وردي هذا الفنان القامة الذي غني للحب والجمال والوطن.

السيد/ حافظ بشير ود الخالة

بعد التحية ...... وردى براهو قمة نحن عندنا فى السودان نجوم ودرر امثال عثمان حسين و محمد الامين و الخالدى و الجابرى و البلابل نحن عندنا كل شىء قمة فى السودان.

ام عن مدينة الحصاحيصا ..... و الله فتة مكربة عند تية او عمك دهب تساوى الدنيا نحكى شنو لانخلى شنو

أهدي لكل أعضاء المنتدى رائعة أبوالورود ( مرحباً يا شوق ) كلمات الجيلي عبد المنعم

لم يكن إلا لقاءً وافترقن
كالفراشات على نار الهوى جئنا إليها واحترقن
كان طيفاً وخيالاً ورؤى ثم ودعنا الأماني وافقن
********
بالذي أودع في عينيك إلهاماً وسحرا
والذي أبدع فيك الحسن إشراقاً وطهرا
لا تدعني للهوى يدفعني مداً وجزرا
أثقلت كفي الضراعات وما تقبل عذرا
********
يا حبيباً بت أشكو حرقة الوجد إليه
وتوسلت نذرت العمر قرباناً لديه
ما له لو عاد فالقلب رهين بيديه
وعيوني ظامئات للهوى من مقلتيه
********
يا لقلبي عاد من بعد النوى يطوي الشراع
بالهوى يبعث من بين ضلوعي حنيناً واندفاع
مرحباً يا شوق أغمرني شجوناً والتياع ووداع
ووداعاً للذي شيدته بين ضلوعي فتداعى ووداعا
********
مع تحياتي / أبكبس

عدنا والعود أحمد.

شكراً الأخ حافظ على البوست التوثيقى الجميل وعلى الأغانى الرائعة للفرعون النوبى محمد وردى
بالصدفة دخلت على قائمة المتواجدون الآن بالمنتدى ووجدت أحد الأعضاء بتصفح البوست الرائع فما ترددت بالدخول والمشاركة

الأخ حافظ وردى انسان ومواطن سودانى قبل ما يكون فنان ومن حقو يختار الشايفو مناسب.
وبعدين وردى من بدرى جداً صديق شخصى للدكتور جون قرنق بدليل انو غنا ليهو أكتر من مرة فى الغابة زمن التمرد
تقبل مرورى وأرجو زيارة الرابط أدناه
http://www.hasahisa.net/vb/showthread.php?t=11474

مهما نسطر من أحرف هي قليلة
ومهما تعمق الوصف فهو بسيط
رجلاً بعمق النيل
رجلاً مسكون بحب الوطن
رجلاً هامة في أبجديات التاريخ
التحايا العطره له والصحة والعافية
وابداع إختيارك هذا التوثيق
تسلم أخي حافظ.

بين الرّيد والهوى عشنا أيّامنا سوى
ما قاسينا النّوى
ما أحلاك يا هوى الهم راح وإنطوى
عش ريدتنا استوى
بين إيديهُ هنايَ في عينيهُ منايَ
حقّقنا أحلامنا
والعاشق عقبالُه

بيني وبينُه حكاية ما ليها نهاية
وأحلام دنياي
لو شفتوهُ معاي خطوُه الحالم آية
يروي محاسنُه رواية
كم ضوّت دنيايَ نوّر دربي برايَ
حقّقنا أحلامنا
والعاشق عقبالُه

أنا بحبُّه أكتر ياما هوايَ بيكبر
ياما مشاعري بتسكر
حبُّه النّامي الأخضر راعيناهُ وأزهر
في قلبينّا ونوّر
والعزّال كدناهم في لحظة نسيناهم
حقّقنا أحلامنا
والعاشق عقبالُه

الأحباب شافونا بالأزهار لاقونا
هنّيناهم وهنّونا
حبّيناهم وحبّونا غنّوا معانا وشاركونا
بالأزهار لاقونا
يا عشّاق عقبالكم قولولنا هنيّالكم
حقّقنا أحلامنا
والعاشق عقبالُه

قالوا بتحبّوا
قلت ليهم مالُه
إيدُه على إيدي الهنا مشينالُه
حقّقنا أحلامنا
والعاشق عقبالُه


الشاعر/أبو أمنه حامد

بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين فيالدنيا دية أجمل من بناتنا
الليهن قلوبنا والفيهن صفاتنا
الكامنات في روحناوالعايشات في زاتنا..
في حلفا البداية أحلامي وهنايا
أنا عايش لحبيالمخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياهاالمسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح فيالضريرة خصلاتا الغنية..
عاشت في شعوري أحلى هدندوية
الواردات جدودن فيالجود والشجاعة
البظهر جمالن من زمن الرضاعة
سودانية مية المية في زوقاوطباعة
يا ناس أرحموني أنا قلبي فرطاعة ..
لو تلقطنا اليانعة السمحةونضيرة
تستنى الحليوة في مشية أميرة
أجمل حب عندي في قلب الجزيرة
لي فيالغرب أغيد في دار حمر والبقارة
نحميها بسيوفنا تفاحنا ونضارة
تسكرناالليالي وتطربنا النقارة
لي في جوبا الساحر تسلم لي خدودو
يمرح في غاباتويسرح في ورودو
حبي الغالي ليهو ما بعرف حدودو..


