التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 191 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 612 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 360 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7698 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10308 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10242 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6030 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6837 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7247 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الحصاحيصا الحر-۩۞۩»

«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 01-30-2013, 12:14 PM
د. احمد الطيب الماحي غير متواجد حالياً
Sudan     Male
لوني المفضل Brown
 رقم العضوية : 2246
 تاريخ التسجيل : Nov 2008
 فترة الأقامة : 5621 يوم
 أخر زيارة : 06-09-2014 (12:10 PM)
 الإقامة : قلوب الاحبة
 المشاركات : 1,278 [ + ]
 التقييم : 16
 معدل التقييم : د. احمد الطيب الماحي is on a distinguished road
بيانات اضافيه [ + ]
افتراضي خلاني ماسوره



بعيدا عن السياسة ووجع القلب ومحاولة لتفريج همومكم دعونا نتامل في بعض المفردات السودانية:
كان يقرأني احد الاخوة السعوديين (ويقراني يعني يقرأ لي) قصيدة سودانية تم تلحينها بشكل جميل يزعم انها اعجبته :
شفت الملاك بإيدي سالمته (سالمته ينطقها بفتح التاء وتسكين الهاء)
بهرني بنوره (بفتح الراء وتسكين الهاء)
وخلاني ماسوره
انا عقلي فارقته
وقد تخيلت ان الشاعر الدكتور على الكوباني قد فارق عقله فعلا بكونه ماسورة والماسورة معلومة خصوصا استخداماتها الحديثة في الرندوك.
وقد جر الموقف ذكرياتي الى حكايات مشابهة حين تخيلت ان الكاشف قد اصبح ماسورة مذكرة (ولا اعرف كيف تكون الماسورة مذكر) حيث قال في رائعة الشاعر عبيد عبد الرحمن ملأ العيون نورك.....لا زلت ماسورك........
واتذكرت ايضا عندما كانت الأغنيات تكتب في مجلة الاذاعة والتلفزيون والمسرح (اقل من اربعين يمتنعون) وقرأ أحد زملاءنا الكبار مقطع من اغنية الحب والظروف فقال:
لو تسافر دون رضانا بنشقى نحن الدهر كله
ما بنضوق فى الدنيا متعة وكل زول غيرك نمله (بسكون الميم وفتح اللام وتسكين الهاء)
أقل حاجة تخلي سفرك حتى لو إسبوع أقله
فقلت في سري يا زول نملة نملة طيب ما ربنا ذكرو في القرأن وفي سورة النمل ما لو طيب... نملة ولا نعبئ (ونعبئ معناها نملأ بس ضرورة القافية جعلتها مربوطة التاء........ والله لو اعرف الناس ديل بس قادرين على التاء دي يؤنثوها ويربطوها).
وقد كان زميلي في الابتدائية الاكبر مني سنا يشرح لي مقطعا في روضتي الغناء كالتالي:
أظل أردد الشكوى .. على ما نلت من وجد
حبيب الروح لا أقوى .. على حمل الهوى وحدي
ولما لم أجد سلوى .. ولما لم أجد سلوى
كسرت ابريقي والدنا .. سكبت على الثرى كأسي
وداعاً جنتي الغنّاء .. وداعاّ معبدي القدسي
وكان شرحه كالتالي :
اصلا سلوى كانت بت خالتو لمن عرسوها لود عمها ورحلت مشى البيت ما لقاها قام كسر ابريق والده (ابوه) ومشى يسكر وفي النهاية دفق المريسة كلها وكسح.....
اها ديل كلهم كوم وصاحبنا المشى اديس ابابا داك كوم تاني..... ياخ من يوم ما عرف ليك عملة الحبش دي اسمها "البر" شابكنا ليك يا جماعة الناس ديل نبرهم؟ ويقصد ندفع ليهم قروشهم وكان دائما يقول للاخوة الاثيوبين خصوصا الاناث منهم "لن تنالوا البر حتى تنفقوا مما تحبون".
كنت عاوز استرسل في موضوعي لكن خفته يكون كلام ساكت ...والله عندي واحد صاحبي سعودي هنا مستغرب في حاجتين "كلام ساكت" وقصة قام عمل كذا وكذا .....مثل ان تقول..." قلت ليه يا فلان ما نمشي قام زعل ولمن اصريت قام رقد عديل".
بالله في ناس في الدنيا دي احلى مننا..........؟؟؟؟



