رساله لغائب

مازا تقول لأحد عزيز عليك غاب عنك لفتره وانقطعت سبل الاتصال بينكم او فرقكم الزمن صديق اخ جا ر زميل اواي شخص تر بطك به علاقه اسريه اوخاصه

وتمشي تفوتني للاحزان تسيب اسمك بدون عنوان
عليك اسأل طيور الهجره لو صادف لقيت زول شبه
رسمك وزى بسمك يفيض رقه وحلى وتحنان
تحس في حسه روح شاعر وزوق فنان.
و ياغائب عن العين انت موجود في عينيا الاثنين

لقد أطلت الغياب و اشتد الحنين ..
أغلقنا الأجفان .. نحلمـ بالعودة .. عودة الحرس القديمـ ..
أو ربما .. نعيد إدارة أشرطة الماضي الجميل ..

فقد غادرتنا بلا وداع .. و تركت النفوس تسآءل نفسها عن هذا المغيب ..
كنت أنت من علقنا بهذا الحلمـ الكبير .. و جعلت يديكـ في أيدينا نحقق المسير ..
أوَكنت تتوقع منا نسيان الجميل .. أو تركـ الحلمـ معلقا ً هكذا بين الحقيقة و الخيال ..!

هواك لا زال مواليني ’’’’’ خيالك جوه في عيوني
لكن انت ناسيني ،،،،،،،،،، وانا واشواقي ليك هاينيين
يا غائب عن العين .......... إنت موجود في عيني الاتنين

حنان الجعلي عبرك وعبر هذه المساحة التي خصصتيها لنا نرسل رسالة شوق ومحبة لكل الغائبين عن المنتدي من كوامر واتوسات وركشات ونقول ليهم طال غيابكم طال وشوقنا فات حد الوصف ومن خلالك سأخصص لهم هذه الرسائل وستتوالي رسائلي لهم .
منو القال ليك
منو القال ليك بنتحمل فراق عينيك
وحات الريدة يا أسمر
فراقك ثانية ما بنقدر
ولكن غايتو نتصبر
وكل ما نحن نذكر
وكل ما ليك نذكر
تنزل دمعة تتحدر
نرجع تاني نغفر ليك
******
فراقك يوم بعذبنا
بعادك اه بيتعبنا
وكيفن مدة ما نشوفك
كيفن مدة ما نشوفك
كيفن يعني ما نلاقيك
******
وعاد يا غالي لما تروح
أنت وراك تروح الروح
بنمشي معاك ونبقى وراك
وبمشي معاك وابقى وراك
ابقى وراك عشان أحميك

رسالة خاصة جدا

عمري بعدو بالساعات عشان خاطر مواعيدك
أماني اللقيا في عيوني متين ألقاك وأضم أيدك
دي حتى عيوني يا غالي بقت ولهانة بتريدك

تمر اللحظة والساعة وأقيف يا غالي وحداني
أمني عيوني بي شوفتك تعود الفرحة من تاني

بت الجعلي سلامات :-
"يبدو أن كلماتك قد مست جرحاً عميقاً في نفس أخي البرنس
و كذلك أخي عارف
دعيني احاول إعانتهم بما يصبر قلوبهم المنفطره
و اهدي لهم ولكل المتشحتفين هذه الابيات الحنينه علها تهدهدهم و تجفف خدودهم المبللة
بدمع الشوق"


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
يـاتـو طـريـق يـهديك الرجعه ويدى مسافة السكة خطاى
ويـاتـو دمـوع تـكفيـنى انوحك مهما يطول يا غاليه بكاى
بـحـر الـدنـيــا الـهـائـج فـيـهـو تـايـه مراكبى بلا هداى
وانـتـي حـيـاتـك يـاهـا حـيـاتـى كـيـفـن اقـدر اعيشه براى

انـتى مـنـاهـل عـشـقـى الـصـافى لما تفيض تغمر دنياى
وانتى معانى العشق الزاهى وانت منامى وانتى صحاى
لـمـن تـرحـلـى يـا مـحـبـوبـه بـتمـشى جيوش الهم تالاى
تـهــزم صـبـري الداخرو عشانك دنيا فداها نزفت دماى

