ملت مواسمي الإنتظار
وما لاقي جرحي معاكي طب



كم ليكي أخلصت وصبح
جوايا ريدك مستتب
وكتبت فيك أجمل قصيد
ضاع شعري عنك وما كسب
خشيت براي في نار هواك
وأنا كنت قايلو هواك لعب


أنا كنت بحلم بالفرح
بس وضعي بي سببك خِرب
لازمني احساس الضياع
موجوع وحاتك ومنغلب
لا يوم شفق قلبك علي
لا مرة حالي عليك صعب
***هذه القصيدة تغنى بها من ألحانه المطرب عصام محمد نور


الأغنية بصوت عصام محمد نور

تحميل

الأغنية بصوت عصام وجعفر السقيد (طنبور)

تحميل


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:19 PM   #23


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي ابتسمي



ابتسمي خلي الجو يروق
هدي العواصف والبروق
ينزل مطر ضي بسمتك
يروي البيادر والشقوق
ما بسمتك ميعاد عشق
طلة شمس عز الشروق

ابتسمي
لسة الشوق بفتش سكتك
لسة الظلال خافية الطريق
والنيل يردد غنيتك
والشارع الباكي الحزين
منو الموانع دستك
ابتسمي ما أحلى الصباح
وكتين يطل من بسمتك



ابتسمي يا أروع نغم
صحّى المدائن والحقول
اتحدى صمت الليل وسافر
عانق إيقاعو الفصول
طمّن الحرف المعربد
وعلمو يبادر يقول
تدهش النور ابتسامتك
وتعلن الفرحة الوصول



ابتسمي يا زولة
وتعالي نعلم الناس تبتسم
نتلاقى في الآفاق وميض
والغيم يناديك بالاسم
نتغنى للموج والزهور
ومواقف الريد تنحسم
ابتسمي ما لاقتني قبلك
نجمة يا بت تبتسم


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:20 PM   #24


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي ما سر صمتك



ما سر صمتك
وبينك وبين الغيمة حكاية
ومن تيار الحرقة الجرفك
تبدا فصول الدمعة رواية
ما سر صمتك يا عصفورة
يا غناية شدر الحلة...
يا غناية
يا ضوّاية ليل الحلة
حنانك دفا سلامنا البارد
وفجّر فينا محنة دفينة
داعب نجمك فجر أحزانو
وناغم فجرك نجمة حزينة
ما سر صبرك يا مسكينة؟
وصّف دربك وجع الدنيا
الواقف طولو يشابي يطولك
موسم وعينة
يا مجنونة
يا مسكونة بهاجس خوفك
يا مغبونة
يا موزونة خطاك في الشارع
زمهر مطرك ... زمجر قطرك
يا علمتي الوادي السكتة
يا قدّمتي الدهشة هدية
طيّب عطرك خاطر الوردة
الكانت تهتف بي حنية
ما سر صمتك يا دغرية
إيه الخلى النيل مندسي
ويد النيل لسع ملوية
إيه الخلى الليل متأسي
وكل نجوم الليل وردية
ما سر صمتك يا وردية


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:23 PM   #25


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي استنيتك



استنيتك
بين الشوق ورؤاي والحيرة
وكتين هبّت ريح اللهفة
ودسّت فيني دواعي الغيرة
فجأة عليّ شموسك شرقت
مسحت دمعة ووحشة مريرة
ضوّت لي دروب أحلامي
وكان أحلامي دروبا عسيرة
وكانت رحلة مشيتـا معاكي
وسفر الريدة جراحو خطيرة

* * *

استنيتك
وعداً لامس شعري
ودوزن نغمة مثيرة
استنيتك ولو لاقيتك
قبل أتوه في الهم والحيرة
كان الدنيا شقاها اتغيّر
وعارف عمري مسافتو قصيرة
وكان مشوار الحزن الطوّل
عشتو معاك في جنة نضيرة
وكان الفرح استوطن قلبي
وتوّجك إنت عليهو أميرة
قبل أموت بالحرقة أسافر
وشعري يعيش جنحاتو كسيرة
أنا يا غالية عشقت عيونك
وفي لحظات أصبحت أسيرا


[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:26 PM   #26


الصورة الرمزية بابكر عبد الرازق بخيت
بابكر عبد الرازق بخيت غير متواجد حالياً

بيانات اضافيه [ + ]
 رقم العضوية : 560
 تاريخ التسجيل :  Apr 2007
 أخر زيارة : 04-24-2016 (06:53 PM)
 المشاركات : 1,382 [ + ]
لوني المفضل : Brown
افتراضي



