أها الاسرائيليين حلفوا بالتقطعهم انو ما ياهم !!

اها الناس ديل خمسة مرات قبل كدة كانو واضحين وبمجرد ما يضربونا بمشو بكل طيبة خاطر ويعترفوا انهم هم اللي عملوها المرة دي ختوهو قرض وقالوا تب ماهم ولا عارفين اليرموك دي ذاتة بي وين ... اها نصدق منو عاد ... نصدق الاسرائيليين اللي ما كذبو علينا خمسة مرات ولا نصدق الاعلام السوداني ؟؟

استاذنا العزيز عاطف تحياتي

الناس ديل اتعودو كل مره يرموها في ضهر اسرائيل واسرائيل تشيل الشيلة اها المرة دي غايتو ان اسرائيل ما اعترفت ليهم وادتهم الدليل ماعارف حا يسو شنو كان اخير ليهم يبقو علي سيد اللحام ده الي ان تطرح اسرائيل الادلة وبعد داك يجو يشغلوا اسطوانة حق الرد

مرحب يا حبيب ،،

والله ما كـُنت عايز أجيب روق للسياسة ولو بي مـُداخلة ،،

بس عايز أسألك ،،

إنتا ليه ما بالع الموضوع . ؟؟؟

يعني بكون الحصل شنوا في رأيك . ؟؟!!

هل عبد الرحيم محمد حسين قـوّم الطائرات من ( الصافات ) شمال أم درمان عشان تمشي تضرب مصنع الذخيرة بتاعوا . ؟؟!!

وعشان شنو ،، كانت في لجنة جرد جاية تحسب الكترابة دي ،، ؟؟ ومعاهـُم المـُراجع العام ،، ؟؟ ريحة فساد يعني ،، ؟؟!!

المسألة ما عايزة إعتراف من اليهود أو مـُكابرة ،، ما في ناس عينهم قويـّة زي القوم ديل ،،( وما برضو بي حاجة ،، !! )

وأنـا ما عايـز أقول ليه هـُم الضربـوا المصنـع دة ،،!!!!

هسـّع نحن أحسن من الله يعني ،، والعياذ بالله ،،

يجيب ليهم مائدة من السماء ،، يقولوا عايزين بصل وفول وعدس ،، وكلام فارغ ،،

( يرسلوا !!! ) ليهم ( المـنّ والسلوي !!! )،، يقولوا عايزين كوارع من الشجرة وأبواّدم والكلاكلة ،، !!!!!!!!

مـدلـّعين من زمان ،، نصـُم خشـُمنا ونسكـت ،،

سجـم خشـُمنا ،، والتـُراب دي في خشـُمنا ،،

أماســي :-

المشاركة الأصلية كتبت بواسطة أماسي

مرحب يا حبيب ،،

والله ما كـُنت عايز أجيب روق للسياسة ولو بي مـُداخلة ،،

بس عايز أسألك ،،

إنتا ليه ما بالع الموضوع . ؟؟؟

يعني بكون الحصل شنوا في رأيك . ؟؟!!

هل عبد الرحيم محمد حسين قـوّم الطائرات من ( الصافات ) شمال أم درمان عشان تمشي تضرب مصنع الذخيرة بتاعوا . ؟؟!!

وعشان شنو ،، كانت في لجنة جرد جاية تحسب الكترابة دي ،، ؟؟ ومعاهـُم المـُراجع العام ،، ؟؟ ريحة فساد يعني ،، ؟؟!!

المسألة ما عايزة إعتراف من اليهود أو مـُكابرة ،، ما في ناس عينهم قويـّة زي القوم ديل ،،( وما برضو بي حاجة ،، !! )

وأنـا ما عايـز أقول ليه هـُم الضربـوا المصنـع دة ،،!!!!

هسـّع نحن أحسن من الله يعني ،، والعياذ بالله ،،

يجيب ليهم مائدة من السماء ،، يقولوا عايزين بصل وفول وعدس ،، وكلام فارغ ،،

( يرسلوا !!! ) ليهم ( المـنّ والسلوي !!! )،، يقولوا عايزين كوارع من الشجرة وأبواّدم والكلاكلة ،، !!!!!!!!

