بنك النكات

سلام ياناس الحصاحيصا عموم الفي المنتدى والحاااااا يدخلو إنشاء الله دايرين لينا بنك نكات يعني ذي ما فى بنك دم عشان الحالات الطارئة لاسمح الله، برضو بنحتاج لينا لي ضحكة تكثر قساوة الحزن والكآبه، عليكم الله البحب الحصاحيصا ما يدخل يقرأ ملح ، يدينا نكتة والبيخجل يكتبا بالحبر السري،،،،،،، يلا النبدأ

اثنين مساطيل اتلاقوا لاول مره في بيت واحد صاحبهم مروق عندو غرفه مكندشه واحد منهم شعر بالبرد و قال لصاحبه انا بردان فرد ليهو اخونا على الفور وانا عصام من ام دوم
***
واحد مسطول قال لي صحبه صدق انا مرات اشرب لي خمسه كاسات ما اسكر ومرات ثمانيه وبرضو ما اسكر ومرات جركانه وبرضو ما اسكر والغريبه مرات اشرب لي نص كاس واسكر , قام صاحبه قاليه انت عارف السكر دا توفيق من رب العالمين..
***
مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة
***
مسطول احوص دايرين يشنقوهو سألوه: امنيتك شنو؟
قال: اشوف نفر واحد بس
***
مسطول لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف
***
مسطول لقى جدو بيأكل جلي قاليهو: انت بترجف والجلي يرجف جهجهتو المعلقة
***
زول محشش قالوا ليهو: الحشيش يؤدي إلى الموت البطئ
قال: أنا زاتي ما مستعجل!
***
مسطول اشترى ليهو ابريق جديد وركب ليك الحافله بعد مدافره مع
الناس و قام جلس ليك في الشباك بتاع الحافله و خاتي الابريق قدامه في
واحد من الركاب حاول يجي متلب من الشباك بتاع صاحبنا المسطول اللي
بدأ يقول أحم أحم أحم طبعا مفتكر نفسه قاعد في الادبخانه حسب السطله
***
مسطول سألوه عن الفرق بين الشهد والشهيد؟
قال: الإتنين بيتلحْسـو!
***
مسطول وقع في حفرة ... حاول يطلع ثلاثة مرات بلا فايدة
فقال: دي آخر مرة، لو ما طلعتَ حَ أمشي!
***
مسطول مشوكش ... سألوه عن أجمل بيت شعر شنو؟
قال: كلّما نربِّي كتكوت... يكبر يفوت
***
مسطول تجاوز الاشاره الحمراء بتاعة المرور و بعد ثواني اتذكر
انو غلطان فقام داس على الفرمله في الطريق العام و رجع للخلف لغاية
محل الاشاره علشان يتحرك مع الاشاره الخضراء
***
مسطول سودانى قاعد مع مسطول مصرى قام قال
" ليه: "تعرف .. الدنيا دى كلها مآسـى
المسطول المصرى قال ليه: "ليه .. هو مقاسك
"أد إيه؟
***
واحد مسطول سألوه عن الفرق بين الركشة والكارو قال في الكارو الحماره بره
***
مسطول مرتو قالت ليهو ياخي قول لي كلمة تحسسني بالدفء والحنان .. قال ليها: بطانية
***
مسطول بيحكي لصاحبه المسطول
والله يامعملم امبارح مشيت لي اشيل ليك معاه الفاتحه في ابوه المات
التاني قاليه ياخي الناس ديل مامسيحيين
قاليه ماعشان كده كشحتهم ليك ياايها الكافرون لمن امنو

***
مسطول بيحكي لصاحبه المسطول
والله يامعملم امبارح مشيت لي اشيل ليك معاه الفاتحه في ابوه المات
التاني قاليه ياخي الناس ديل مامسيحيين
قاليه ماعشان كده كشحتهم ليك ياايها الكافرون لمن امنو




