كيمياء الحب

في هذا الفيديو تحدثنا الباحثة هيلين فيشر عما يفعله الحب بالدماغ والمواد الكيمايئية التي تفرز بفعل الحب الرومانسي ... تتحدث أيضا عن الشغف , الحب الرومانسي والتعلق كأشياء مختلفة وأحاسيس لها مراكز مختلفة بالمخ ومحفزات مختلفة أيضا... حديث عن الفرق بين المرأة والرجل ... أتفق مع أجزاء من هذا الحديث وأختلف مع الجزء الإنشائي منه ... أتمنى أن تستمتعوا به ...وأن يشرع أبوابا للنقاش في المواضيع المطروحة... للأستماع باللغة الأنجليزية مع ترجمة على الشريط ..إضغط على رابط الفيديو أسفل ولن تندم .... لكم الود.

هيلين فيشر_فيديو_ إضغط هنا

د.الكييك ليك التحايا

من اجمل ما قالته الكاتبه فيشر A world without love is a deadly place وده حقيقه

وطبعآ ممكن نترجم احاسيسنا بطريقه مبسطه وغير علميه ...لكن مع وجود العلم

الان اصبحنا نتعرف علي كل ما يخص الحب

عجبني بتاع الركشه هههههه

تشكر يا دكتور علي الماده الدسمه

العالم بدون حب مكان ميت

سلامات عوافي ..
د/ميرغني .. تسلم للمقطع الجميل لتلك الباحثه وخاصه في امر هام وهو الحب والرومانسيه .. وياله من تحليل !!
وغايتو في حكايه النسوان اللاتي دخلن لسوق العمل لهن تاثير عظيم !! دي لسه انحنا بعيدين منها بعد النجم من راسي !!

وانا شخصيا احب ان لا افهم الحب .. لانه هبه ربانيه واستمتع به فقط دون الولوج في معانيه او محاوله فهمه ..
واعجبني ماقاله احدهم حين سئل من اجل البحث :
(ان العالم اصبح له مركز جديد وهذا المركز هو ماري آن )

ولك ودي واحترامي ..

المشاركة الأصلية كتبت بواسطة حبوبه

د.الكييك ليك التحايا

من اجمل ما قالته الكاتبه فيشر a world without love is a deadly place وده حقيقه

وطبعآ ممكن نترجم احاسيسنا بطريقه مبسطه وغير علميه ...لكن مع وجود العلم

الان اصبحنا نتعرف علي كل ما يخص الحب

عجبني بتاع الركشه هههههه

تشكر يا دكتور علي الماده الدسمه

حبوبة / كيف حالك ... طبعا بتاع الركشه جاهو حب في صمة خشمو زي ما بيقولوا .. .. لكن ما أعجبني حكاية إنك ممكن تحب 3 ومافي زول يلومك لأنو في 3 مراكز مختلفة ل3 أنواع مختلفة من الحب ... لاحظي أنه ما قلنا عرس " عشان ما الناس ينطوا لينا في حلقنا".. حب ساكت لله في الله ... لك وافر التقدير والإحترام.

المشاركة الأصلية كتبت بواسطة البرنس

العالم بدون حب مكان ميت

ما صدقت يا برنس !! على طول مسكت فيها كف!! ناس عايزه سبب بس ! وبعد كده ما حد يكلمك عندك دليل علمي بالكيمياء والأحياء " ودي مواد كيميائية ما عندي فيها يد ..." ..... لك جزيل شكري على المرور والتعليق.

المشاركة الأصلية كتبت بواسطة محمد عوض السيد

سلامات عوافي ..
د/ميرغني .. تسلم للمقطع الجميل لتلك الباحثه وخاصه في امر هام وهو الحب والرومانسيه .. وياله من تحليل !!
وغايتو في حكايه النسوان اللاتي دخلن لسوق العمل لهن تاثير عظيم !! دي لسه انحنا بعيدين منها بعد النجم من راسي !!

وانا شخصيا احب ان لا افهم الحب .. لانه هبه ربانيه واستمتع به فقط دون الولوج في معانيه او محاوله فهمه ..
واعجبني ماقاله احدهم حين سئل من اجل البحث :
(ان العالم اصبح له مركز جديد وهذا المركز هو ماري آن )

ولك ودي واحترامي ..

محمد عوض شكرا لمرورك الأنيق كالعادة ....تعرف الست دي بعد الكلام الكتير دا ما قدمت تفسير إلا لقطرة صغيرة في محيط .. ولعلها بداية فقط لدارسة كثير من الأشياء ومحاولة فهم مختلف لها في الإطار المادي العلمي .. ولكن هيهات

لك صادق الود.

دكتور ميرغني تحياتي اول نقطة انو الدكتورة دي لما ضربت المثل بعمل المرأه علي طول جات افريقيا ولاحظ انو المرأه الافريقية كانت مزارعة قبل عشرة الف سنة ونحن اقدم حضارة في افريقيا يعني الزولة دي قاصدانا فياريت ناس المتعافي وعلي عثمان يشاهدو الفيديو ده ويتأملوا في الحتة دي وعندها حايعرفو بحق انو الغلط في تدهور الزراعة ما من المزارع البيحاولو يستبدلوهو بمزارعين باكستانين ولكن الغلط منهم هم . ومعليش النقطة دي خارج فكرة البوست وخارج حتي فكرة الدكتورة بس حبيت اثبته . اها الشئ الخاص بالحب فالامريكان ديل طالما عندهم تحليل للحب بالمستوي الراقي الانيق العلمي دة وعارفين بالحقيقة العلمية انو الزول البيحب ممكن يموت عشان البيحبو فليه ما قعدو مع نفسهم وفكرو في الفدائيين البيموتو في كل مناطق الظلم بالمنطق ده في انو الشباب ديل لو ما احبو الفكرة حقتم دي ماكان ماتو من اجلها وان كانت الفكرة ما جميلة وبتتحب فعلاً ما كان الشباب ديل حبوها للدرجة دي وعلي الاقل ينظرو لمعتقدات الشباب ديل بعين الدكتورة دي ويعيدو حساباتم في التعاطي مع اعداءهم بصورة اكثر تعقلاً وتفهماً للدوافع . الشئ التاني الزولة دي قالت انو الانسان بمقدورو يحب بثلاثة طرق من الحب او ثلاثة نساء في وقت واحد واي واحدة تكون مختصة بنوع معين وصنفت الانواع شهواني وتعلق ورومانسي فلو جينا قسنا بالنظرية دي الزيجات اللي تمت في السودان في الثلاثة عقود الاخيرة ياربي اكتر حب تمت بموجبو الزيجات بيكون ياتو؟
اها والمغصة يا دكتور انو نفس النظرية بتاعت الحب الثلاثي دي طبعا عند النساء برضو وطبعا دي حاتكون القشة اللي حا تقصم ظهر الحقيقة العلمية دي حالة تبناها احد علماءنا الاجلاء لانو جايز جدا انو النساء يطالبن بتعدد ثلاثي علي حسب السعة الدماغية , غايتو يا دكتور طمنتنا علي حفيداتنا في الاجيال القادمة .
اخيرا الفيديو دة الواحد يحتفظ بيهو احسن لانو الظروف ما معروفة ومن الاحسن انو الواحد يكون مأمن نفسو بحقايق علمية .