مـدلـّعين من زمان ،، نصـُم خشـُمنا ونسكـت ،،

سجـم خشـُمنا ،، والتـُراب دي في خشـُمنا ،،

أماســي :-

اماسي تحياتي

يا اخوي هو اذا الحكومة ممثلة في والي الخرطوم ما بالعة القصة دي ابلعة انا ... اسرائيل لي كلامي وكلامك ده ما قالت ديل نحن مع انهم في المرات الاربعة ما دسوها والحكومة في المرات الاربعة ما كانت عارفة الا بعد اسرائيل قالت ليهم عووووووووك نحن الجينا خبتناكم اها في المرات الاربعة ديك كان مصدر معلوماتنا اسرائيل ذاتة الضربتنا المرة دي نتنياهو حتاهو قرض وقال يطرشنا فاذا عندك مصدر غيرهم عشان نبلع معاك عليك الله مدنا بيهو لانو حكومتنا دي ومع انها فاقدة مصداقية من بدري لكن فقدت مصداقيتة في الموضوع ده تحديداً ببجاحة .. بعدين في الاربعة مرات اللي ضربونا فيهم لليلة وكلامي وكلامك ده ما عندنا جهه حكومية اثبتت بالدليل والعلم والمقدرة انو دي ياها اسرائيل يعني حكومتنا ذاتة معتمدة على الاعتراف الاسرائيلي عشان كدة يا عزيز الشغلانة عاوزة دفرة اعتراف لانو قياداتنا بيجعجعوا ويتعنترو ويتوعدو ويتبنوا قضايا الامة العربية ضد اسرائيل ساي وهم ما عندهم القدرة يعرفو الشئ الضربهم شنو والدليل والي الخرطوم اللي قال مكنة لحام ... وبتاع اللحام ذاتو لو ما مواقع الانترنت كان ضاع شمار في مرقة لانو المسكين ما فكوهو الا بعد ما اتخلعوا لما قرو في النت انو دي طيارة غايتو الوالي المسكين زعلة ساي يمكن يزيل ورش الحدادة من ولاية الخرتوم لانو شايف الناس بدت تطلق عليهو عبدالرحمن لحام وفي روايات اخرى عبدالرحمن مكنة مع اني شايف لحام الخضر خفيفة على اللسان .. كلو من عارف مصطفى ده .. بالنسبة لليهود ودلعهم علي ربهم انا ده شهراً ما عندي ليهو نفقة لانو ده شئ بينهم وبين ربهم ان شاءالله يطلبو منو بلح ويديهم ليهو يقولو لا عاوزين شربوت ما ربهم ياخ وهم حرين في خياراتهم الغذائية وربنا قادر انو يديهم ولا يمنعهم بس اهم شئ انهم ما يضعونا في قائمة خياراتهم الغذائية ... غايتو شغلة انو عبدالرحيم عمل الوهمة دي عشان في فيلم اختلاس ما بنستبعدة ورادة ...المهم يا اماسي الناس الضربو المصنع ده يضربم الضريب شقاق العناقريب ان شالله .. بس هم ضربوهو ليييه ؟؟؟

#رصد |#إسرائيل |#أخبار|رويترز |#2
نتنياهو: ليست لنا علاقة بالهجوم على مصنع السلاح السوداني

