ظرفاء الحصاحيصا...

أحد ظرفاء الحصاحيصا كان قيبح الوجه (شين) بالعاميه ذهب الي حفلة تنكرية ولبس القناع علي الوجه واختار اجمل بنت في الحفله ورقص معها وفي نهاية الحفله دار الحوار التالي :
البنت : الحفله انتهت لو سمحت طلع القناع عشان اتعرف علي شخصيتك .
الولد: ضروري يعني؟
البنت : اي ضروري ، فعندما اخرج القناع ضحكت بهستيريا
الولد: بتضحكي مالك؟
البنت: عشان بتهظر يلا طلع القناع التاني
.:teasin47:

هههههههههههههههههههههههه
بالجد مبالغــــــــــــــــــــــــــــــــه

موقف طريف بين العريس (ببو ) وحبيبنا وفاكهة الحصاحيصا حسن الدرديري متعه الله بالصحة والعافية.

ببو : ياحسن ألف الطوب فيهو كم طوبه؟

حسن: ده سؤال ياببو؟

ببو: مش ساهل جاوبوا لينا؟

حسن: الالف ده مكسر ولاسالم ياببو؟

ههههههههههههههههههه

لمن يكون مكسر بزيد ولاشنو

بصراحة روعة ظرفاء المدينه

هاهاهاهاها
ياسلام عليك ياقلو
موضوع رائع واكيد ح يكون متجدد
والله رجعتنا لايام جميلة
ايام القفشات والمداعبات البريئة فى رحاب الحصاحيصا
وظرفاء المدينة
وما اكثرهم وما اكثر مواقفهم
فى انتظار المزيد من القفشات والطرائف
وشكرا على حضورك الجميل

المشاركة الأصلية كتبت بواسطة قلو قلو

أحد ظرفاء الحصاحيصا كان قيبح الوجه (شين) بالعاميه ذهب الي حفلة تنكرية ولبس القناع علي الوجه واختار اجمل بنت في الحفله ورقص معها وفي نهاية الحفله دار الحوار التالي :
البنت : الحفله انتهت لو سمحت طلع القناع عشان اتعرف علي شخصيتك .
الولد: ضروري يعني؟
البنت : اي ضروري ، فعندما اخرج القناع ضحكت بهستيريا
الولد: بتضحكي مالك؟
البنت: عشان بتهظر يلا طلع القناع التاني
.:teasin47:

المشاركة الأصلية كتبت بواسطة قلو قلو

موقف طريف بين العريس (ببو ) وحبيبنا وفاكهة الحصاحيصا حسن الدرديري متعه الله بالصحة والعافية.

ببو : ياحسن ألف الطوب فيهو كم طوبه؟

حسن: ده سؤال ياببو؟

ببو: مش ساهل جاوبوا لينا؟

حسن: الالف ده مكسر ولاسالم ياببو؟

القرعي وحسن الدرديري في الخرطوم :-
القرعي وببو كانوا معانا في رحله الي الخرطوم عام 1993م مع فريقنا حي العرب ،والاتصالات ماكان زي هسع الا التلفونات الثابته الكبيره ،
القرعي : ياببو انا طولت من ناس البيت اديني رقم في الحصاحيصا عشان اتصل عليهم.
ببو :الرقم 2510
القرعي مشي مسافة 5كيلو وهي اقرب كشك اتصالات وجاء زعلان
ببو: مالك جاي زعلان كده النمره مادخلت معاك ولاشنو؟
القرعي:امشي المسافة دي كلها وتغشاني؟
ببو: غشيتك كيف؟
القرعي: ضربت ال2 وال5 ومالقيت 10في التلفون
حسن الدرديري: انت غبي كده مالك ،مالقيت ال10 ماكان تضربها خمستين

القرعي في الخرطوم :-
القرعي كان في عرس في حي العمارات ، صحن الكوكتيل ماعرف فيهو اي حاجه وكان مغطي بمنديل ورق اصفر باهت
ببو: عرفت حاجه في الصحن ده يالقرعي.
القرعي :والله اكلت فيهو حاجه بعيده من باسطة الحصاحيصا وقريب من رغيف الصحافه .
ببو : فضحتنا ده جانوه، وتاني فيهو شنو؟
القرعي: اكلت الرقاق لكن الغريبه مافيهو سكر
ببو: ياخي انت اكلت منديل الورق.

