إشتهيت :-

إشتهيتك زي حوافر الخيل ،،
تكندكي في المسافة ،،
إشتهيتك زي حياتي ،،
واسعة ،،
إشتهيت توبك قيافة ،،
وبرسم في خـُطاك ،،
ما بين حقيقة وبين خـُرافة ،،
إشتهيتك طويلة الفهم ،،
زي عـُنق الزرافة ،،
وإكتفيت ،، إنـّك ،،
لـُفافة ،،
رحلت مع تبغ الصباح ،،
وفي الوريد منـّك جراح ،،
والشمس تدنوا ،، وتدنوا ،،
وإنتي غائبة في تفاصيل ،، النواح ،،
تديني بي إيدك وسام ،،
أدّيـك من إيدي ،، براح ،،
للمسافة القادمة ،،
والليالي الصادمة ،،
إيدي في إيدك كفاح ،،
لكن منافذ ظالمة ،،
أبت إندياح
وتفوتي إنتي ،،
أفوت أنا ،،
يفوت النوم ،،
و ،، أجدع ،، المخـدّة هناك ،،
و ،،
أساهر ،، مع النيل ،،
والموجة ،،
وتجدعي في الغناوي غـُناك ،،
مع النغمة ،،
والعود ،،
يا بت ،، أبت من مسافة ،، تعود ،،

يا ،، بت ،،
لي شن أبيتي أنا ،،
أنا زول ،، كويـّس ،،
والله ،،
كويـّس خالص ،،

__________

تاني ما داير معاك ،،
لو كـُل نغـم الكون حداك ،،
أنا ما داير معاك ،،
قايلاني بهازر ،، لو كـُل كـُل الكون يبراك ،،
أنا ما داير معاك ،،
بس ما بقول أنا بكرهك ،،
لو كان جمال المسرح مسرحك ،،
فكـّيهوا من شعرك طرحتك ،،
برضوا ،، ما بجي أشاهد فرحتك ،،
عند إنحسار الضوء ،،
خلف الممكنة ،،
وال ،، ما ممكنة ،،
كواليس الكزب ،،

أمشي علي كيفك فالممشي عريض ،،

المشاركة الأصلية كتبت بواسطة أماسي

يا بت ،، أبت من مسافة ،، تعود ،،

ستعود تعانق الايادي من تاني

المشاركة الأصلية كتبت بواسطة ابوعمر

ستعود تعانق الايادي من تاني

البـُعد ما بيني وبينها ،،
شسوع ،،
أنا من تال محمد ،،
هي من تال يسوع ،،
أنا من تال حديقة ،،
هي من ينبوع ،،
في كـُل أحوال الحقيقة ،،

لكن :-

الديانة ما قالت غلط ،،
الونسة ما قالت لغط ،،
ولا ،، اللحاف ،،

في جانب ،،
قال أحد الحكماء ،،
من له فقه ،،

معليش ناس المنتدي قالوا لي ( قوم ) يا حبيبنا ،، خلاص ،،
ما تعزبنا معاك يا أمين ،، تعال بـُكرة ،،