سلك في السلك

بسم الله الرحمن الرحيم

عمود بابكر سلك

في السلك
شفتنه جابت بشتنه
• حبة شفتنه
• شويه ماكتيره
• سنه بس ( بكسر السين )
• جابت جنس بشتنه
• الجمهور كان شفت شديييييييد
• ترك عباية الصفوه في البيت
• وجا لابس لبس الشفتنه
• احبكم يا شفوووت
• واحب فيكم حبكم لمريخ الشفتنه
• الشفتنه البتجيب البشتنه
• صدق خالد عز الدين
• لما قال ناس خليفه انصاف مواهب
• عين حمراء
• خلت الجماعه رجعوا لي ورا
• ده مريخنا البنعرفوا مريخ حلا وحمار
• مريخ شفت شديد
• اي زول قام بدوروا كامل
• كروجر لعب بي طريقه
• شجره مليانه قرود طلح ماتفهمها
• ابو عنجه وقف علي الخط
• يهب في النار
• لما اتأكد عيش الريف اتشوي صااااااااااااااح
• لكن سعيد والشغيل اشتغلوا جنس شغل غير مرئي
• شغل تحت تحت
• شغل شفوت
• شغل بالشلوت
• اقصد بالشفوت
• لكن مصعب السواها رقدت
• الزول ده بجي من وين
• خليفه لي اسي ماعارف
• محل مايلعبوا الكوره
• القوا الشطه الحمراء
• اربعه قرون
• شطه شفته
• شطة شفوت
• اها
• هنو طلع في التربيزه
• وطلع في العربيه الهكره
• العربيه اللزوها زمااااااان
• تتذكروها
• وجمهور المريخ الشفت يغني
• الطقعوا ومرقوا
• قالوا قون راجي حرقوا
• غنيه طويله
• حانكتبها كامله
• المهم هنو طلع في التربيزه
• تربيزة السواد والرماد
• قربت ترميهو
• الفيران عرفناها
• كمان في ارضه بتاكل الخشب ؟
• المهم
• قون راجي شفتوهوا جا كيف ؟
• قالوا جابوا بالسنه
• سنة الحذاء
• تهي تهي تهي
• معقوله قون زي ده بالسنه ياراجي ؟
• يعني لو كان بدون سنه كان جا كيف !
• لو بالحذاء كلو مثلا
• المهم
• احكي ليكم قون راجي
• جات لي مصعب
• جري بالحمام
• دردقها لي راجي
• راجي يترنح من النص
• اقصد يتبجح
• قالوا لما وصل المعز ماشات طوالي
• قال للمعز
• انت طالبني حليفه ؟
• تصدق وتؤمن بالله !
• اقول ليك شئ
• طبعا راجي لايوق شديد
• اصلوا بتلايق كتير
• يشيل ويسأل في المعز
• انت طالبني حليفه
• المعز قال ليهو خليفه ؟
• راجي قال ليهو خليفه مرق قبييييييييييييييل
• غلبتو
• حليفه
• ما خليفه
• وبس
• قال ليك بالسنه
• سنة الحذاء
• القائم ده لو جا جاي سنتمتر واحد
• كان دقت فيهو
• لكن عجبتني الشفتنه
• تحت تحت
• لاسانا ضيع التالت
• لكن خير وبركه
• نحنا بعد سنة راجي دي مادايرين تاني حاجه
• سنة الحذاء
• ديمبا تقيل
• مالحق راجي
• تاني باري ديمبا
• لكن المعز راجي هنو يعكسها
• راجيهو لي اسي
• محمد كمال يا بطل
• ياشفت
• قلت لي بشه داير يلعب رأسيه ؟
• راسيه بالعنقره ؟
• ولا رأسيه بالرا ؟
• شفتنه جابت البشتنه
• الناس جدعوا جنس جديع
• ومرقوا
• قون راجي ماااااا حرقوا
• لكن عليك الله ياخالد عزالدين عرفت انصاف المواهب ديل كيف ؟
• اسلام حضرت الكوره في التلفزيون
• قالت لي شفت ميشو
• قلت ليها مامعقول
• قالت لي والله وكمان لابس بدله بتشبه بدل الاقساط بتاعت استعمال بره ديك
• بدل المرحوم كان قدرك
• ضحكت
• تاني اللجماعه ما بعلقوا لافته
• لكن ياراجي يسألك الله جبتوا من وين ؟
• لعب زي ده بتجيبوا من وين انت ؟
• باص قلق لي هنو
• بالكوره كلها
• ومشينا القلعه الحمراء بعد الكوره
• ارض الحضارات
• المريخاب الشفوت طلعوا محتفلين
• يشهد الله اسر وعوائل
• اسر مأصله
• اولاد ناس
• اسر محترمه
• ده المريخ
• في دي بنقبل صفوه
• لكن في الاستاد
• شفوت بس
• قلنا ليكم حبة شفتنه
• وتتضح لكم كذبة ابريل
• خط بارليف
• اكبر كذبه في التاريخ
• الله يجازيك ياراجي
• بالسنه ؟
• كان تملي رجلك يا راجل
• بكره حانتم ليكم قصة التومه وسميه
• الحلقه الجايه التومه بتقدم طلب لي ناس الاسر البديله
• دايره تتبني ليها شافع
• قنعت من حكاية الولاده دي بعد بلغت الاتنين وتمانين
• لكن ناس الاسر البديله رايهم شنو ؟
• ده الحانعرفوا في حلقة بكره
• جنس بشتنه !
• بالغت يارجي
• بال
• بالعديييييييييييييييل كده !
سلك كهربا
ننساك كيف وكل التيم والجمهور كان ايداهوووووووووووووووور
والي لقاء
سلك / عمود بابكر سلك / في السلك

مبروك يا محمد لكن العاجبني انكم ما داسين الحصل والدليل كلام سلك وهو قال شفتنة بدل بالضرب تحت الحزام ومساعدة الحكام

المشاركة الأصلية كتبت بواسطة مناع بدوي عمر مناع

مبروك يا محمد لكن العاجبني انكم ما داسين الحصل والدليل كلام سلك وهو قال شفتنة بدل بالضرب تحت الحزام ومساعدة الحكام