رويترز
نفى رئيس الوزراء الإسرائيلي، بنيامين نتنياهو، الخميس، علاقة بلاده بتفجير مجمع «اليرموك» للصناعات العسكرية في السودان.
وقال «نتنياهو»، خلال مؤتمر صحفى عقده مع نظيره الإيطالى، ماريو مونتي، الذي يزور إسرائيل حاليًا، ونقلته صحيفة «يديعوت أحرونوت» الإسرائيلية: «إن تل أبيب ليست لها علاقة بهذا الموضوع».
يذكر أن وزير الدفاع الإسرائيلي، إيهود باراك، رفض التعليق على الاتهامات الموجهة لبلاده بالهجوم على مصنع للأسلحة في العاصمة السودانية، الخرطوم، مساء الثلاثاء.
وقال «باراك»، في تصريح نقلته صحيفة «جيروزاليم بوست» الإسرائيلية، الأربعاء، «ليس لدي ما أقوله فيما يتعلق بذلك الشأن، ولن أحاول التعبير عن مشاعري تجاه تلك الاتهامات».
تأتي تصريحات «باراك» تعليقًا على اتهامات وجهتها الحكومة السودانية لبلاده بالوقوف وراء الهجوم على المجمع الحربي، جنوبي العاصمة.

واتهمت السودان، إسرائيل، باستهداف مصنع «اليرموك» للصناعات العسكرية

اسرائيل قالت ما ضربتنا

ياهمبتة شكلنا ماشين علي تصديق نظريتك

فقط نحتاج إلي بعض الدلائل البتعضد كلامك

المشاركة الأصلية كتبت بواسطة منتصر تاج الدين

#رصد |#إسرائيل |#أخبار|رويترز |#2
نتنياهو: ليست لنا علاقة بالهجوم على مصنع السلاح السوداني

رويترز
نفى رئيس الوزراء الإسرائيلي، بنيامين نتنياهو، الخميس، علاقة بلاده بتفجير مجمع «اليرموك» للصناعات العسكرية في السودان.
وقال «نتنياهو»، خلال مؤتمر صحفى عقده مع نظيره الإيطالى، ماريو مونتي، الذي يزور إسرائيل حاليًا، ونقلته صحيفة «يديعوت أحرونوت» الإسرائيلية: «إن تل أبيب ليست لها علاقة بهذا الموضوع».
يذكر أن وزير الدفاع الإسرائيلي، إيهود باراك، رفض التعليق على الاتهامات الموجهة لبلاده بالهجوم على مصنع للأسلحة في العاصمة السودانية، الخرطوم، مساء الثلاثاء.
وقال «باراك»، في تصريح نقلته صحيفة «جيروزاليم بوست» الإسرائيلية، الأربعاء، «ليس لدي ما أقوله فيما يتعلق بذلك الشأن، ولن أحاول التعبير عن مشاعري تجاه تلك الاتهامات».
تأتي تصريحات «باراك» تعليقًا على اتهامات وجهتها الحكومة السودانية لبلاده بالوقوف وراء الهجوم على المجمع الحربي، جنوبي العاصمة.