 توقيع : د. احمد الطيب الماحي




رد مع اقتباس
قديم 01-30-2013, 01:57 PM   #2


مصعب غير متواجد حالياً

بيانات اضافيه [ + ]
 رقم العضوية : 109
 تاريخ التسجيل :  Sep 2005
 أخر زيارة : 03-05-2022 (06:24 AM)
 المشاركات : 358 [ + ]
 التقييم :  10
لوني المفضل : Brown
افتراضي



طبعاً يا دكتور اللازمة بتاعة (قام) دي ما عرفت إنها ما عادية إلا بعد جيت هنا .. السعودي صاحبي شابكني (أنا ما فاهم منك أي حاجة كلامك كلو قام قال لي وقمت قلت ليه .. ما ممكن تتكلموا وانتو قاعدين؟)
في البداية افتكرتو هو براهو لكن في اليوتيوب لاقاني الفيديو بتاع العريفي دة



بالنسبة لي المصطلحات نحن السودانيين طيبانين خلاص .. عندنا قدرة فائقة على (استئناس) المصطلحات .. كتير من المصطلحات بتبدأ بي معاني خبيثة ويتم تناولها سرياً وبعد شوية تبقى عادية زي مصطلح (فردة) أول ظهوره .. وزي مصطلح ماسورة والنكتة السرية الطلعتو للوجود .. في البداية كانوا الشباب بيستخدموهو على نفس طريقة النكتة وما بتقال في عوائل بعد شوية ملأ الجرائد وبقى مصطلح عاااااادي جداً يتقال في أرقى المجتمعات


 

رد مع اقتباس
قديم 01-30-2013, 02:57 PM   #3




الصورة الرمزية ابو امجد
ابو امجد غير متواجد حالياً

بيانات اضافيه [ + ]
 رقم العضوية : 2034
 تاريخ التسجيل :  Aug 2008
 أخر زيارة : 01-13-2022 (03:43 PM)
 المشاركات : 4,955 [ + ]
 التقييم :  86
 الدولهـ
Sudan
 SMS ~
يا اغلى من نفسى

افضل انادى عليك

لامن يضيع حسى
لوني المفضل : Tomato
افتراضي



اقتباس:
أظل أردد الشكوى .. على ما نلت من وجد
حبيب الروح لا أقوى .. على حمل الهوى وحدي
ولما لم أجد سلوى .. ولما لم أجد سلوى
كسرت ابريقي والدنا .. سكبت على الثرى كأسي
وداعاً جنتي الغنّاء .. وداعاّ معبدي القدسي
عارف يا دكتور
دى واحده من الاغانى اللى بقت من اطياف الماضى لانها تحمل
مفردات تدل على الخمر ( الدن ـ الكاس ).
فالجماعه ربنا يسامحهم جردوا مكتبة الاذاعه من اجمل الاغانى السودانيه
ما علينا ...
انا بيحضرنى تعبير ( شد لى سلك ) و ده بمعنى اتصل على تلفونياً علماً بان
الاتصالات السلكيه بقت ذى الاغانى المغضوب عليها من اطياف الماضى
و الموبايلات بقت اكتر من الهم فى القلب .


 
 توقيع : ابو امجد



رد مع اقتباس
قديم 01-31-2013, 07:17 AM   #4


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة مصعب مشاهدة المشاركة
طبعاً يا دكتور اللازمة بتاعة (قام) دي ما عرفت إنها ما عادية إلا بعد جيت هنا .. السعودي صاحبي شابكني (أنا ما فاهم منك أي حاجة كلامك كلو قام قال لي وقمت قلت ليه .. ما ممكن تتكلموا وانتو قاعدين؟)