مناع لك التحايا

مش الشفتنة برضو خشم بيوت

ولا كيف سلك في السلك ؟؟؟؟

تجاوزات بالتا !
• الاهله
• مالاقيين موضوع يتكلموا فيهو حاليا
• انه موسم التسجيلات
• قاموا كالعاده صنعوا موضوع التجاوزات
• قالوا الاتحاد يتجاوز القوانين واللوائح لصالح المريخ
• قالوا
• لكن نحنا ما نخليهم يقولوا
• زي ما الناس يقولوا
• ياناس
• شيكوزي كان حارسا لمرمي المريخ ومسجلا في كشوفات النادي لدي الاتحاد
• قام الاتحاد قطع ليهو قانون من راسو
• قال تاني ما اشوف حارس مرمي اجنبي في البلد دي
• ومن المعروف فقها وقانونا ان القانون لايطبق بأثر رجعي
• يعني بمجرد صدور القانون ما طوالي بخموا شيكوزي ويجدعوهوا في نيجيريا
• لذا ماقام به الاتحاد تجاه شيكوزي لا يعتبر تجاوزا لصالح المريخ
• ولكنه تجاوزا لحقوق المريخ وشيكوزي
• فكان من المفروض ان ينطبق القانون الجديد علي شيكوزي بعد انتهاء عقده مع المريخ
• قولوا واحد
• اتنين
• قابيتو الاسمو مافي زول قدر يقراهو في الجواز
• عشان مكتوب بالبرتقالي
• و لو كان مكتوب بالاحمر كان قروهوا
• قابيتو ده
• لعب وين ؟
• الصلوي
• عمره لايسمح له بالانتقال واللعب خارجيا الا بشروط محدده
• منها ان امو وابوهو يكونوا مستقرين لوقت محدد بالبلد التي يحب ان يلعب لاحد انديتها
• ياربي
• الصلوي ده ولد ابو يمن سيد الدكان الفي شارع البلديه ؟
• القانون قال الفريق المنسحب من المنافسه يعاقب بالغاء جميع نتائجه في المنافسه وان ينزل للدرجه الادني
• الهلال اعلن انسحابه
• اعلنه كم مره
• الاتحاد يمهل الهلال 72 ساعه ليسحب انسحابه
• لليله بفتش في القانون
• مالقيت يمهل دي
• يمهل دي تجاوز صريح
• وتعطيل لنص واضح
• ليت الاتحاد طبق القانون
• وتمسك به
• كما تمسك ضد نادي توتي
• قال تجاوز قال
• سمعتوا بابداء الرغبه بالموبايل !
• تسجيل بالتلفون
• يعني الشطب ممكن يكون بالمسد كول
• لو داير تشطبني مسكل لي
• تجاوز بالتا
• ياناس
• امولادي
• كواريزما
• بلعبوا وين ديل ؟
• قال المريخ قال
• ايها الناس
• في ناس احتجوا علي اختيار المريخ ممثلا للسودان في البطوله العربيه
• يعني الاتحاد يختار منو ؟
• الهلال مثلا ؟
• انتوا نسايين ولا شنو ؟
• الاتحاد العربي ده طالب الهلال كورة رد
• ضد الجزائر
• لليوم ناس الجزائر في الميدان
• وناس الاتحاد العربي في المقصوره
• وناس الهلال ما مشوا ؟
• فريق انسحب من آخر مباراه له بالاتحاد العربي
• تاني نرسل اسمو لنفس الاتحاد !
• قال تجاوز قال
• قالوا الحضري حايلعب في المريخ كيف ؟
• قلنا ليهم بالحريات الاربعه
• الكلام ده زعل قسم خامس
• خلاص يا قسيم الريد
• الحضري حايلعب في المريخ بالحريات الخمسه
• ماتزعل
• لازم خمسة مازيمبي دي تدخلوها !
• براكم بتجيبوا الكلام
• اها
• امس كتبنا عن تسجيلات الهلال
• تسجيل صوت شكر للارباب
• تسجيل صوت لوم للارباب
• تسجيل موقف من تسجيلات المريخ
• ووصلنا تنويه ولفت نظر من منتدي الجماهير
• يقول التنويه
• نسيت ياسلك
• تسجيل زياره للشيخ محمد خير
• وهذا مالزم توضيحه
• امس استمتعت بما كتبه الرائع خالد عزالدين
• كل الكلام عن المريخ
• وتسجيلات المريخ
• ويلعبوا كيف
• والحصل في الخليج
• وفندق مازيمبي
• وزعل ابو جريشه من تسجيل سكواها
• خالد ماكتب ولا كلمه عن تسجيلات الهلال
• الماده دي ما شايلنها ولا شنو يا خالد ؟
• الكيمياء دي صعبه
• اه يا ادبيين
• لكن الادبي بجضم التاريخ
• وانتوا في التاريخ الجوي ضعيفين
• برضوا ما شايلين تاريخ ؟
• شايلين شنو ؟
• قاعدين ساي !
• القرايه دي زاتها خلوها ياخالد
• بتكلف
• ولا يكلف الله نفسا الا وسعها
• في المريخ
• سوداني وحضري اقصد مصري وفلسطيني ومالي وزامبي ونيجيري وعاجي ومغربي وتونسي
• الكاف فيهو شنو اكتر من كده !
• بقينا كاف عديييييييييييييييييييييييييييييييييييييييل كده
• يعني قرن شطه ونجيب الاتحاد الافريقي بيت اللاعبين
• المكتب التنفيذي
• ساكواها وديناهو الكشف الطبي
• اجتازه
• فحصنا ليهو اي شئ
• حتي مرض ام سادوبا طلع (نل )
• مرض ام سادومبا يجيهوا من وين
• زول جايينا من فرنسا
• قول الاتحاد وافق علي تسجيل فيصل موسي للهلال
• حق الاستماره عندكم ؟
• بكره سجلوا اسمكم في كشف الاراضي
• يمكن تطلع ليكم قطعة الصالحه في خطة 3210 هجريه ما ميلاديه ماتستعجلوا ساااااي
• حرب النجوم (3) قربت
سلك كهربا
لن ننساااااك
والي لقاء
سلك

ههههههههه
سلك في السلك لي سلك مالينا نحنا
المريخ اكثر الفرق بكاءا المريخ اكثر الفرق خوفا في قصة القوانين يفعل مايحلو له وعندما يجي الرئيس الشفت يقعد يجقلب احسن تختوا الدرب دا يا اتحاد الوالي ورئيس المريخ معتصم جعفر 9 اجانب بالمريخ حاجة تخوف ياخ الناس ديل ماعندهم مبدأ نهائيا قبل كم يوم كدا كانت في حملة وطنية قايمة عن لعيبة الهلال ونحمد الله ان البرنس حفظه الله ورعاه كان اول واحد في قائمة المنتخب وكان اول الحضور وكذلك لعيبة الهلال ولكن فاقدي الوطنية آكلوا داجاج الوطنية ثم البكاء عليه اول من ينحرون في اعناق دجاج الوطنية بالطريقة الإسلامية ثم تسجيل عبارة (زبح حلال) اي حلال يعني أكلو نحنا ضابحنوا بي طريقة اسلامية وشرعية لكن ياجماعة ضبحتوا كيف وسميتوا بسم الله واتجهتوا علي القبلة وسنيتوا السكين وقلتوا الله أكبر ولا بس تختموا ساي بي الختم الاحمر جمال الوالي قال نحنا الحكومة دي حقتنا خاتنها في جيبنا عندنا اساتذة في التحايل علي القانون ومعتصم زاتو ولدنا وعندنا حصانات دبلماسية يعني زيتنا في بيتنا الحضري ما بنجنسوا وبنلعبوا كيف ما تسألونا فيها لفة لكن شمال ولا يمين ماعارفنها الحكومة صديقتنا ههههههه اي فردتنا رايكم شنو 9 اجانب في المريخ 2 منهم حراس كيف ماعارف (الجمعية العمومية للاتحاد العام قصدت من تشريعها في رفضها تسجيل حارس اجنبي كحارس مرمي هو ان تحفظ لهذه الخانة سودانيتها يعني عشان المنتخب ) موش دي ياها الوطنية هسع عملت ليها كرعين ومشت قبل شوية المنتخب دا ماكان نقطة حمراء قبل شوية ماكان لعيبة الهلال عديموا الوطنية ههههههههه الوالي بقي عديم الوطنية وابو جريشة بقي متمرد عديل كدا يعني من رئيسها خربت وطنية تك تاك تاني بتتكلموا عن الوطنية تاني بشوفكم تقولوا وطنية .يجب ان تلغي المادة التي تمنع ان يلعب اجنبي او مجنس في حراسة المرمي طالما انتهي الهدف من التشريع الهدف من التشريع هو المنتخب لكن كان فيها حراس بسجلوا بي طرق غير شرعية الغوا المادة دي عشان المريخ نحنا مامحتاجين ليها جمعة عندنا كفاية في حراسة المرمي ...رمزي صالح وعصام الحضري. كتيبة اجنبية كاملة في حراسة المرمي رغم ان لوائح الاتحاد تمنع ان يلعب الاجانب في هذه الخانة.لكنهم في الاتحاد في كل فترة يأتوا لنا بحجة جديدة.يمكن الموسم القادم ان يسجلوا لنا حارس مرمي مغربي بقاعدة من قواعد (دول الساحل والصحراء). ويمكن ان يلعب في المريخ حارس من دولة ليبيا الشقيقة بقاعدة من قواعد الاتحاد الافريقي.ويمكن ان يأتي لنا حارس من الاردن ...(دعما للعلاج بالخارج).ويمكن ان نرى حارسا في المريخ من قطر عشان كأس العالم سوف ينظم في قطر عام 2022م.وكذلك يمكن ان يلعب في المريخ حارس من السعودية ...عشان دارفور في الماضي كانت تخرج منها كسوة الكعبة الشريفة.وهكذا. بس عاينو الحته دي 9 اجانب وحارسين واحد فلسطيني والتاني مصري والوطنية حقتهم والوالي حقهم ومعتصم حقهم وبرضوا وصافة للنخاع

