عضو جديد ـ خالد يوسف العشاري

ياهلا ومرحبا بالأخ خالد يوسف
بمنتديات الحصاحيصا دوت نت
سعدنا بخبر عضويتك معنا نتمني
لك طيب الاقامه والمشاركة الفاعلة
والتميز في الحضور والمواضيع والمشاركات

وأنا كمان في غاية السعادة بالإنضمام إلى هذا المنتدى الغني بمواضيعه الجميلة ، وأنتظروا مني الكثير والكثير وإن شاء الله سوف أكون من الأعضاء النشطين،،،، ودمتم ذخراً للثقافة والفكر والأدب في ربوع بلادي الحبيبة،،،
ود العشاري

مكة المكرمة

العشق القديم

العقده يا جنة صباي
جاييك يا عشقاً قديم
جواي يدغدغ في حشاي
و يا شوقاً ملازمني
يوماتي في صبحي ومساي
للبلد السمح وجميل
ولطلة وجيه الوالدة زي بدر الدجى الضواي
و لنمة حجى الحبوبة و اللولاي
و لقمراً مشتت ضيه فوق رمل الفريق من جاي
و ليوسف صباح خيري
و دخري للزمان الجاي
و ام يوسف ربيع عمري وسعد دنياي
بحس بروعة الدنيا وكتين اشوفها حداي
و لزولاً كريم و هميم
لضيف الهجوع عشاي
و لقدحاً كبير ووسيع
يكفي الغاشي و الماشي و حتى الجاي
الغربة زي ليلاً طويل
بالتني ما خلتلي راي
سامحيني يا عشقي القديم
بعادي ما كان برضاي
و الفيني من اشواقي ليك
في الغربة كان اسباب اساي
جاييكي يا عشقي القديم
جاييك يا أملي ورجاي

حافظ يوسف العشاري
مكة المكرمة – haf.1968@hotmail.com

ود العشاري
أهلاً بيك صديق ورفيق ومرحب بيك قريب وحبيب
جيت اليوم تشرفنا وكلامك فيه جّد تطريب
والله إنت ماساهل وفيك والله نفحة طِيب
وشرفت يا غالي