والله لسه بضحك اجازي محنك يا كوني ، مستنينك هناك مع روضه ست الشاي

المشاركة الأصلية كتبت بواسطة هيثم بندي

***


والله لسه بضحك اجازي محنك يا كوني ، مستنينك هناك مع روضه ست الشاي

عليك الله ياود بندي تجي وتمشي ساي ماتدينا نكتة إنشاء الله كفشة من هاشم كبير، قايتو بالغتة أشد الإنبلاغ يابتاع

الملح وهاك دي عشان تتم ضحكتك المجانية دي:

مسطول بيضرب بوهية قالوا ليهو خت الجريدة دي تحتك قال ليهم: لا لا .. كده بحصِّل
***
مسطول سأل الدكتور قال ليهو فهمني كيف تحللوا البول وتحرموا الخمرة؟
***

والله يا الكونى بالغت عديييييييييييييييل كدة
والله نكات حلوة شديد وهاك دى :

مسطول كل ما يهبش حتة فى جسمو يحس بالم
لما مشى الدكتور لقى اصبعو مكسور !!!!

المشاركة الأصلية كتبت بواسطة عارف

والله يا الكونى بالغت عديييييييييييييييل كدة
والله نكات حلوة شديد وهاك دى :

مسطول كل ما يهبش حتة فى جسمو يحس بالم
لما مشى الدكتور لقى اصبعو مكسور !!!!

عروووف ياراقي عارفك مابتدور الملح، وهاك دي
في مسابقة أسرع رسم، واحد مسطول رسم نقطة، سألوه ده شنو قال: فيل جاي من بعيد

هاهاهاهاهاها...........
في ضب نجح أبهو أشترليهو حيطه

امرأة كبيرة جاية من خارج السودان واظنها دلالية، بتاع الجمارك لقى عندها اربعة قزازات (وسكي) قال ليها ديل شنو يا حاجة؟ قالت ليه ريحة كلونيا رسلوها معاي وليداتي.. قال ليها ابداً يا حاجة ده (ويسكي) نحن حنشيل منك اثنين ونخلي ليك اثنين. قالت ليه لكن يا ولدي تشيل «جوني ووكر» وتخلي «هوايت ليبل».

نكات جميلة جدا ياكوني وهاك
مسطول راكب في حافلة شاف بنت جميلة شديد في الحافلة بعد مانزل كتب رقم الحافلة

والله يكوني بالغته برميل بتاع مساطيل والله انا لحدي اسي بضحك

مسطول لقي بوليس في الشارع قال ليهو
مش انتا شرطة قاليهو ايوه قال ليهو مش الشرطة في خدمة الشعب قاليهو ايوه قاليهو خلاص امشي جيب مويه

مسطول جاهو ملك الموت قال ليه انا ملك الموت 0 المسطول قال له يا اخي خلعتنا انا قايلك مباحث

بلاك فورست، ابوذر ، الراقي كمال الجمل، عصام والله ضحكتونا ماتشوفو شرهاكم دي:
مسطول عينوه مدير دار الايتام اول يوم طلب اجتماع مجلس اباء

مسطول ماشى فى الشارع حصل جمبو حادث اتوفى
فيهو واحد من ناس الشرطة فضرب تلاتة تسعات (999)
رقم الطوارىء قال ليهم : يا اخوانا انتو بقيتو ( 998)

واحد زميلنا بحب ليهو سستر كل يوم بيقول ليها بتين اشوفك دكتورة

نكتة قريتها قبل شوية في جريدة المشاهير تم نقلها كما هي 0وهاكم ليها

موسي الزومه لاعب المريخ سمع الجماعة يتكلموا عن كشف المنشطات قام سال ابرهومة يعني ياكابتن نخلي اكل الباسطة ولا شنو

واحد مسطول ساق جدو المستشفي الدكتور سالو عمرو كم قال ليهو والله ما عارف لكن من زمان معانا

اثنين مساطيل واحد سأل الثاني قال ليهو: تفتكر يوم الجمعة بوافق أول شهر؟ رد عليهو قال ليهو: والله لو ضغطنا عليهو يمكن يوافق

