ده كلوا غلط الصاح شنو ؟... ورونا يا خلق الله ؟......

يا اخوانا ما عندي اي موضوع لكن والله المنتدي بقي قاعة مؤتمرات بس زهج وقرف وملل مشاكل في مشاكل خلافات في خلافات
سياسة سياسة سياسة ماذا استفادت الحصاحيصا من الساسة السياسة .
شيوعين كيزان شعبيين امة ديقراطيين تحريرين مستقلين سجم رماد قرفنا زهجنا ..........
أحزاب بالكوم دون فائدة والمستفيد الاول من الخلافات الدائرة هم قادتها يركبون الفاره من العربات ويأكلون الطازج من الوجبات ويسكنون الفاخر من الفلل والعمارات يتعلمون ويعلمون ابناءهم في ارقي المدhرس والجامعات والخاسر هو المواطن المسكين المشرد عن وطنه والمعامل كاجنبي داخله .....
تخسر اخاك وصديقك واختك وحببيتك من اجل نقد الترابي الصادق المهدي ياسر عرمان عبد الله دينق نيال منصور خالد زفت سجم رماد وجع قلب .. اتمني من كل قلبي ان لا تشرق عليهم شمس الغد
كلهم في ستين داهية وليبقي ما يجمعنا من صلة رحم ومحبة وتوادد ..
واتمني من الاخوة في ادارة المنتدي وضع حد لهذه البوستات التي نشتم فيها رائحة القل والبغض وتصفية الحسابات وأن تزن الامور جيداً .....
حريقة في السياسة التي تجعلنا نتنافر ونتناحر ونسبح في بحر من الاخلافات لا قِرار له .
يا ناس رجعوا لينا منتدانا الجميل بعلاقاتنا الرائعة وإجتماعياتنا التي نتباهي ونتفاخر بها .......
أرحمونا من السياسة التي التي جعلت من القزم فيل ومن الجبل قطعة حصي صغيرة لا تري بالعين حتي ........ والاقزام الذين إرتفعوا هم قادة الاحزاب والحصي انتم ايها الواهمون بالتغير وإصلاح الحال ...........
فلتذهب السياسة غير مأسوف عليها وتبقي الحصاحيصا ومنتدياتها ,,,,,

عاراااااااااارف ........... هذا مع سبق الإصرار والترصد .........
يا حبايبنا قولوا سمحه العافيه ... خلونا زى ماقال عارف مصطفى نرجع
زى زماااااااان .. نتكاتف لعمل خير وقتى .. نتوانس فى خيمه قسم من أقسام
المنتدى .. نتهامس بحااال بعضنا سؤالاً ودرايه .. السياسه يا حبايبنا قد اخذت
منا أمسنا فدعونا نعيش يومنا ..... دعونا نضحك من حال عُزال البلد ,, نبيع
لهم طيبنا .. ونشترى منهم وقتنا . ما بتدوم لهم .. فدعوا حياتنا تدوم لنا عافيةً
وصحة ....... قد قااااااال كلٌ منا رائه . فلندع الوقت يتكلم .....
بالله إجتمعوا ثانيةً ............
يلا خلونا نبدأ بداية جديدة ........

اخي عارف سلمت وصدقت وصح قلمك
عليكم الله ياناس فكونا وفضوها سيره خلااااص الناس زهجت وطهقت وقرفت من النزاعات وحتى المنتدى بقى بايخ لدرجه لا تطاق
وكلنا بقينا نقول يجيب الانتخابات عشان ننتهي من القصص الفارغه دي بالجد نحنا خلاااص حتى الزول بقى لما يدخل بدخل زائر يشوف في شنو والجديد شنو ويتخارج طوالي
يارييييت وياريييت تخلصونا من الكلام دا وترجعوا زي زمان عشان الناس تجي ترمي همومها هنا ونتلاقى كلنا مع بعض ضحك وونسات ومجاملا وزي ماقال عارف مصطفى عليكم الله رجعو لينا منتدانا الجميل وكفايه سياسه
وتسلم ياعارف

تخريمه :
بقينا نغني للمنتدى لما ترجع بالسلامه وترجع ايامنا القديمه

عارف ازيك

والله ياعارف المفروض الاختلاف .... لا يفسد للود قضية ...