بسم الله الرحمن الرحيم
في السلك
ضب احوص
• مبروك لاولادنا التأهل
• برغم النقص في صفوفهم
• النقص للطرد
• غايتو
• الله غالب
• اها
• خالد عزالدين زول لذيذ جدا طبعا
• امس طبعا قلنا سقط سهوا تسجيل الهلال لزياره للشيخ محمد خير
• الليله دايرين نشير لي ناس خالد بحاجه يمكن تنفعهم
• ياخالد
• طالما التسجيلات غلبتكم
• وطالما طلعتوا منها بتسجيل صوت شكر وصوت لوم وتسجيل موقف واخيرا تسجيل زياره للمسيد
• ننصحكم عشان ما تسجلوا حاجات زي الفاتت دي
• ننصحكم بعمل اعسار
• والله بنفعكم
• الديون الكتيره دي
• والمتوقعه
• والتي لم تحل بعد
• الموضوع ده بنفع معاها كلها
• واضانكم ترتاح
• وتتفرغوا للحديث عن تسجيلات المريخ
• نحنا ياخالد ناسنا مشوا ابو ظبي
• وقطعوا تذاكر
• ودخلوا كورة مباراة كاس العالم للانديه
• انتوا مشيتوا وين ؟
• ابيض واسود بقاعة الصداقه
• الا تعملوا (شيرنج )
• سمعنا تحت تحت
• قالوا الجماعه كلموا ابو ماسوره
• قالوا ليهو مازيمبي لازم يغلب ويصعد للنهائي
• قال ليهم ليه ؟
• قالوا ليهو مازيمبي لو طار ناس المريخ قاعدين في ابو ظبي بسجلوا مازيمبي كلو
• ابو ماسوره ضحك
• قال ليهم يسجلوهوا كلو كيف! الاجانب موش مفروض تلاته ؟
• قالوا ليهو تلاته وين يا شيخنا , ناس المريخ ديل اسي يطلعوا ليك سته لاعبين في مازيمبي سودانيين بالميلاد\
• قال ليهم وتيب
• قالوا تيب شنو ؟ لو جابوا ناس مازيمبي ديل كورتنا معاهم تبقي سبعه يعني
• قال ليهم سبعه كيف ؟
• قالوا ليهو خمسة مازيمبي واتنين راجي وهنو
• قال ليهم خلاص جيبوا ضب احوص
• قالوا ليهو ده صعب قول لينا حاجه تانيه
• قال ليهم خلاص جيبوا مية دولار
• قالوا ليهو قلت لينا الضب عيونو كيف !
• فلس ياخالد
• غايتو لو عملوا زكاة لاعبين
• ممكن نطلع ليكم لاعب من كل عشره تموا الحول
• امس شفت لاعب الجماعه الجديد في الصوره
• دحين ده ما تسخاني !
• محمد عبدالماجد
• شايفك في ابو ظبي
• تشجع في فريقك سااااااااااي
• قلت لي لاعبين في الجعرانيه عشان الجعرانيه بتودي السوبر ؟
• اتسبري
• بالمناسبه
• في اتفاقية دفاع مشترك مع الكاميرون
• قالوا عملها عبود زماااااااااااان
• لو لقيناها بنجيب مدافع كاميروني وفقا لبنود الاتفاقيه
• مامحتاج تجنيس
• ولا محسوب اجنبي
• وفقا للاتفاقيه
• مووووووووووتوا بس
• والغريبه كان فتشنا ولقينا اتفاقيه مع الارجنتين
• ميسي بصبح في فداسي
• بالعراقي والسروال
• وحسب بنود الاتفاقيه بتسجل
• غايتو ياناس خالد الا تشرطوا كل الاتفاقيات الدوليه البتخصنا
• واسي بنفتش في بتاعت الكومن ويلث
• قالوا الزعيم الازهري مارفض الانضمام نهائيا
• لكن بشروط
• لو لقينا الشروط دي
• صدقني يا خالد
• روني سيقود المريخ ضد اسود الجبال في كادوقلي
• قادر الله
• مووووتوا تاني
• اها
• في ناس قالوا الحضري ما بنفعنا
• حساده سااااي الكلام ده
• لكن فات عليهم انو الحضري جاب تمانين في الميه من الجويات الدخلت مصر
• جزء مع الاهلي
• وجزء مع الفريق القومي
• مع مصر
• يعني حارس بطولات
• عني بعرف للجويات
• يعني زولنا
• بمناسبة جويات دي
• طبعا الجماعه قلبهم مقطوع
• لكن اجمل حاجه في الجويات
• الجماعه كل ما يمشوا لي فوق يتخيلوا انفسهم جابوها
• ناس محمد عبدالماجد يكلمونا عن اليابان
• وعن ابو ظبي
• لكن نحنا الجويه بنشمها شم
• عشان كده بنشمت من بدري
• لانهم كل مايطلعوا لي فوق بصلوا مرحله ويتفنقلوا
• الفنقيله الاخيره كانت سمحه خلاص
• اسمح من الفنقيله من حيطة مازيمبي
• والفنقيله من فوق حاره
• كل ماتطلع لي فوق وتتفنقل
• الوقعه حاره
• بس اعملوا حسابكم
• ماتقعوا علي راسكم
• تقوموا تموتوا علينا كمان
• الفنقله فاقسها ما تداقسها
• وقوم اتنفض
• وابدأ اطلع من جديد
• وفنقله جديده
• وحسد جديد
• وشديد
• لكن مع الحضري ده
• شوف عيني جويه جايه
• ياناس
• ساكواها في الطرف اليمين افيد
• وفي الوسط المهاجم مفيد
• وايداهو ما بتعوض
• ساكواها ده قلق علي اظبط شويه
• مافي اخطاء تمرير
• وزول جويات برضو
• لكن والله كنت داير التش تش
• الزول ده بجي منو
سلك كهربا
والله ما بنقدر ننسي
والي لقاء
سلك

والله يامنصوري الكلام دا بعجب بالحيل .. ومفروض البرنس يردد معاك شفتنه .. شفتنه .. هههههههههه