المشاركة الأصلية كتبت بواسطة قلو قلو

نكتة اليوم :-
القرعي وحسن الدرديري في الخرطوم :-
القرعي وببو كانوا معانا في رحله الي الخرطوم عام 1993م مع فريقنا حي العرب ،والاتصالات ماكان زي هسع الا التلفونات الثابته الكبيره ،
القرعي : ياببو انا طولت من ناس البيت اديني رقم في الحصاحيصا عشان اتصل عليهم.
ببو :الرقم 2510
القرعي مشي مسافة 5كيلو وهي اقرب كشك اتصالات وجاء زعلان
ببو: مالك جاي زعلان كده النمره مادخلت معاك ولاشنو؟
القرعي:امشي المسافة دي كلها وتغشاني؟
ببو: غشيتك كيف؟
القرعي: ضربت ال2 وال5 ومالقيت 10في التلفون
حسن الدرديري: انت غبي كده مالك ،مالقيت ال10 ماكان تضربها خمستين

والله مبالغة واصل يا غالي في الابداع وكلنا اذان وعين صاغية

المشاركة الأصلية كتبت بواسطة قلو قلو

القرعي في الخرطوم :-
القرعي كان في عرس في حي العمارات ، صحن الكوكتيل ماعرف فيهو اي حاجه وكان مغطي بمنديل ورق اصفر باهت
ببو: عرفت حاجه في الصحن ده يالقرعي.
القرعي :والله اكلت فيهو حاجه بعيده من باسطة الحصاحيصا وقريب من رغيف الصحافه .
ببو : فضحتنا ده جانوه، وتاني فيهو شنو؟
القرعي: اكلت الرقاق لكن الغريبه مافيهو سكر
ببو: ياخي انت اكلت منديل الورق.

قلو يا قلو ... يا قلو
من زمان انت ويييين
مشتاقين
و منتظرين على الرصيف مرور قطار حكاويك
ابدعت يا رايع

ههههههههههههههه
بالجد مبالغة البوست ده
تسلم ياقلوقلو على المواقف المضحكة
بس المواقف دى حقيقية بجد؟

المشاركة الأصلية كتبت بواسطة يوليسا

ههههههههههههههه
بالجد مبالغة البوست ده
تسلم ياقلوقلو على المواقف المضحكة
بس المواقف دى حقيقية بجد؟

دى بالصو ر بالصور يعنى بالثابتة
هههههههههههههههه
يوليسا يديك الف عافية
دى من واقعنا العشناه يوما و مازال ...
و مع قلو الضحكة من القلب
بالمناسبة قلو ده لقبو المشهور بيه
امتنانى

شكرا ليكم ياشباب على المداخلات

هاشم كبير x حسن الدرديري :-
التحيه والتجله والتقدير لملك الفكاهه الكوتش هاشم كبير.
حسن الدرديري كان واقف جنب محل اتصالات في السوق
هاشم كبير : داير تتصل وين ياحسن؟
حسن : لي رفاعه .
هاشم : انت عوير ؟ حسع البنطون ماواقف؟
حسن : ااي؟ والله نسيت ياهاشم ؟
حسن وضع سماعة التلفون ومشي؟

بي قصة البشير يطير دي :-
كان في استاذ بيدرس طلاب اولاد ناس مسؤلين وهو ماعارف
الاستاذ : عايز حيوان بيطير؟
الطالب : الفيل يااستاذ؟
الاستاذ : الفيل بيطير ياغبي؟ اسمك منو؟
الطالب : مهند بكري حسن صالح .
الاستاذ : صفقوا ليهو ؟
احد الطلاب : لكن الفيل مابيطير يااستاذ؟
الاستاذ : لو الفيل مابيطير بطير انا؟