صباح الورد والياسمين يا كووووووونى ,,,الظرافه دى كانت وين من زمان ,, يا حبه امس انا كنت فى مدنى ومعاى اولاد مهندسين اتصالات حناكيش وجينا بى جزيرة الفيل واحد فيهم سالنى قالى جزيره الفيل دى ليه سموها جزيرة الفيل بدون مااشعر قلت ليهو زمان اكان عندهم فيل صقير مربينو ,,

المشاركة الأصلية كتبت بواسطة الحلفاوي

صباح الورد والياسمين يا كووووووونى ,,,الظرافه دى كانت وين من زمان ,, يا حبه امس انا كنت فى مدنى ومعاى اولاد مهندسين اتصالات حناكيش وجينا بى جزيرة الفيل واحد فيهم سالنى قالى جزيره الفيل دى ليه سموها جزيرة الفيل بدون مااشعر قلت ليهو زمان اكان عندهم فيل صقير مربينو ,,

الحلفاوي مشتاقين، الظرافه دي بجيبه الفلس ، وبعدين الأيامات دي مصاحب لي واحد مسطلجي أشيل وأدردق ليك فيهو وأجيب هنا ، هاك دي جبتها هسي:

واحد اشترى خروف عجبوا شديد لدرجة إنو حننو و لبسو هلال،جاب ضباح مسطول شاف الخروف محنن ولابس هلال...قام طهرو و مشى

الكونى والله نكات تبكى من الضحك
لكن ماعندى ليك نكته
إلا امشى احضره ليك من بدرى زى حق الفطور

هههههههههههههههههههههههههههههههههههههههههههههههههه ههههههههههههه
والله ياكوني انشالله دايمن تضحك ومبسوط

تلاته نسوان مرقوا يوه وقفو بتاع تكسي
بتاع التكسي داير يتظارف سال الاولي انتي ايمك منو قالت ليهو دار السلام والتانيه اسمك منو قالت ليهو دار النعيم
سكت التالته قالت ليهو ماسالتني انا ليه قاليها اكيد دار الرياضة

واحد غرق،مافي جنبو إلا واحد شايقي قام كورك قال للشايقي:عليك الله انقذني الشايقي قال ليهو:يازول استغفر ربك ده يومك

واحــد شــــايقي حاســـد واحد جعلي حـســـد شــــديد

قالو ليهــو يا شــــايقي أطلب أي طلب حنلبيهو ليك فورا .... لكن بندي الجعلي قدره مرين

إذا طلبت مليون ... نديك مليون ولكن ندي الجعلي مليونين ... وكان طلبت سيارة نديك سيارة نديك ســـيارة وبكن ندي الجعلي سيارتين وهكذا

لكن الشايقي كاتلاهو الحســـادة .... قال ليهم قدوا لي عيني.

سواق أمجاد راكب جنبو واحد سمـــــــــين لدرجة انو ما قادر يسوق، في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء

حلفاوي قالوا ليهو بكرة عيد الحب قال بصلوا كم ركعة

كان فيه أمريكي وبريطاني وعراقي في حانه يشربون البيره
شرب الأمريكي البيره وفجأة حذف كوبه في الهوا وسحب مسدسه واطلق وضرب الكوب
وقال في امريكا الاكواب عندنا رخيصه عشان كده مايحتاج نشرب من نفس الكوب مره ثانيه
وتعجب البريطاني من الأمريكي وشرب البريطاني البيره وفجأة رمى كوبه في الهواء وسحب مسدسه واطلق على الكوب
وقال في بريطانيا يوجد رمل كثير لصناعة الاكواب عشان كدة مايحتاج نشرب من نفس الكوب مره ثانيه
والعراقي كان هادي وبارد لأبعد حد شرب البيره وفجأة رمى كوبه في الهوا وسحب مسدسه واطلق على الامريكي والبريطاني
وقال في بغداد عندنا امريكان وبريطانين كثير عشان كده مايحتاج نشرب البيره مع نفس الأشخاص مره ثانيه
اتمنى تكون عجبتكم

تحية لكل الحلوين

مسطول بشتكى قال كل حتة فى جسمو يهبشا بتالمو
لما مشى الدكتور لقى انو اصبعو مكسور