الفراق بي طااااااااااال( يا حسن )

اظن كثير من الناس قد يكون لاحظ تلك التياب الكثيرة التي تطل من علي جميع شاشاتنا التلفزيزنيه
واحدات قصار بربندي بس بتعرفو( البربندي) ولا عايز ليهو سمستر كمان ..............
وواحدات هلا هلا زراف ركوب الجن الجن الكلكي اللابس ملكي......
وواحدات لا هن بالقصيرات تتطأ لهن الرؤس ولا بالشواهق فتلتوي لهن الرقاب والاعناق.....
والحنه هس اسكتو بس ..... الحنه الماخمج والنقش تحس بيهو في الضفور جمع ( اظافر )
والرموش واحدات والله تشاكل ومرات يصرعنك ومرات تطنشن طناش حكوماتنا لشعبها
طلعت كيسي تمباكي وتباكيت علي سميرة ... وعطر سميرة ... وانفاس سميرة... وتياب سميرة
وغنيت سميري الرسموك في ضميري..........
وتزكرتا غناء البنات زمان وقت جركانه المويه كانت تديك كل ايقاعات الحياة من المردوم للمخموم
وتحسرت علي الزول المقنع وقنعتا من خير في غناء الايام دي وكورة الايام دي وحكومة الايام دي
ورفعت عقيرتي وناديت .....................

يابا البيت بقشو
وبالخرتوش برشو
وللضيفان بفرشو
عليك الله يابا
ما تقول ليهو لا

وبقيت اتخير في غناء زمان كمان..........

يا الماشى لى باريس
جيب لى معاك عريس
شرطا يكون لبيس
من هيئة التدريس

عندما كان الأستاذ أنيقا مهندما وحازما حاسما جيبه ملئ ورأسه يمور بالمعارف
يحكمون المجتمعات ويضبطون إيقاعها بوجودهم الفاعل فيها لا بل كانت المعلمه ذاتها ذات صيت
وكانت كما الذهب تجوب البلاد شرقا وغربا لتنشر المعارف والعلوم وتدريس التدبير والتطريز والإقتصاد وغيرها.

ثم كان الغناء للضباط ( ضباط زمان )
وإجو عايدين
إن شاء الله عايدين
يا الله

وتطور إلى أن وصل لجنابو وحيانى بى كابو
وكان الضابط كامل الإستقلال العربه والماموريه
وبدل السفريه والقدره



ثم غنيت للدكاتره ولدمهم الشربات لا بل للتمرجيه

والبنسلين يا تمرجى نادوا الحكيم يا تمرجى

ولم اتورع فغنيت وتحسرت وعرضتا وهزيت بضراعي ما ( بنصي ) وقطعت قول
كل خطيب!!
وتزكرتهن حين
يرفضن من لا يرغبن فيهم رفضا قاتلا

عندما تردت مهنة الزراعه ولم يعد لها عائد مجزيا
أنشدن أنا ما بدور الترباليه
والتربالى حالو شقيه
أنا ما بدور الترباليه
وبى كوريقو أشر لى
أنا ما بدور الترباليه
وعرقو ينجض السحليه
أنا بدور الترباليه

ثم دارت الدائره على المدرسين المفلسين بعد أن رفع الإغتراب شرائحا أخر
وكان الخم

ثم غنن للمناطق وبانت

وقالوا القليب حرق
حرقوه بالنار حرق
يا ناس ود الغرب
ومن غناء الايحاءات
أبولى بى يا اللبن أبولى بى
أمى قالت لى عرسى وخلى
والزول مشلخ تى يا اللبن أبولى
وكدي لبكرة نشوف البيحصل لمن نجي نجتر تلك الايام فينا ان اسغفتنا الزاكرة
فبعد الغاليه ام الغالي ابكاني من غير دموع وتوجعت بلا الم
ويجو عايدين ان شاء الله عايدين ناس حسن وناس تانين
ودمتم والعود والحطب اخدر

