التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 191 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 612 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 360 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7698 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10242 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6030 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6837 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7248 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩»

«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
قديم 09-15-2010, 05:11 PM   #181


ياضلنا


الصورة الرمزية محمد ودرعيه
محمد ودرعيه غير متواجد حالياً

بيانات اضافيه [ + ]
 رقم العضوية : 7366
 تاريخ التسجيل :  Aug 2010
 أخر زيارة : 11-17-2015 (03:36 PM)
 المشاركات : 3,409 [ + ]
 التقييم :  21
 الجنس ~
Male
 MMS ~
MMS ~
 SMS ~
من ضبط نفسه فهو لها قائد ومن قادته فهو لها عابد
لوني المفضل : Blue
افتراضي



عندما
تملأنا الذكريات حزناً وقهر تصبح ذكرياتنا كابوس ويصبح الماضي اسوأ ما قد
يمر بمخيلتنا لكننا في كل لحظه نذكر فيها ألمنا ومع كل دمعه تنزل من اعيينا
فإننا نزداد قوة من بعد ضعفنا نزداد حده وقسوه لنعود ونقف بوجه الالم
ونرفضه ونرفض ذاك الاحساس الذي يشدنا لنعيد تلك الذكريات فلا يعود الماضي
سوى ذكريات ولا يعودسوى ماض مات


 
 توقيع : محمد ودرعيه


ويبقي الامل إبتسامة



رد مع اقتباس
قديم 09-16-2010, 06:06 PM   #182


الصورة الرمزية محمدعلي الصيفي
محمدعلي الصيفي غير متواجد حالياً

بيانات اضافيه [ + ]
 رقم العضوية : 4303
 تاريخ التسجيل :  Feb 2010
 أخر زيارة : 09-10-2011 (04:20 PM)
 المشاركات : 130 [ + ]
 التقييم :  10
لوني المفضل : Brown
افتراضي



موفق بإذن الله ... لك مني أجمل تحية .


 
 توقيع : محمدعلي الصيفي

ربما غدا او بعد غد ربما بعد سنين لاتعد ربما ذات مساء نلتقي في طريق عابر دون قصد




رد مع اقتباس
قديم 09-17-2010, 06:07 PM   #183


مونتي


الصورة الرمزية منتصر تاج الدين
منتصر تاج الدين غير متواجد حالياً

بيانات اضافيه [ + ]
 رقم العضوية : 82
 تاريخ التسجيل :  Aug 2005
 أخر زيارة : 08-21-2015 (03:11 PM)
 المشاركات : 3,175 [ + ]
 التقييم :  28
 MMS ~
MMS ~
 SMS ~
تعاين وتسأل
وماف جواب
بلاد نأئيه
وناس اغراب
عالم خالي
من الترحاب
وين ياسكة
بلا الاحباب
لوني المفضل : Coral
افتراضي



ياود ابو عاقلة نقر لينا الكيبورت وورينا كتبت شنولي عازة


 
 توقيع : منتصر تاج الدين


اشهد ان لا اله الا الله محمد رسول الله


رد مع اقتباس
قديم 09-11-2011, 04:48 AM   #184


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة حفيدودرعيه مشاهدة المشاركة
عندما
تملأنا الذكريات حزناً وقهر تصبح ذكرياتنا كابوس ويصبح الماضي اسوأ ما قد
يمر بمخيلتنا لكننا في كل لحظه نذكر فيها ألمنا ومع كل دمعه تنزل من اعيينا
فإننا نزداد قوة من بعد ضعفنا نزداد حده وقسوه لنعود ونقف بوجه الالم
ونرفضه ونرفض ذاك الاحساس الذي يشدنا لنعيد تلك الذكريات فلا يعود الماضي
سوى ذكريات ولا يعودسوى ماض مات
الكلمة ياااااا حفيد ودرعية .. الكلمة
لمن تهبشك .. بتلبّشك

وتسني إيدك للقلم .. مااااا تنكسر سن القلم ..
هي البتمرق مننا الآهة والحس والألم ..
هي البتنزع مننا الخوف والندم ..
وهي البترفع الراس المدنقر في سأم ..
فا .. تبقى عشرة على سنّتك ..
ما سنّتك ديك (:


 

رد مع اقتباس
قديم 09-11-2011, 04:50 AM   #185


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة منتصر تاج الدين مشاهدة المشاركة
ياود ابو عاقلة نقر لينا الكيبورت وورينا كتبت شنولي عازة
عازة دي كتبت ليها فوق يا منتصر ..
وانا بكتبك ..
غايتو شخبتنا فيها جنس شخبتة وبعد دا اريتو لو انسترنا معاها
قدُر ما خمينا وكبينا فيها قالت شوية !!!!


 

رد مع اقتباس
قديم 09-13-2011, 07:20 AM   #186


الصورة الرمزية اركمانيه
اركمانيه غير متواجد حالياً

بيانات اضافيه [ + ]
 رقم العضوية : 6187
 تاريخ التسجيل :  May 2010
 أخر زيارة : 03-09-2015 (08:00 AM)
 المشاركات : 710 [ + ]
 التقييم :  23
لوني المفضل : Brown
افتراضي



حاسر الرأس عند كل جمال


 
 توقيع : اركمانيه

عشقى يفني عشقي
وفنائي إستغراق
مملوكك .....لكني
سلطان العشاق.


