داير ادخل المبنى ده المعاى منو ...

بعد السلام
طبعاً ما مجنون ولا حاجة لكن بفكر ومن الان بانى اترشح للانتخابات عن دائرة الحصاحيصا الشرقية (بس ما يغيروها)
وداير ادخل المبنى ده...

سلام تانى مرة
داير اسأل كم سؤال
وبعد كده اوضح رويتى



الناس القاعدين فى المنصة ديل الوصلهم هنا شنو



والناس دى كلها دخلت هنا واتحكرت كيف ؟

يا اخونا واحدة واحدة ما العمة نوصى ليها يجيبوها من برة وشهادة الابتدائية عندى تانى الناقص شنو ...
راجع ادونى رايكم فى الخطوة دى
بالجد بفكر جادى صوت داخل قبة البرلمان وان كان خافةً سيحدث ضجة لا محالة

راجع لكم

والناس دى كلها دخلت هنا واتحكرت كيف ؟




يا اخونا واحدة واحدة ما العمة نوصى ليها يجيبوها من برة وشهادة الابتدائية عندى تانى الناقص شنو ...
راجع ادونى رايكم فى الخطوة دى
بالجد بفكر جادى صوت داخل قبة البرلمان وان كان خافةً سيحدث ضجة لا محالة

راجع لكم

العزيز ياسر من الان بقولك بالتوفيق
وماصعبة الناس الموجودين ديل مااحسن
منك بشئ ترشح وتوكل علي الله بالعزيمة
فقط تدخل قبة البرلمان الناس ده كلها دخلت
بالترشيح والتزكية من قبل دوائرهم ربنا معاك

الموضوع غاية البساطة كل مافية تنازل عن مبادي وإنتماءت حتي تكسب ود النظام الحاكم
والخطوة الثانية وعوود وتجمل وحبة نفاق ...... وبالتاكيد ستجد الطريق مفروش بالورود

يا ياسر لك التحيه
فكرتا في موضوع ترشيحك وانا استرجع زكريات الانتخابات السابقة التي ترشح فيها البعض
ولم يجدو حتي اصواتهم التي ادلو بها لانفسهم
قلت ان فرصت فوزك صفر ولكن تراجعت حين قرأت اسمك الثاني
فالجماعة حيقولو مادام تمساح خلوه يخش البرلمان
فوزك مضمون 100%
بس اتمسح حتي تتمكن

لك كل الود

المشاركة الأصلية كتبت بواسطة ياسر تمساح

والناس دى كلها دخلت هنا واتحكرت كيف ؟




يا اخونا واحدة واحدة ما العمة نوصى ليها يجيبوها من برة وشهادة الابتدائية عندى تانى الناقص شنو ...
راجع ادونى رايكم فى الخطوة دى
بالجد بفكر جادى صوت داخل قبة البرلمان وان كان خافةً سيحدث ضجة لا محالة

راجع لكم

سلام
من هسة المضايقات بدت تعرفوا فى صورة ما دايرة تنزل نهائى
السبب شنو الله اعلم

المشاركة الأصلية كتبت بواسطة ابوعمر

العزيز ياسر من الان بقولك بالتوفيق
وماصعبة الناس الموجودين ديل مااحسن
منك بشئ ترشح وتوكل علي الله بالعزيمة
فقط تدخل قبة البرلمان الناس ده كلها دخلت
بالترشيح والتزكية من قبل دوائرهم ربنا معاك

تحياتى ابو عمر
اولاً لك الشكر وانت تعبد لى الطريق بهذه الكلمات
لكن بينى وبينك محتاجة جكة
ونفسى طويل والحمدلله
همتكم معاى ...
امتنانى

المشاركة الأصلية كتبت بواسطة منتصر تاج الدين

الموضوع غاية البساطة كل مافية تنازل عن مبادي وإنتماءت حتي تكسب ود النظام الحاكم
والخطوة الثانية وعوود وتجمل وحبة نفاق ...... وبالتاكيد ستجد الطريق مفروش بالورود

الغالى منتصر
تعرف كلامك ده للزول الماعنده ضهر (ضهر دى بجيك ليها بعدين)
يا نصار يا اخوى انا داخل ليه ما عشان اكثر القاعدة دى وحتى لو ما فزت بكون كسبت حاجات تانية ...
خليك معاى وحبة حبة يا حبة

