نزيف الريد(قصيدة خاصة)

نزيف الريد
اريت الدنيا لو ترحم...................علي بي طلتك تــــــــــاني
منايا عيوني تتامل......................عيونك جوة وجــــــــداني
وتجرحي بي سهام عينيك..............قليبا ما برتلو جــــــراح
نزيف الريد حيتواصل..................ما دام بيناتنا لسه صباح
هموم الريدة خليها...............همـــــوم الريدة احـــلي هموم
عليك الريدة ما تمشي............تخلي عــــــيوني ليك تحــــوم
وصالك لي احلي مني.................تحـــقق ربي لي مـــــــناي
ضي الريد بضوي قليبي ...........منو اشيع يضوي سمـــــاي

اخ احمد عبدلله..... مساك الله بالخير..........
عندي سؤال في مسمي القصيدة (نزيف الريد)
هل هذا الاسم نابع من (جرح الريد)
ام كلُ يغني علي ليلا

شكرا محمد علي المرور واسم القصيدة من داخلها وعذرا فقد نسيت البيت الذي يحمل اسمها فكل احترامي وهي فعلا نزيف للريد ليس اسما للاستهلاك

الله...............

ازيك يا احمد

كلمات حقيقة تهز الوجدان جميلة وومتعة

لا تتوقف

وانا شايفة انك منزل كم قصيدة ياريت لو جمعتهم في بوست واحد تنزل فيه جميع انتاجاتك لنستمتع بيهم اكتر واكتر

وتسلم يا غالي