|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
 |
|
|
أدوات الموضوع | انواع عرض الموضوع |
|
#1
05-30-2009, 07:05 AM
|
||||||||
|
||||||||
كيف تعرف انك في السودان ؟؟؟
لو بحثت عن خط (عبور مشاة)
أو (أمامك مدرسة) أو(منحنى) في كل (العاصمة) ولم تجده ... تبقى أكيد فى السودان ***** لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان ***** لو طالعت إعلانات لشركات (مسئول) كبير وهو لا زال (فى الخدمة…( تبقى أنت أكيد فى السودان ***** لو (لبد) ليك شرطى (مرور) فى نهاية شارع (إتجاه واحد( وخلاك لمن دخلت وجاك بى (دفتر إيصالاتو…( تبقى أنت أكيد في السودان ***** لو لقيت فى بلد ما فيهو (معينات البحث العلمى( وكل يوم الجامعات تناقش (خمسين) رسالة دكتوراة و(ميتين) رسالة (ماجستير(... تبقى أنت أكيد فى السودان ***** لو أنت في بلد وزارة الصحة فيهو قالت )الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين قالت (فاسد) أمنعوهو …. تبقى أنت أكيد في السودان ***** لو لقيت فى بلد )الصحف) بتتقفل بى (مادة) فى القانون )معموله للمطاعم …( تبقى أنت أكيد فى السودان ***** لما تلاقى الترزي كاتب على باب المحل بتاعو آية بتقول ) وفصلنا كل شئ تفصيلا) صدق الله العظيم … تبقى أنت أكيد في السودان ***** لما تخلص موضوع فى مكان ما، وتجى تركب عربيتك وتلاقى (المساحات) مرفوعه عشان تعرف على طول انو فى واحد مسحها ليك وح ياخد منك واحد جنيه … تبقى أنت أكيد فى السودان ***** لو قرأت الصحف فى 1987 أو فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان ***** لو زوجة الوزير مليانة دهب بتتجدع بيه بالعلن في الشارع من غير حساب وأطفالها بيملطشوا اولاد الجيران... تبقى أكيد إنت في السودان ***** لو أهم (كبرى) فى عاصمة البلد صيانتو عاوزة ليها (سنتين)… تبقى أنت أكيد فى السودان **** لو بهدلوك في اي مكان واشتكيت للشرطة وقالوا دا مش اختصاصنا امشي اشتكي في الثروة الحيوانية ... تبقى أكيد أنت في السودان ***** لو لقيت أنو وزارة الداخلية عندها مؤسسات (تعليمية( ووزارة التعليم عندها مؤسسات (صحية( ووزارة الصحة عندها (شركات إنشائية)… تبقى أنت أكيد فى السودان ***** لو دخلت (الوزارة) وأنت مؤجر في (زقلونا( وطلعت وعندك عمارتين في (قاردن سيتى( تبقى أنت أكيد في السودان ***** لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة ... تبقى أنت أكيد فى السودان ***** لو توقفت (الحركة) إثناء ساعات (الذروة( وإكتشفت أن السبب (كشه( تبقى أنت أكيد فى السودان ***** لو عدمت (التعريفة( وكمان دخلت فى (ديون( للإيفاء بنفقات (فراش) قريبك الذى توفى إلى رحمة الله... تبقى أنت أكيد فى السودان ***** لو وجدت أن (ترخيص عربتك( يساوى (ربع) قيمتها …. تبقى أنت أكيد فى السودان ***** لو تقدم إبنك (المهندس) لشغل وظيفة وكان (الإنترفيو) عن (صلاة الجنازة(... تبقى أنت أكيد فى السودان ***** لو (فجأة) إكتشف (المسئولون( أن (الخريف) على