قلو يا حبيب
سلامات
ومشكور على الإبتسامات والمواقف الطريفة
بمناسبة هاشم كبير ده برضو موقف طريف ونكته حية:
قالوا ايام كشات الخدمة الإلزامية كانهاشم كبير خاشى على السوق،لاقاو واحد من ناس الحلة قال ليو:ياهاشم ولدك جرى من ناس الكشة بتاعة الخدمة الوطنية.
هاشم كبير قال ليو:طيب مالو ما يجرى؟
الراجل قال لى هاشم:ياخى جرى فى نص السوق.
هاشم كبير زهج من الراجل شديد وقال ليو:اخير يجرى هسه فى سوق الحصاحيصا من ما يجرى بعدين فى اسواق الإستوائية!!
هاهاهاها
يديك العافية ياقلو وربنا يحفظ عمنا هاشم كبير ويمتعو بالصحة والعافية.

ببو x القرعي :-
حدثت مشاده كلاميه بين ببو ويمثل ( الحي الشرقي) والقرعي يمثل ( بردب ) يعني الحي الاوسط
ببو: والله يالقرعي مافي اي مقارنه بين الحي الشرقي وبردب بتاعتكم دي؟
القرعي :ليهي؟
ببو : نحن خرجنا ناس في كل المجالات ،مثلا" في السياسه محمد احمد سالم ، وفي الطب كمال الشين ، وفي المدرسين اولاد قريقر ،وفي الرياضه ابو العز وعليوه
القرعي : نحن مازاتنا قرينا؟
ببو : والله بردب دي اشطر واحد كان فيها حسن الدرديري ودرس لحدي اولي ابتدائي و( بالمساء) .

والله ظريفه شديد ياامين وانا زمان في الاستاد بشوف محل هاشم وين بنمشي ليهوا بنستمتع بي تعليقاتوا اكتر من الكوره وربنا يديهو العافيه ، ولمن سجلت حي العرب في رفاعه قالي في الخريف ده البنطون بيشرد بيكم وبسمعكم لاعبين دوري في اسوان.

مركز تحميل الصور

بمناسبة ظهور خلف الله سعد في الصوره ، هاشم كبير قاليهو :مالك ياخلف الله كل يوم ماشي زايد زي الدولار؟

التحية أخي الصغير وجاري الخلوق قلو .. أنا نادر محمد نور (أبوالهول) والله يا قلو رجعتنا عشرات السنيين بهؤلاء الظرفاء خاصة وأنا لازمت
مدربي الأول وملهمي هاشم كبير لسنوات وطبعا أخي حسن الدرديري طبعا كان يوميا يظهر ليك بدون مواعيد وأنا خائف أجي اِجازة يقوم يعمل
لي تكريم في نادي المريخ هههههههه ويلبسني النجمة وتعرف يا قلو هاشم كبير لسه زعلان مني بسبب اِنتقالي للهلال ومعاه حق فقد كنت
من أبنائه المقربين وأنا كنت أنانيا .. وخد واحده من تربيزة الكتشينة في نادي قلب الجزيرة سابقا .. نحن نضرب في فول عمك اِبراهيم والشلة
أنت عارفها عصمت واسامة حنين وترلة ووليد وجمال الماجدي .. فنسمع صوت الكوتش ود الريس ينادي يا هاشم ياهاشم وهوعند الباب وهاشم
ينظر اليه وهو يلعب كتشينة وطبعا عمنا ود الريس اِحدي يديه أصابعها مطبوقة للداخل وهو يشير اليه باِشارة تعال وبعدها صار ينادي يا هاشم
أنا بناديك يا أخي من زمان وهو غاضب فقال له هاشم ما ناديتني الا الان فقال له ود الريس يا أخي أنا بأشر ليك بيدي تعال فقال له هاشم يا أخي
هسهع اِشارتك بيدك دي أمشي ولا تعال هههههه فضحك الجميع حتي ود الريس نفسه ... متعهم الله بالصحة والعافية . أها يا قلو أنا دخلت هنا
علشان ما تنقطع من هذا المنتدي وأتحفنا بما فاتنا بعد غيبتنا ولا تنسي نكات صاحبك وليد اِنجليز هههه . طيب خد واحده سريعة لصاحبك وليد
( أنا جبتهم عمرة هو وترلة وطبعا الحاجة رحمها الله كانت معي هنا .. المهم أصحابك مشوا العمرة وطبعا أول مره فجماعتك طافوا بالبيت الشريف
14 مرة أربعة عشر مره وكمان السعي 14 مرة فتعبوا شديد وبعدها رجعوا للكعبة وشافوا الناس ماسكة فيها فمسكوها وصاحبك ترلة لم يصدق
نفسه فبكي كثيرا وعلا صوته فتعجب وليد من ذلك ولم يسأله ورجعوا وهو ينظر اليه بخوف وعندما وصلوا البيت كانوا مرهقين بعد الطواف ال14
مرة وكانوا ينامون في الصالون فصاحبك وليد شال مخدتو وبطانيتوا وقال لأًمه الليلة أنا نائم معاك هههه فقالت له أجي يا ولدي ما تنوم مع صاحبك
ده فقال لها بتمتمة العب ده أنا ما بنوم معاه الله بيني وبينوا العب قاتل ليهو رقبة مسك الكعبة دي وبكي بكي شديد ما بجازف وأنوم معاه ههههههه