في البداية افتكرتو هو براهو لكن في اليوتيوب لاقاني الفيديو بتاع العريفي دة

بالنسبة لي المصطلحات نحن السودانيين طيبانين خلاص .. عندنا قدرة فائقة على (استئناس) المصطلحات .. كتير من المصطلحات بتبدأ بي معاني خبيثة ويتم تناولها سرياً وبعد شوية تبقى عادية زي مصطلح (فردة) أول ظهوره .. وزي مصطلح ماسورة والنكتة السرية الطلعتو للوجود .. في البداية كانوا الشباب بيستخدموهو على نفس طريقة النكتة وما بتقال في عوائل بعد شوية ملأ الجرائد وبقى مصطلح عاااااادي جداً يتقال في أرقى المجتمعات
عجبتني شديد استئناس المصطلحات دي يا مصعب - هسع يجوك ناس الادارة يقولوا ليك عايزين "حق الولف". والله اللي يعرف حق الولف ده فيكم يستاهل يكون شيخ المنتدى. تعرف كان عندنا مصطلح زمان اتولد من نفس رحم الماسورة دي......يقولوا ليك فلان ده مستنكح وطبعا معناها معروف لكن لقيت ليك زميلاتنا عادي في الجامعة وفي الشغل بيستعملوها بعدين بقت كلمة بيوت. طبعا يا مصعب في حاجات كتيرة اختصينا بيها كسودانيين لكن الطف ما فيها اننا مرات بنستخدم العكس زي الكلام الساكت وزي ما يقول ليك شفت حبيبك امس (وحبيبك ده طبعا مقصود بيه الزول اللي بتكرهه جدا). واذا قلت ليك تعليق او اقتراح غبي طوالي الجنبك يقول لا يا ذكي ..... واذا جيت متاخر ينط ليك واحد طوالي يقول ليك "ما بدري" ولو في واحد فك ليه مكنة كبيرة -كذبة يعني - وظاهر انها كذبة التاني يقول ليه "صدقتك ياخ". نحن ليه كده لأننا جميلين عليكم الله شفتوا الجمال ده.


 
 توقيع : د. احمد الطيب الماحي





رد مع اقتباس
قديم 01-31-2013, 07:18 AM   #5


الصورة الرمزية محمد المنصورى
محمد المنصورى غير متواجد حالياً

بيانات اضافيه [ + ]
 رقم العضوية : 2018
 تاريخ التسجيل :  Aug 2008
 أخر زيارة : 02-25-2018 (07:01 AM)
 المشاركات : 4,307 [ + ]
 التقييم :  24
لوني المفضل : Brown
افتراضي



يا دكتور تحياتي واشواقي


المفردات السودانية دي قصة متعددة الفصول وبحر لا ساحل له

الموضوع ده أنا عايز ( أوسع ماعونه ) واربطه بلهجتنا السودانية ( الكشكول )

لأنها مستمدة من ثقافات متعدده وده السبب المخلينا مسطحين في حاجات كثيرة

ما قاعدين نفهمها في اللهجة العامية
وبظهر ده كثير في المسادير وشعر البطانه .

رغم إنه دي ما اشكاليتنا ( برانا ) كثير تقرأ للبحتري ما تفهم تتقدم تقرأ لـ مظفر

النواب ما تفهم من فرط الرمزية ( المكثفة )
تمشي لشعرنا الساهل ( تعصلج )

معاك كلمة كلمتين علي وزن العميوق

وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق

والعميوق: شجيرة طفيلية تقوم في المزارع وتنتشر بسرعة

ريحتها بطّالة وطعمها تعافِه البهايم


الكلام المهم العايز أقوله إنه حتي علي مستوي لهجتنا العامية وكلامنا

الدارجي فيه إبداع ومربوط بثقافات كان لها التأثير الأكبر في مصطلحاتنا

اليومية وحأضرب مثل ببعض الكلمات اصلها تركي ونحن بنستخدمها

بشكل يومي قد لا تفهم لأي شخص جأي من الخليج .

غرفة = أوضة اصلها تركي .