الأبواب... تبقى أنت أكيد فى السودان ***** لو عندك (الكلية) اليمين متعطلة وعاوزين يشيلوها ليك قامو (إستأصوا) الشمال السليمة لأنو الدكتور كان ماسك الأشعة (بالمقلوب( تبقى أنت أكيد فى السودان ***** لو مكث (مرتبك) معك )تلاته ساعات وإطناشر دقيقة( هى الفترة من لحظة إستلامه من الصراف إلى حين عودتك للمنزل... تبقى أنت أكيد فى السودان ***** لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان ***** لو لقيت لوري التراب وكومر البلدية من سنة 50 شغال بالاضافة للركشة في نفس الشارع... تبقى اكيد انت فى السودان ***** لو وجدت أن رؤساء (الأحزاب( هم (رؤساء) مدى الحياة... تبقى أنت أكيد فى السودان ***** لو وجدت أن نسبة الفقر تزداد بإزدياد (معدل النمو تبع الحكومة( تبقى أنت أكيد فى السودان ***** لو ضربتك عربية حكومة ومشيت القسم و طلعتا انت الغلطان... تبقى اكيد انت في السودان ***** لو خشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان ***** لو طلعت مستحمي و متريح وماشي عرس ودخلت العرس زي الكأنك كنت بتلعب كورة... تبقى انت اكيد و اكيد في السودان ***** لو لقيت مطعم وقدامو دورات مياه... تبقى اكيد انت في السودان ***** لو مشيت الحوادث وقالو ليك )لوعندك رصيد اضرب للدكتور لانو نايم( تبقى انت اكيد في السودان ***** لو شغال في السوق وقالو ليك ادفع ضريبة ميزان ... تبقى اكيد انت في السودان ***** لو لقيت اجنبي وعواطلي وعندو صلاحية اكتر منك والناس كلها تحترمو... تبقى انت اكيد في السودان ***** لو اعلنو عن 3000 وظيفة ومشيت تقدم في اليوم الاول وقالو ليك )تعال بكرة لانو لجنة المعاينة ما اكتملت( وجيت تاني يوم و لقيت التقديم قفل... تبقى انت اكيد في السودان ***** لو لقيت حي ساكن فيهو مسؤول كبير والكهرباء فيهو ما بتقطع نهائى... تبقى اكيد انت في السودان **** ولو لقيت المقابر قلبوها دكاكين وكافتريات ومطاعم تبقى انت اكيد في السودان وفي الحصاحيصا كمان 
|
|
06-01-2009, 12:37 PM
|
#2 | ||
|
اقتباس:
بالتحديد وبالنسبة للمقابر قلبوها دكاكين وكافتيريات ومطاعم وتعويضات للبائعين الذين كانوا فى الحرازة فى المنطقة الصناعية !!!!! |
||
 حصاحيصا ياام المدائن والقرى
من روحى بقريها السلام كل مانسيم الليل سرا
|
|
06-03-2009, 03:54 AM
|
#3 | ||
 
|
اقتباس:
شكراً / ود السر لو لقيت بين كل محل ست شاي وست شاي ( ست شاي برضو ) وكوووووووووووووووووولهن مزحومات تبقي أكيد اكييييييد في السودان لو لقيت حتة ضابط مجلس شغال بقوانين ثوريه وفي بيتو عربيه أخر موديل (مرتاحه) وعربية الحكومه شغاله في مزرعتو الخاصه وببني في عماره وكل صلواتو في الجامع تبقي اكييييد اكيد انت في السودان لو اجتمع النقيض مع النقيض . وسخرت مكتسبات المواطنيين وموارد البلد للمصالح الخاصه معناها انت اكيد في السودان |
||
|
|
|
06-03-2009, 05:43 AM
|
#4 | |
|
حلوة والله يا عباس يا ود السر وخد ديل معاك:
