(( على أي حال )) . . . متاعب لذيذة

على ايه حال انشاء الله مااخر وداع

تـــــــــــــــــــــــــــ
لكن صورتك كــده

التحية لعمنا الحاج يوسف البلولة اطال الله عمرة ...
ولك أخى هشام ...
وهناك أيضآ العم السمانى حسين الشريف يستخدم أثناء روايتة لاى قصة كلمة (شوفتا كيف) دون ان يشعر...والذى اورثها ايضآ لابنه صهيب ....
أها ياهشام (على اى حال )الموضوع جميييل ...
وهات المزيد (شوفتا كيف) ؟

شكرا كثيفاً الاخ الغالي بابكر عبد الرازق على هذه الصوره الجميله وخصوصاً الواحد ليهوا سنتين ما شاف الوالد العزيز يوسف البلوله لك مني تحيه بقدر روعتك بيكا

تسلم حبيبنا الصادق وربنا يرد غربتك سالما غانما باذن الله
وعلي اي حال العم يوسف البلولة صديقي وصديق الكل
تسلم ياحبيب والله يديك العافية
وفي كم صورة له ثانية سوف اقوم بتنذيلها وهذا من دواعي سروري

المشاركة الأصلية كتبت بواسطة بابكر عبد الرازق بخيت

العم الطاعم يوسف البلولة له كل الاحترام والتجلة وهو رجل لطيف
وظريف جداً وصديق للصغار قبل ان يكون صديقاً للكبار , التحية له
وهو الذى اسس مؤسسة الشبيبة التربوية وعمل بها وسجل لها
تاريخاً ناصعاً , اعجبنى هذا البوست وذهبت اليه والتقطت هذه الصورة
واهديها للجميع وخاصة آل البلولة والتحية من هنا لكل آل البلولة ,
محبتى

الاخ بيكا . . . مساء الجمال

قد لا تستطيع ان تدرك
مدى سعادتي بهذا التعليق الجميل وتلك الصورة
التي تضج بالحيوية والتألق والحنين والأصالة . . .
نحمد الله كثيراً الذي كافأنا بهذا الانسان النادر النقاء : :
العم والجد
يوسف البلولة

ونحمد الله كذلك أن كافأنا بحبكم واهتمامكم واحترامكم . . .
لا استطيع إلا أن أقول انها : أوسمة على صدورنا
نفتخر بها دوماً و أبداً يا بيكا . . يا رائع

الاخ المبدع ابو حراز . . . تحيات طيبات

شكراً على المشاركة اللذيذة
وزولكم ده بركة العرس . . على أي حال

تقديري ،، ،

اخ هشام كيفك على اي حال موضوع جميل

الرائع روعة السنين هشام البلولة ياصديق
فرحت ايما فرح وانت تسرد (علي اي حال)
بشي من الجمال والمتعة ,,,,, عمنا ربنا اديه
الصحة والعافية والتوثيق الحقيقي مع هولاء
العمالقة ,,,,, خارج النص الجماعة بقوا كم ؟؟

الحبيب هشام
كل الود والاحترام
وشكرا جميلا علي كلامك الجميل في حقي
والعم يوسف البلولة كما ذكرت للاخ الصادق هو صديق لي وانا احبه خالص وبالتحديد
عندما يذكر ( علي اي حال ) فكرة البوست رائعة وجميلة وهي حقا بتفتح مساحات لاناس كثيرون بالمنتدي ينطقون كلمات تكون علي السنتهم طوال اليوم مثل صديقنا المحامي جعفر بشير بين كل ثلاثة كلامات يقول ليك (( عرفتني ))
هشام يا صاحب
شكرا مرة اخري علي تعليقك الجميل في حقي (( وعلي اي حال )) انا عندي كم صورة حنذلهم للعم يوسف البلولة في هذا البوست باذن الله ,,,,
التحية لك ولكل ال البلولة الذين ينورون منتديات الحصاحيصا بهذا الحضور الرائع
محبتي

المشاركة الأصلية كتبت بواسطة محمد عصام الدين

الاخ الوجيه هشام البلولة
على اي حال التحية موصولة ليك
وموصولة على اي حال لجميع الاعضاء المشاركين في هذا البوست
الخليتهم يتجمعوا هنا
مجموعنين كدا في الحرم ان شاء الله


وعلى اي حال موضوع جميل جدا

الاخ محمد عصام . .