رد مع اقتباس
قديم 09-25-2011, 06:56 AM   #187


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة اركمانيه مشاهدة المشاركة
حاسر الرأس عند كل جمال
ستّفتها ما قالتلي كفاي ... علّمتها تسرق من الخوف الهرشَة ... ومن الراحة مخدة وفَرْشَة .. ومن درب الناس التحتانية وروح البسطاء .. قطية وقشّة ... ومن الشمس المارقة صباح .. راكوبة وضل ... وكيف تتوخى الحرص اللازم وتدخل بين أحزان الروح .. وتناولك ضحكة ... علّمتها كيف ديناميكا الحركة ... وكيف الفقرا يقينم بَرَكة ... ونفرح من أبسط ما نقتات ... ولحظة تدخل عليكي النزوة فـ نص الليل أرخي صهيلك ... دِسّي الآهة ومِيتًة حيلك ... دندني من حجا الأطفال ... سريان الحس ...
القمرية القلعت ريش الحرية ونامت بدري ... ما نامت .. قوقاي والبحة بتفتل حبل الصوت وتلولو لول لول .. اللول لول .
نام احساس الزول من خدر البت في أمنٍ وأمان ..
لأنو الزول أداها أمان اللحظة .. وباقي زمان ..


وووو
أركمانيه يعني شنو يا بت أمي ؟؟؟
والجمال الـ في رويحتك دي زيّن ليك جمالي ساي على ما أعتقد ...


 

رد مع اقتباس
قديم 09-25-2011, 06:53 PM   #188


الصورة الرمزية اركمانيه
اركمانيه غير متواجد حالياً

بيانات اضافيه [ + ]
 رقم العضوية : 6187
 تاريخ التسجيل :  May 2010
 أخر زيارة : 03-09-2015 (08:00 AM)
 المشاركات : 710 [ + ]
 التقييم :  23
لوني المفضل : Brown
افتراضي



اقتباس:
المشاركة الأصلية كتبت بواسطة محمد ابوعاقلة مشاهدة المشاركة
ستّفتها ما قالتلي كفاي ... علّمتها تسرق من الخوف الهرشَة ... ومن الراحة مخدة وفَرْشَة .. ومن درب الناس التحتانية وروح البسطاء .. قطية وقشّة ... ومن الشمس المارقة صباح .. راكوبة وضل ... وكيف تتوخى الحرص اللازم وتدخل بين أحزان الروح .. وتناولك ضحكة ... علّمتها كيف ديناميكا الحركة ... وكيف الفقرا يقينم بَرَكة ... ونفرح من أبسط ما نقتات ... ولحظة تدخل عليكي النزوة فـ نص الليل أرخي صهيلك ... دِسّي الآهة ومِيتًة حيلك ... دندني من حجا الأطفال ... سريان الحس ...
القمرية القلعت ريش الحرية ونامت بدري ... ما نامت .. قوقاي والبحة بتفتل حبل الصوت وتلولو لول لول .. اللول لول .
نام احساس الزول من خدر البت في أمنٍ وأمان ..
لأنو الزول أداها أمان اللحظة .. وباقي زمان ..


وووو
أركمانيه يعني شنو يا بت أمي ؟؟؟
والجمال الـ في رويحتك دي زيّن ليك جمالي ساي على ما أعتقد ...



ومن الشمس المارقه صباح
غزلنا نسيج الحلم العاتي
وقلنا نشيل الهم يوماتي
انو وريدك منية ذاتي
أنا خبأتك فى همسة
بكره
انو شروقك نابتة فكره
لو نرجع نعيد الفات
وحدة جسد وثبات
ولو
نرجع يا أوطان
لو
لو......؟؟؟؟



الاسم:
تخليد لأول ملك يبني هرم فى السودان
أركمان


شكراً عزيراً


 
 توقيع : اركمانيه

عشقى يفني عشقي
وفنائي إستغراق
مملوكك .....لكني
سلطان العشاق.


رد مع اقتباس
قديم 09-27-2011, 04:32 AM   #189


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة اركمانيه مشاهدة المشاركة

ومن الشمس المارقه صباح
غزلنا نسيج الحلم العاتي
وقلنا نشيل الهم يوماتي
انو وريدك منية ذاتي
أنا خبأتك فى همسة
بكره
انو شروقك نابتة فكره
لو نرجع نعيد الفات
وحدة جسد وثبات
ولو
نرجع يا أوطان
لو
لو......؟؟؟؟
بتفتحي بى (لو) شيطان شعري ؟؟؟
وتدخلي زي الضو في عتمة سهري
ألقاهو صباحك بدّد ليل الوجعة
واتمغييييييت .. لامن طقطق ضهري
شقشق عصفور الشوق في غصن البال
وحسيتك عافية تكوكو في باب صدري

بمناسبة (لو) بتاعتك دي وعمل الشيطان أهديك الكلام التحت دا مرفق معه تسجيل صوتي لنفس الكلام