{ اصلو الاتحاد (السام) دا ..ما بقصر مع المريخ.
{ والمريخ كل سنة (وصيف).
{ وصافاتكم بقت اكتر من (ركشات) الحاج يوسف.
{ ديل سيكافا شالو وصافتها.
{ ناس يسجلوا (نجاد) ح يجيبوا شنو يعني؟.
{ والله (الوصافة) كتيرة عليهم.
{ نجاد سجلوه في القاهرة ..وشطبوه بعد مباراة لعبها المريخ امام الجريف او ابوسعد ما عارف.
{ مباراة كدا ..قالوا ليك (نجاد) كان سارح فيها.
{ المباراة كلها يعاين في (الكشافات).
{ تقول عاوزين يكشفوا ليهو (النظر).
{ الناس قالوا الزول دا انتوا جايبنو من (فرقة الاصدقاء).
{ محترف المريخ (البوسني) طلع ضرس ما فيه.
{ ولا ضرس.
{ تقول جابوه للمتحف القومي.
{ محترف (اثري).
{ محترف قديم.
{ النوع البضفر ليك الكورة.
{ النوع الكل ما يجرى شوية كدا ...يصنقع يرفع لياقة الفانلة.
{ وقت يغلط يقعد يربط في الكدارة.
{ يعمل الحيلة في الكدارة.
{ زول عمرو سبعين سنة البيلبعوا مع ناس السعودي شنو؟.
{ السن برضو ليها احكام.
{ انت يا نجاد الناس القدرك بقوا يكتبوا في مذكراتهم.
{ بقوا ناس (اجندة) ساكت.
{ والاتحاد بجامل.
{ لكن نحن حقنا بظهر في (الركب).
{ قالوا ليك (نجاد) الي الان بهلوس بي (عمار مرق).
{ البوسنة ...وقع فيها الضرب دا كلو ...نجاد ما عمل حاجة...ما هلوس.
{ الموضوع وقت بقي على (عمار مرق).
{ صاحبكم بقي يهلوس.
{ الي الان قالوا ليك (نجاد) في البوسنة ..وقت يكون عاوز يفتح (التلاجة) بفتح (الحقة).
{ بتعرفوا (الحقة).
{ الولد بيلخبط بين الحقة والتلاجة.
{ والاتحاد ما بجامل.
{ ما بجامل في الحاجات دي.
{ كلو ولا (الحقة).
{ وشيكوزي.
{ شيكوزي مالو كمان.
{ اسكتوا ساكت ..انا ماشي عليكم بالترتيب.
{ نحن أي حاجة عندنا بي نظام.
{ انت يا مجدي ..نحن (معتصم جعفر) دا قنعانين منو ..انت بتعمل كدا ليه؟.
{ خافوا الله.
{ وان شاءالله القيامة تقوم.
{ شيكوزي اقصر حارس مرمي ..وقت المرمي يكون فيه نجيلة كتيرة ..زولكم بغطس للركب.
{ ما بظهر...بختفي عديل.
{ شيكوزي دا كان بيلعب هنا بالاستثناء.
{ بالتحنيسة.
{ المريخ دا ..الجماعة ديل عملوا ليه أي حاجة.
{ اصلوا ما قصروا معاه.
{ عاوز يجنس ..بجنسوا ليهو.
{ عاوز (استثناء) بعملوا ليه (الاستثناء).
{ جمال الوالي دا اصلوا ما بقولوا ليه لا.
{ عاوز طوب..بعطوه.
{ عاوز سيخ ..بدعموه.
{ عاوز (جنسية)...اللاعب قبل ما يشرب موية النيل بمنحوه الجنسية.
{ قلت ليكم الجنسية دي عندهم زي (الاسكراتش).
{ ابناء الجنوب عايشين معانا مئات السنين ...هسه ما عندهم طريقة للجنسية.
{ اليجا تانا...جنسية.
{ على النونو ..جنسية.
{ مهدي بن ضيف الله ..جنسية.
{ ايفوسا ..جنسية.
{ كاسروكا...جنسية.
{ عييييك.
{ كاسروكا دا (تذكرة) بصات ولاية الخرطوم كتيرة فيه.
{ محترف زي (الاجازة الرسمية).
{ عليكم الله هسع كاسروكا دا في دفتر الغياب (بسجلو).
{ و..و..و...
{ وكلتشي ..ولاسانا وطمبل.
{ طمبل هسع ذنبو شنو؟.
{ كمية مهولة من المحترفين منحوا للجنسية.
{ جنسيات بالهبل.
{ الما بجنسوه الاتحاد بستثني ليهم.
{ كلتشي دا اتجنس بقرار رئاسي.
{ لكن حقنا بظهر في (الركب).
{ كلتشي الي الان (رايح).
{ صاحبكم بشكي من (الركبة).
{ كلتشي مسكين سجلوه ..قال ليهم ..انا ما بلعب ليكم ..لكن ممكن (اشجع).
{ التشجيع دا ما في زول بقدر عليهو متلي.
{ ورمزي صالح.
{ دي قصة تانية.
{ قصة عجيبة.
{ زي (الفيلم الهندي).
{ الولد هو (رضيع) يضيع من امو.
{ حالة امو تحنن الكافر.
{ يعني يجي (فيضان) فجأة كدا ..الولد يروح في الزحمة دي.
{ عشرين سنة تمضي على الحكاية دي.
{ الام ما تخلي ليها حتة.
{ من الحزن تبقي ما بتشوف.
{ الولد يبقي دكتور.
{ امو تضربها عربية ..يجيبوها المستشفي.
{ الام ما يلقوا ليها دم.
{ قدر ما فتشوا ليها دم ..ما لقوا ليها.
{ الدم الوحيد الطلع لايق معاها دم الدكتور.
{ الدكتور ينقذ امه...يقوم يتبرع ليها من دمو.
{ الكلام دا في الفيلم الهندي ..ما في الاتحاد.
{ الام تشوف (الوسم) في يد الدكتور.
{ طوالي تعرفو.
{ دا (رمزي صالح).
{ اقصد دا (ولدها).
{ القصص دي ..قصص ناس معتصم جعفر.
{ وان شاءالله القيامة تقوم.
{ نحن قنعنا من خير فيكم.
{ خلاص ما عندنا أي ثقة فيكم.
{ الاتحاد دا مفروض تقلبوا (طاحونة).
{ خلاص ما في امل.
{ ما تنتظروا أي حاجة من الاتحاد دا.
{ البنقول عليه (كمال شداد) كلو يطلع (معتصم جعفر).
{ معتصم دا متعصب اكتر من قلق.
{ ومجدى زي الشغيل.
{ الناس ديل ما بعرفوا الحياد.
{ ولا بعرفوا المصلحة العامة.
{ رمزي صالح دا سجلوه بي قاعدة من قواعد الجامعة العربية.
{ جامعة الدول العربية الدخلها في الكورة شنو؟.
{ يا ربي هم البخططوا الملعب.
{ يكونوا هم البجيبوا (الكور).
{ جامعة الدول العربية ..ما بتخجلوا.
{ الحاجات دي ...مفروض تلبسوا ليها (قناعات).
{ مفروض في الشارع ما تحومو.
{ البتعملوا فيه دا ..ما عمل بحومو بيه في الشارع.
{ رمزي صالح!!.
{ قلنا ليهم الشيء دي ما بتبقي ..قالوا لينا (فدائي).
{ فدائي نحن عاوزين نحارب بيهو.
{ جاء في قرار الاتحاد العام لكرة القدم في استثناء رمزي صالح (البطلع من مرماه ساكت) انو فدائي.
{ قول (فدائي) يعني شنو؟.
{ في فدائي بطلع من مرماه.
{ دي سمعتوا بيها يا جماعة.
{ حصل قابلتكم في حتة.
{ فدائي دي في (الافلام الاجنبية) خلوها.
{ قالوا لينا الزول دا (بطل) ...بضحي من اجل البلد.
{ في زول بضحي بطلع من مرماه.
{ ديمبا دا جنو وجن (الحارس) البيطلع من مرماه.
{ ما بحب الحاجات دي.
{ طوالي بحسمها.
{ بحسمها قبلو.
{ حسم فوري كدا.
{ قلنا ليهم انتوا عاوزين ليكم حارس مرمي وإلا حارس بنك.
{ شنو فدائي ..وشنو بطل.
{ وفلسطيني.
{ اتحادكم دا اتحاد اذاعات الدول العربية.