والله يا قلو قصة وليد وترلة دي ضحكتني كثير بعد أن كتبتها وتذكرت هذا الموقف .. علشان كده رجعت تاني وطبعا وليد بعدها سجلوه في
قلب الجزيرة وطبعا هاشم كبير تعشم فيه الخير يمكن يكون زي نادر أخوه علي الصامت علي الدوام ومطيع ولا يكاد يتحدث اِلا في الملعب
وخجول ولكنها كانت غلطة عمره ههههه فقد كان مشاكسا معاكسا هههه وطبعا هاشم فعلا كان مدربا قديرا يحدث فاؤل خارج خط ال18
يتوقف اللعب نصف ساعة ويعيده تكرارا ومرارا وقد ينتهي عليه التمرين فكان اللاعبين يتذمرون من ذلك لأنهم يريدون اللعب فحدث
فاؤل فتكلم وليد مع بهاء الدين ود الهظ يا أخي عامل فاؤل مالك خلاص التمرين كده اِنتهي وسمعه هاشم كبير وزعل شديد وجلس وليد
علي الأرض فقال له هاشم قم علي حيلك وأستفيد فقام وليد وهويتمتممم واِتلعب الفاؤل واِنبسط الجماعة ولكن سرعان ما توقف اللعب
ثانيا والمره دي كان حديثا مع لاعبي الوسط وزهج وليد وجلس ثانيا فلم يكلمه هاشم بل قال ياجماعة لاعبين الوسط لازم يلعبوا بتوازن
زي بدال العجلة يتقدموا ويرجعوا يعني هسسع العجلة دي من غير بدال بتمشي ؟؟؟؟ ووجه السؤال لوليد طبعا زعلان منه فوقف وليد
وطبعا محنوق ومغيوظ من هاشم وتمتتتتم أ ي أي ي ي بتممشي فزعل هاشم ووضع يديه علي وسطه وقال له أها وريني كيف يا حافظه
يا فلسفة فقال وليد ببببسسسسسيييطة ختها في العالي وأركب فيها وطرده هاشم كبير وبعدها اِنتقل وليد لفريق الفقراء وكمل الباقي اِنتا
تحياتي يا قلو لجميع الأهل عصمت ونميري

المشاركة الأصلية كتبت بواسطة قلو قلو

والله ظريفه شديد ياامين وانا زمان في الاستاد بشوف محل هاشم وين بنمشي ليهوا بنستمتع بي تعليقاتوا اكتر من الكوره وربنا يديهو العافيه ، ولمن سجلت حي العرب في رفاعه قالي في الخريف ده البنطون بيشرد بيكم وبسمعكم لاعبين دوري في اسوان.

