التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-المنتدى الرياضى-۩۞۩» يختص بجميع اخبار الرياضة |
|
أدوات الموضوع | انواع عرض الموضوع |
#1
|
|||||||
|
|||||||
بكري الاصفر يليق بك
بكري الاصفر يليق بك
قبل عامين كان هنالك مسلسل البرير وهيثم وعلاء ، مسلسل كان ممتع للمشاهدين من اول حلقاته حتى اخرها . والآن بكري المدينة يعيد نفس المسلسل ولكن بدراما تركية . حينها كانت نتيجة ذهاب هيثم وعلاء ، هي توقيع الشغيل بالكشف الازرق وعندها كتب صاحب وان طال السفر (الازرق يليق بك ) مستعيرا ذات العنوان من احلام مستغمناتي . ولكن يبقى الفرق ان هيثم خرج من الهلال بقناعة الادارة والجهاز الفني ، وان كان ذلك لم ينال رضا الجماهير التى اعتصمت بالنادي . بكري ليس كهيثم من الناحية الجماهيرية ، ولكنه رحل دون رضا الجهاز الفني بالهلال (على كثرتهم) وكذلك دون رضا الاداراة ، فإدارة الهلال وصلت معه حتى مليون وستمائة تدفع على اقساط ، والمريخ دفع 3 مليار تسلم كاش ، وأظن الفرق واضح ، وهذا ما قاله بكري المدينة بصورة واضحة وصريحة ان الفرص لا تتكرر ، وهو مهاجم في الاصل مهمته اقتناص تلك الفرص ، وان كان الجمهور الهلال يعتب على بكري في اضاعته للفرص فهاهو يغتنم اكبر واحلى الفرص في حياته ، ولكنه ليسجل هدفا ذهبيا في شباك الكاردينال . من حق بكري ان يبحث عن مستقبله ، وان كان الولاء يجدي في هذا الزمان لكان الاولوية لفريق الاتفاق ديم المشايخة . ادارة الهلال ولامتصاص غضبة الجماهير قالت انها سوف ترد ، (الشغيل 2) ، ولكن هذا هو النهج الذي سوف تنتهجه الادارة الهلالية في التسجيلات ، هي عملية رد الصاع والبعد عن الجانب الفني ، والذي ظهرت ملامحه في الاستغناء عن عمر بخيت والمعز ومهند وسيسية وسيدي بيه ، وان كان الاستغناء عن عظم الفريق مرة واحدة سوف يسبب اشكاليات فنية كبيرة للهلال وخاصة ان الهلال مقبل على البطولة الافريقية ، وعنصر الخبرة مهم في ذلك . على الادارة الهلالية عدم اضاعة الوقت في محاولة ارجاع (المدينة ) المحتلة ، فكل القضايا في مثل هذه الحالات فمصيرها الفشل وضياع الوقت (طمبل – بصمة علاء – قلق ) وغيرهم من الامثلة . بكري المدينة ومنذ عام كان غاب قوسين او ادنى من الاعارة الى اهلي ود مدني ، ورفض بكري تلك الاعارة ،ليبقي العقرب بالكشف الهلالي ، ويقدم اجمل مواسمه مع الهلال ، مما جعله نجم التسجيلات الاول . ولكن يبقى السؤال هل يفيد بكري المريخ ، ام ان الحكاية هي محاولة اضعاف الهلال ؟؟؟؟؟؟ هل يتناسب اسلوب بكري مع المريخ ؟؟ وهل المريخ يحتاج بكري لسرعته وقدرته على ارهاق دفاعات الخصوم بسرعته ولياقته الوافرة ؟ ام ان عدم الاجادة التهديفية لبكري قد تجعل منه احتياطيا في المريخ ، او تجعل المريخ يعاني الموسم القادم في خط المقدمة ، ام ان هنالك امكانية لتوظيف بصورة اخرى تجعل منه الاستفادة توازي 3 المليارات هذه ؟ على النقاد النظر الى بكري من ناحية فنية وما يمثله اضافة للمريخ وترك الجدلية على كيفية انتقاله . لن يترك الاعلام الهلالي بكري هنيئا في المريخ وسوف يسعى لاغتياله وخاصة ان بكري كثير الانفعال ، وتشهد له مشاجراته مع زملائه اللاعبين ، فهل تكون مليارات الوالي سببا لاعتدال بكري ، ام انها سوف تسبب له التخمة وعدم اللعب مرة اخرى . انتهت قصة العقرب مع الهلال ، ويبتدي الجزء الثاني لبكري ولكن هذه المرة باللون الاصفر ، ولكم ان تحكموا بأنفسكم فالدوري والبطولة الافريقية على الابواب . فهنئا للمريخ ببكري ، وهنئا للهلال بذهاب بكري . شتره جريك جاب حقه لكن تورت معاك نفس الهلالاب
إن تردني من أكون