تصدّق ياخي شيطاني ..
دخل لى حتة مافيني ...
أفتش يومي ما لقيتو ..
ولا ظنيتو يلقاني ...
داخل من مروق الروح ..
ومارق ليهو من تاني ...
نقول نتلاقى في حتة ..
كعادتو الكعبة شرّاني ...
أرسّل ليهو أشواقي ..
معنونة بى معاناتي ...
وطفش ...
لا غادي خلّاني !!!
وحرن !!!
أسوي شنو ؟!!!
فتحتَ على الصبر بابين ...
وشباكاً قصاد الروح ...
مرقنا على السجية عصُر ...
مشواراً مشينا كُدر ...
نلقّط حِسّنا المقروش وماليانا المسافة فقُر !!!
أفتش ليهو لو يسمح ..
نتم باقي المسافة نذُر ...
وعصلج ياخي في الحتة البتروي الشوق !!!
حرن في لحظة بتحاول حروف الكلمة تتشعبط تنط لى فوق ...
تقع في ورقة خرمانة .. ومن شمّة حبر بتفوق ...
وكيف الراي ؟؟ !!
براك قصيت درب زولك ... وزولك قصّ ضهرو وراك ...
أمش مااا حِردت السكة .. ولا الدرب المشيتو براك ...
ولا الشوق الدخل بيتنا .. يحنّس نفسو يوم إبراك ...
العن لينا ميتينك ...
والعن لي كمان ..........
والعن زفرة الأشواق إذا خشّت ميادينك ...

أمش ... مااااااااااا بتنقُّص حروف شعري ...
ولا السنوات بتسرق ياخي ضي عمري ...
ولا العمر القضيتو معاك سرق عشم الصباح بدري ...
أتاري نقوووووول !!!! اخخخخخ !!!!
دا صوت إحساسي ما الشيطان ...
دي آهاتي البعيشا على الضفاف عطشان ...
دا ما الشيطان !!!
ولا الشيطان عملو بيوت وشباكين بتفتح ياخي في شطآن ...
ولا الشيطان مرق من حسي آهة شوق بتطلع من قفا القفطان ...
دا ما الشيطان !!!
حلفتً وياخي صدّقني !!!
عشان ما يبقى الكلام ممجوج ...
ولا الحرف الكتبناهو .. بنكتبو في الورق معوووووج ...
ولا شوقنا .. شوق ساكت ... مسّرِب من حلق محلوج ...
ولا الحب ... حب مراكبية ... نتم باقي المسافة نخوج ...
ولا كان الحلم بالبر .. حلم رويان ...
ولا كانت بذور الشر بتنبت في قلب عطشان ...
ولا الشيطان ... وقف بيناتنا يوم اديتا في لحظة شبق ضهري ...
ولا الشيطان ختف قلمي وكتب حرفين يعبّر عن وجع سهري ...
ولا الشيطان صبر لو لحظة ضاق البي ومُر صبري !!!
ولا الشيطان عزف وتر الكمانة حزين واتجرستا يوم سفري !!!
ولا الشيطان درع سيفو ونتف في الفرحة يوم وتري ...
تقول لي للحرف شيطان !!!؟؟؟
و اسلّفو بى بساطة كمان !!!
ياخي تخ !!!!!!

خش براااااااااااااحة في جواك بدون مركوب ...
إتحسس شنو الناقص إذا صبح النفس منكوب ...
بدون ما تحك جبين الحيرة لو عندك كلام مكتوب ...
بدون ما تحسس الجواك دخيل جواها ما محسوب ...
وتتعرف على روحك بدون ارقام نجاح ورسوب...
فتّش تلقى فيك إنسان ...
استغفر
تعيش إنسان بدون شيطان ...




شكراً أركمانية على المعلومة واخوك لامن يكون ما ناقش بسأل طوالي ولا بخجل
هو ذاتو نعرف شنو ونخلي شنو مع الثورة المعلوماتية دي



 

رد مع اقتباس
قديم 02-06-2012, 06:14 AM   #190


مونتي


الصورة الرمزية منتصر تاج الدين
منتصر تاج الدين غير متواجد حالياً

بيانات اضافيه [ + ]
 رقم العضوية : 82
 تاريخ التسجيل :  Aug 2005
 أخر زيارة : 08-21-2015 (03:11 PM)
 المشاركات : 3,175 [ + ]
 التقييم :  28
 MMS ~
MMS ~
 SMS ~
تعاين وتسأل
وماف جواب
بلاد نأئيه
وناس اغراب
عالم خالي
من الترحاب
وين ياسكة
بلا الاحباب
لوني المفضل : Coral
افتراضي



مدد مدد يا ابوعاقلة ادينا من حرفك ممد والريد بحر ماليهوحد


 
 توقيع : منتصر تاج الدين


اشهد ان لا اله الا الله محمد رسول الله


رد مع اقتباس
قديم 09-30-2013, 08:37 PM   #191


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



.. الكلمةلمن تهبشك .. بتلبّشكوتسني إيدك للقلم .. مااااا تنكسر سن القلم ..هي البتمرق مننا الآهة والحس والألم ..هي البتنزع مننا الخوف والندم ..وهي البترفع الراس المدنقر في سأم ..