هاهاهاها
والله ياقلو بتاعة البنطون يشرد بيكم دى انا متذكره وكانت حديث المجالس
وطبعا الفكرة كانت غريبة انو فريق من الحصاحيصا يسجل فى اتحاد رفاعة وطبعا ده فكر ادارى متقدم بدل على تمرس ادارة فريق حى العرب
ياسلام عليك ياقلو وعلىا لبوست الجميل
وربنا يدى الكوتش هاشم كبير الصحة والعافية وفى انتظار مزيد من الطرائف

المشاركة الأصلية كتبت بواسطة alshareef2008

طيب خد واحده سريعة لصاحبك وليد
( أنا جبتهم عمرة هو وترلة وطبعا الحاجة رحمها الله كانت معي هنا .. المهم أصحابك مشوا العمرة وطبعا أول مره فجماعتك طافوا بالبيت الشريف
14 مرة أربعة عشر مره وكمان السعي 14 مرة فتعبوا شديد وبعدها رجعوا للكعبة وشافوا الناس ماسكة فيها فمسكوها وصاحبك ترلة لم يصدق
نفسه فبكي كثيرا وعلا صوته فتعجب وليد من ذلك ولم يسأله ورجعوا وهو ينظر اليه بخوف وعندما وصلوا البيت كانوا مرهقين بعد الطواف ال14
مرة وكانوا ينامون في الصالون فصاحبك وليد شال مخدتو وبطانيتوا وقال لأًمه الليلة أنا نائم معاك هههه فقالت له أجي يا ولدي ما تنوم مع صاحبك
ده فقال لها بتمتمة العب ده أنا ما بنوم معاه الله بيني وبينوا العب قاتل ليهو رقبة مسك الكعبة دي وبكي بكي شديد ما بجازف وأنوم معاه ههههههه

هاهاهاها
يديك العافية يا نادر
والله ضحكتنى ضحك شديد بقصة وليد انجليز
وطبعا وليد انجليز عندومواقف طريفة كتيرة جدا
اكيد ح نتابعه من خلال اليوست ده
شكرا نادر وقلو
ومتابعين

شكرا أخي أمين علي المرور الجميل وتعرف أنا طول الليل أضحك بعد ان تذكرت ذلك الموقف وأكيد قلو مات من الضحك ولم يستطع الرد حتي
يتمالك نفسه وطبعا هو كان صاحبو .. وليك وخد واحده لصاحبك وليد ... في أحدي الليالي كان في بارتي خطير غرب حلة الفور قريب من
السكة حديد أخر بيوت واِنت متجه لمصنع الخميره سابقا .. عموما سماعات الدسكو كانت تتسمع في الحي الشرقي . فقررنا الذهاب وطبعا قلت
لوليد يا ولد أمشي البيت اِنتا فلم يعجبه ذلك ؟؟؟ وقرر الذهاب بطريقته الخاصة وشاهدته هناك فلم أكلمه أمام الناس وهو يعرف ذلك تماما و
لكن المشكلة بعد الحفلة يمشي وين مني .. المهم صاحبك لم يكن عنده خيار وطبعا هو خواف شديد وخياره الوحيد أن يذهب لوحده قبل اِنتهاء
الحفلة وفي البيت هنالك من يحميه ... ولكن الظلام شديد والكلاب تنبح والبعاعيت لافين والرباطين قانصين .. فقرر أن يطلع السكة حديد ويمشي
وعلي سوء حظه كان هنالك معزه والده جديد وعندها صغير عندما رأي وليد تحرك تجاهه هههه فصاحبك قال في نفسه ده ما سخيل أكيد شيطان
فأسرع وأسرع السخيل خلفه فجري وجري السخيل خلفه وهوينادي فصاحبك اِنطلق بالسكة حديد بسرعة فائقة جري الخوف وقال كبري الحلة
الجديده أخذو في خطوتين والأهم من ذلك كان عندنا باب جار عليه الزمن فسقط الباب وسقط وليد وأفزع الجميع ورفه رأسه وقال ليهم الله ستر
سكاني شيطان من حلة فور وكان يتمتم ونفسه قائم هههههه .... وبعد ما يظهر قلو نديك واحدة قوية لهاشم كبير جديده .. ِ

المشاركة الأصلية كتبت بواسطة قلو قلو

موقف طريف بين العريس (ببو ) وحبيبنا وفاكهة الحصاحيصا حسن الدرديري متعه الله بالصحة والعافية.