{ سمعتوا ليكم زول في الدنيا دي بتسجل بقاعدة من قواعد الجامعة العربية.
{ هذا يحدث في اتحاد الكورة.
{ الموضوع عادي في الاتحاد العام.
{ ولا فيه حاجة.
{ لكن نحن حقنا بظهر سريعا.
{ رمزي صالح بقي منو وليهو يطلع من (المرمي).
{ يا زول انت البطلعك شنو؟.
{ مالك..بتعمل في روحك كدا.
{ اها ان شاءالله الاتحاد العام يثبتوا ليكم.
{ عشان تسجلوا بقاعدة من قواعد جامعة الدول العربية.
{ ان شاء الله يطلع ليه (استثناء) تاني....يقول لو طلع رمزي صالح من المرمي ساكت الحكم (يصفر).
{ مخالفة مع الحارس.
{نحن ما بنقول ليكم شيء.
{ ولا بنسألكم.
{ ما فيها حاجة.
{ يعني شنو لو طلعتوا ليكم (استثناء) تاني.
{ نحن ما فارقة معانا.
{ كورتكم دي زي برنامج (جنة الاطفال).
{ يمين لو طلعتوا ليكم (الف استثناء) برضو ما بتلقوا حاجة غير (الوصافة).
{ وصافة ساااااكت.
{ ونحن أي حاجة عندنا بي نظام.
{ وان شاءالله القيامة تقوم.
{ الاتحاد العام كل يوم يثبت فيه انه اتحاد ما بخجل.
{ ديل ممكن يعملوا أي حاجة.
{ يوقفوا بويا وبكري المدينة وعبده جابر ..ويسجلوا باسكال برة البلد.
{ باسكال دا ود عمة منو فيكم.
{ الشبه دا ما غريب علي.
{ الموضوع عادي.
{ عادي شديد.
{ مرة ناس المريخ جابوا (ريتشارد)...سجلوه رغم انف القانون.
{ القانون في ستين.
{ القانون كسرو رقبتو عديل كدا.
{ كسروه كش.
{ الله يرحم القانون.
{ وقت يكون الموضوع بخص المريخ بطلعوا ليكم (استثناء).
{ والله لو عاوزين ليكم (استثناء) كل 5 دقايق بطلعوا ليكم.
{ شن رقد بلا الاستثناءات.
{ وقت الموضوع يكون على الهلال يقولوا ليك (اللائحة) بتقول.
{ ومعتصم يقعد يشرع.
{ وهاك يا مؤتمرات صحفية ..ويا تصريحات.
{ عليك الله يا مجدي انت مصدق نفسك.
{ الكلام البتقولوا دا بتصدقوا.
{ انتوا مقتنعين ...نحن خلونا.
{ انتوا بتغشوا منو؟..وبتلعبوا علي مين؟.
{ اتحادكم دا ..مفروض تكتبوا فيه (يوجد بالاتحاد تحويل رصيد).
{ عملوتها ظاهرة.
{ واضح انكم شغالين بهذه الخاصية.
{ ريتشارد طلعوا ليه (استثناء).
{ رمزي صالح ..(استثناء).
{ شيكوزي ..(استثناء).
{ عصام الحضري ..(استثناء) قبل التسجيل.
{ دا غير (الجنسيات).
{ سكان السودان قبل جمال الوالي كانوا عشرين مليون نسمة.
{ وقت جمال الوالي مسك المريخ ..بقي سكان السودان عددهم 42 مليون نسمة.
{ بالطريقة دي التسجيلات القادمة تعداد السكان بصل 60 مليون نسمة.
{ ونحن أي حاجة عندنا بي نظام.
{ ووقت الموضوع يبقي على الهلال يقولوا ليك (اللايحة).
{ لايحة شنو؟.
{ والمريخ يأتي بـ (يس).
{ دا طبختو براها.
{ نظام براهو.
{ المريخ دخل يس في غرفة التسجيلات قبل حتي انطلاق فترة التسجيلات.
{ ليه؟.
{ عشان عارفين انهم بعملوا أي حاجة في الاتحاد.
{ ومشوا اتفقوا مع هلال الساحل ..قبل ما يشيلوا موافقة الاتحاد.
{ عارفين ليه؟.
{ عشان الاتحاد دا في (اليد).
{ في (جيب الساعة).
{ يس سجلوه بي (استثناء).
{ وقت الموضوع بقي على الموهبة فيصل موسي قالوا (اللائحة).
{ لايحة مين يا عم؟.
{ انتوا اللايحة بتعرفوا ليها شنو؟.
{ يا مجدي خليها مبلوعة شوية.
{ ما كدا.
{ كدا شينا عليكم.
{ شينا على (الوصيف).
{ فريق زي دا انا ما عارف البشجعوا منو؟.
{ دا فريق بشجعوا (الاتحاد).
{ مفروض جمال الوالي يبقي رئيس الاتحاد العام.
{ ومعتصم يبقي رئيس نادي المريخ.
{ ومجدي يبقي (رئيس رابطة المريخ المركزية).
{ البتعملوا فيه دا (يخجل).
{ الحاجات دي لو بتعملوها يا مجدي لفريق ام دوم كان ام دوم شالت بطولة الممتاز.
{ انتوا بي حاجاتكم دي كلها ..(وصيف).
{ الله يكتر ليكم (الطوب) ..عشان تتفشوا في (السيخ).
{ انا خايف مباراة القمة القادمة في ظل هذا الاتحاد تحصل فيها حاجات غريبة.
{ مثلا الشغيل يعمل ليه مخالفة خطرة مع كاريكا.
{ يقوم الحكم يطلع الكرت الاحمر للشغيل.
{ الشغيل يقوم يطلع للحكم (استثناء).
{ استثناء من مجدي شمس الدين.
{ الحكم يقوم طوالي يسحب (الكرت الاحمر).
{ دا (استثناء)..انتوا بتلعبوا يا هلالاب.
{ المباراة تستمر.
{ يقوم مهند الطاهر يجيب ليه قون في (يس).
{ حكم النص يحسب الهدف.
{ حكم الراية يرفع الراية.
{ حكم النص يمشي على حكم الراية ..يقول ليه : انت رافع رايتك ليه؟.
{ حكم الراية يقول لحكم النص انت مجنون ..انت ما عارف يس دا عندو (استثناء).
{ الحكم يقوم يلغي الهدف.
{ دا استثناء ...انتوا بتلعبوا يا هلالاب.
{ وان شاء الله القيامة تقوم.
{ ملحوظة: اهلي شندي لو لقي ليه (استثناء) واحد بشيل الدوري الممتاز.
هوامش
{ بي طريقة الاتحاد دا.
{ السعودي 5 سنوات ..ما بتسجل ليه في فريق.
{ من الغباء ان تكون هناك كل التسهيلات للاعب الاجنبي ..وللاعب الفلسطيني ..لكن لاعب وطني في موهبة (فيصل موسي) يحرم من ان يمارس مهنته.
{ منعوه ياكل عيش.
{ هل تعلموا ان فيصل موسي ممنوع من ان يلعب في أي فريق في الممتاز.
{ يعني يقعد كدا في البيت.
{ فيصل موسي دا يبقي ليكم (فلسطيني).
{ يبقي ليكم (فدائي).
{ يعمل شنو؟.
{ الامثل ..الهلال يجمد نشاطه منذ الان.
{ لو دي كورتكم ...خلوها.
{ لجنة التسيير كل يوم تثبت انها الاضعف.
{ بس فالحين توقفوا هيثم مصطفي حفظه الله ورعاه.
{ المريخ بقي فيه عشرة محترفين.
{ المريخ بقي (اجنبي).
{ فريق كلو بقي (استثناءات).
{ شي جامعة عربية.
{ وشي تسويق.
{ وشي توانسة.
{ وشي ظروف اسرية.
{ بكرة ان شاءالله نلتقي في (من الغلاف للغلاف).
{ اعلام الهلال مفروض الـ 6 القادمة يكون شغلو (الاتحاد العام).
{ نحن حقنا ما بنخلي.
{ يا مجدي ...(الكراسي) ما دايمة.
{ ومعتصم ..اصلوا الفيه اتعرفت من زمن النيل
{ خبر عاجل: في الظروف دي ممكن (الشغيل) يبقي كابتن المنتخب.

