مستشارك الخاص

تتلخص فكرة هذا البوست في تقديم استشارات او تقديم خدمات لمحتاجها في كافة الاصعدة ومناحي الحياة... قانونية ... وطبية.... وخدمية.... ونفسية .... الخ القائمة حيث ان المنتدى يعج بالعديد من الخبرات في مختلف المجالات وكلنا يحتاج لراي صائب ومشاركة من الاخرين في موضوع يتطلب مثل هذه المشورة او ابراز الخطوات التي يفترض اتباعها حتى نتمكن من اجتياز المشكلة او تنفيذ المطلوب من خطوات ويمكن للجميع المشاركة في ابداء الرأي لبلورة الفكرة ووضعها موضع التنفيذ ونكون بذلك قد حققنا اكبر مكاسب لمرتادي هذا المنتدى واقترح ان يتكون مكتب الاستشارات من حيث المبدأ من السيد / الكييك رئيسا والاستاذ الغريب مقررا وعضوية كل من السادة مدثر الجاهوري والاخ عارف والاخ ود الحصاحيصا والاخت ام اريج وللجميع اضافة من يرونه مناسبا اذا راقت لكم الفكرة :1_4_31[1]:

شكراً الأستاذ مناع ونشيد بالفكرة ..
وبطلب استشارة ... أنا إنسان كثير النسيان .. مثلاً ممكن أنسي مفتاح العربية داخل العربية واقفل أبواب السيارة وأبداء أفتش عن المفتاح وبعد زمن طويل اكتشف المفتاح داخل السيارة .. أمشي السوبر ماركت أو البقالة اشتري نص الحاجات وانسي نصها ومرات أحاسب وأمشي أخلي جزء في الكاونتر .. مرات اقوم من النوم يوم الخميس والجمعة وابداء اتجهز للشغل اكتشف انه اليوم إجازة ووو .. أطلب استشارة من اهل الخبرة بجدية عن كيفية التخلص من تلك العادة السيئة ؟؟!! بس ما تقولوا لي خرف مبكر او زهايمر

يا خ انت موش حكيم وبس.... انت ابو الحكماء مشكور يافلته من فلتات زمان مستحيل تجود بيها الطبيعه تاني والله فكره كويسه وانا ابصم لك عليها بالعشره......

المشاركة الأصلية كتبت بواسطة مدثر عثمان الجاهوري

شكراً الأستاذ مناع ونشيد بالفكرة ..
وبطلب استشارة ... أنا إنسان كثير النسيان .. مثلاً ممكن أنسي مفتاح العربية داخل العربية واقفل أبواب السيارة وأبداء أفتش عن المفتاح وبعد زمن طويل اكتشف المفتاح داخل السيارة .. أمشي السوبر ماركت أو البقالة اشتري نص الحاجات وانسي نصها ومرات أحاسب وأمشي أخلي جزء في الكاونتر .. مرات اقوم من النوم يوم الخميس والجمعة وابداء اتجهز للشغل اكتشف انه اليوم إجازة ووو .. أطلب استشارة من اهل الخبرة بجدية عن كيفية التخلص من تلك العادة السيئة ؟؟!! بس ما تقولوا لي خرف مبكر او زهايمر

:21_16: اتاريك تعمل كده لمن دكانك كسر وجيت ترمي بلاك علينا انا ومناع ونسيت وزيع الاسكريم والرسول يالسمحه.............:19_26:

شكرا يا ام اريج على التشجيع والزول لمن يكون وسط ناس باخلاق وروعة الناس الفي المنتدى الرائع دا بتظهر عليه علامات الابداع وهذا قليل من كثير تعلمناه هنا وسط هؤلاء العمالقة
اخونا مدثر عشان الاستشارة تأخد الطابع الصحيح لابد من ذكر بعض الاشياء يعني النسيان في الاسرة موجود ولا انتي بس براك البتنسى ...
وطالما الشهر الكريم على الابواب عندي ليك وصفة سريعة سمعتها في التلفزيون بتقول انو قرأءة ومحاولة حفظ القرأن كله او اجزاء منه هي سبب لعلاج النسيان عند الانسان ....

الاخ الجاهوري قليل من الجديه لايضر ...
يعني بوصيك بالصلاه علي النبي وعمل الاشياء بتاني يعني ماتكون في عجله شديده من امرك والعجله من الشيطان يعني لو عندك مواعيد بتصل متاخر والسب بكون انك نسيت حاجه ورجعت ليها لانك كنت مستعجل لحدي مانسيتها..

العزيز مناع بدوى...
سلامات...
بحييك على الفكرة واكيد ببصم عليها بالعشرة وفعلا المنتدى زاخر بكافة التخصصات فالمنتدى بضم الاطباء والمهندسين والاقتصاديين والفنانين وكل التخصصات حتى المنظرين عندنا :19_26: فاكيد كده الفايدة بتكون اعم..
وانا بقترح نعمل منتدى منفصل شان اى مشكلة او استشارة تاخد نصيبه من المناقشة والاراء...
تحياتى مناع ولى قدام...

الاستاذ/ الرائع جدا مناع بدوي لك مني السلام وحقيقة يامناع نحن تعودنا منك ومن زمن بعيد من ايام الجامعة دائما تتحفنا باراك النيرة وحقيقة هذا اقتراح نحن نؤيده وكان يفترض يكون من زمان وشكرا لك اخي مناع وانت ابو المبدعين

المشاركة الأصلية كتبت بواسطة ود الحصاحيصا

العزيز مناع بدوى...
سلامات...
بحييك على الفكرة واكيد ببصم عليها بالعشرة وفعلا المنتدى زاخر بكافة التخصصات فالمنتدى بضم الاطباء والمهندسين والاقتصاديين والفنانين وكل التخصصات حتى المنظرين عندنا :19_26: فاكيد كده الفايدة بتكون اعم..
وانا بقترح نعمل منتدى منفصل شان اى مشكلة او استشارة تاخد نصيبه من المناقشة والاراء...
تحياتى مناع ولى قدام...

الشكر اجزله لكل ابناء الحصاحيصا ونحن في انتظار بلورة الفكرة وفقا ما ترونه مناسبا اخي ود الحصاحيصا وشكرا تاني وتالت

المشاركة الأصلية كتبت بواسطة كمال الجمل

الاستاذ/ الرائع جدا مناع بدوي لك مني السلام وحقيقة يامناع نحن تعودنا منك ومن زمن بعيد من ايام الجامعة دائما تتحفنا باراك النيرة وحقيقة هذا اقتراح نحن نؤيده وكان يفترض يكون من زمان وشكرا لك اخي مناع وانت ابو المبدعين

اخونا الرائع كمال الجمل كلامك دا كلو فيني انا والله كتر خيرك .... بس انا كنت وسط مبدعين وفطاحلة زي حالتك فكان لابد من التأثر ... المهم نحاول ان نفعل شئ يجعل الفائدة اكثر والدخول للمنتدى جاذب

الاخ مناع سلام البوست مفيد جدا. واكيد لكل منا الكثير من المشاكل ونحتاج الى المشورة من منهم اكتر منا خبرة ودراية.... ولكن تجدنا نستحى من عرضها فى بوست بالذات بنات حواء..... ولك التحية وانت مبدع دائما بما تخطة يراعك.:21_1:

الفكر جميلة يا مناع بس لو كان مجال الستشارة مفتوح من دون اعضاء و لجنة بكون احسن
يعرض صاحب المشكلة المشكلة ببساطة و يتعاون اهل الاختصاص و الخبرة و الحكمة في الحل