احلى مساطيل

حكمه مسطول: اجمل خمسه اشياء في الدنيا هي ثلاثه : الاكل والنوم والكلام بالتلفون

مسطول بشاغل لي في بت قال ليها ايه الحلاوة دي قالت لي انت غبي قال ليها ياعسل قالت لي انت اهبل قال ليها تعرسيني قالت لي انت جادي قال ليها انتي هبله

مساطيل قاعدين واحد نط وقال: الطاره كبست في صوت بوليس انتو سامعين؟
… شبكوه: سامعين… تمنين… تسعين… قعد يكورك: اعملو حاجه الجماعه ديل زنقونا
شبكوه: زنقونا… زناتانيه… زناتالته
شالوهم في البوكسي وقال للشباب: اوعي حد فيكم يجيب سيرتي شبكو: سيرتي… فورتي… فيفتي

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة ..
ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي ..
بعد مسافة الثاني من ورا .. قال ليه .. العسكرى دا قال ليك شنو ؟

مسطول قاعد مع صحبو استاذ قالو ليهو...تصدق انا لفيت اغلب مدارس البلد دي مشيت قوز رجب وقوز ابوحبل وقوز ابونفيسة هسة ناقليني قوز ام جر المسطول عاين ليهو وقال...تعال هنا انت استاذ ولا لوري هينو

مسطول شغل التلفزيون لقي المغنية وردة بتغني وإتقول بتونس بيك

المسطول قاليها في جهنم إنشاءالله

قالت وإنت معاية

المسطول قال بت الجنية دي سمعتني ولا شنو

مسطول قال لصاحبه ارسم مربعات علي ظهري من 1 الي 20 وبعدما خلص قاليهو حك لي مربع 6

اثنين عساكر مساطيل فى حفلة فى نادى الضباط شافوا العروس لابسة فستان كلة نجوم واحد سأل صاحبو دى رتبتها شنو؟

تلاتة مساطيل قاعدين يسطلو في المقابر، رسلو واحد فيهم يجيب ليهم ولعة صاحبنا بكوس في الولعة كده شاف جماعة شايلين جنازة صاحبنا جا راجع لأصحابو مخلوع، سألوهو: جبت الولعة؟؟ قال ليهم: إنتو في الولعة ولأ أمشو شوفو ديلك لافنها قدر شنو

مسطول مشي هو وأمو وابوهو عشان يخطبوا بنت مرطبة شديد
لمن جاء راجع الجماعة سألو عملت شنو.؟
بس اوعي يكون أحرجوك ..؟
قال ليهم والله فيفتي فيفتي.!
قالوا لي كيف يعني..؟
قاليهم انا وأبوي وامي موافقين
وهي وأمها وابوها ماموافقين

مسطول كسب مليون جا جارى البيت جرى قال لمرتو انا كسبت مليوووووووووون مليوووووون
قال ليها يلا لمى هدومك بسرعه بسرعه
قالت لى ياحبيبى الهدوم الصيفى ولا الشتوى
قال ليها اي حاجه المهم امشى واجى ما القاكى قاعدة

مسطول قاعد جنب البحرمدورها بي مزاااج جاهو بوليس حركة قاليهو: قوم أرح معاي صاحبنا قال ليهو: أنا لافيها غلط ولأشنو؟؟

بتاع تاكسي مسطول جوهو بنات قالو ليهو: ماشين مشوار الرياض قال ليهم: أمشو وتعالو ماتتأخرو

مسطول مشى يتسطل مع فردو
قام ليهم ياشباب انا مابعرف اجكس بت اعمل نشو
واحد قال الجكسى دا مابجى الا بالسياسه
صحبك طوالى مشى لقا لى وحدة قال ليها ممكن دقيقه من زمنك
قالت لى اتفضل
قال ليها اخبار دار فور شنو

مسطول بعدما خلص من الصلاة قعد يدعي: يارب مدني تبقي عاصمة السودان يارب يارب..!
أموا إستغربت وسالتوا لي بتدعي كده...؟
.
.
قاليها لأنو انا كتبت في ورقة الإمتحان مدني عاصمة السودان....!

مسطول سألو رايك شنو فى الزوجه العصرية
قال ماتخلوها تمغرب شوية

مسطول عايزين يعدمو لفو لى الحبل فى رقبتو قال دقيقه دقيقه قامو نزلو احتمال عايز حاجه
قال ليهم احييي انا قربت اموت

مساطيل اتنين ماشين فى صحرا واحد قال للتانى دقيقه بس دايرك فى كلمتين على انفراد

مسطول بتاع ضرائب مشي لي بتاع الخرفان عايز الضرائب بتاع الخرفان حلف انه ماباع حاجه المسطول قال ليه خلاص دقيقه قام سأل خروف قال ليه الزول ده باع ولا ما باع الخروف قال ليه
بااااااااااااااااااااااااااااااااااااااااااع

الام قالت لولدها المسطول: امشى جيب لى مكسرات ,,,, المسطول مشى جاب ليها بنات الحلة!

خمسه مساطيل عايزين يعملو قروب
اختلفو فى الاسم
فى النهاية اتفقو يسمو

الفرسان الثلاثه

اثنين مساطيل واحد قال للثاني احكي ليك نكته
الثاني قال ليه احكي قال ليه واحد مات دفنوه

مسطول كل مايشرب الشاي عينو بتوجعو مشي للدكتور قال ليهو...يادكتور كل ما اجي اشرب الشاي عيني بتوجعني شديد..الدكتور سالو..كويس لمن تاكل او تشرب موية بتوجعك...ردالمسطول....لا لا مع الشاي بس..الدكتور كشف عليهو وقال ليهو....تاني لمن تشرب الشاي طلع المعلقة من الكباية

مسطول راكب حافلة وقاعد في المقعد الأخير
جات راكبة مدام وشايله ولد شين شنة مبالغة
السواق قاليها والله الشنة عندكم
المدام طبعا حرقة الكلام ده وزعلت ومشت قعدت جنب المسطول وقالت والله السواق ده الليلة مااخليهو
المسطول قاليها مالوا؟
قالت أهاني إهانة وقال كلام ماحلو في حق ولدي
المسطول قاليها أوع تسكتي ليهو جيبي القرد ده وامشي شاكليهو!

مسطول بيغسل في عربيتو من تحت لفوق
سألوه ليه بديت من اللوحة؟
قال: مره غسلت عربيتي من السقف ولمن وصلت للوحة اكتشفت انها ما عربيتي

مسطول أبوه مات وكان يبكي عليه ، جاه تلفون وبعد ما خلص بقى يبكي أكثر سألوه : خير
...قال ليهم : دي أختي قالت حتى أبوها توفى

مسطول مشى لدكتور نفساني
قال ليهو: بتجيني حالة غريبة، اكلم الناس بس ما أشوفهم
سأله الدكتور: متى تجيك هذه الحالة
قاله: إذا تكلمت بالتلفون

حقيقة مبالغة نكااااااااااااااااات في السلك

اتنين مساطيل فوق برج الفاتح ،, واحد منهم قال: اذا وقعت عايز لي كم علشان اوصل الأرض؟
قال الثاني: ثلاث أيام..
قال: تفتكر بموت ؟
قال ليهو : شي طبيعي بتموت ثلاث أيام لا أكل ولاشرب

مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : هييييييييييي وكمان بتفوررري