مستشفي = شفخانة ’ استبالية اصلها تركي

مرحاض = ادبخانة . اعزكم الله اصلها تركي

فالمسميات دي لها إسبابها وفي حاجات تانية الناس تعتقد إنها لهجة

وتجد لها اصلها العربي

يعني لو ( كوركت ) لولدك وقلت لايه يا شافع تعال ممكن ما افهمها

مع إنه كلمة شافع كلمة اصلها عربي محض من شفع يشفع فهو شافع

واذكر مره قرأت موضوع عن ملامح اللهجة السودانية وكان بتحدث

عن المؤثرات الصوتية في كلامنا مثلآ ( ضربت الباب أو طرقت الباب كو كو ) أو

جيتك سريع فررررر أو جيتك فللي . نحن شعب متنوع وغني جدآ بالثقافة وعندنا

إرث قل ما نجده في الشعوب الأخري
مشكلتنا ما قادرين نسوق انفسنا بالصورة

الصحيحة .

تحياتي يادكتور وشكرآ علي جمال الموضوع .


 
 توقيع : محمد المنصورى



رد مع اقتباس
قديم 01-31-2013, 07:24 AM   #6


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة ابو امجد مشاهدة المشاركة
عارف يا دكتور



دى واحده من الاغانى اللى بقت من اطياف الماضى لانها تحمل
مفردات تدل على الخمر ( الدن ـ الكاس ).

انا بيحضرنى تعبير ( شد لى سلك ) و ده بمعنى اتصل على تلفونياً علماً بان
الاتصالات السلكيه بقت ذى الاغانى المغضوب عليها من اطياف الماضى
و الموبايلات بقت اكتر من الهم فى القلب .
لو تلاحظ يا ابو امجد اقتبست كلامك كلو الا تعليقك على "الجماعة" الليلة انا على حلف سياسة مافي أها الما عندو أرضي يشد الهواء. والأرضي غير الهاتف له معاني كثيرة انت اكيد داري لكن كان في واحد صاحبي جنو يقول لي ما تعمل لينا ارضي انا استشرت كل الكهربجية الفي الحلة عشان يحيدوا الارضي بتاع الزول ده ما قدروا لكن في واحدة بت جيراننا انتحارية كدة عرستو الله يقبل شهادتها رملتوا بعد سبعة عيال.
واحد تاني بيفسر لي اغنية "داير قربك لكن مختار" طبعا هو كان بيقراها كده انا ما عارف النقطة فوق الحاء دي جابها من وين لكن يبدو انها كانت وسخة زيت في البص المكتوب فيه الاغنية. فقال انو مختار ده اخوها وكل ما يحاول صاحبنا يتقرب مختار يحمر ليه............. سلمتم.


 
 توقيع : د. احمد الطيب الماحي





رد مع اقتباس
قديم 01-31-2013, 10:08 AM   #7




ام عبدو غير متواجد حالياً

بيانات اضافيه [ + ]
 رقم العضوية : 3750
 تاريخ التسجيل :  Aug 2009
 أخر زيارة : 11-19-2019 (09:40 AM)
 المشاركات : 686 [ + ]
 التقييم :  36
لوني المفضل : Brown
افتراضي



اقتباس:
المشاركة الأصلية كتبت بواسطة د. احمد الطيب الماحي مشاهدة المشاركة
(وحبيبك ده طبعا مقصود بيه الزول اللي بتكرهه جدا).
د. احمد الطيب والاخوة المتداخلين ، حقيقة موضوع جميل فيه متعة ، لاتخفي ونكهة من فكاهة تشكرون عليه . ذكرني ولدي مر بحكي لي قال لي : أمس في المدرسة وقعت ، ولما جيت اقوم الكنبة ضربتني ليك كديييي لممما حسيت بالسعادة .(ودائماً ما يحكي احساسه بالسعادة كناية عن شدة الألم) واليومين ديل مجنني الحاجة دي " دسيسه" كناية عن الاعجاب ، أو كون الحاجة سمحة وزي ماعندهم لغة يعرفونها فأتعلمها منهم سألوني ذات يوم انت الصباح بتتكلمي في التلفون قلتي مالك؟ ولما نحت ذاكرتي قلت ليهم ايوااا ، قلت : أنا ميرودة قالوا لي يعني شنو ميرودة ؟


 

رد مع اقتباس
قديم 01-31-2013, 11:09 AM   #8


الصورة الرمزية احمد الهمباتى
احمد الهمباتى غير متواجد حالياً

بيانات اضافيه [ + ]
 رقم العضوية : 2434
 تاريخ التسجيل :  Dec 2008
 أخر زيارة : 08-15-2022 (12:52 PM)
 المشاركات : 2,873 [ + ]
 التقييم :  22
لوني المفضل : Brown
افتراضي



دكتور احمد وضيوفو تحياتي

بما انو عنوان البوست خلاني ماسورة .. آليت على نفسي ان اموسركم بالصِح بالصِح ... والصحي قلبو محدثو فيكم يقتبس مداخلتي دي ويشرح لينا ..