والله صدقته..
يا ود ابو عاقله
ياخ وين مارق؟
والكل لهفان
لى حروف فنان
زى كلماتك
ياخ ما تتاوق
خشاك بالباب
الما جاب زول
زى ما جابك
خشاك بالباب
ح تلقى حبايبك
واصحابك
مستنينك
بلاهى تعال
شان راجنك
والواطة كمان
دايرة التربال
وبنية هناك
مشتهية غناك
عزمت صاحباته عشان جيتك
شان يفرحوا بيك
ويدوك زغرودة ريد وامل
ورقيص شبال


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
قديم 10-29-2013, 07:47 PM   #192




الصورة الرمزية ابو امجد
ابو امجد غير متواجد حالياً

بيانات اضافيه [ + ]
 رقم العضوية : 2034
 تاريخ التسجيل :  Aug 2008
 أخر زيارة : 01-13-2022 (03:43 PM)
 المشاركات : 4,955 [ + ]
 التقييم :  86
 الدولهـ
Sudan
 SMS ~
يا اغلى من نفسى

افضل انادى عليك

لامن يضيع حسى
لوني المفضل : Tomato
افتراضي



يا لفي سماك مفصول تنشاف عيان وبيان
ما عرفنا ليك وصول وما دنيت أحيان
انت الخفاك وصول يعلم بك الديان
مثلت فينا فصول لم يدركها النسيان


ود ابو عاقله
ليك بالجد وحشـــــــــــــــــــــــــــــه


 
 توقيع : ابو امجد



رد مع اقتباس
قديم 12-24-2013, 09:47 AM   #193


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



في كبري غرقان ... والبقبقه شرقت ماسوره البمبه ... في ناصية ترعة ... في حلق جدول ...
في مشاط حواشة .... يا الله ..... اتذكرت الحواشة الممشطة والدهن موية ري ...
وقامت الحواشة نقضت غزلها والشيب ظهر ... عم احمد كان زارع الواطه قطن ... والناس بتفلي في الشيب الابيض .. الطين خمره والطنين ... صوت باعوضه مجرتقه خشت ذا مره الحله ومرقت عاملا روج ... احمر شفاه الباعوضه عباره عن دم ناس مسروق ... لم نطت الباعوضه بالليل والناس نيام ... بتحقر بالمساكين الذين يفترشون أوجاعهم ويلتحفون السماء ... وانا كنت بقول يا ربي احمر الشفاه من النوع الردئ ليه ... عندما تنهمك الباعوضه بحك يديها دايما ... وتقش خشمها كأنها ما عملت اي حاجه ... وطلع منها المثل ... اكل وقش خشمك ... بمعني اسكت ساي .... اللقاطي النايم فوق برش ... خل حك راس شدر القطن ... وحك راسو ... واللسان طول كدا.. وننننننننننننننننننننننن ... زنة من غير سبب ... والشتيمه سكّت الباعوضه ... لغايه ما الهوا شال الريحه الطلعت بيها من توب واحده ست . وجري وراها ... اربعين ضكر (باعوضه) وسبعه يرقات ... يتتبعون الانوفلس... كي يرسمون شفاهها علي الخدود الناشفه ... والايادي الملطخة بدم أبرياء ...

التوقيع:محمد أبو عاقلة


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا


التعديل الأخير تم بواسطة ود الحصاحيصا ; 12-24-2013 الساعة 09:53 AM

رد مع اقتباس
قديم 12-24-2013, 09:49 AM   #194


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



شفت الزمن ساقنا بعيد خلاس ... لم ديك العده يغيب ... زكرتني .. بلدا ما فيها تمساح يقدل فيها الورل ... و السوسيو ريموت الجداده ... تنهر السوسيو .. تنط الجدادة .. والعجب كان رفعت يديك دعوة مظلوم ... تنخلع الجدادة وفررررررر تطير زي كأنو دقشتا الدعوة ... ودردلوب .. واطه ... انت الجابك تكاكي شنو ... امشي ...
شوفي ليك مكان ولاده تاني ... والجدادة كانت نفسا وحامل بي تيمان بيض ... النفس قايم وتتلفت ... ككاك كاااك ... كاك ... جبغ ... هذه الجبغ عباره عن كاكا في شكل بزقه بالباب الوراني الاوتوماتيكي ... عارف .. مرات بستفذ الجداد عندما يمشي علي غير هدي ... يلف يمين بلا شغله ويسار بلا شغله ... ولو سألتو لفيت ليه ... انا متأكد ما عندو اي اجابه مقنعه ... مرات يلقط في حاجات فارغه ... نقده أسرع من تأكدا ... وبرجع اقول انا مالي ومالو .... المهم يكب البيض ويكب الزوغه ... وبزعلني لم تجي وتلقي جبغ في طرف الملايه ... لكن مرات كدا عندو شخبته في الواطه ظريفه خلاس... زي بسطر في واطه ... يبحّت ... كم سطر ويرجع خلف ... لكي يري نتيجة الشخبته ... تماما كما يفعل الكمبيوتر للبحث عن لقمة عيش ...
عموما ما تشتغل بموضوع الجداد كتير .... عشان انت عاااارفو بودي وين

فيا سوسيو المستقبل ... لا تجهض احلامنا بالكوشه
مداخله .... السواسيو ... من ذكر وانثي
سوري ... السوسيو ما من فصيلة الذكريات ... اعتقد من فصيلة الفسايات
والسوسيوه ... !!!!!!
التوقيع:محمد ابو عاقلة


