التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
#1
|
|||||||
|
|||||||
رد شاعر البطانة الشوبلي على محمد موسي
رد شاعر البطانة يوسف القسم الشوبلي على الكوميدي محمد موسي
رسالة بليغة من أهل العوض مخصوصة
للابن الظريف ود المدن ود موســـــــي بدور رد السؤال لو باللغة المهموســـــة فينا نقيصة ولا الصورة جات معكوسة؟ @@@ جبتا الفتنة تعلِن حرب جاسوســـــــــــــــة والسبب الفنلة القُلت في الوسخ مدسوسة نحنا نفوسنا في بحور العفاف مغموســــة مية غمسة لا عار لا دنس لا سوســــــــــة @@@ نحنا أهل العوض والعزة ما بنكوســــــــا أصحاب سمتة وأصحاب فرسة موروسة نحنا انعامنا بتعاف ترتع المعفوصـــــــــة ونحنا جدودنا عااادي بطيعوا الجامســـــــة @@@ إيانا أهل العوض .. النحاس أب رنّــــــة أهل البدرة والمهيوب وأهل الشنّــــــــــة أهل عِزة وأهل سمتة وعروض ومحنـة ناس البادية ناساً عُشرتن تتمنــــــــــــــي @@@ نحنا أهل العوض حافظين عهوداً ما خنا وللجار والعشير بالشينة ما تعجلنــــــــا بيوتنا مسيد ضيوف.. زمن العدم ما بخلنا وما بصح الوليد في اعرافنا يجاهلنــــــا @@@ ونحنا أهل العوض والله لا تقينا ولا تبدلنا واثبين كالأسود من واجبة ما اتماهنــــــــا في البر في البحر تلقانا وين ما كنــــــــا في قمم الرجال كّذب البمِس لي حصونا @@@ ونحنا أهل العوض في الحالي والفـات كنا قُج شرك الكلام في مشينا ما بعطلـنــــــا بس بوعيك أكان دقس في أصولنا ومتجاهلنا نحسب في الجدود ستين ومن غير إنّ @@@ نحنا ربونا الشياب فوق ماما ماتعجنــــا حافظين لسان حافظين كرامة أهلنــــــــــــا أشبال من أسود في ضبعه ما تهجنــــــــــا سايرين سير كرام لامن نلاقي أجلنــــــــــــا @@@ ونحنا ذاتنا يا ود موسي ما بواخذونا بي بنولّد والماعندو رأي حقو يتبع ويقلــــــــــــــــد لو ما مخك المخمود وحسك المتبلــــــــــد جامعة موسكو ما جابت دكاترة تولـــــــد!؟ @@@ ما راعيت شعور الناس شعورك فاتــــــــرة بتسئ للعزاز أهل السيوف الباتــــــــــــــــرة أمانة تدخنك الشطة ودموعك قاطـــــــــــــرة ما سمعت بالولادة أتخصصولا دكاتــــــــرة!؟ @@@ نحنا والله عرب اولاد عرب لينا الشرف والعز بنسرح بالرزق نحلب نصُر ونجــــــــــــــــــز ويوم الحارة والمعركة السلاحا بـــــــــــــــرز ثابتين كالجبال الشامخة ما بنفـــــــــــــــــــــر @@@ المخسوفة والمرقوعة ياها لباســــــــــــــــــنا المجلوبة والمقنية من ميراثنــــــــــــــــــــــــا الجار والعشير من الكتف لى رأسنـــــــــــــــا في المال والعروض تخشى الملوك من بأسنا @@@ ليه يا ود موسي بتذم الرجال بالعايلـــــــة؟ ما بعشّوا الضيوف تحت السحابة الشايلة؟ ما سمعت في أم همج كاكوم عقيد الزايلة؟ ما سمعت بالنمر حرق الخديوي القايلـــة؟ @@@ لكن لسانك فك يا أبني أصلو مابتستامن تشحن في النفوس من الغبينة مدامـــا بس سمة المن مثالك في البحر بترامن العربي إن رقص ألبل قرونن قامــــــن @@@ دحين ياخي رغم الغطرسة بالتمثيل وحبة كاشك تلقى اصفارنا أكبر من مساحة داشــــــــــك شبعانين طحين من الفطير ودراشــــــــــــك أخير تبعد بخاف من شوكنا يخرب شاشـك @@@ ومهما زعمت من عِزة ونفخ فشفاشــــك أعلم طينّا أنصح من تراب خشخاشـــــك شوف ليك ناس رخاس تاخد عليهم فاشك أول غلطة كان تنيتا بنعل خاشـــــــــــــــك @@@ دحين ياخي اولاد عرب وغير عرب كلهم اخوانك إحذر واكترث شكَِل قوافي لسانـــــــــــــــك والرمي فوق الجماعة بالتعابير خانــــــــك في نص البحر بدور تقج صيوانــــــــــــك؟ @@@ نحنا نضافنا ياود موسي مو صابــــــــون نحنا نضافنا في عروض وشرف مصــون نحنا نضاف ضراع بالدكري المسنـــــــون طيبين عُشرة ولكن للخصيم طاعــــــــــون @@@ نحنا سماحنا يا ود موسي مو كريمات ولمعة لون نحنا ولدنا عاشميق عكس للعرجـــــــــون نحنا ناس لنا أعراض بحكما القانـــــــون سماحة الزول يفرّج كربة الممحـــــــــــون @@@ نحنا دفعنا يا ود موسي مو جركـــــان ونحنا ما بندفع الجبنة وحليب الكـــان ونحنا دفعنا في النوق أمات سناماً بان نحنا ضربنا للعوق انفجار بركــــــــان @@@ وكان كلمنا يا ود موسي بنقول الكلام حقاني وكان غنينا بنخت الشعِر في معانــــــــــى عزيزين في النسب من ذلة ما بنعانــــــي نحسب في الجدود ستين ومن غير عاني @@@ دحين ياغُبار الكبرياء المن المعالم حاجب أحذر منو لا ينسيك حقوق الواجــــــــب ومن أمثال تراثنا الفي العرف والواجب مهما العين تطول ما بتعلا فوق الحاجب @@@ وعشان ما نغلط معاك ونشيل النقط من شينك اوعا تعضعض الناس البوضحوا شينــــــك هسع وقعت في الحلة ووجب تكشينــــــــك شن وداك لشعراء البطانة تشينــــــــــــــك @@@ دحين ياخي الطامع في كثيرة الغير قليلتو تضيع وسيد بيت القزاز ما ببدأ بالتجديـــــــــــــع بولاد الحديد القاسي في التقطيــــــــــــــــع العربي إن حرن وسط المحاص ما بطيـــع @@@ نحن والله لا بنخاف ولا بنعاف ولا بنتهدد لا بنكل ولا بنمل ولا بنتــــــــــــــــــــــــردد كمان للزول البخون عُشرتنا مااا بنتّـــــــودد نبقالو البلا في كل فِجة ممــــــــــــــــــــــدد @@@@@ @@@ @ |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
موناكو الفرنسي يفاجىء المريخ ويطلب موسي الزومة | عمر جدة | «۩۞۩-المنتدى الرياضى-۩۞۩» | 6 | 03-20-2009 05:59 PM |
الشوبلى يرد على محمد موسى بخصوص اهل العوض | البرنس | «۩۞۩-منتدى الادب والثقافة-۩۞۩» | 1 | 12-26-2008 03:15 PM |
زهير شاعر الحكمة | صلاح عمر أحمد عمر | «۩۞۩-منتدى الادب والثقافة-۩۞۩» | 0 | 05-19-2008 05:40 PM |
من شعر البطانة | ابوهديل دوت كوم | «۩۞۩-منتدى الادب والثقافة-۩۞۩» | 3 | 04-03-2008 05:42 AM |
صحي اي انسان شاعر | support | «۩۞۩-منتدى الادب والثقافة-۩۞۩» | 5 | 06-01-2007 09:56 PM |