المشاركة الأصلية كتبت بواسطة ايمن كمبارا

يا ياسر لك التحيه
فكرتا في موضوع ترشيحك وانا استرجع زكريات الانتخابات السابقة التي ترشح فيها البعض
ولم يجدو حتي اصواتهم التي ادلو بها لانفسهم
قلت ان فرصت فوزك صفر ولكن تراجعت حين قرأت اسمك الثاني
فالجماعة حيقولو مادام تمساح خلوه يخش البرلمان
فوزك مضمون 100%
بس اتمسح حتي تتمكن

لك كل الود

ايمن تحياتى
اولاً اسمى ده كان فيه فائدة كنت اكون والى لحدى هسه واسأل الفقراوى
ثانيا حكاية الناس الما لقت اصواته دى هى زاته الخلتنى افكر فى الموضوع ده
فرصة فوزى صفر كيف انت ما حاتدينى صوتك ولا شنو
اقول ليك حاجة من الان فى 3000 الف صوت جاهزة
وامسك الخشب
الود متبادل وزيادة

يا اهلنا الناس وين دايرين نكون اللجان
الزمن ضايق شديد
الباقى تلاتة سنة بس
خلونا نعرف نلم اطرافنا الشغلانة دى ساهلة وما صعبة بس شدوا حيلكم معاى
انتخابى

نحن معك نرفع من معنوياتك
وحاضرين لكل الخدمات الماديه
والمعنويه لتدخل قبة البرلمان

سلام تانى
طبعا قبل كده فى واحد اسمه الطيب عبدو بتعرفوه آى يا هو ذاتو قام رشحنى معتمد عن حزبهم وجانى كلمنى بالخطوة لكن رفضت او اتعنت
المهم الخطوة فشلت والزول الجاء فى محلى الله يجازيه بقدر ما عمل ...
دى امكن تكون واحدة من الحاجات اللى خلتنى افكر جادى ...
لانه مادام فى واحد من الف شايف انك بتصلح للامر ده يبقى باقى الالف اقناعه ساهل
انتخابى

المشاركة الأصلية كتبت بواسطة ابوعمر

نحن معك نرفع من معنوياتك
وحاضرين لكل الخدمات الماديه
والمعنويه لتدخل قبة البرلمان

تحياتى ابو عمر
انت من الان تم تعيينك مسؤل الاعلام للحملة ...
وكمان مسؤل عن الهتيفة والشعارات
اقول ليك حاجة رغم ان الهتيفة ديل بجيبو ناس تصوت بالحماسة ساكت لكن كدى خلينا نفكر فيها يمكن ندخل بى استايل جديد
انتخابى

المحفزات
نقول فى المنتدى ده فى 3000 عضوء يمكن التصال بهم
اذا كل واحد جاب معاه تلاتة ببقوا 12000 الف عديل ما قلت ليكم الشغلانة ساهلة
انتخابى
ولا تهنوا

طبعاً
حكاية البرنامج الانتخابى دى ما مشكلة اصلاً
الواحد اذا اتبنى ماطرح فى المنتدى بكون عمل برنامج يهز ويرز
بس اهم حاجة عندى التعليم
التعليم هو اساس الحملة الانتخابية
....
انتخابى

طبعاً حا اترشح مستقل
ولست مستغل

سنبداء فى تكوين اللجان

ياسر أخوي تصدق الفكرة دي انا زاتي فكرت فيها لكن قلت الناس دي بقولوا الزول دا مجنون وانتا هسي ماتقول بقيت ليك منافس والواحد كان بدأ من هسي صدقني كان كل يوم بكلم ليهو نفر واحد لحدي وقت الانتخابات وماتنتهي دورة الناس الفي القبة دي تنتهي بيكون لمه ليهو كووووووووم وكبير كمان والحملة الانتخابية مافي اسهل منها ومافي ارخص من الدمورية وشولات السكر الفاضية وأكياس الاسمنت والإنترنت مجاني والفتشوب مايديك الطريق اذا الطريق ممهد وسالك بس كيف الواحد يبقي جادي ويدق صدروا وزي ماقلت كان مافزت برضوا مكاسبك اكبر من خسايرك علي اقل تقدير الناس دي بتكون عرفتك انا يازول معاك كان داير منافس بنزل منافس واذا عايز نعمل لينا كووووم شباب وننزل الانتخابات بقوة يازول ابشر اهو برضوا نجيب لينا قلم شينية ونكتب اسمنا في الحيط دي منتظرك يالمرشح المستقل ومبروك مقدما اصلها الحكاية احساس انتا اذا حسيت انك فزت اكيد حاتفوز ومبروك تحياتي