لكن الظاهر انه بقا فساد الود هو الغرض من الاختلاف وهو هدف القضية

والله في مشاركات تحس انه الواحد عايز يصفي تار بينه وبين التاني مش بناقش فكرة

الله يهدينا وامة محمد ياعارف

اخى العزيز عارف مصطفى السيد
هى المرحلة أخى الكريم فرضت نفسها ولكن للاسف تجد البعض عن قصد او دون ذلك اخذ يسير دفتها الى مشتهاه
ولما قادتنا اليه فاضلى اقف معك صفا واحداً واقول ان كانت السياسة ستفرقنا فلنفسح لها الطريق لتمضى ولنظل نحن ابناء الحصاحيصا تلكم الدرة التى عليها اجتمعنا وفى رحابها تواثقنا ولتكون هى الهدف و الانتماء ...

انتو اخير علي مستوي المنتدي لكن تعالو شوفو
في الشوراع في الاسواق في الحيط في العربات
المكرفونات الملصقات التلفزيونات الاذعات
كلها انتخبو مرشحكم الرمز
الشجره والرمز البقره الله يقطع السياسه ويمرر لينا اليومين ديل
علي خير

الأخ عارف الزول الرائع مشتاقين ... تتصور بقينا ندخل ونقرأ بس ومحتارين ... يا أخوي خلينا من السياسة البت الفي الصورة ده جبتها من وين ؟؟؟!!! وعاملين كيف مع هلال الجبال ـ كادقلي نفر ـ تحياتي

تسلم يا خى وعزيزى عارف وكلامك مية مية السياسة ادتنا شنو والغريبة هم يجدعوا حايمين بى برة من لندن للدوحة للولايات المتحدة والكوادر الصغيرة تتسجن وتتعذب وتتشرد عشان كدة كرهنا السياسة والسياسين
وشفت جماعتك امس ربنا مرقهم من الكوماندوز

التحية لجميع الاخوة المتداخلين
والتحية للاخ الفاضل عارف مصطفى السيد
كده يااخوى قول بسم الله
وروق شويه...اعصابك
نجى للب الموضوع واقول ليك الصاح يااخوى..
انو الكل يحترم بعضه بمعنى انو ربنا من خلق العباد وجد الاختلاف بينهم فى الفكر والطباع..الخ
بمعنى انو لا نمنع احدا او نحارب احدا لو ارائنا او افكارنا مختلفة يعنى ده شيوعى...او بعثى...او اسلامى...الخ لا اتعامل معه ..بالطبع لا فالاسر السودانية فى بعضهم تجد الهلالابى المريخابى فى مجال الرياضة وتجد فى مجال السياسة ايضا الخال شيوعى العم كدذ..وهكذا هل انقطعت صلة الرحم بين الاسر بالطبع لا...
فمن هنا كلنا اعضاء اخوة نختلف فى الميول السياسى او الفكر ..نتناقش نختلف ولكن...بكل ادب وذوق ...اتمنى ذلك
فعلا السياسة مشكلة وكلنا لانطيقها لانها تجلب النقاش الحاد وبعض الزعل
ولكن تلك الفترة الانتخابية الناس بتاخد وتعطى لكى تفهم ويفهم منها...بالمنطق كده..لانو فى اشياء بتحير الواحد منا
هكذا هى المنتديات وبالذات فى الفترة ده...
التحية مجددا للكل
ولى عودة
احترامى

المشاركة الأصلية كتبت بواسطة الطالبابى

يلا خلونا نبدأ بداية جديدة ........

اخي العزيز الطالبابي ،،،،،،،،،،،،،
هي الحصاحيصا الام التي جمعتنا واحتضنت سفيهنا قبل كريمنا ..........
اتمني من كل قلبي ان يعيش الجميع في توادد ومحبة بعيداً عن الإساءة والتجريح .........
ولنتعلم ادب الحوار واحترام الرائ الآخر ,,,,,,, ولنبدأ بداية جديدة كما قلت ،،،،،،،،،،،
ودمت يا عزيزي .....

المشاركة الأصلية كتبت بواسطة قمر الزمان

اخي عارف سلمت وصدقت وصح قلمك
عليكم الله ياناس فكونا وفضوها سيره خلااااص الناس زهجت وطهقت وقرفت من النزاعات وحتى المنتدى بقى بايخ لدرجه لا تطاق
وكلنا بقينا نقول يجيب الانتخابات عشان ننتهي من القصص الفارغه دي بالجد نحنا خلاااص حتى الزول بقى لما يدخل بدخل زائر يشوف في شنو والجديد شنو ويتخارج طوالي
يارييييت وياريييت تخلصونا من الكلام دا وترجعوا زي زمان عشان الناس تجي ترمي همومها هنا ونتلاقى كلنا مع بعض ضحك وونسات ومجاملا وزي ماقال عارف مصطفى عليكم الله رجعو لينا منتدانا الجميل وكفايه سياسه
وتسلم ياعارف

تخريمه :
بقينا نغني للمنتدى لما ترجع بالسلامه وترجع ايامنا القديمه

يا سناء الروح يا ملامة ويا عواطفنا النبيلة ،،،،،،،،،،،، يا حليلها
ربنا يكمل الانتخابات بي شرها لانه اكيد ما فيها خير اختي قمر الزمان ...