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا


التعديل الأخير تم بواسطة ود الحصاحيصا ; 12-24-2013 الساعة 09:53 AM

رد مع اقتباس
قديم 12-24-2013, 11:11 AM   #195


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي




شيطانى!!!
نص اخر


تصدّق ياخي شيطاني ..
دخل لى حتة مافيني ...
أفتش يومي ما لقيتو ..
ولا ظنيتو يلقاني ...
داخل من مروق الروح ..
ومارق ليهو من تاني ...
نقول نتلاقى في حتة ..
كعادتو الكعبة شرّاني ...
أرسّل ليهو أشواقي ..
معنونة بى معاناتي ...
وطفش ...
لا غادي خلّاني !!!
وحرن !!!
أسوي شنو ؟!!!
فتحتَ على الصبر بابين ...
وشباكاً قصاد الروح ...
مرقنا على السجية عصُر ...
مشواراً مشينا كُدر ...
نلقّط حِسّنا المقروش وماليانا المسافة فقُر !!!
أفتش ليهو لو يسمح ..
نمش باقي المسافة نذُر ...
وعصلج ياخي في الحتة البتروي الشوق !!!
حرن في لحظة بتحاول حروف الكلمة تتشعبط تنط لى فوق ...
تقع في ورقة خرمانة .. ومن شمّة حبر بتفوق ...
وكيف الراي ؟؟ !!
براك قصيت درب زولك ... وزولك قصّ ضهرو وراك ...
أمش مااا حِردت السكة .. ولا الدرب المشيتو براك ...
ولا الشوق الدخل بيتنا .. يحنّس نفسو يوم إبراك ...
ألعن لينا ميتينك ...
وألعن لي كمان ………
وألعن زفرة الأشواق إذا خشّت ميادينك ...
أمش ... مااااااااااا بتنقُّص حروف شعري ...
ولا السنوات بتسرق ياخي ضي عمري ...
ولا العمر القضيتو معاك سرق عشم الصباح بدري ...
أتاري نقوووووول !!!! اخخخخخ !!!!
دا صوت إحساسي ما الشيطان ...
دي آهاتي البعيشا على الضفاف عطشان ...
دا ما الشيطان !!!
ولا الشيطان عملو بيوت وشباكين بتفتح ياخي في شطآن ...
ولا الشيطان مرق من حسي آهة شوق بتطلع من قفا القفطان ...
دا ما الشيطان !!!
حلفتً وياخي صدّقني !!!
عشان ما يبقى الكلام ممجوج ...
ولا الحرف الكتبناهو .. بنكتبو في الورق معوووووج ...
ولا شوقنا .. شوق ساكت ... مسّرِب من حلق محلوج ...
ولا الحب ... حب مراكبية ... نتم باقي المسافة نخوج ...
ولا كان الحلم بالبر .. حلم رويان ...
ولا كانت بذور الشر بتنبت في قلب عطشان ...
ولا الشيطان ... وقف بيناتنا يوم اديتا في لحظة شبق ضهري ...
ولا الشيطان ختف قلمي وكتب حرفين يعبّر عن وجع سهري ...
ولا الشيطان صبر لو لحظة ضاق البي ومُر صبري !!!
ولا الشيطان عزف وتر الكمانة حزين واتجرستا يوم سفري !!!
ولا الشيطان درع سيفو ونتف في الفرحة يوم وتري ...
تقول لي للحرف شيطان !!!؟؟؟
و اسلّفو بى بساطة كمان !!!
ياخي تخ !!!!!!

خش براااااااااااااحة في جواك بدون مركوب ...
إتحسس شنو الناقص إذا صبح النفس منكوب ...
بدون ما تحك جبين الحيرة لو عندك كلام مكتوب ...
بدون ما تحسس الجواك دخيل جواها ما محسوب ...
وتتعرف على روحك بدون ارقام نجاح ورسوب...
فتّش تلقى فيك إنسان ...
استغفر
تعيش إنسان بدون شيطان ...
واكتب
ا
ب
ت
ث
وحاء الحب
وجيم الجملة لو نقصت ... أقيف !!!

التوقيع:محمد ابو عاقلة


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا


التعديل الأخير تم بواسطة ود الحصاحيصا ; 12-24-2013 الساعة 11:24 AM

رد مع اقتباس
قديم 12-24-2013, 11:21 AM   #196


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



(قضية)


منو القال ليك تسافر للشجن وحدك
ترمي صوتك جوه صارقيل الأذية
ما هو قصدك
تساوم بالمحار الكنت عارف إنو فاضي
كنت مالك!!!
ما افتكرتك زول ببيع لب القضية
وتلغي في الآخر سؤالك
كنت مالك!!!
ما احتكرتك لم خطواتك سهن
ورسمت أوهام في خيالك
ليه تسيب الغيمه تتسريل عليك
صبار هزايمك نزَ فيك
أرهن صحاريك للسواد
وكشًح الرمل الممغنط في الخطاوي
سايقاك خطاكَ وماشي وين
شارف على الواحات جفاف
واقف على قلبك هتاف
وخائف
رجفة الموية الكضب
وحشة الدرب الضهب
ومحطة بتبني منك الف طابق من تعب
شائل انينك ماشي وين
في زحمة الدرب الصعب
خمة النفس البخاف سطوة مطب
دربك ما بوريك ماشي وين
ولا انت عارف وين بوديك الدرب
ارجع … قليبي بخاف عليك

التوقيع:محمد أبوعاقلة


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
قديم 12-24-2013, 11:24 AM   #197


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي




وانا بكتبِك ...