الاستاذ الشاعر ايهاب الامين
هي مساحة تذداد جمالا بوجودك الدافي هنا
وحقيقة جعلتني اليوم لا اخرج من البيت في هذا المساء
كان الوقت ولاذال عبقا بك
محبتي


 
 توقيع : بابكر عبد الرازق بخيت



سر الحقيقة ليس ان نحب ما
نفعل بل ان نفعل ما نحب


رد مع اقتباس
قديم 02-04-2009, 07:37 PM   #27


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي



اقتباس:
المشاركة الأصلية كتبت بواسطة بابكر عبد الرازق بخيت مشاهدة المشاركة
الاستاذ الشاعر ايهاب الامين
هي مساحة تذداد جمالا بوجودك الدافي هنا
وحقيقة جعلتني اليوم لا اخرج من البيت في هذا المساء
كان الوقت ولاذال عبقا بك
محبتي
لك التحية أستاذ بابكر
وليتنا نقدم دائماً ما يروق لكم
ونحكم عليكم بسجن اختياري تكون فيه المتعة
كل التقدير أيها الرائع


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:39 PM   #28


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي اصطفيتك



اصطفيتك
نجمة في ليلي الطويل
أنا كنت راصد دربي بيها
كنت داخرك للمسافات
البتبكي عيوني فيها
وكنت دايرك تبقي لَيْ
شمسي البتشرق
وانتظر في شوق مجيها
لما طال حبل الصبر
ما عرفت بس لي نهايتو جيهة
* * *
كنت دايرك ترأفي وتتعطفي
وتشتاقي زي أشواقي ليكي
كنت برتاح لما أحلم بي عيونك
لما أطراك واشتهيكي
كنت بنتظر المواعيد البتفرِح
جاية منك وماشة ليكي
إلا راح الكان رجيتو
وخاب عشم دنيايا فيكي
* * *
اصطفيتك
يا سراب غشاني نهرو
وانتظرتك ليل طويل
مستني فجرو
وديمة راجيك
بي حنين حرّقني جمرو
عشان هواك يا ست هواي
حيّرني أمرو
عشان دوام أنا ليكي وافي
وانت ما أدِّيتي بس لوفايا قدرو



[youtube]


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:46 PM   #29


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي قصائد صوتية



أهديكم أحبتي هذه القصائد للاستماع...
اضغط على اسم القصيدة للتحميل أو الاستماع المباشر...

بت من نور

بتمناك

قصة قصيرة


قولة أهلاً


حزن المراكبية

يتبع


 
 توقيع : إيهاب الأمين


إيهاب الأمين
00966539369870


رد مع اقتباس
قديم 02-04-2009, 07:57 PM   #30


الصورة الرمزية إيهاب الأمين
إيهاب الأمين غير متواجد حالياً

بيانات اضافيه [ + ]
 رقم العضوية : 2103
 تاريخ التسجيل :  Oct 2008
 أخر زيارة : 06-06-2022 (06:49 AM)
 المشاركات : 99 [ + ]
 التقييم :  10
لوني المفضل : Brown
افتراضي قصائد صوتية



المزيد من القصائد الصوتية
اضغط اسم القصيدة للتحميل أو الاستماع...

ابتسمي


اصطفيتك


ربك لطف


المهبوشة


ما سر صمتك

مع كل الود


 
 توقيع : إيهاب الأمين


إيهاب الأمين
00966539369870


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة شعرية صوتية(2) إيهاب الأمين «۩۞۩-منتدى الادب والثقافة-۩۞۩» 6 11-23-2008 04:31 PM
الوالد محمد الأمين في زمة الله أبو رائد «۩۞۩-المنتدي الاجتماعى-۩۞۩» 26 10-30-2008 02:23 PM
مكتبة للمديح بنت أمها «۩۞۩-المنتدى الاسلامى-۩۞۩» 0 10-23-2008 07:13 PM
مكتبة شعرية صوتية إيهاب الأمين «۩۞۩-منتدى الادب والثقافة-۩۞۩» 0 10-07-2008 11:26 PM
أدعو للأستاذ الفنان / محمد الأمين أبو رائد «۩۞۩-منتدى الحصاحيصا الحر-۩۞۩» 2 12-24-2006 12:58 PM


الساعة الآن 01:20 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009