سألوني عن حبي انكرت ما قريت شافوهوا متخبي في عيون تقول يا ريت ،،،
ودمتي بخير

المشاركة الأصلية كتبت بواسطة sit_albanat

عارف ازيك

والله ياعارف المفروض الاختلاف .... لا يفسد للود قضية ...

لكن الظاهر انه بقا فساد الود هو الغرض من الاختلاف وهو هدف القضية

والله في مشاركات تحس انه الواحد عايز يصفي تار بينه وبين التاني مش بناقش فكرة

الله يهدينا وامة محمد ياعارف

هذا ما شعرته في بعض المشاركات ودفعني للبوح بما يدور في دواخلي لخوفي من ان نفقد بعضنا البعض فهذا المنتدي يعتبر من اجمل وانجح المنتديات من حيث الترابط والمحبة والالفة والحميمية التي تزينه .
فبدأنا نشعر اننا في ساحة حرب بلا مسببات الا اللهم خدمة اناس لا هم لهم سوي مقاعد السلطة والوجاهات . ونكتوي نحن بنار الخلافات ,,,,,,,,,,
تسلمي كتيير ستهم

السلام عليكم ورحمة الله وبركاته....والتحية والتقدير لك اخوي ...عارف وجميع المتداخلين...اتفق تماما في كل ماذكره اخواني واخواتي الذين سبقوني في التعقيب علي الموضوع...وطبعا هي فترة فرضت نفسها علي جميع نواحي حياتنا في هذه الايام التي ندعو الله سبحانه وتعالي بان تمر علي خير ويولي فينا من يصلح ويخدم البلاد والعباد...والملاحظ في كثير من مواضيع الانتخابات مدي التباين بين الاطراف المختلفة لدرجة اصبح معها البعد عن المنتدي في هذه الايام غنيمة ولكن اين نذهب وهل يمكن للشخص ان يترك بيته وينشد الراحة والاستقرار خارجه؟ هكذا اصبح حالنا من موضوع الي موضوع ومن اختلاف الي اختلاف والحمدلله الاغلبية كانو يرجحون صوت العقل في طرحهم وان كانت بداية المواضيع عكس ذلك...وكتبنا وتداخلنا كثيرا بان حق الكتابة مكفول للجميع شريطة الالتزام بقوانين ولوائح المنتدي والا تفرقنا الانتخابات ومشاكلها التي سوف تنتهي بمجرد قفل الصناديق ..ومن نعم الله علينا ان جعلنا اخوة واصدقاء جمعنا هذا الصرح العملاق نستريح فيه من تعب وارهاق الحياة نتشاور ونتفاكر ونتسامر ونطرح كل مانظن انه يفيد معشوقتنا الحصاحيصا التي جمعتنا تحت مظلتها
فمن حقها علينا ان نتقبل بعضنا البعض ونتحلي بادب الحوار ونسمو بالطرح ونتخير الحروف في ردودنا لبعض مهما اختلفنا في الرائ (اختلاف الاراء لايفسد للود قضية) لان مايجمعنا هنا حلو الكلام واطيبه بالرغم من الفوارق السنية والفكرية التي لاننظر لها بل لمضمون الحديث..نخاطب الدكتور والاستاذ والمستشار والمحامي والمصرفي والموظف والفني والعامل والطالب وجميع من يخط حرفا داخل هذا المنتدي برؤية اخوية صادقة ونحسن النوايا ونصفي قلوبنا قبل عقولنا لكي نكون مقبولين عند الجميع الصغير قبل الكبير هكذا نتعامل مع الجميع ونتمني بان يظل الجميع اخوة تسود بينهم المحبة والالفة والتعاضد والترابط لان الذي يجمعنا اكثر من الذي يفرقنا ولكي يظل هذا المنبر هو البيت الذي يسع الجميع بمختلف الوانهم وطوائفهم..ختاما اتمني للسودان الامن والسلام وللحصاحيصا كل تقدم وازدهار ويحفظ لنا مجتمعنا واولادنا من كل مكروه...وادعو الله سبحانه وتعالي بان يمن علي والدتي اكتمال الشفاء ويعطيها الصحة والعافية ويطول في عمرها ولاتنسوها من صالح دعواتكم...ولجميع الامهات الصحة والعافية......ودمتم جميعا بالف خير