شولة وسكون .. بى لون ولون ...
والضمة برضو بتكتبِك ...
في كل حرفين من غنا ...
وفي كل اصبع مرتبِك ...
اللمسة والخدر البناوش في المسام ...
أنفاس تحاول تجذبِك ...
وفي كل حالاتك معاي ...
بلقاكي كلمة شوق تتور فيني حاجة تدوّبك ...
وانا فيكي دوبني الكلام ...
والفاظ كتيييييرة بتكتبِك ...
لو عارفة يا سفري الطويل !!!
ميل القليب والخطوة ميل !!!
جوايا شايلك وبحجِبك ...
عن حتة فيها الشوق خطر ...
عن عيون كل البشر ...
وناس بترمي عيونا فيك تتوهطك ...
ما اجملك ...
وانتي بتشوفي الدنيا الوان من قزح
تضحك سماك يوم تدخلك ...
والقمرة شالت نورا منك واختفت ...
مااااااا إكتفت ...
بس إستحت !! من تاني تظهر وتشحدِك ...
وانا شمعة سارق ضوي منك ...
نفخة منك تكتليني ...
ونظرة منك اضوي ليك
الباقي من دربك معاي ...
يا ضل ضحي ...
راكوبة الساعة الهجير ...
يا شقشقة كل العصافير
التّرِك جواكي زيي تعشّشِك ...
ما تتني عودك للرياح ...
ما تكوركي لو طلع الصباح ...
وتقوم عصافيرك تطير 000 وتمقلبِك !!!
دي الوحدة شينة علي البِرِيد ...
والشوق برااااااااهو بقردنِك ...
وخلي طاقتك فاتحة فيك ...
بابك عيونك ... ضلفة ليك ....
والتانية لى قاسي الظروف .. يوم تغلبِك ....
وما ترمي روحك لاحتمالات المقاس
وتختاري زول ما بلبِّسِك
ما تعايني فوق !!!
دي النجمة لو قالت تَخُر في يوم .. أكيييد ما بتعجبك ...
وما تدسي في قلبك كلام عارفاهو مُقلق .. وبِِتعِبِِك ...
وما تنسي يوم .. احمر شفاك ...
برواز مثيييييير لى بسمتك ...
دي البسمة لو هجرت ملامحك ...
ما بتعود ...
حتى المرايا الما بتحس ... ما بتقبلِك ...
شن باقي من عمرك فرح ...
شن باقي من جرح الزمان الما نتح ...
والباقي من عمرك سنينو بتحسبِك ...
والباقي من كلك جسد ...
نظرة الناس الحسد ...
بتخشي وين .. يوم تدخلك ...
إتحصني وغطيني بيك ...
إنستري ...
ما تبقي نقناقة كلام ...
كُتر الكلام والنقة ما بِتوصلِك ...
وابقي عشرة على العيون ...
البشرة بى لون .. أو بدون ...
وحاجات كتييييييييرة بتعرفيها براك ...
بدونا مين يستحملِك ...
خليها انفاسك عطر ...
وما بين شهيقك وزفرتك .. تلقيهو بين رئتيك عِتِرْ ...
يستنشقك ...
أو مِدّي حبل الصّرة دم ...
ما دمو كان نفس الفصيلة .. وبشبهِك ...
أبقى جواك كل شى ...
وتبقي جواي أغلى شي ...
نعلّم الروح المشي ...
تاتيها لو مرقت عليك ...
دسيها لو كان فيها شي ...
دقاتو في قلبك تئن ...
والآهة لو عصرت قليِبو ... ينبّهِك ...
خليكي زي ما إنتي .. إنسان فيهو زول ...
بقى كلي شي ...
دمّك ...
عرِوقِك ...
وبصمتِك ...

التوقيع:محمد ابوعاقلة


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
قديم 12-24-2013, 11:27 AM   #198


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



يابنية يا وش الرزاز


اشوف جواك سكون صخبك
بذور جواي بتنبت من عرق تعبك
وبنده يا مطر وقًف
على باب الدخول غيمة
على شُرف الفصول نسمة
على الطين الصبح راجيكِ نقطة ضعف

وحل جواي وفيك
ومسافة فترت من مشيك
وإني ألقاك في نهاية كل خطوة ظن وشيك
أو ....
في انتظاري ورا المحطات البتمسح من ملامحنا السفر
جيت وساقتني ابتسامتك
حاجه زي لمح البصر
وجيتك قدر ...
مرهونه بالزاد والمطر
وفرضت اني ألقاك زي مطر
نقط على سافل هواي
وفي رحم المسامات انتشر
أو شطب ألوان دماي
برضو بلقاك في دماي
موجه وبحر
أوراق شجر
خضرت جواي فرضتك ضل مقيل
طول العمر
هو الباقي فيك كم يا عمر !
كان أملى بيك شتات محب
مخلاية للزول في سفر
مافيها غير صوتك يرن لحظه ويقيف
أنا يا الزمان سبتك وراي ؟
شايلك وراي ؟
انت يالقدامي ووراي
يا المشتته في مداي
رمل الطريق
زمن الحريق
يا بنيه يا وش الرزاز
يابنيه حاريك تبقي لي في الكون ملاذ
تبقى آخر نقطه منك حاجه مني
حاجه زي شتلة حراز
اتخليت دمعي المطر
واتجاهلت موتك مجاز

يالسقيتي وريدي بيك
ويا الرويت شرياني فيك
ما تسفحي المر للدموع
يا مطر أمسح مسارك للدموع
وافتح مسارحك للخطاوي الفي رجوع
أسكت عشان عينين بتبكي
وفي ضلامك ضو شموع