الشاعر/أبو أمنه حامد

عرس السودان ))
//// محمد مفتاح الفيتوري ////
في زمن الغربة والإرتحال تأخذني منك وتعدو الظلال
وانت عشقي حيث لا عشق يا سودان إلا النسور الجبال
يا شرفة التاريخ

يا راية منسوجة
من شموخ النساء وكبرياء الرجال
لمن ترى أعزف أغنيتي ساعة لا مقياس إلا الكمال
إن لم تكن انت الكمال الذي يملأ كأسي ويفيض الجمال
يا شرفة التاريخ

يا راية منسوجة
من شموخ النساء وكبرياء الرجال
فداً لعينيك الدماء التي خطت على الأرض سطور النضال
داست على جلادها وهي في سجونه واستشهدت بجلال
يا شرفة التاريخ

يا راية منسوجة
من شموخ النساء وكبرياء الرجال
فداً لعيني طفلة غازلت دموعها حديقة بالخيال
شمسك في راحتها خضرة طرية من زهر البرتقال
والنيل ثوب أخضر ربما عاكسه الخصر قليلا فمال
يا شرفة التاريخ

يا راية منسوجة
من شموخ النساء وكبرياء الرجال
كان اسمها امدرمان
كان اسمها الثورة كان العرس عرس الشمال
كان جنوبيا هواها وكانت ساعة النصر من جبال الهلال
فدا لك العمر ولولا الأسى لقلت تفديك الليالي الطوال
فدا لك العمر
فدا لك العمر
فدا لك العمرجيـــــــــــل العطـــــــــــــــــــاء )))))))

///// محمد المكي ابراهيم /////




من غيرنا يعطي لهذا الشعب
معنى أن يعيش وينتصر
من غيرنا ليغير التاريخ
**
والقيم الجديدة والسير
من غيرنا لصياغة الدنيا
وتركيب الحياة القادمة
**
جيل العطاء المستجيش
ضراوة ومقاومة
المستميت على المبادىء مؤمنا
**
المشرئب إلى النجوم لينتقي
صدر السماء لشعبنا
جيلي أنا..
**
هدم المحالات العتيقة
وانقضي سيف الوثوق مطاعنا
ومشى لباحات الخلود
**
عيونه مفتوحة
وصدوره مكشوفة
بجراحها متزينة
**
متخيرا وعر الدروب وسائرا
فوق الرصاص منافحا
جيل العطاء لك البطولات الكبيرة
**
والجراح الصادحة
ولك الحضور هنا
بقلب العصر فوق طلوله المتناوحة
**
ولك التفرد فوق صهوات الخيول روامحا
جيلي أنا ..
جيل العطاء لعزمنا
حتما يذل المستحيل وننتصر
**
وسنبدع الدنيا الجديدة وفق ما نهوى
ونحمل عبء أن نبني الحياة
ونبتكر

سوات العاصفة
محمد أبوقطاطي

ســـــوات الــعـــاصــفــــــة بـي ســــاق الـشـــــتـيـل الني
وفعل السيل وقــت يـتحـدر يكسح ما يفضل شي
دا كان حبك وقت حـسيتو شفت الدنيا دارت بي
وقت شفتك شعرت الرعشة
من صوف راسي لي كرعي
ومن الساعة ديك ياالسمحة ولع فــيني جمر الغي
كــــتـــمـــــت الــريــــدة مـا شــافـــــــوهـا نـاس الحي
وقلت الجنة عاد ان شاء الله
مـا يــقـــســــن دروبـــهــا عــلـي
ونجم الليل منو العداهو غيري وزاد حسابو شوي
وسافر بي خيالو هـناك صنقر فوق سحاب الري
بنيت في الـموج قصور آمال
ومــديــــت لـلـــرهــــاب إيدي
وشديت سرجي فوق الريح
عــــــشـــــــــان ألـــقــــــــــــــــاك
بدور أطوي المسافــات طي
صــعـــيــب وصــفــــك لأنـك هـــالـة كـــلـك ضي
وفــوقــــك هـــيـــبـة واجــمـل خــامــة واسـمـح زي
جمالك في البنات معدوم
شـبـيـهـك ما كحل عيني
أقدلي وسكتي الخشامة
وانـزلي في الـعـواذل كي

عــــرس الســــــــــــودان

أغنية عرس السودان

جـــيل العطـــــاء

أغنية جيل العطاء

وكان تعب منك جناح
في السرعة زيد
في بلادنا ترتاح
ضل الدليب أريح سكن
فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
يا طير باحترام
وتقول سلام
وتعيد سلام.
...
وكفى.

غاب عن سماء الأغنية السودانية الراقية وذات المعاني الفعالة والعالية القيمة الفنان والدكتور والموسيقار وعبقري اللحن المرهف الأستاذ محمد عثمان وردي .. نسأل الله له جنة الفرودوس الأعلى وأن يتغمضه الله برحمته إن الله على كل شيء قدير .. وأنا لله وأنا إليه راجعون.

((شكراً للرائع حافظ بشير الطيب موثقاًً للراحل من غير ميعاد))

(مافى داعى) للرائع محمد عثمان كجراى
مافي داعي تقولي مافي
يالربيع في عطرو دافي
لهفة الشوق
في سلامك
في كلامك
وسر غرامك ماهو خافِ
إرتعاشاتك بتحكي
قصة أحلامك معاي
وكل خفقة في قلبي نغمة
تحكي ليكي شوقي وهواي
إنت في بهجة شبابك
وحبي ليك من غير نهاية
مافي داعي ..
قلبي أخضر ولسة في ريعان شبابو
في حرارة شوقو بيسطر كتابو
شوفي كيف نشوانا بتتراقص حروفو
كل لحظة شوق بتتجدد ظروفو
مافي داعي ..
عشنا في دنيا الصبابة
والسعادة فتحنا بابها
بهجت الدنيا وشبابها
ابتساماتك حبابها
مودتى