أنا ليهم بجر كلام*** دخلوها وصقيرها حام
************
سم أب درق البصقع*** جدري القيعه البفقع
والله صوتك مانع بردع ***الطيب في شطارتو مبدع
**********
سم أب درق الجدادى ***تكل الجدري البعادى
للخصيم ضربو بياذى ***موسى المر الحجازي
**********
قرقر ملى للوسادة*** برقو وشال لي مكاده
ديل جنيات الندادة*** سيدي الدار في السياده
**********
قرقر فوق للدرب ***وربط الهوي والشرق
كدي مابزولنا الضرب*** ديل جنياتنا ما بتنغلب
*********
والله عامر سوقك مبدر*** مجرجر توبك مسبل
الطيب للشر مبدر*** مو التكل المجدر
*********
أنا نميت جبتا قلبو*** فشلو القالوا قصو دربو
ديل رازوهو وشافوا ضربوا*** دق السنداله قلبو
*********
وعبدالدائم شقا سيرو*** من ولدوهو الشكره هيلو
الخصيم ما بكيلوا*** صوتوا بهجل قبيلو
**********
عبدالدائم معاه اخوانو*** طافو البلاء في مكانو
خصماه قنعوا قامو ***الصف الواقف قدامو*** هو مستعد للطامو
**************
أنا نميت جبت غناكم*** يا الزينين هوى براكم
البدوركم تراكم*** حلق الطير لي غداكم
الصف العامر رجاكم
اتباشروا لي بلاكم*** واركزو زينب وراكم
**********
جروا لي مره صوتكم*** وروني الليله صوتكم
اتباشرو الله فوقكم


 
 توقيع : احمد الهمباتى


ألحصــــــــــاحيصــــــــــا
يا اصـــلنـــــــــــا ومبتـــــــدانا
حــلاة مســــــــــــرح صبـــــــــــــــانا
وذكــــــريــــاتنـــــــــا ومشتهــــــــــــــــــــــانا


رد مع اقتباس
قديم 01-31-2013, 11:42 AM   #9


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة محمد المنصورى مشاهدة المشاركة


واذكر مره قرأت موضوع عن ملامح اللهجة السودانية وكان بتحدث

عن المؤثرات الصوتية في كلامنا مثلآ ( ضربت الباب أو طرقت الباب كو كو ) أو

جيتك سريع فررررر أو جيتك فللي . نحن شعب متنوع وغني جدآ بالثقافة وعندنا

إرث قل ما نجده في الشعوب الأخري مشكلتنا ما قادرين نسوق انفسنا بالصورة


الصحيحة .

تحياتي يادكتور وشكرآ علي جمال الموضوع .

برغم اهمية كلامك الاول ووعدي بان اعود اليه يا منص الا انني اود ان اعلق الآن على الموسيقى التصويرية في حديثنا وحانقشط في الموضوع "زوووووط" بدون مقدمات واجيك داخل "توووش" وكان غالطتني بقيف ليك "دت" وشديت ليك حصاني وكربت كربت كربت مشيت عليك. اها قاموا "كربت" دي بقوا يستخدموها ككلمة عديل ويقول ليك يا زول من شفت ليك الاسد قمت مكربت. واستخدمها العبادي في ملحمته الالياذية "طه وريا" حيث قال: على لسان واحد من الشكرية مطالبا بدم طه من المك نمر:
في زولنا الكتل هانت مسافتو وقربت
الكاتل كان بيخلوا طه ما كان كربت
غير نطلب اذن زاملتنا كانت شربت
كان دي الحالة بدري الدنيا كانت خربت
وهكذا تحولت كثير من الموسيقى التصويرية لكلام في حديثنا وفي كثير من المرابيع تصوير لصوت المطر (ليس سوط المطر -قوس قزح) فيقولون كبت المطرة شو وفي المربوع :

هيلك من قديم للصالحات بتسو
قشاش دمعة الببكن بسون هو
فلاحظ تصوير البكاء.
ولا زال في جعبتنا الكثير ولكن العقرب اللعين يطاردني (حق الساعة). وسوف اعود بإذن الله.