عمود جعفر سليمان بهدوء

إتجه الأعلام الهلالي في إتجاه آخر من أجل منع المريخ من قيد الحارس المصري المتميز ..وأفضل حارس مرمى بأفريقيا على مدى أكثر من عشر سنوات ..عصام الحضري!
بعد أن كتبوا عن التجنيس ..ومآلاته ..وكيف أنه يقلل من قدر الجنسية السودانية ..ورسموا بحروف سوداء بكائيات على جدران الأسف ..وكأنما هم المبرأون تماما من عيوب التجنيس!
وجهوا رسالتهم إلى البرلمان السوداني من أجل إيقاف التجنيس ..والحفاظ على كرامة الجنسية السودانية ..وما إلى ذلك من كتابات الغرض منها غير ما يكتبون ..لأن الواقع يكذب تلك الإدعاءات!
مال البرلمان السوداني ..وما يدور في ساحة الرياضة ..اليس هم نادى مع الجميع بحماية أهلية وديمقراطية الحركة الرياضية ..وفي سبيل ذلك كتبوا سطورا مشوهة لا تحمل إلا ضغائن وكره للمريخ أكثر من كونها كتابات تهدف إلى الإصلاح!
والله كنا سنصدقهم ..ونصفهم بحماية الجنسية السودانية إن لم يكونوا في مقدمة المستفيدين من تجنيس الأجانب للعب كرة القدم بالأندية السودانية وهو الخيار الوحيد الذي وجده رئيس الهلال والمريخ في وقت مضى لضم أكثر من أجنبي بكشوفات الناديين، بعد أن تعنت الرئيس السابق ، وأغلق الباب على ثلاثة أجانب فقط!
ولكنهم ..نهلوا من ماء التجنيس حد الإرتواء ..ولم يتركوا الأمر حصريا على المريخ حتى يأت اليوم الذي يكتبون فيه عن إهانة الجنسية السودانية ..والحط من قدرها!
دعوة البرلمان لمناقشة تجنيس الأجانب للعب كرة القدم دعوة حق أريد بها باطل ..والغرض منها معلوم ..وهي بذل كل الجهود من أجل إيقاف مساعي المريخ في ضم أفضل حارس مرمى أفريقي ..عصام الحضري!
وإن كان الأمر صادقا ..عليهم بدعوة لجنة التسيير الهلالية بنزع الجنسية السودانية فورا من أيادي المستفيدين منها حاليا من أجانب الهلال ..وتوفيق أوضاعهم ..إما بإعتمادهم محترفين أجانب ..أو فتح الباب لهم للخروج لعدم وجود وظائف خالية!
ولكن ..لا ..لم يفعلوا ..ولن يفعلوا ..بل ستكون محاولاتهم مستميتة من أجل منع المريخ تسجيل الحارس عصام الحضري ..لأنهم يعتقدون أنه لا مجال أمام تسجيله غير منحه الجنسية السودانية!
وغير ما يكتبه الأعلام الهلالي ..نجد ان الزرق يبحثون في كل المنابر عن سبل منع المريخ من تدعيم صفوفه ..متخذين من إتهام الأتحاد العام مجاملة المريخ سلاحا للحديث عن هذا الجانب!
الأوفق ..والأفضل للاعلام الهلال ..وكل المنتسبين للقبيلة الزرقاء البحث عن مشاكل ناديهم التي يخبئونها وراء سطور الحقد على المريخ والنيل منه ومن مكتسباته!
ولو كنا مكانهم ..ونادينا يعاني مثلما يعاني ناديهم الآن ..لما نظرنا شمالا ..ولكانت كل كتاباتنا فيما يخص نادينا أملا في إصلاحه ..لا إضعاف خصومه ..فهذه سياسة بالية عفى عنها الدهر!
وأخيرا ..إن كانت هناك ثمة دعوة يجب أن توجه للبرلمان السوداني ..والأعضاء الكرام هناك ..فهي دعوة لا تخص التجنيس ..فهذا باب مفتوح أمام الجميع!
ولكن الدعوة التي يجب أن توجه له حفاظا على سمعة الوطن ..مناقشة ما قاله عضو مجلس الهلال المعين ..عن توجيه اللوم له لأنه لم يحسن التعامل مع حكام مباراة فريقه أمام الصفاقصي التونسي!
وترى ..إن وصل الأمر إلى الكاف ..كيف ستكون النظرة للسودان ..وليس الهلال ...إليس هذا ما يحتاج مناقشته بالبرلمان بدلا عن التجنيس الذي لا يؤذي سمعة الوطن أبدا!
في نقاط
يبدو أن الأخ صلاح إدريس فقد بوصلته ..وفقد بالتالي كل أتجاهاته ..فلا هو حريص على مصلحة أهلي شندي ..ولا هو راضي عن ما يحدث في الهلال!
إزدواجية الميول ..والبحث عن التواجد هنا وهناك ..يجعل الرجل نسخة مشوهة من رئيس سابق لنادي الهلال!
ولكن ..ومع تعدد وجهات الرجل ..إلا أنه في نهاية الأمر يبحث عن إضعاف الدكتور معتصم جعفر ولا ندري سبب الفجور في الخصومة إلى هذه الدرجة!
أخيرا ..وافق الزمالك المصري على بيع الحضري للمريخ بعد أن إستغرقت العملية فترة طويلة!
ونسجل هنا ..أن فترة التفاوض مع الزمالك تعتبر أطول فترة تفاوض لضم لاعب لصفوف المريخ في زمان الوالي!!
وبذا تأكد تماما للمرجفون أن الوالي لم يكن يبحث عن أسمه بالفضائيات المصرية أو غيرها!
ويكفي أن الوالي ذاع صيته وهو يخدم الوطن الكبير من أوسع الأبواب!
وهل بعد السمعة الحسنة التي نالها إستاد المريخ وأستضافته لفاصلة مصر والجزائر شئ!
ولكن برغم ذلك ..نقول أن الوالي ومن خلال تفاوضه مع أفضل نجوم الكرة بالقارة السمراء ..جعل إسم المريخ هو الأبرز بالقارة السمراء في السنوات القليلة الماضية!

بسم الله الرحمن الرحيم
في السلك
يجيك طاير من الايميل
• كلمناكم
• قلنا ليكم
• الحضري بجي
• جمال قال بجي
• وجا
• كلمناكم
• قلنا ليكم بنسجلوا بالحريات الاربعه
• زعلتوا
• قلنا ليكم ماتزعلوا
• خلاص بنسجلوا بالحريات الخمسه
• قايلننا بنلعب
• جنسيه فيها كم حرف ؟
• عرفتوا الحريات الخمسه شنو ؟
• قلنا للزمالك بالاقساط
• قالوا ناس الزمالك ومالو يا حبيبي
• القسط عند المريخ اضمن من الكاش في الجيب
• ومالو يا حبيب
• الحضري في مطار القاهره
• اتلفت علي امو يودعها
• قالت ليهو ماتبقاش ترجع الا وانت جايب كاس بالطياره زي عوايدك يا حضري يا ابن ام الحضري
• شوفوا كاس بالطياره زي عوايدك دي حلوه كيف
• من شر حاسد اذا حسد
• المهم
• قال ليك موظفين الاتحاد كلما يفتحوا الايميل تجيهم شكوي ناطه
• يا من مدرب
• يا من وكيل لاعبين
• يا من مساعد مدرب
• يا من مدرب حراس
• يامن اختصاصي علاج طبيعي
• يامن مدرب لياقه
• المهم
• كل ما يفتحوا الايميل تجيهم شكوي
• بقوا يخافوا
• لما يجوا يفتحوا الايميل كلهم يعملوا حسابهم
• تلاته يعملوا قيام راقدا
• وواحد يقبل عكس ويعمل كليك
• ويزوغ
• قال ليك الشكاوي تجي مارقه
• شكاوي بحر
• ايميل زي الحبن
• كلها شكاوي متأخرات ضد الجماعه
• وناس خالد شغالين وفد المريخ دخل المدرجات
• ووفد المريخ مرق من المدرجات في كاس العالم للانديه
• غايتو الله يستر الموظفين
• الدور الجاي يفتحوا الايميل يجيهم ناطي كامبوس ولا كواريزما
• يكسر ليك الشاشه
• ويخنق الموظف
• يقول ليهو قروشي اسع ناااااااااااااااااااااااااااااااااااااااااااااو
• انا لابعرف ايميل اتمسح
• ولا بعرف شبكة نمره اتنين اقوي من شارع البلديه
• داير حقي
• وتاني ايميل اتحاد هنا ما بندقه
• الا تدوني حقي
• اسي الموظفين المساكين ديل دخلهم شنو !
• اسي لو طارت لواحد فيهم كسرة قزاز من بتاع الشاشه ده البعالجهم منو ؟
• ياخالد
• سنغلوما هين
• الايميل البقي ينطوا منو الناس ده علاجو شنو ؟
• بيع ياروشا
• عشان خاطر عيون موظفي الاتحاد
• بيع
• بيع ياروشا عشان خاطر ايميل كان بتمسح برهو عشان خاطركم
• بيييييييييييييييييييييييييييييع
• بلاش فصاحه سااااااي
• المهم
• في ناس قالوا واجعاهم جيت الحضري
• وفي ناس قالوا واجعاهم قروش الحضري
• والغريبه مرض ام سادومبا ما واجعهم
• قلت ليكم
• حلمان الحضري شايل الكاس من يد
• والعجب من اليد التانيه
• ووارقو قدامهم
• وعيسي حياتو بضحك
• بضحك لي شنو ماعارف
• بضحك لينا
• بضحك فيكم
• ماعارف
• لكن بضحك
• ياعجب
• يد استلمت الكاس من بلاتر
• ممكن تستلم كاس من حياتو
• يلا ياعجب
• ايها الناس
• الحكايه اتعرفت
• يبقي دور الجماهير
• جمهور الموسم الجديد شديد
• وحديد
• نبدأ من راجي
• ولي جاي
• شفووووووووووووووووو
• تموا الباقي في الاستاد
• ورونا همتكم
• تحيه لمجلس الاداره من المريخابيه الرائعه ابنتنا ابنة العباسي الشيخ الحسن من تندلتي
• جبتوا الضب الاحوص ولا لسه !
سلك كهربا
مابننساااااااااااااااااااااااااااك
والي لقاء
سلك