لو ركبت الحافلة ولمن جيت تدفع الكمساري قال ليك خلصان يا أخونا واتلفت عشان تعرف الدفع ليك منو لقيتو نزل بدون ما يعلن عن نفسه فيبقى انت اكيد في السودان. لو أخوك طلق مرتك وسواق ود عم جيرانكم ودى ولدك المستشفى وانت ما عارف فيبقى انت اكيد في السودان لو طلعت من الخرطوم من الساعة اتنين ظهرا في رمضان عشان تحصل الفطور في الحصاحيصا وما قدرت لأنه ناس ام دقرسي واقفين في الظلط قبل الساعة ثلاثة وحالفين طلاقات الفطور عندهم فانت اكيد في السودان لو لقيت كنيسة ومسجد جيران واختلط صوت المؤذن مع جرس الكنيسة فانت اكيد في السودان لو طلعت الشارع تنادي ولدك وصرخت يا ولد وجوك سبعة عيال جارين "نعم يا عمو" فأنت أكيد في السودان لو لقيت صيوان كبير منصوب في شارع والناس بتجي داخلة شايلة أكل فانت اكيد في السودان |
|
|
|
|
06-03-2009, 08:15 AM
|
#5 | |
|
اقتباس:
والله حكاية يتزحح جاي وجاي ******* كوبي لي شاي ما شفتي هناي********** الي كان معاي الي كان يوم داك ******* قاعد هنـــــــــاك والغريب إنو العواطلية البيقعدوا معاهم يقول ليك ديل مساكين ارامل ومطلقين - بس سؤال هو سعاتو كان المرحوم زوجها ولا طليقها علشان يقعد يحرسها؟؟؟؟؟؟ ولا يمكن عايز يتصدق عليها وبيعمل ليها بحث إجتماعي ؟؟؟؟ يمكن؟؟؟؟ |
|
|
التعديل الأخير تم بواسطة محمد يوسف ; 06-03-2009 الساعة 11:37 PM
|
|
06-03-2009, 08:53 AM
|
#6 | ||
|
اقتباس:
|
||
 منوية يافجر المشارق .. غابة الابنوس عيونك
|
|
06-03-2009, 12:11 PM
|
#7 | ||
|
اقتباس:
شكرا للمرور اخي عارف
وانا ما عارف كيف الواحد نفسو تسمح ليه انو يبيع ويشتري وهو يقف على رؤؤس موتى المسلمين |
||
|
|
|
06-03-2009, 12:17 PM
|
#8 | |
|
شكرا اخوي الطيب عبده على المرور الذي اسعدني
وناس المجلس والبلديه ديل كمان قصه براهم وستات الشاي ديل فيهم والله المظلومات وفيهم الارامل وفيهم المطلقات واليتامى ومحتاجين فعلا للعمل ومع ده كلو الجماعه الطيبين ديل واقفين ليهم بالمرصاد يعني لا يرحمو لا يخلو رحمة الله تنزل |
|
|
|
|
06-03-2009, 12:23 PM
|
#9 | |
|
شكرا دكتور احمد الطيب على المرور وعلى دفاعك عن ذلك البلد الذي نتمنى ونسال الله العظيم ورب العرش الكريم ان تكون كل المعاني الساميه التي زكرتها في تعقيبك شي ثابت لا مجال للتغير فيه ولكن للاسف اصبح كل ذلك شي نادر ولا تجده الا عند من رحم ربي
|
|
|
|
|
06-03-2009, 12:37 PM
|
#10 | |
|
شكرا راشد محمد الجاك على المرور والتعقيب
والله السودان فيهو صور كتيره اجمل من كده واي سوداني بتمنى انو الصور والقيم دي ما تنتهي لكن للاسف في الفتره الاخيره ومع الضغوط التي يتعرض لها المواطن اصبحت تلك العادات والمبادي تتلاشى شيئا فشيئا واصبح كل شخص وكل مواطن وكل مسؤل يقول نفسي نفسي |
|
|
|
|
06-03-2009, 10:33 PM
|
#11 |
|
|
والله يا ود السر دي أجمل جدعاتك.. وكأنك تتحدث بلساني عندما أدخل أحيانا في مقارنة خاسرة بين الوطا وبين دولة الإمارات التي مكثت فيها ما يقارب العقدين من الزمن.