واتهمت السودان، إسرائيل، باستهداف مصنع «اليرموك» للصناعات العسكرية

العزيز منتصر كل عام وانت بخير

ولك الشكر على ايراد الخبر

المشاركة الأصلية كتبت بواسطة محمد المنصورى

اسرائيل قالت ما ضربتنا

ياهمبتة شكلنا ماشين علي تصديق نظريتك

فقط نحتاج إلي بعض الدلائل البتعضد كلامك

العزيز منص كل عام وانت بخير

يا منص يا عزيز من ناحية انو اسرائيل ضربت المصنع فدي حقيقة اثبتتها قرائن الامور مع ان حكومتنا تقول ذلك من دون اثبات واسرائيل بخلاف ما تعودنا منها بعد كل ضربة لم تقر هذه المره ولكن حكومتنا ذاتة عرفت كيف لاننا برضو عارفين انو الحكومات المحترمة وبتحترم شعبها لا تتعامل مع شعبها بهذا التخبط والتعتيم لذا السؤال الحكومة عرفت كيف انو دي اسرائيل وكيف حددت انو الطائرات اللي جات دي اسرائيلية وكيف تبنت موقف رسمي لحدث هي لا تملك ادلتو الا يعتبر توجيه الاتهام لاسرائيل من قبل الاثبات في حد ذاتو دليل اثبات ان الاعمال التي تتم داخل المصنع تهدد امن اسرائيل ؟؟ ام ان الحكومة او قل جزء من الحكومة كان يعلم من قبل حتى وقوع الضربة ؟؟ .. الحكومة تعودت في كل مره تعمل فيها عارفة اي شئ وتدعي قدرات ما ان تجرب في اول محك تطلع هبوب ساي تتباهى بالذكاء وهي في حقيقة الامر اغبى حكومة يدعون المعرفة وهم اجهل خلق الله في كل مره تضرب اسرائيل العمق السوداني وتذهب وتعترف بانها قصفتنا فتاتي الحكومة لتؤكد اعتراف اسرائيل في هذه المره الحكومة انتظرت 24 ساعة لكي تعترف اسرائيل وتحفظ ماء وجههم ولكن اسرائيل خزلتهم ولم تعترف فقاموا اتوكلو واقرو بالحقيقة من قبل ان تمدهم اسرائيل بالخبر اليقين لانهم يعلموا ان ما يحدث في المصنع بالضرورة يهدد امنها وبالتالي هي الجهه الوحيدة التي ستفعل ذلك على عشم انو اسرائيل حا تعترف وبالاضافة لذلك يبينو نفسهم للعالم انهم ناس مفتحين ومقدراتهم عالية طبعا ده بالنسبة لغالب اهل الحكومة ناس قريعتي راحت المصدقين انهم بقو دولة مواجهه .. ولكن من صياغة الخبر وطريقة طرحو في وسائل الاعلام واضح جداً انو هناك اطراف متنفذة جداً في الحكومة كانت تعلم بالضربة وموعدها من قبل وقوعها بل كل الدلائل تشير الي انو الشغلانة شغلانة بيع بس الاتباع منو هل تم بيع ايران لاسرائيل بسمسرة من القطريين ام ان هناك صف في الحكومة يبيع في الصف التاني .. في اقرار اضافي من حكومتنا الموقرة يا منص بتبعية مصنع اليرموك لايران البواخر الايرانية جات رست في بورتسودان .. شكلو يا منص الناس دي باعت السودان جت كحلبة مصارعة ايرانية امريكية بريطانية شيعية سنية سورية روسية غربية اسرائيلية حمساوية وحزب الله

هتف نائب الرئيس أمام الجموع قائلا
إن كانت إسرائيل تظن أنها بهذا الفعل ستنال من عزتنا وكرامتنا فكلا وألف كلا
وإن كانت إسرائيل تظن بهذا العمل أنها تنتقص من سيادتنا فكلا وألف كلا
ياجماعة انا بقيت مابفهم خلاص
الانتقاص من العزة والكرامة والسيادة بيكون كيف
الفهم حاجة يفهمنا

المشاركة الأصلية كتبت بواسطة البرنس

هتف نائب الرئيس أمام الجموع قائلا
إن كانت إسرائيل تظن أنها بهذا الفعل ستنال من عزتنا وكرامتنا فكلا وألف كلا
وإن كانت إسرائيل تظن بهذا العمل أنها تنتقص من سيادتنا فكلا وألف كلا
ياجماعة انا بقيت مابفهم خلاص
الانتقاص من العزة والكرامة والسيادة بيكون كيف
الفهم حاجة يفهمنا

الما بتريده كان لقيتو في الضلمة بتحدر ليه ... هذا فيما يتعلق بالبرنس... وأغلى كلمة قليت بتلفزيون السودان من أمراة: حقو نحنا نفكر كيف نرد على هذه الضربة ... يعنى نأخذ حقنا وبلاش تحليل وتطويل وكلام جرائد.