 
 توقيع : د. احمد الطيب الماحي





رد مع اقتباس
قديم 02-02-2013, 10:03 AM   #10


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة ام عبدو مشاهدة المشاركة
د. احمد الطيب والاخوة المتداخلين ، حقيقة موضوع جميل فيه متعة ، لاتخفي ونكهة من فكاهة تشكرون عليه . ذكرني ولدي مر بحكي لي قال لي : أمس في المدرسة وقعت ، ولما جيت اقوم الكنبة ضربتني ليك كديييي لممما حسيت بالسعادة .(ودائماً ما يحكي احساسه بالسعادة كناية عن شدة الألم) واليومين ديل مجنني الحاجة دي " دسيسه" كناية عن الاعجاب ، أو كون الحاجة سمحة وزي ماعندهم لغة يعرفونها فأتعلمها منهم سألوني ذات يوم انت الصباح بتتكلمي في التلفون قلتي مالك؟ ولما نحت ذاكرتي قلت ليهم ايوااا ، قلت : أنا ميرودة قالوا لي يعني شنو ميرودة ؟

والله بالغتي يا ام عبدو ديل الزير ما بعرفوهو دايراه يعرف ليك ميرودة ......... نحن طبعا لغتنا الزمان ديك الا ننساها مع الناس ديل ......... بالمناسبة يا ام عبدو انا في كلمة كانت مجنناني جن يقول ليك والله فلان ده انا شاميه شمه .......انا طبعا بكون عاوز انصح فلان التاني داك (المشموم) بأنه يمشي يستحمى لكن اتضح لي بعد داك انه الشمومة دي من نوع آخر........ والله يبدو انو الواحد محتاج يتعلم لغات


 
 توقيع : د. احمد الطيب الماحي





رد مع اقتباس
قديم 02-02-2013, 10:18 AM   #11


الصورة الرمزية الرشيد حبيب الله
الرشيد حبيب الله غير متواجد حالياً

بيانات اضافيه [ + ]
 رقم العضوية : 3447
 تاريخ التسجيل :  Jul 2009
 أخر زيارة : 09-22-2014 (04:11 PM)
 المشاركات : 3,904 [ + ]
 التقييم :  57
لوني المفضل : Brown
افتراضي



تحياتي يا دكتور..

نرجع للماسورة.. و الله زولك ده أنا أعتبر أنه و رغم قراءته التي إفتقرت للحس الشعري و اللغوي، إلا أنه صاحب ثقافة متقدمة عن الفن السوداني، إذ أنه على الأقل أخرجك من ثقافة كثير من ربعه أن فن الغناء السوداني ينحصر في (كده.. كده يا التريلا.... )..!! و ثقافة (الهشك بشك و الود ساب (What's up)و طاش ما طاش)، ياخي ده كان فتح الماسورة و بى موية ساقطة فوق رأسك ده، لا تزعل لا تستنكر..!!
بالأمس الجمعة، تابعت حلقة (أغنيات من البرامج) و تم تقديم الروائع التالية (ضنين الوعد، الطير المهاجر، شجن و تتعلم من الأيام).. كنت أتمنى أن يشاهدها أحد المواسير لعل و عسى.. إنشاء الله تكون تابعتا الحلقة دي..
و دمت



 
 توقيع : الرشيد حبيب الله



رد مع اقتباس
قديم 02-03-2013, 09:33 AM   #12


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة احمد الهمباتى مشاهدة المشاركة
دكتور احمد وضيوفو تحياتي

بما انو عنوان البوست خلاني ماسورة .. آليت على نفسي ان اموسركم بالصِح بالصِح ... والصحي قلبو محدثو فيكم يقتبس مداخلتي دي ويشرح لينا ..