ولا أتجنى على كرمك حين أسمح لنفسي ببعض الزيادات والرتوشات. حينما ترى قطوعات الكهرباء المتكررة في بلد يتفاخر مسؤوليه ببناء أكبر سد في المنطقة تعلم أنك في السودان!! حينما تخرج من أكبر المراكز التجارية مزاحما لتتسوق أفضل البضائع العالمية، وترى في الخارج عشرات من الأطفال الجوعى والمتسولين والمجذومين ينتشرون في موقف العربات فاعلم انك في السودان حينما تشعر كطبيب بأنك تعد من أفضل الكوادر الطبية المتدربة المرغوبة في الخارج، ولا ترغب في مبارحة الوطن لتعمل تحت أسوأ الظروف الصحية وبأكثر الأدوات الطبية تأخرا ولا يتم تقييمك كما ينبغي، وترى بيئة الحقل الطبي طاردة.. فاعلم أنك في السودان!! حينما تشعر بأنك مطارد من قبل ما يطلقون على أنفسهم الخدمة الوطنية الإلزامية، كمطاردة الإنتربول وال سي آي إيه لتنظيم القاعدة، وحتى تظن أنهم قد يطالبونك بالحدمة في محل التمباك.. فاعلم أنك في السودان. اذا سمعت بأنك تملك أكثر من 29 مؤوسسة تعليمية حكومية وأكثر من 20 مؤوسسة أهلية، ولا يزال مستوى التعليم العالي متدنيا على كافة المستويات الدولية والقارية والاقليمية، فاعلم انك في السودان!! اذا رأيت المسؤولين يعدونك بتطوير وتوسعة الشوارع والتصاريف المرورية بعد كل حادث مروري، أي يوميا، ولا ترى جديد فاعلم انك في السودان. حين ترى رمز السيادة وأعلى منصب دستوري يصف من يكره بأنه تحت جزمتو، وليلحس كوعو، وشكارتها دلاكتها.. فاعلم انك في السودان حين تكون في دولة محاصرة ومعاقبة ويتبجح مسؤوليها بأنهم صنعوا ثاني أعلى مغدل تنمية عالمية فاعلم أنك في السودان!! حين ترى دولة منشئة للإتحاد الإفريقي تنهزم من دولة استقلت قبل 10 أعوام بالثلاثة فاعلم انك في السودان!! حين ترى عسكري حركة يوقف حافلة مليئة بالموظفين والطلاب لأكثر من ساعة فقط ليتفحص ترخيص المركبة والسائق.. فاعلم انك في السودان.. وتتوالى المتناقضات في بلدي..!! والله يديك العافية يا ود السر، ووراك البلد تنفض عن نفسها غبار التخلف والتراجع والديكتاتورية والظلم والقهر والعطالة والتخلف. مع التحية |
|
ســلام يالبقعـة مبروكـة الإلـه والديـن
حبــــاب الحرروك، لا إنتمــــاء لا ديــن حباب السودنوك، خلوك سمارة وزيـن حبـاب الأزهري النكَـس ذرا العلميــن حبــاب الرايـة هفهافـة وتكيل العيــن قولوا معــاي تبارك، أقول دقأر ياعيـن
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| كيف تعرف أنك في عام 2009؟ | الدقدوق | ۩ﺴ ﺴ۩راكوبة الحصاحيصا۩ﺴ ﺴ۩ | 0 | 03-04-2009 09:10 PM |
| تعرف على هذة الامراض!!!!!!!!!! | ومضة | «۩۞۩-منتدى الأسرة والصحة-۩۞۩» | 2 | 12-10-2008 04:37 PM |
| كيف تعرف انك فى عام 2008م ؟؟؟ | mikey2002 | ۩ﺴ ﺴ۩راكوبة الحصاحيصا۩ﺴ ﺴ۩ | 0 | 04-21-2008 07:07 AM |
| إنا لا تعرف لغة العرب | هيثم بندي | «۩۞۩-المنتدى الاسلامى-۩۞۩» | 0 | 11-29-2007 08:47 AM |
| كيف تعرف صحة الاحاديث | وضاحة | «۩۞۩-المنتدى الاسلامى-۩۞۩» | 0 | 03-31-2007 01:17 AM |
 |
 |
 |
|
 |
العرض العادي