ببو : ياحسن ألف الطوب فيهو كم طوبه؟

حسن: ده سؤال ياببو؟


ببو: مش ساهل جاوبوا لينا؟

حسن: الالف ده مكسر ولاسالم ياببو؟

هههههههههههههههههههههه
ضحكتنا والله من الاعماق

والله يانادر مشتاين كتير واخباركم مقطوعه والحمد لله المنتدي يجمعنا من تاني وياحليل الزمن الجميل في الحصاحيصا وانا لمن امشي بقول لشباب الزمن ده نحن عشنا الزمن الجميل في الحصاحيصا وايام لاتعوض الا ان نقول للزمان ارجع يازمان / وصفحتي علي الفيس ( قلوقلو) / وصفحة النادي بتاعي هنا ( نادي الفيحاء - السودان ) ، وذكرتنا بالكوتش وفاكهة الحصاحيصا هاشم كبير ، متعك الله بالصحه والعافيه ياكل الجمال وتحياتي للجميع.

نكتة اليوم :-
القرعي كان بيودع في ابوه ابو قران ( ربنا يرحموا) لانوا ماشي الحج
القرعي : اها يابوي مع السلامه
ابوقران : خلي بالك من البيت يالقرعي
القرعي : اها يابوي بتجي راجع قبال العيد ولابعدو؟

نكتة اليوم :-
العم حمد النيل يعقوب ( له الرحمه والمغفره) x يسري بشير ادم :-
طبعا" يسري ماعندو اي علاقه بكورة القدم يعني مثلا" لو سألوه عن فيصل العجب بيقول ده منو؟، وفي احدي المرات العم حمد النيل كان قاعد جنب بيتو في الناصيه وشايل الراديو وسمع الضو حجوج اتوفي في حادث حركه وبقي يبكي وجا ماريبهو يسري فدار الحوار التالي بينهما :
يسري : مالك ياحمد النيل بتبكي؟
حمد النيل : ياسلااااام يايسري الراجل الطيب مات في حادث حركه؟
يسري : الراجل منو ياحمد النيل؟
حمد النيل : الضو حجوج
يسري : الضو حجوج ده شغال شنو يعني؟
حمد النيل : فارش طماطم في السوق يايسري، وطبعا" الناس مانوا من الضحك واولهم العم حمد النيل .

المشاركة الأصلية كتبت بواسطة قلو قلو

مركز تحميل الصور

بمناسبة ظهور خلف الله سعد في الصوره ، هاشم كبير قاليهو :مالك ياخلف الله كل يوم ماشي زايد زي الدولار؟

هاهاهاها
حلوة ياقلو
والتحية ليك وللرائع خلف الله سعد
وهاكم دى
طرفة حكاها لى خلف الله وهى حصلت بينو وبين قلو
طبعا ماشاء الله خلف الله ماعندو علاقة بالرياضة
بعد صلاة الجمعة والناس طالعين من الصلاة إتلاقو خلف الله وقلو وعثمان احمد الطيب (عثمان قبضة)،كان فى مباراة بين فريق قلو (حى العرب)وفريق تانى من الحى الأوسط.
خلف الله قال لى قلو:والله الليلة شيلو شيلتكم انا لاعب ليكم راس حربه.
قلو بسرعة بديهتو المعروفة رده لى خلف الله طوالى وقال ليو:هههه وان بجيب لى ابو القدح اخلى يقفلك
هاهاهاهاها
التحية لى قلو ولى خلف الله ولعثمان قبضة وربنا يديهم الصحة والعافية
وواصل ياقلو متابعين.