أنا ليهم بجر كلام*** دخلوها وصقيرها حام
************
سم أب درق البصقع*** جدري القيعه البفقع
والله صوتك مانع بردع ***الطيب في شطارتو مبدع
**********
سم أب درق الجدادى ***تكل الجدري البعادى
للخصيم ضربو بياذى ***موسى المر الحجازي
**********
قرقر ملى للوسادة*** برقو وشال لي مكاده
ديل جنيات الندادة*** سيدي الدار في السياده
**********
قرقر فوق للدرب ***وربط الهوي والشرق
كدي مابزولنا الضرب*** ديل جنياتنا ما بتنغلب
*********
والله عامر سوقك مبدر*** مجرجر توبك مسبل
الطيب للشر مبدر*** مو التكل المجدر
*********
أنا نميت جبتا قلبو*** فشلو القالوا قصو دربو
ديل رازوهو وشافوا ضربوا*** دق السنداله قلبو
*********
وعبدالدائم شقا سيرو*** من ولدوهو الشكره هيلو
الخصيم ما بكيلوا*** صوتوا بهجل قبيلو
**********
عبدالدائم معاه اخوانو*** طافو البلاء في مكانو
خصماه قنعوا قامو ***الصف الواقف قدامو*** هو مستعد للطامو
**************
أنا نميت جبت غناكم*** يا الزينين هوى براكم
البدوركم تراكم*** حلق الطير لي غداكم
الصف العامر رجاكم
اتباشروا لي بلاكم*** واركزو زينب وراكم
**********
جروا لي مره صوتكم*** وروني الليله صوتكم
اتباشرو الله فوقكم
وحيث انه لم يتصدى أحد من العارفين سادلو بدلوي :
القصيدة من تأليف الشاعرة زينب بنت عبدالرحمن من منطقة أم مغد ولقد قالت هذه القصيدة في إخوانها ويبلغ عدد إخوانها سبعة ولقد ذكرت أسماء بعضهم في
هذه الاغانى وهم ( الطيب وموسى).
أنا ليهم بجر كلام*** دخلوها وصقيرها حام
سأنظم فيهم شعرا (تقصد اخوانها) الذين دخلوا ساحة الوغى أو مروا على قرية دخلوها وتركوا اهلها جزر الصقور ينشنهم (على قول عنترة) اي يقضمن اجسادهم. وتحوم الصقور عادة فوق الجثث فعندما يقال ان الصقور قد حامت يعني ذلك ان الموت قد حدث. ويخطئ بعض المغننين في الشطر الاول حيث يقول البعض انا ليهم بقول كلام وهي بجر وليست اقول.......والجر هنا بمعنى النظم.

سم أب درق البصقع*** جدري القيعه البفقع
والله صوتك مانع بردع ***الطيب في شطارتو مبدع
اب درق هو الثعبان (الكوبرا) والذي لديه شكل في رأسه مثل الدرق فلذلك يسمونه اب درق ويصقع سمه المرء صقعا هكذا تصف اخوها..... جدري القيح البفقع ...انا اظن ان جدري القيعة خطأ في النطق والصحيح جدري القيح بالرغم من اني وجدتها مكتوبة القيعة في عدة مصادر. على كل حال هي تصف اخوها بانه الجدري الذي يصيب الانسان بالبثور المتقيحة التي تفقع والعياذ بالله وصوته مانع اي جهوري وقوي يردع الاعداء ويخوفهم وهكذا اخيها الطيب الذي ابدع في الشجاعة والشطارة...... ولنا عودة
عليك الله لقيتني كيف يا همباتي؟؟؟


 
 توقيع : د. احمد الطيب الماحي





رد مع اقتباس
قديم 02-03-2013, 01:19 PM   #13


الصورة الرمزية د. احمد الطيب الماحي
د. احمد الطيب الماحي غير متواجد حالياً

بيانات اضافيه [ + ]
 رقم العضوية : 2246
 تاريخ التسجيل :  Nov 2008
 أخر زيارة : 06-09-2014 (12:10 PM)
 المشاركات : 1,278 [ + ]
 التقييم :  16
 الدولهـ
Sudan
 الجنس ~
Male
 MMS ~
MMS ~
لوني المفضل : Brown
افتراضي



اقتباس:
المشاركة الأصلية كتبت بواسطة الرشيد حبيب الله مشاهدة المشاركة
تحياتي يا دكتور..