رفع معنويات الف ياسر
يلا تقدم ولاتتراجع والبرنس
وابوعمر معاك يلا نكون الجان

انا اول واحده بصوت ليك لكن اضمن لي اتوظف بعد ما تفوز
واول لي شئ لازم يكون من شعاراتك توظيف الخريجين والله تكسب خاصه العاطلين اكتر من الشغالين
وي كدا تكسب نص السودان
يلا همتك عشان انا منتظره الوظيفه

ياتمساح مع الناس دي صوتك ما ح تلقاهو
عندنا قريبنا اترشح والنتيجة صفر
قال ليهم طيب صوت الولية والاولاد عفيناهو ليكم بس صوتي الختيتو بي يدي مشاء وين
وحتي الان ينتظر رجوع صوته دون صداء

المشاركة الأصلية كتبت بواسطة ياسر تمساح

تحياتى ابو عمر
انت من الان تم تعيينك مسؤل الاعلام للحملة ...
وكمان مسؤل عن الهتيفة والشعارات
اقول ليك حاجة رغم ان الهتيفة ديل بجيبو ناس تصوت بالحماسة ساكت لكن كدى خلينا نفكر فيها يمكن ندخل بى استايل جديد
انتخابى

شكراً سيدة النائب علي هذه الثقة بأسم الله نبداء :
المرحلة الاولي :
جمع مواد اعلامية و تصاميم للحملة.
الترويج لفكرة الحملة عبر المواقع الاجتماعية و المنتديات
الترويج للحملة بين طلاب الجامعات
طرح الفكرة علي اعلاميين و مختصين
المرحلة الثانية :
تكوين فريق عمل لادارة الحملة
اعداد فكرة و اهداف الحملة و اُلية تنفيذ الخطة
تكوين فريق اعلامي متخصص (للتصميم)و(علاقات عامة)
ضرورة تحديد لقاء دوري ثابت في مكان معروف
عرض رعاية الحملة علي من يهمهم الامر
المرحلة الثالثة :
تنفيذ خطة الحملة علي مجموعة او فئة صغيرة
المرحلة الرابعة
تدشين بداية الحملة و يواكب ذلك حملة اعلامية في اجهزة الاعلام المختلفة و علي مواقع الانترنت.
ضرورة تفعيل و اشراك المتفاعليين مع فعاليات الحملة في التنفيذ
عمل ندوة او ورشة يستضاف فيها الاعلاميين و المختصين للحديث عن موضوع الحملة ( ويدخل ذلك من ضمن الترويج للحملة)
نشر برامج و فعاليات الحملة عبر اجهزة الاعلام.
تخصيص نشاط من نشاطات الحملة لفئة صغيرة كـ(طلاب مدرسة) او (دفعه في جامعة) او( شباب نادي)
المرحلة الخامسة
ختام الحملة عبر نشاط ثقافي او رياضي
عمل توصيات و انجازات الحملة
تقديم صوت شكر لكل من ساهموا في انجاح الحملة
تخريمه :
كده كيف قصرته معاك

الاخ ياسر تمساح العضو البرلماني عن دائرة الحصاحيصا الشرقية
اخ ياسر انا معاك من اسع لان ود البدري سمين تصحى من النوم بدري (دغش) تلقى كومك كبير ويمكن تشيل كوم النايمين ، طبعا اخوك متعهد ادارة الحملات الانتخابية ولينا تجارب في الجامعات السودانية والانتخابات العامة الفالصو ، وبالتالي ندخل في البرنامج طوالي :
من اهم الاشياء التي يجب التركيز فيها في خطابك للمواطنيين الاتي :
1- محور الاقتصاد والمال العام والاستثمار
2- محور الخدمات
3- محور التعليم
4- الصحة
5- الطرق
6- محور حماية البيئة
7- المحور الاجتماعي
8- المحور الرياضي
9- الاهم والمهم ايجاد آلية لتشغيل العاطلين والخريجين
وبالتوفيق السيد : ياسر تمساح العضو البرلماني
مع خالص ودي وتقديري