المبدع أبا ذر والله مشتاقيين
ويجو عايدين ان شاء الله عايدين ناس حسن وناس تانين
نتمنى العودة يا حبيب وتنعم بوجود أعز الناس
لكن لكي يسرعوا قول ليهم
تعالوا ليكم في قلبي ريدة
تعالوا اللحظة معاكم سعيدة
مـــــودتي

كلام جميل رجعنا لماضي أصيل وعريق
وحاضر لم يعد يتنفس بقايا الماضي
يا حليل زمان , والفراق بى طال وسال سيل الدمع الشال
بوست جميل يا صاحب الوسام
لك التحيه ابوذر..
:

المشاركة الأصلية كتبت بواسطة الطيب ابوكرنة المبدع أبا ذر والله مشتاقيين ويجو عايدين ان شاء الله عايدين ناس حسن وناس تانين نتمنى العودة يا حبيب وتنعم بوجود أعز الناس لكن لكي يسرعوا قول ليهم تعالوا ليكم في قلبي ريدة تعالوا اللحظة معاكم سعيدة مـــــودتي

الزول الطيب ودالطيب القلبو طيب عساك طيب ومتطايب
اخبارك والاهل والعيال والاخت الغاليه مشاعر وعموم ابوكرنه
والله ان شاء الله يعودو وتعودو الروح للروح
وتعالو ليكم في قلبي محبه شديدة
وتعالو وليكم في النفس لحظات سعيدة
تسلم ياغالي وطيب
وزيارتك شرف اتدثر به واباهي به اقراني

المشاركة الأصلية كتبت بواسطة تسابيح كلام جميل رجعنا لماضي أصيل وعريق وحاضر لم يعد يتنفس بقيا الماضي يا حليل زمان , والفراق بى طال وسال سيل الدمع الشال بوست جميل يا صاحب الوسام لك التحيه ابوذر.. :

ياستي لك الشكر اللذيذ غلي المرور والبصمه الجميله
ولا يكون الكلام جميل الا اذا قراهو زولا جمييييييييييييل
وياستي زيارتك هي الوسام الذي اضعه في جبيني
واتجمل به واتفاخر
وتسلمي يا وسامي الباهي

أقول لثلة الأحباب لا تأسوا
إذا ما رنّ صوت الحزن يقطر من كتاباتي
فإن الحزن يوقظني
يلاحقني يلوّن دغل مأساتي
أنا من أمة سكرى بخمر الصبر ،
تخرس صوت آهاتي
وتخنق لي عباراتي
يمر العام تلو العام لا الأحلام تصدق ،
لا ركام الهم يسقط من حساباتي
ويخجلني امتداد الصمت ،
لون الصمت ،
عري الصمت في جدب المسافات
تسائلني عصابات من الشعراء والفقراء ،
عن نار تمد لسانها المسعور في ساحات لوحاتي


فعودي فالان عودي يحترق او يكاد

ابو ذر حسن طه
حبيت ادخل اسلم عليك واقول ليك والله مشتاقييييييييين
وربنا يجيب ليك احبابك بالسلامة

زورو ياعجييييييب
والله دخله من امها وكلام فى الصميم
ايوه ياحبيب جيب من جوه ياكومر

المشاركة الأصلية كتبت بواسطة صديق قوزالرهيد ابو ذر حسن طه حبيت ادخل اسلم عليك واقول ليك والله مشتاقييييييييين وربنا يجيب ليك احبابك بالسلامة

الله يسلمك من كل شر ياخوي
والله الشوق مطامير وزنابير تشق الليل
تصحي الناس لزكر الله وحي قيوم
والله جينا لنسيبنا فوق ارض عمان ولقينا الفراغ
الزمني عشان العاطفي فوق ناسو
فتمددنا فوق تعبنا وشايلين شوقنا للحبان
الله يخليك ويديمك يا طيب
وتسلم ياغالي

المشاركة الأصلية كتبت بواسطة ود الحصاحيصا زورو ياعجييييييب والله دخله من امها وكلام فى الصميم ايوه ياحبيب جيب من جوه ياكومر

وحات خوتك كان الليله شفتا حروفك الجميله
فعزرا علي الاطاله واخر مرة
وتسلم يالحبيب

حاضنك رضيع
صاريك تميمه من العيون
لابسك حجاب
شايلك نديهه على الضريح
عشمان بفتش لى جواب