شمعه بتوريك حقيقة اني صحيت الليالي
وانو من نفخة هواك اختفت في الليل ليالي
يا صباحات جوه ليلي
ما فارقن شمعة هواك
ما ميلن ضهريه في حرَك مشي
ما سقت ليك الهم عشان قلبك يلين
أنا عندي ليك كل الحنين
للجاي والفات من عمر
يا سكة صعبه بدون صبر
يالله أدينا الصبر
يالله طوٌل في العمر

ألقاكِ نص قطري ومدار
ألقاكِ في الليل زي فنار
ألقاك صباح يومي ونهار
ألقاكِ في باب كل دار
ألقاكِ في البال انتظار
وفي فؤاد الريشه فكره
فكره بتعالج قضيه
يا قضية زول بسميك مستحيل

يالغمامات السهن حري ومشن
دفقن على بالك رهاب
مسحن بدل سافلك صعيد
كتبن مشاويرك عذاب
تفن عليك
وطفن عقاب نار القصيد
والكلمه نعلات الكتاب
الكلمه همسات المشي
الكِلمه بتفلي الرويح الطالعه فيك من أي شي
أغسل دواخلك با دميعاتك تبقى شي
تبقى طاحونة مشاعر ما بتقيف
الغمام الفي مساربك طبعو يوماتي النزيف
وتلقى نفسك بعد تالت
وباقي أبعادك خريف

ريحة الأنفاس دعاش
وبهجة ألوانك فراش
رك في الخاطر صبابه
واحتمل زمن انتظارك في نواصيك الأليمه
واحتيالك لم تسرقي من قفا الصيف ألف غيمه
كنتِ بتغشي المواجع في المضاجع وتطفي ضوًك بي بسيمه
يا صباح قول للفراش
اني جاييك زي نسيمه
في يميني حرير موده
ونفس حاجاتنا القديمه

التوقيع:محمد أبوعاقلة


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا



رد مع اقتباس
قديم 12-24-2013, 11:29 AM   #199


الصورة الرمزية ود الحصاحيصا
ود الحصاحيصا غير متواجد حالياً

بيانات اضافيه [ + ]
 رقم العضوية : 15
 تاريخ التسجيل :  Jun 2005
 أخر زيارة : 06-07-2017 (08:15 AM)
 المشاركات : 6,892 [ + ]
 التقييم :  48
 SMS ~
يا أيها الوطن الذي


مازال حبك فرض عيــنْ


نهجو بلادك تارةً


ونفر منها، تارةً أخرى


ونغسل من بقاياها اليديـنْ


لكننا في الحالتيــنْ


نهواك من أعماقنا


وعلى حدودك كلها


نبكي


ونذرف دمعتيـنْ
لوني المفضل : Blue
افتراضي



رحيـل

دسيت اللآه القتلت حيلِك
لميت الحيرة الصبغت فجرك باللون الأسود
وكتبتِك في دفتر أحزاني شهيدة
يوم إتشالق شوقي إليك من خطوة عنيدة
كان الليل أداك وشهُ
والصحراء الفي عينيك افتكرتني برش
نومي ... أحلامك ما بتبقى سعيدة
حزنك دشر الفجه الفيها وحيده
وطريقنا بعيدة ......
طلعي مويتك !
أروي يباس السعن الفاضي
لوني حنقوق السعف الناشف
أنا واقف مستنيك
متـوتر وخائف
طين ومشقق ... عروقي حراز
منتوفة وتسـأل مطـرك ويـن ؟
نشافك ما تخليه يعتب بابك ... سدي !
هدي ملامحِك في جِلْدي
لخبطي لونك واديني عقابِك
أرسم ليكِ الحلمْ الوردي
أمدْ في عيونك سكه تودي
وارضية لهفه ...
حروف بتندي ... لو اندفقت على مويتك
أو نامت على قشي …

كبي عيونك في وشي
إفرح من نومي قضاك
يا السمحه كفــاك ...
ما ودرت شواهدك تبْ
واتغابيت في خيالِك عِرفَة
أديني الضو الفالِت من جواك
وديني لأقرب مرفأ
اتقدَ شراع الريح العاصف
وانا واقف مستنيك
بتلفت وخــائف

متوقع إنك تمسحي من ضُلي اللون
وتفرتقي فيني نسيج المخ
باريتك عشمان
ظلمتك شكيت فيك
إنك بتريدي الهم من شكلهُ
وانا مهموم بيك
أعزك ما فتشتك في رغوه
ولا دكيت أسوارك عنوه
ما أفشيت أسرارك ...
إلا مرصص من جبخانة عينيك