تمساح يا عزيز احسبنى تب من ضمن اصواتك

الأخ العزيز ياسر /سلامات, انا عندى ليك فكرة جميلة جدا ـ احسن تجيبا من الاخر وتطلع ليك كضبة انك قريب كيجاب وتترشح لرئاسة الجمهورية وكان خسرت حا يتم تعيينك بالبرلمان من قبل الرئيس الفائز. وكان ما عينوك ميدان ابوجنزير جاهز كل اعضاء المنتدى بيخرجوا معاك(وبنقول الانتخابات مزورة). رايك شنو يا كابتن فكرة حلوة.

قال مستغل قال...
والله يا تمساح انت كان واصلته مع الجماعه كان بقيت وزير وفى مقولة اخرى كان خشيت القصر عدييييل..
يا اخوى انت مالك ومال المشاكل..
عليك الله يا اخوى اسه ما مرتاح...لكن مافى مشكلة نحن معاك...
ونحن من خلفك ونشد من ازرك...اها برنامجك شنو؟

الاخ ياسر كل حصحيصاب الامارات معاك
شد حيلك ولما فزتا تكون كسبتا الاحتكاك

وين النائب مختفي من الان مسجل غياب عن الدائرة بتاعتك

المشاركة الأصلية كتبت بواسطة البرنس

ياسر أخوي تصدق الفكرة دي انا زاتي فكرت فيها لكن قلت الناس دي بقولوا الزول دا مجنون وانتا هسي ماتقول بقيت ليك منافس والواحد كان بدأ من هسي صدقني كان كل يوم بكلم ليهو نفر واحد لحدي وقت الانتخابات وماتنتهي دورة الناس الفي القبة دي تنتهي بيكون لمه ليهو كووووووووم وكبير كمان والحملة الانتخابية مافي اسهل منها ومافي ارخص من الدمورية وشولات السكر الفاضية وأكياس الاسمنت والإنترنت مجاني والفتشوب مايديك الطريق اذا الطريق ممهد وسالك بس كيف الواحد يبقي جادي ويدق صدروا وزي ماقلت كان مافزت برضوا مكاسبك اكبر من خسايرك علي اقل تقدير الناس دي بتكون عرفتك انا يازول معاك كان داير منافس بنزل منافس واذا عايز نعمل لينا كووووم شباب وننزل الانتخابات بقوة يازول ابشر اهو برضوا نجيب لينا قلم شينية ونكتب اسمنا في الحيط دي منتظرك يالمرشح المستقل ومبروك مقدما اصلها الحكاية احساس انتا اذا حسيت انك فزت اكيد حاتفوز ومبروك تحياتي

تحياتى البرنس
الفكرة دى دفعنى ليها بوست فى المنتدى ده وكاتبه الهمباتى وكان بتكلم عن (استضافة السودان لكاس العالم 2030م)
من هنا بداء التحدى ما فى حاجة صعبة داير اترشح وبستند على ارضية قوية عضوية المنتدى واللى بيتمثل فيها وحدة الانتماء و وحدة الهدف ...
اكثر من كده داير شنو ...
كل يوم بكلم نفر ده الخلانى اشرع فى الموضوع من الان ...
همتكم معانا ...
لك الود
انتخابى

المشاركة الأصلية كتبت بواسطة ومضة

انا اول واحده بصوت ليك لكن اضمن لي اتوظف بعد ما تفوز
واول لي شئ لازم يكون من شعاراتك توظيف الخريجين والله تكسب خاصه العاطلين اكتر من الشغالين
وي كدا تكسب نص السودان
يلا همتك عشان انا منتظره الوظيفه

ومضة تسلمى
ليك وحشة
ما هو انا لما ما لقيت شغل قلت احسن اجى من الباب ده وما بخسر
يعنى الواحد جاى من رحم المعاناة ...
يعنى ما تشيلى هم
بس حكاية الوعود الغطست حجر الناس القبالى حقوا تعفونى منها والفيها خير ربنا بسويها
صوتك وصوت المعاك وما بتقصرى ...