ويالسمحه وينك والله اشتهينا رموش وليدك
وبقيت برااااي زي مويه الرهاب اهابش في العيون وبعيد من اليدين
وفراقك طااااااال والله طال

المشاركة الأصلية كتبت بواسطة ابوذر حسن طه

حاضنك رضيع
صاريك تميمه من العيون
لابسك حجاب
شايلك نديهه على الضريح
عشمان بفتش لى جواب


ويالسمحه وينك والله اشتهينا رموش وليدك
وبقيت برااااي زي مويه الرهاب اهابش في العيون وبعيد من اليدين
وفراقك طااااااال والله طال

شايلاك عشم
خاتاك من وقت الندم
داساك لى زمن العدم
..
يا غالي وينك
فراقك للعيون حرم الجفون نوم المنام
خلاني افتش للحروف منع الكلام
حرك خلايا الريد سكن جواي اصبح غرام
وبقيت اتابع للأثر كايس السلام ..
وفراقك طااال ..عجل تعال..
::

المشاركة الأصلية كتبت بواسطة تسابيح شايلاك عشم خاتاك من وقت الندم داساك لى زمن العدم .. يا غالي وينك فراقك للعيون حرم الجفون نوم المنام خلاني افتش للحروف منع الكلام حرك خلايا الريد سكن جواي اصبح غرام وبقيت اتابع للأثر كايس السلام .. وفراقك طااال ..عجل تعال.. ::

المشاركة الأصلية كتبت بواسطة تسابيح

ياااااااااا سلااااااااااااام عليك
مابقول ليك شكرا
وانا زول بلحيل طماع للكلام السمح مثل جهنم هل من مزيد
واحب الحرف جما جما وحين اتيك صفا صفا تكوني حروفي
وحينها تلتف الساق بالساق والي حرفك المساق
وكتري من طلتك

وتسلمي يا ست الحرف الندي

المشاركة الأصلية كتبت بواسطة ابوذر حسن طه

[gdwl]

ياااااااااا سلااااااااااااام عليك
مابقول ليك شكرا
وانا زول بلحيل طماع للكلام السمح مثل جهنم هل من مزيد
واحب الحرف جما جما وحين اتيك صفا صفا تكوني حروفي
وحينها تلتف الساق بالساق والي حرفك المساق
وكتري من طلتك

وتسلمي يا ست الحرف الندي

يا سيدنا تعال قبِل لى جاي
خليني اقول كلمات غُناي
لو كُت طماع اهديك كلام مُعطر من انفاس شذاي
ومذيدا كمان من أحلى حروف ناسجاها براي
وصفاً صفاً اجيك سريع إلا حياتك تبقى فِداي
واجيب القمرا عشان عينيك وحتى الغيمه بتبقى ضراي
.. ..

المشاركة الأصلية كتبت بواسطة تسابيح يا سيدنا تعال قبِل لى جاي خليني اقول كلمات غُناي لو كُت طماع اهديك كلام مُعطر من انفاس شذاي ومذيدا كمان من أحلى حروف ناسجاها براي وصفاً صفاً اجيك سريع إلا حياتك تبقى فِداي واجيب القمرا عشان عينيك وحتى الغيمه بتبقى ضراي .. ..

ل يوسف ود عبشبيش من أهلك الشكرية لي آسيا بت اختو ( كان ماخاب ظني فيك شكريه او فيك عرق منهم )

أمرقى يا آسيا و برعيهو قرينك
أمرقى و زغردى وشوفى الكتال بى عينك
كان ما نحفلك شكره و نزيل غبينك
تنقطع الشراكه الباقيه بينا وبينك


وتسلمي يا بت ملوك النيل
وسلااااااااااااااااامات

https://scontent-a-sin.xx.fbcdn.net/...42&oe=54F0FCE2


والله طال الشوق ليك يا الحبيب الغالي


يا ابوعمر طلع الصورة دي الله يرضي عليك
وختها في وضعها الطبيعي