والى سبيلي تهتدي لا تسالني عن إسمي وملامح صورتي فما كانوا يوماً ذاتي ولا هم من صنع يدي فقدر الزمان من جعلني لهما أرتدي فابحث عني في نفسسي وما احمله في جبتي تعرفني من أكون فهما عنواني وهويتي |
11-04-2014, 04:55 AM | #3 |
|
جابو )كلتشي ( بدري وقالوا شغلو نضيف
قالوا الود مميييز . و مستواهو حريف ) طمبل ( قالوا فرفارة ... وخطير وعنيف الا الحالة ثاااابتة .... ولسة برضو وصيف قالوا قبيل هلالكم .. .. فيهو درة فريدة كابتن من ذهب .... عندو المزايا عديدة لو عاوزين فريق بي طلة زاهية جديدة لازم في الاساس نسعى و نسجل ) سيدا( إعلام الضلال ... قال تيمنا اصبح واعد وقال يا )سيدا ( اصلا مستواك متصاعد قالوا فريقنا ... لي كل المنابر صاعد الا بشوفو في التمهيدي لسسع قاعد هسة الليلة فرحان ب ) المدينة ( الجاهو مليارات هبطرررش ... غايتو الله اداهو في كل عام بنسمع ... في الكلام إياهو والتمهيدي ماااااا اظنك ..... بتتخطاهو قبيل ما قلتو اروش . وقلتو زول ماسورة فالح في الجري .. وما عندو حبة كورة زولا قلتو اصنج وكورتو مااا مشكورة كيفن هسة يبقى ) العقرب الاسطورة ( ؟؟ بس ياهو النفاق ... الفيكم اصبح عادة كل يوم في الكضب والغش تزيدو زيادة بس فالحين تطبلو .. للرئيس كالعادة شان يعطف عليكم ... وتلقو منو إشادة |
|
11-04-2014, 07:07 AM | #4 | |
|
اقتباس:
d:::)d:::) هاهاهاهاها كيفك يالؤى سبحان الله ده بكرى القلتو كهربتو زايدة ولا واحد تانى؟ اها الكهرباء دى شكلكم لقيتوا ليها حل؟ مبروك عليكم زى ماقال ابو عمر ومافى ابلغ من رد ابو همام وياريت كمان تضموا خليفة برضو شان تكونوا كسبتوا كسب ادارى كبير ونتلاقى قداااااااااام ياحبيب |
|
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا |
11-06-2014, 07:25 AM | #5 | |
|
اقتباس:
شتره السؤال الذي يفرض نفسة طبق الحنة متين |
|
إن تردني من أكون
والى سبيلي تهتدي لا تسالني عن إسمي وملامح صورتي فما كانوا يوماً ذاتي ولا هم من صنع يدي فقدر الزمان من جعلني لهما أرتدي فابحث عني في نفسسي وما احمله في جبتي تعرفني من أكون فهما عنواني وهويتي |
11-06-2014, 08:22 PM | #6 |
|
المريخ المسكين دفع قروش الحكومة لزولاً كهربتو زايدة
يمسك باليمين ويصرف بالشمال فى شيتن ما منو فايدة كان لقى فيهو الهلال خير كان أداهو رأس القايد ة موسم كامل ما سجل غير خمسة و الناس عليهو شاهدة العاجبنا فيهو ما برضى الحكارة وسكينو بره كانت شاحدة ولكن شن بنسوى ؟ لقيناه وجماعتو للمال ديمة ساجدة وإختاروا درب الوصيفاب الديمة للمال الحرام زايرة و واردة |
|
11-09-2014, 09:57 AM | #7 | |
|
اقتباس:
اها قووول وزنتو الجرية الرواشة دى تحلوها كييييف؟ يعنى زول يراوغ الدفاع والحارس ويشوته فى الأوت ده تقبلوا بى وين؟ غايتو فعلا الاصفر يليق بيو لانو بشبهكم انتوا بس وباكر تغنوا ظلمونى ظلمونى. شترة: غايتو مع الزومة والمدينة ديل الا تحولوا الشبكة فى الكشافات قال بجرى قال |
|
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
هل يصلح بكري للرئاسة | ابوعمر | «۩۞۩-منتدى الحصاحيصا الحر-۩۞۩» | 1 | 02-10-2014 05:40 PM |
هل يلحق الهلال بالمريخ في أبطال أفريقيا | عصمت الصادق حماد | «۩۞۩-المنتدى الرياضى-۩۞۩» | 3 | 04-30-2011 08:59 AM |
الى الدكتور بكرى | محمد ودرعيه | ♬ ♪♩♭قسم اغاني الشباب والحفلات♬ ♪♩♭ | 9 | 12-29-2010 09:22 AM |
وتاب الشيخ ابوذر ( يلحق ويفزع )وحاجات تاني | ابوذر حسن طه | «۩۞۩-منتدى الحصاحيصا الحر-۩۞۩» | 1 | 10-23-2010 11:05 AM |
مع كل الاسف السر بكري | السر عبده ارباب | «۩۞۩-منتدى الادب والثقافة-۩۞۩» | 2 | 10-13-2009 01:26 PM |