الي صديقة عمري نجلاء العاقب احلي واجمل ايام العمر كانت بصحبتك افتقدك جدا جدا
فقدت الاتصال بك من زمن طويل...... الرجاء من اي شخص يعرف اي معلومه عنها مدي بها واكون ممتنه
شكرا حنان علي البوست الرائع

بسم الله الرحمن الرحيم
الاخوه الاعزاء بكري وعارف مصطفى والبرنس الطيب عبدو والاخت العزيزه حبوبه لكم مني أجمل التحايا
مشكورين على المرور والردود الجميله واتمنى ان تصل رسائلكم ورسائلي لاهلها واتمنى ان يجمعنا بهم الله
في العاجل واتمنى ان يعود كل غائب عن اسرته التي ادماها الحزن وطول الفراق وربنا يصبرهم لحين العوده
غير عينيك شقيناوغيرهم ماهوينا
ياريت لو عرفنا من زمن الجهاله
انو الفرقه حاره واصل الدنيا بتفرق
حبايب وبتحرق
غيبتك ياالمفارق بين الناس حكايه
قالو كلام يجرح وصدقت الوشايه
لكن مهما قالومابترك غنايه
الا عشان عيونك كل يهون علينا
شايلين ليك مشاعر مابتعرف مظنه
ومن فارقنا دربك زاد الهم علينا

والله وحدو بينا الفرحونا وراحو شالو من وادينا بهجتو وافراحو
باالكتير ياحليلهم ياحليل الراحو

الاخت حنان

ربنا يرد كل الغايبين

بوست جميل ... وبجي علي الجرح

ربنا ما يغيب عزيز عن عيونك

تقول لي الفراق مكتوب

وزي اول جمعنا قدر

وترحل يا حبيب العين

تخلي نهاري ليلو سهر

اقاسمك في السفر بالروح

بعيد انت وشقاني سفر

لما كتمت دمع العين

بكيت من غير دموع اكتر .

مرحبا العزيزه ستو وربنا يسمع منك
وبعادك طال كفايه تعال شغلت البال
بألف سؤال عمرنا يمر يزيد المر
وأنت بعيد.

لما ترجع انا بحكي ليك عن الحصل وبعد المسافه وقربها

ياغايب عن العينين انت موجود في عينيا الاتنين

طفلة في الخامسة من عمرها.
تسأل صديقها الجالس قربها ما هو الحب؟؟!!!! أجابها :الحب هوة ان تسرقي كل يوم قطعة الشوكلاته من حقيبتي وانا اضعها كل يوم في نفس المكان لآجلك

قلنا ما ممكن تشتت وتسافر ونحن حالفين بالمشاعر
ولكن بس قولي كيف لا اسافر وانا في بلدي مهاجر
ولكن كما قال شيخنا (بابكر عبدالرازق) الطيور دائما بترسم خط للرجوع
والبشر كمان
وتسلمي ياستي علي البوست الحنين

الاخوه منتصر تاج الدين وحفيد ود رعيه وابو زرحسن تحياتي لكم ومنورين الصفحه ادام الله وجودكم

وفي بعدك ياغالي اضناني الالم

لك التحيه حنان الجعلى وحقيقه بوست متميز،تقبلى مرورى ومساهمتى..

ودارت دورة الأيام ونحن مع الزمن أغراب

متين تحقق اللقيا ومتين يتقابلوا الأحباب

شربنا دموعنا ما روينا حملنا الشوق ملانا عذاب

وقلنا نجرب الصحرا جنينا تعبنا كله سراب
***
قليل فى حقك المشوار بدور من أجلك أمشى كمان

وتحفى رجولى تقطر دم وأصبح فى الطريق عطشان

محبة كتيرة فى قلبى ودعوة تمجد الإنسان

وإنت نموذجى الطيب نموذج يلهم الفنان

اهلا بك اخي ود الحصاحيصا مشكور على المرور والمشاركه

وكل طائر مرتحل عبر البحر حملته اشواقي الدفيقه ليك ياحبيبي للوطن