منصوووووووووووري ياخ اذيك يابارد حشاي انته
ياخ والله انته الذ واجمل صفووووي وعمود جعفر ده بالغته فيو
حيث الهدوء وبهدوء والووالي حقو كلو بهدوء
لكن بني زورقان فوره وانجلاقه جد

عمود ايقاعات سريعة
عبد المولي الصديق

{ يقولون عن الحضري انه لم يبق بينه وبين المريخ الا خطوات ..قلنا حسب القانون المادة 30 من القواعد العامة لاتحاد كرة القدم السوداني حسمت الامر

{ الفقرة (أ) يكون اقصي عدد اللاعبين الاجانب هواة او متعاقدين في النادي الواحد ثلاثة لاعبين فقط

{ اما الفقرة (ب) فتقول لايجوز لاي نادي بالدرجة الاولي او الممتاز تسجيل لاعب اجنبي في خانة حارس المرمي

{ اما لاعب الدرجة الثانية او الثالثة فلا يجوز تسجيله الا في حالة استقرار اسرته في السودان

{ الحديث كثير ومثير

{ يقولون بان المريخ لاتغلبه حيله وجنسية الحضري جاهزة

{ ورغم انني قد لا اصدق مايردده الا ان المريخ عودنا علي الجنسية التي تنتظر صاحبها في المطار

{ اللاعب حتي وصوله مطار الخرطوم يكون حامل جنسية ثانية لكن عندما يدخل الخرطوم يدخلها سوداني (سوداني عديل كده)

{ الحضري الذي لعب في الزمالك مصري وفي الاهلي مصري وفي سويسرا مصري يمكن ان يدخل الخرطوم سوداني.. كيف ماعارفين

والحضري هو المصري الذي عرفه العالم.. اذا احتضن ضربة جزاء هو مصري واذا دخلت شباكه فهو سوداني

{ احرز الهلال في شباكه ثلاثة اهداف غالية وهو مصري

ولكنه قد يدخل الي السودان اليوم وغدا وهو يحمل الجنسية السودانية

{ وكل شئ طبعا وارد

{ لا ادري كيف تمنح الجنسية السودانية

{ كم عمر الحضري الان وماذا نستفيد منه

{ كم عمر الحضري الان وهل الجنسية السودانية اذا صح ماتردد اصبحت (هاملة كدة) بكل سهولة تمنح دون قيود

{ الذي اتمناه الا تكون المنحة مجاملة

{ المريخ اصبح هو الذي يعدل وهو الذي يشرع.. وهو الذي يختار مايسجله ثم تفصل له القواعد العامة وفق هواه

{ حارس المرمي الاجنبي مرفوض والجنسية اذا منحت للحضري لن تنفي انه مصري

{ لعب للمنتخب المصري وللاهلي وللزمالك وشارك مع المنتخب المصري لسنوات طويلة فكيف يتحول الي سوداني { مصيبة!!!

{ وطبعا المريخ لديه حيله واساليبه

{ نفهم من كل هذه الضجة ان المريخ لن يدخل شباكه هدف

{ هل وجود الحضري يعني ان شباك المريخ لن يدخلها هدف في الموسم الجديد.

{ نحيا ونشوف. { علي الاقل ستسعي كل الفرق من اجل الوصول الي شباك الاسطورة الحضري

{ صدقوني المريخ لو سجل اي لاعب حتي ولو كان ميسي فالمريخ هو المريخ ودفاع المريخ هو دفاع المريخ.

{ والوصيف هو الوصيف

{ لاول مرة اسمع بفريق يستجلب لاعب غير مطابق للقانون ويطلب من الاتحاد ان يطوع القانون لصالحه!!

{ يعني المريخ لو استجلب تشكيلة كاملة من البرازيل سيتم تسجيلها.. وسيكون المريخ هو المريخ

{ اما مسألة التعديل في القواعد واجتهادات الاتحاد العام وغيرها جعلتنا ننتظر هذه التعديلات العشوائية التي تطوع لصالح نادي معين

{ علي كل حال لم اقتنع بما رده الاخ الاستاذ عبدالعزيز شروني امس في قناة قوون والتعديلات مزاجية لا غير.. ورفض طلب تسجيل فيصل موسي سمعنا به قبل تقديم الطلب!!

{ واللجنة التي قررت في امر فيصل موسي لجنة غير محايدة وتسعي بشتي السبل حسب (وجهة نظري) لتعطيل مسيرة الهلال لاغير

{ ومن وجهة نظري الاتحاد العام يوجه المريخ ويطوع اليه القانون

{ والهلالاب لايثقون في هذا الاتحاد وتوجهاته معروفة ويقود حملة (حسب وجهة نظري) لتحطيم الهلال.

{ لذا نقول للمريخ سجلوا علي كيفكم.. واختاروا الحكام علي كيفكم!! فالكرة فقدت نكهتها وتحتاج الى ثورة!

ايقاعات خفيفة

{ الاخ شروني ادخلوه في مواجهة مع الهلال.

{ لو كان طلب فيصل موسي جاء من المريخ لاجازوه!

{ رمزي صالح سجلوه قبل استثناء الجمعية العمومية دنيا!!

{ صدقوني هذا الاتحاد اصبحت اجندته واضحة!

{ ماذا ننتظر من اتحاد الكرة ان يفعل لتطوير الكرة السودانية!! لاشئ!!

{ لن ننسي تسجيل يس الذين اصبح احتياطيا بعد الحضري!!

{ صعد النسور الي الدرجة الممتازة وبعد ذلك اكمل دوري الدرجة الاولي

{ قوانين ملتقة.. ومبهدلة اختشي يا اتحاد!!

{ هل صحيح ان عبدالعزيز شروني كان كابتنا للمريخ دنقلا كما يردد

{ عزيزي صلاح ادريس كل حديثك صحيح عن تسجيل فيصل موسي لكن مايسمعك ياعزيزي المسالة واضحة

{ الو.. الو الحضري مرحب بيك تاكد انك ستكون ثقيل علي الكرة السودانية!!