ساورني شعور!
مسقوف من موية وعدك
ومفروش بالدم الساخِن
إني ... بحبك
كلمه تقـــــردن أي مســـــام في جلــدك
كلمه تهبش بى طرف الأصبع في خدك
تضحك قدامك نص الليل قُبال ما تنومي ...
تحلمي بيها تطايب خاطرك
تمسح ليك في خصـلة شعرك
تتمردغ فيـك
متهورة خوفي عليك
غطيتك من شوقي إليك
مخده لقيتك وانا تعبان
...
حركتك من خدري
لخبطتك وانا مكسوف
لحظة شرقك عسل الكلمه سرقتك
ولم العين افتعلت غمضه غمستك
غرستك في الجوف لى بكره
نبتت جواى يرقات الفكره
وفرهد فيكِ شتيل العافيه
...
غريق جواى الخندق بِسأل!
الدم الساخن لمتين ؟
الشريان الصّنقر فوق جلدك سوط !
مغبون من مين ؟
دنقر وشي وعديت من واحد !
ما اتفكيت من جنزير الحال
ما فـارقتَ الهـم القاعد
ما لجمت صهيل البــال
اضاريت في قمرك شـاهد
ويوم سبناك ما كانت حال
كلمي لينا الصبر العـائد
لملمي لينا عقاب الفـال
فارقتِك مجبور ... فارقتيني محنه
...
مبتور الفرح الفي عينيك يوم قُلتَ سلام
قدامي خريطه واسفلت
قدامي نزيف الكيلو الزفت
أتحاوم ما عارف وين
اتمطيت ما قدرت أطولك!
اتلفتَ محلْ قبلتَ مهنضبْ ...
مهنضبْ بالوقت الشَاهر سيفهُ وراى
...
غنيتك يوم كحل مروادك صبري
الصبر جميل ...
لون مروادك من عينيكْ
وعيونك أجمل
نسفت صمت الشارع لحظة شوفك
شوفك خنجر
خنجر طعن البال
وكان في البال إني أشوفك
والبال أشتر
بكيتي وسكت الشارع ...
استغرب خوفك !
دميرة النيل من دمعك
عِرِقْ اتلف في جوفك
سكت صوتك ... نشف ريقي
صِحَتْ بحة عيونك موج
وانا ... ضفتين حاضنين دميره وموج ضِهِبْ
ضهب في الجرح وانتح
خيال يفقس أمل حفيان
أمل حفيان وبترنح
تواريب العروق تتبل
تمر شدر النخيل إفرح
وتتبدل مواسمك لي مراسم عز
وكل الورد إتفتح
خلفك وأمامك
نشني للزمن الجاي سهامك
دشني أحلامك طوق
أنا واقف قدامك ... هدفك
منتظره شنو ؟
...
مسمم بالزمن العد
ومعتق بالعشم المات
وكت نعرف زمن دقشِك خيالي وفات
أصغر من خطواتك
واكبر من مشواري وآهاتك
صوري مأساتك ...
لى برواز الهم الفيني
واطرحي مشوار أحلامك لوحة
للسكة البتطول قدام عيني
تزرع فيني مواجعك
تسرق مني حنيني
تقتل قهقهة الضحكه الكانت فيك وفيني
...
اتمسكي بالنفس الطالع ونازل ليك
ادفقي في الروح المشتهياك
اشتتي بين الخطوة وبن الدرب المليان أسرار
أنا محتار ...!
ما عشرق فيني صباحك
وما اتلفت وراك فنار
جبين كل المدن ضلمه
فراغ كل الفجج زحمه
وانا الممتد على مد البصر تذكار
أشاورلك ...
عدد ما الموجه تدفر قيف
ولا هضمت خطاك مشوار
مستف بالتعب دربك
منتف ريشك الناعم
حبل أفكارنا مترارك
ومترارك هرب منك غياب
ودعتك للجياع قندول
رسمتك في الخيال ورتاب
واصابعك ماسكه زمباره
بتعزفي غنية التيراب
وراسمالك ملود
رافعاه في وش الظروف القايمه ساكت للشقا
حِشيها ما تخش في التقا
شيليها لينه مفرتقه
شريها فوق راس التكل
تاج الفتاه الشقيانه صاج
ومطموره من عُسر الزمن
قضيه في الحب والزواج
...
ولونتك بلون أسود زفاف أحباب
منو اللون زفاف الناس بلون أبيض؟
سؤال ؟
...
سرحتِ وفي سوادِن حزنِ داكن
في بياضن مزنِ ساكن
بوادر زحمة في الدمعة التفج رمشين
تفصد خد وتتبعثر تفتش حد
رماديه بتتاوق لي
...
أنا وانت وحبل صبرين
مشربك في طرف غيمه
بتسقي المر
وكان المر تحت رجليك صفق نيمه
كشحي للعصار خصلات
عشان تدي الغبار قيمه
دَفِن سرّك
حفِر ساسك على إيدي
بياض شاشك على عيني
خلي الغبار إكتر
وبلاك شن عيني
حزن شامل
سكوت
...
سكوتك في الحقيقه عذاب
مصرتك ما نشف همك
سكنتك ما سكت نّمك
مسح منديلك الأبيض عرق طاعم من الأهداب
مشوش بالحزن شوفك
خَرَتً من الخدود لونك
كشحتو على الضلام روًاب
خاف الليل على نفسو
وفتًح للصباح أبواب
عتقتك للمطر والغيم
عشقتك ما أظن كضاب
مكانك وين ...
عيونك وين ...
ومين حقن السفر فينا
ورمانا ورا الحدود أغراب
ومين حقن السفر فينا
وخلانا...
بدون أحباب …


محمد أبوعاقلة الطريفي
منتصف الليل ـ حسب التوقيت المحلي لمدن عينيك


 
 توقيع : ود الحصاحيصا






جاييك يا آخر المواني


من ظلمة البحر الممدده في الفراغ ...


جاييك من غربة الجزر المسورة بالهواجس والضياع


جاييك معاي ملح التجارب ذي محارب


مجروح و خايض في الغبار


لكني ثابت في المدى


واقف أنا ودايس على الإبر المسممة بالكلام


علمني غدر الناس أشوف


واتحدى نار كل المصائب
..والظلام..





مواضيع : ود الحصاحيصا


التعديل الأخير تم بواسطة ود الحصاحيصا ; 12-24-2013 الساعة 11:31 AM

رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:12 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009