على اي حال مشتاقين . .
وطلتك حلوة زي طبعك . .

المشاركة الأصلية كتبت بواسطة العشي

عزيزى جداً هشام البلولة
عمنا يوسف البلولة انسان جميل ومن منارات الحلة الجديدة
وفى كل الاحوال وعلى اى حال هو جزء اصيل من ناس البلولة الذين احبهم جداً
اسعدتنى مشاركتك فى زواجى رغم الغياب
الاصل الطيب تتبعه الفروع
كتر خيرك كتير يا هشام
كل الذين نحبهم مشتاقيييييين
مع السلامة

أستاذي الأول . .

كمية من الشوق . . (أصلو شنو..!)
كتر خيرك إنت
وربنا يديم العلاقة و الكلمة الطيبة بينا
وبنتهز الفرصة السعيدة دي وابارك ليك تاني
مبروك . . مبروك . . وابشر بالخير
وانت تستاهل كل الخير. .

تقديري ،،،،

المشاركة الأصلية كتبت بواسطة الصادق عثمان

خارج النص وبي شارع النص .. الي هشام احمد البلولة ذلك الطائر الشفيف الخفيف الظريف
كنا نريد ولكن الظروف والاقدار كانت تخبئ ما اعتادت عليه وهو ان تنصب سرادق افراحك الخاصة والخاصة جداً لتشارك عزيزاً لك فرحك انت به .
وهشام أحمد البلولة (واحدمن الناس ) الذين تربطنا بهم نشأة الميلاد والرحلة الابدية التي جارت عليها السنين ببعده عنا ولكنه مازال يداعب خواطرنا و(حيطتنا ومزيرتنا وازيارنا)

يا الله . . . يا الصادق

أكاد أموت من الفرح
وانا أقرأ كل هذه الاناقة . .
وتحضرني الآن . . (فضاية .!) في روحي
تدغدغ ذلك الزمن الجميل . . زمن حيطتنا . .
ولا يسعني إلا أن أحبكم . . .

بوساتي للبنيات . .

المشاركة الأصلية كتبت بواسطة عارف

التحية للعم يوسف البلولة وربنا يديه الصحة وطولة العمر
والتحية لك اخ هشام ويا ريت تواصل فى هذه المساحة
اللطيفة ,,,,

تخريمة:
وين الاحتفال ؟

عارف . .
والله مشتاقين . .
وكل ما أشوف تخريماتك الجميلة
أضحك ـ حتى باب الموت من الفرحة ـ
و يروح مني الاحتفال . . لأجل قريب (إنشاء الله)
و كما قال لي الصديق / محمد المنصوري في (لا تتأأأأأأأأأأخر .) :


نعم للصمت حرمته ( صمت المواسم ) ففي
كل فجر تغني لك ,,,,,, تهتف لك وانت تترقب
سنابل وعد وحلم مشتهي ,,,

نقطة سطر جديد.

فأنا الآن اترقب سنابل وعد . . وحلماً مشتهى . .
وبإذنه تعالى سأحتفل ايـــــــــما احتفال . .
وهذا وعد وأمل . .

وشكراً على كل شئ . . .

المشاركة الأصلية كتبت بواسطة هشام احمد البلولة

يا الله . . . يا الصادق

أكاد أموت من الفرح
وانا أقرأ كل هذه الاناقة . .
وتحضرني الآن . . (فضاية .!) في روحي
تدغدغ ذلك الزمن الجميل . . زمن حيطتنا . .
ولا يسعني إلا أن أحبكم . . .

بوساتي للبنيات . .

يازول ....
نهاراتنا .... ومساءاتنا وليالينا الجميلة
ومهدي الامين ( والعك بالترلة) ومجدي فرن
......... عييييييييييييييييييك


لمن تشاهد الكلام دا ادينا رسالة فيها ايميلك وتلفونك

المشاركة الأصلية كتبت بواسطة هشام احمد البلولة

الاخ محمد عصام . .

على اي حال مشتاقين . .
وطلتك حلوة زي طبعك . .

والله بالأكتر
كيف اخبارك
وين ماظاهر