دبل كيك ودبل كليك
• الرائع الاحمر حاتم صديق
• قال لي اي مدرب من اوروبا في قفلة الموسم برجع اهلو
• وفي اثناء الموسم بزوغ ليهو كم زوغه كده يمشي اهلو
• وفي الكريسماس بمشي اهلو
• وفي عيد الام بمشي اهلو
• وفي عيد الضحيه حقنا ده بمشي اهلو
• وفي عيد الحب بجيب اولادو
• ميشو ده
• حايم في دول سيكافا ليهو كم سنه وقاعد قبلو
• مابمشي اهلو
• الزول ده اهلو وين ؟
• قلت ليهو بعرفو !
• اسألني دبل ( بضم الباء )
• المهم
• انتهت فترة التسجيلات
• في ناس كده شفناهم بس قاعدين تحت الحيطه
• في الاتحاد ما شفناهم
• المهم
• انتهينا من التسجيلات
• وطنيين
• ومجنسين
• واجانب
• وغيرنا افواه وارانب
• انتهينا من تعاقدات الاجهزه الفنيه
• كل قنوات العالم الرياضيع كانت حضورا بيننا في التسجيلات
• كل القنوات
• مريخ مريخ مريخ
• غير المريخ ماعندها سيره
• اللام بي سي واللام بي ثري والعربيه والماعربيه والعجميه والماعجميه
• والعجبيه
• وناس قسم خالد يحدثونا عن مستشفي للاطفال وعربات للمطافي
• المهم
• بعد انتهينا من ده كلو
• بدينا في الاستاد
• الطابق التحت الارضي
• والطابق الارضي
• والطابق الاول
• ناس سما ميديا بركبوا في لوحات الاعلانات اللالكترونيه
• يعني تاني اعلان سيارات مثلا
• العربيه تجيك جاريه من راية الكورنر
• ولما تصل العربيه محل العربيه العفصها هنو
• تجي عربيه غيرها
• اعلانات زي الاعلانات
• لو في اعلان مواتر
• تجيك طايره من المقصوره
• ناس المصاطب الشعبيه ديل لو ماعملوا ساتر يقنعوا من الريسين
• تحلف الموتر ده ضربك ضربك
• الغريبه لو في اعلان فيهو اسد
• اجروا ساااااااي
• اعلانات ناس الاثاثات دي
• شدت ما بتشوفها حيه
• تقعد في الكرسي
• وتخلف كراعك
• وتحلف صاااادق
• انك قاعد في غرفة جلوس
• موش تدخل الاستاد لابس بنطلون
• تمرق من الاستاد لابس شلتتون
• المواسير تشرطوا ليك كلو
• لوحات زي اللوحات
• بدبل كليك تفتح ملفات الدنيا كلها
• وتفتح صفحات الانجاز
• وتفتح ابواب الحسد
• وبالتسجيلات نستمتع بموسم الانجاز
• دبل كيك يفتح الآفاق امام جويه جديده
• يبقي
• من غيرنا
• دبل كيك ودبل كليك
• وتيم في السلك
• بعد كده
• الدور والباقي علينا
• نحن جماهير المريخ
• صفوه عندما يحتاج الامر لصفوه
• وقوه عندما يحتاج المجد لقوة
• وزئير عندما يروح صوت الاسد خوفا
• ونفير عندما ينادينا الزعيم
• وصفير للاستهجان ولفت الانتباه
• وشفوت تخر لنا الجبابره ساجدينا
• ولاصوت يعلوا فوق صوتنا ابدا
• ولا عشنا وصوت غيرنا يعلو علي صوتنا كعبا
• وايطبوز
• ياحضري
• ايها الناس
• ستنتظم الحرب علي الحضري
• ولكن هل نسي المحاربون ان حضري دولي جدا
• وانه هزمهم رايح جاي في آخر مقابلتين
• وانه خبير بكل التدابير
• ستخسرون الحرب
• لان الحضري يلعب لنادي يعلو فيه صوت الجماهير علي اي شئ
• ولان الذين يحاربون الحضري يطبظون اعينهم كما قال الرائع صلاح دهب
• طبزوا زي مادايرين
• عيونا ولا عيونكم ؟
• طبزوها
• زاتو حاجه تشوفوها ماعندكم
• طبزوا

• شدييييييييييييييييييييييييييييييد
• فرحانين بي فليكس
• صحي الطشاش في بلد العمي شوف
• طبزوا
• جابو صورتو
• ماسك الموبايل
• قالوا بناقش في موضوع احترافه الخارجي
• ياربي في المكالمه دي قال كم يعني !
• لو قال يعني بطريقته المعهوده
• يبقي ناس الفريق الدايرين يسجلوهوا ديل الا يشحنوا رصيد تلاته مرات
• اثناء ما بتكلموا تكتر يعني
• الرصيد ينذر
• يصفر
• المتحدث يؤشر لابنه
• يقول ليهو وليانو ادريانو رصيد سانتحويل كنتينيوس
• يعني يا ولد يا ادريانو حول رصيد من الدكان
• تلاته مرات
• ده طبعا اذا في لغة حوار مشتركه
• احتمال
• العلم يطور
• يكون ياربي الموبايل بترجم وقتي ؟
• ما تستبعد
• حكاية تحويل الرصيد تلاته مرات دي ذكرتني حكاية الزول البتمتم
• ناس الحله مسمينوا ابو قطعه
• يوم ابو قطعه مشي لبتاع الرصيد
• قال ليهو حول لي باتنين جنيه
• الراجل حول ليهو
• ضرب نمره
• جرس
• الراجل رفع
• قال الو مرحب
• ابو قطعه قال
• ات ات ات ات ات
• انت حم حم حم حم حمدان ؟
• الراجل قال ليهو نعم
• ابو قطعه قال ان ان ان انا
• واتلفت علي بتاع الرصيد
• قال ليهو
• حو حو حو حول باتنين تاني
• قال في البرازيل قال
• خلي بالك يكون عن طريق وكيل اللاعبين الوده منير للانتر
• ما بعيد
• عارفين وكيل اللاعبين الوده منير للانتر اسمو منو ؟
• صيني الزول ده خلي بالكم
• ما اصلي
• اسمو مستر شتله ماشتلوها قامت براها سن ين ين
• صاري عينو
• التانيه اظنو طبزها
• قلنا ليكم الحضري ده فكوا سيرتو
• والله تتابعوهوا كلكم تقوموا من تحت الحيطه
• تمشوا ماسكين الحيطه
• مطبزين وما شايفين
• ايها الناس
• نذكركم
• انه موسم الجماهير
• دخل
• مسانده
• وزئير
• نحن امة وسط ( ارتكاز علي صناعه لعب )
• خالتي اليومين دي تصلي الضهر الليل كلو
• في شغل في الاستاد
• الكشافات مولعه للصباح
• قلت ليها ياخالتي قالوا الحضري كعب
• قالت لي حاشاهو الحضري ود ام الحضري
• قلت ليها بتعرفيهو ؟
• قالت لي في زول نصيح كدي مابعرف الحضري وانجازاته للاهلي وانجازاتو لمنتخب مصر ! حسن شحاته ده زاتو كان ما الحضري بقعد مدرب لي مصر لي اسي
• قلت ليها وصفي لينا الحضري
• قالت لي مربوع
• مربوع شنو مدينه كامله
• كان جا مع الطوال اقصرهم
• وكان جا مع القصار اطولهم
• وكان جا مع الصفر اخدرهم
• زكان جا مع الخدر اصفرهم
• وكان جا مع السمان اضعفهم
• وكان جا مع الضعاف اسمنهم
• وكان جا شايل جويه معنا بكتلهم
• قلت ليها الفاتحه مقدما
• الصفوه صاحب الرقم 0912339447
• ارسل رساله تقول
• واحد هلالابي عذبني شدييد
• قال لي الا توريني حسني مبارك والقذافي جوا لي شنو
• قلت ليهو مبارك جا يبارك للحضري
• والقذافي جاب الباشا
سلك كهربا
اقول ليك جويه تقول لي ننساك !
والي لقاء
سلك

المنصوري يا صفوة ...
لك كل الحلا و الحمار ... بفتح الحاء .

أتسكع كثيرا مثلك في أعمدة الصحف الرياضية ...
كنت أحسب أن (محمد عبد الماجد ) من الاماجد ...
صار يصيبني بالغثيان .
أحب أن أطالع كبد الحقيقة ... لكنها بعدت عنها ...
عمود سلك في السلك (شفتنة جابت بشتنة) أعتبره مشين لأبعد الحدود ... ليس فيه أي أثر (صفوي) .

اذا كان هذا ما يقرأه الجمهور ... فلا عجب من ممارسات الجماهير في لقاءات القمة الاخيرة .

لك تقديري .