المشاركة الأصلية كتبت بواسطة البرنس

هتف نائب الرئيس أمام الجموع قائلا
إن كانت إسرائيل تظن أنها بهذا الفعل ستنال من عزتنا وكرامتنا فكلا وألف كلا
وإن كانت إسرائيل تظن بهذا العمل أنها تنتقص من سيادتنا فكلا وألف كلا
ياجماعة انا بقيت مابفهم خلاص
الانتقاص من العزة والكرامة والسيادة بيكون كيف
الفهم حاجة يفهمنا

العزيز البرنس كل عام وانت بخير

علي عثمان العزة والكرامة تتجسد عندو في الاستمرار في الحكم

المشاركة الأصلية كتبت بواسطة حافظ بشير الطيب حسن

... وأغلى كلمة قليت بتلفزيون السودان من أمراة: حقو نحنا نفكر كيف نرد على هذه الضربة ... يعنى نأخذ حقنا .

ملينا وفترنا من ادعاء البطولات الوهمية سواء من المرأه دي او ناس الحكومة او اي واحد او واحدة عاوزين ياخدو حقهم من اسرائيل .. لانو اللي عاوز يرد او بيفكر في حق الرد ولا عاوز حقو لن يعدم السبل اللي بتدخلو لقطاع غزة على طول يلملم خلقاتو ويمشي يشوف اول هدف اسرائيلي ويفجر نفسو فيهو ولا اذا خايف من تفجير نفسو يمشي يقاتل مع ناس حماس في غزة وممكن المرأه دي ترسل اولاده اذا هي مغبونة .. لأنو اي كلام بيتقال في الهوا ساي عن مواجهة اسرائيل او حق الرد سواء في التلفزيون او المنتديات او اي وسيلة اعلامية ثبت وبالدليل القاطع خمسة مرات انو عبارة عن جعجعة فارغة واحلام زلوط وعنتريات وونسة بلا معنى ... عشان كدة اللي عاوز يطبقوا عملي على ارض الواقع السبل ظاهرة عندو اذا هو او هي فعلاً جادين ما عليهم الا ينفذو بس لانو انتهى وقت الكلام اسرائيل وضربت خمسة مرات منتظرين شنو اكتر من كدة ...

المشاركة الأصلية كتبت بواسطة حافظ بشير الطيب حسن

الما بتريده كان لقيتو في الضلمة بتحدر ليه ... هذا فيما يتعلق بالبرنس... وأغلى كلمة قليت بتلفزيون السودان من أمراة: حقو نحنا نفكر كيف نرد على هذه الضربة ... يعنى نأخذ حقنا وبلاش تحليل وتطويل وكلام جرائد.

والبتريدو بي الملعقة بتسقي
سؤالي كان واضح عزيزي حافظ ماهي العزة والكرامة والسيادة التي ينادي بها
سيادة بلد وإنتهكت وزول يجيك في بيتك ويضربك ويمشي وتقول لي كرامة وعزة دي كيف دي
أنا غايتو مافهمتها إلا إذا عزة البلد وكرامتها وسيادتها بتنتهك بي طريقة تانية غير دي وحبيت أعرفها
هو منو البفكر غير الحكومة وهل الحكومة ردت علي الضربات السابقة لمن يردوا علي هذه الضربة
بعدين نحن موش شعب لهذه الحكومة ولا شذاذ أفاق زي ماقال البشير ليه مايطلعوا زيهم وزي الناس
ويعملوا مؤتمر صحفي ويتكلم فيهو زول عاقل يفهم الناس بي طريقة واضحة ليه يكذبوا ويتحايلوا والشعب لم يطلب منهم غير الحقائق
شنو والي الخرطوم يقول دا عامل لحام ونافع يقول دي زكاة وتطهير وعلي عثمان يقول دي ما إنتهاك لي السيادة ولا كرامة البلد
ليه الناس عقولا مشت وين الشعب لم يطالبهم بمستحيل إنما حقائق تسرد للناس

المشاركة الأصلية كتبت بواسطة احمد الهمباتى

العزيز البرنس كل عام وانت بخير

علي عثمان العزة والكرامة تتجسد عندو في الاستمرار في الحكم

دي حاجة نحنا مقتنعين بيها ياهمباتي ومافي زول فيهم يمتلك شجاعة الإستقالات وتحمل المسؤلية
لكن علي أقل تقدير يحترموا عقولنا ياخ