التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||||
|
|||||||||
طريقة جديدة فى الاحتيال..منقول للفائدة..
اليوم احكي لكم قصه اكثر حرامي قذر
للعبره اولا وللحيطه ثانيا وللاستمتاع اخيرا .... في مره من ذات المرات كنت اعبر بالعربيه في شارع الهواء.. وعشان شارع مقطوعيه لو لقيت ناس واقفه بتقدم بيهم.. اهو نتونس ونكسب اجر.. وفي خلفيتي انهم عمال مصانع او عابرين... المهم في ذاك اليوم الاغبر توقفت لشاب اربعيني ممتلي الجثه زحف الصلعه تركب اثر باين وحبيبات العرق هي من لفتت انتباهي،،، بعد دعوات الشكر والتجله دخل فيني بي نمره خمسه زي مابقولو.. هاك ياونسه وبدا يثرثر ولا انسي كان يحمل صحيفه رياضيه ما استبنت اسمها وماذات اهميه بالنسبه لكم بس اهميتا تكمن في رسم صوره عكسيه عن الواقعيه انو هذه الشخصيه انها عاطفيه وسطحيه ومشجع ساي وطبعا انا شربت المقلب حتي اخر قطره ... عرج بالحديث عن اخوه المحكوم ظلم وبهتان بسبب جريمه ماليه تعامل معها بحسن نيه وا وا الي اخره وقبل ان يباغتني حكي ظروف زوجه اخيه ومعانتهم.. وانو قطع شغلو وجا الخرطوم يبحث عن حلول.. وقبل ان تتجه بفكرك انو طالب مساعده ماليه يسالك عن محامي شاطر ومستعد يدفع اي مبلغ نظير انقاذ اخوه المحكوم.. هنا ترجع لي انطباعك الاول عن الشخصيه وحسب الروايه تجزم انهم عباره عن سزج وقضيتهم مكسوبه مكسوبه.. هنا تتحرك روح الشر في نفسك وتتذكر صديقك المحامي الطول بشكي من الفلس وتقول لي بالحيل عندي ليك محامي شاطر خلاس.. هنا ينقض عليك كاخر امل متبقي وصلني ليه اديني عنوانه.. قمت اديتو الرقم وحفظه ومانسي يحفظ رقمي بي اسمي كامل لزوم التخصيص. بكره اتصل علي انا فلان يا سمول!!! ياخ السالتك من المحامي.،،،. اها كيفك والاخبار تمام كويس .. انا اسي قريب لي مكتب المحاميه قلت لي اسمها منو؟ اسمها هنايه طيب لحظه اتلفن اشوفه بعد دقايق معدودات من رقمه المدخل فوقه رصيد بي 50 قرش تسمع صوت المحاميه اهلين سمول اي الزول وصل وياهندا قاعد معاي تيت تيت تيت الرصيد خلص . . . . هنا بقي يمارس الشعوذه طبعا سمؤل ده ود خالتي بت عم ابوي لزم ونحنا اصدقاء الطفوله ترعرعنا سوا سوا.. وانا مابثق في زول غيره ومن رشحك لي قلت غيرك ما دابر ذاتو . هنا شوش عليها خلاص اها اتعابك كم يا استاذه والله انت طالما من طرف سمؤل وقريبه مجان ل ...لا علي الطلاق مابيجوز طيب انت تدفع كم لا الا تقولي يدور جدل عقيم في الاخر خلاص اتصل بسمؤل والبقوله نبقي عليه اتفقنا . ترن ترن الو اووو استاذه فلانه كيف لا انا علي ضارب من تلفون الاستاذة مرحبتين علي الو ايوه سامع الو سامعك ياخي الو الو انت ماسامع تيت تيييت هف ده شنو اللزج ده قلت ارجع.. عفوا الرقم مغلق الحمد لله القفل .. . . . . بعد عشره دقايق تررررن الو اهلين سمول من الصوت الرقم اريبا وغريل كيفك استاذه سمؤل قريبك ده مجنون ولا مالو؟ قريبي ياتو زاتو الرسلتو لي قريلي!!!؟ لا مابعرفو زاتو قابلتو صدفه مقطوع والخ.... خلاص طلع حرامي وسرق التلون ........ حتي الان المحاميه دي علاقتنا مارجعت طبيعيه حتي الان اللص حر طليق حتي الان المغصه دايره تشقني حتي الان مابرفع زول معاي حتي الان ماتت المروه جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
دكتوراه في الاحتيال | Abdellatif Awadalla | «۩۞۩-منتدى الحصاحيصا الحر-۩۞۩» | 9 | 01-16-2014 12:31 PM |
بدأت المظاهرات في السودان(منقول للفائدة) | الرشيد حبيب الله | «۩۞۩-منتدى الحصاحيصا الحر-۩۞۩» | 13 | 11-26-2011 02:28 PM |
معلومات عامة للفائدة | ابوعبدالرحمن | ۩ﺴ ﺴ۩راكوبة الحصاحيصا۩ﺴ ﺴ۩ | 1 | 05-13-2010 05:45 AM |
منقول للفائدة | مجاهد بلال | «۩۞۩-منتدى الحصاحيصا الحر-۩۞۩» | 1 | 11-25-2008 05:18 PM |
طريقة جديدة لتعذيب البنات حسب الجنسية | عمادبندي | «۩۞۩-منتدى الحصاحيصا الحر-۩۞۩» | 16 | 10-13-2008 06:28 PM |