نرجع للماسورة.. و الله زولك ده أنا أعتبر أنه و رغم قراءته التي إفتقرت للحس الشعري و اللغوي، إلا أنه صاحب ثقافة متقدمة عن الفن السوداني، إذ أنه على الأقل أخرجك من ثقافة كثير من ربعه أن فن الغناء السوداني ينحصر في (كده.. كده يا التريلا.... )..!! و ثقافة (الهشك بشك و الود ساب (what's up)و طاش ما طاش)، ياخي ده كان فتح الماسورة و بى موية ساقطة فوق رأسك ده، لا تزعل لا تستنكر..!!
بالأمس الجمعة، تابعت حلقة (أغنيات من البرامج) و تم تقديم الروائع التالية (ضنين الوعد، الطير المهاجر، شجن و تتعلم من الأيام).. كنت أتمنى أن يشاهدها أحد المواسير لعل و عسى.. إنشاء الله تكون تابعتا الحلقة دي..
و دمت

طبعا انت يا رشيد لو سمعت كان بيقرأها كيف كنت فضلت انو يرجع لينا للترلة وحرامي القلوب احسن......... توقيعك الفراش الحائر والاغنيات المذكورة تفصللك ملايين السنين الضوئية عن العك الثقافي والفني الحاصل......... لكن الا توافقني بان الجماعة الجدد ديل عندهم بعض الاشراقات ......... وما تخاف علي انا من يوم جاني بماسورته دي (الاخ السعودي المذكور) استبشرت بالنكتة........ واحد مرة لاقاني في الطيارة ومصر اني انا عباد الجوهر قلت ليه ياخ والله انا عباد الجوهر ده ماشفتو في حياتي لكن زولك لحدي ما بعدت منو ما كان مقتنع.........بعد داك جيت افتش لي عباد الجوهر ده لمن لقيت صورته مشيت اتصورت بالغترة والعقال لثقيت ان الراجل معاه بعض الحق فيما ذهب اليه. بحاول اخت ليك الصورة كان قدرت.


 
 توقيع : د. احمد الطيب الماحي





رد مع اقتباس
قديم 02-03-2013, 01:41 PM   #14


الصورة الرمزية احمد الهمباتى
احمد الهمباتى غير متواجد حالياً

بيانات اضافيه [ + ]
 رقم العضوية : 2434
 تاريخ التسجيل :  Dec 2008
 أخر زيارة : 08-15-2022 (12:52 PM)
 المشاركات : 2,873 [ + ]
 التقييم :  22
لوني المفضل : Brown
افتراضي



دكتور احمد يا عزي تحياتي

الزول الشبهك في الطيارة ده بيكون لي هسع بيقول عبادي الجوهر ينكر نفسو شي مفهوم شهرة ومتاعبها وكدة بس ايش لون صار يتكلم سوداني

نقرتين لعرض الصورة في صفحة مستقلة


 
 توقيع : احمد الهمباتى


ألحصــــــــــاحيصــــــــــا
يا اصـــلنـــــــــــا ومبتـــــــدانا
حــلاة مســــــــــــرح صبـــــــــــــــانا
وذكــــــريــــاتنـــــــــا ومشتهــــــــــــــــــــــانا


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حتى الطيف رحل خلانى عمادبندي «۩۞۩-منتدى الحصاحيصا الحر-۩۞۩» 2 06-19-2012 05:31 AM
بشة المنقذ -- والهلال ماسوره قادمة ؟ الفقراوى «۩۞۩-المنتدى الرياضى-۩۞۩» 2 04-16-2011 10:43 PM
ركبني ماسوره بكري حاج احمد ♬ ♪♩♭قسم اغاني الشباب والحفلات♬ ♪♩♭ 4 11-26-2010 05:14 PM
ابراهيم الخليفه يستنجد بخليفة خلاوى ود الفادنى لالغاء القرار الشايقي «۩۞۩-منتدى الحصاحيصا الحر-۩۞۩» 8 08-13-2010 08:32 PM
ياسر بشير الطيب (حلاوي) عريسا زفوا التهاني هيثم بندي «۩۞۩-المنتدي الاجتماعى-۩۞۩» 10 06-09-2009 11:22 AM


الساعة الآن 07:57 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009