التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :
قريبا
آخر 10 مواضيع
الفقرا العزمو القطر (الكاتـب : - مشاركات : 0 - المشاهدات : 191 - الوقت: 06:16 AM - التاريخ: 01-18-2024)           »          إلى وطني .. لن تأتي العصافيرُ[ (الكاتـب : - مشاركات : 0 - المشاهدات : 612 - الوقت: 06:16 PM - التاريخ: 10-03-2023)           »          كل المواسم يا بلد إطاقَشَن (الكاتـب : - مشاركات : 0 - المشاهدات : 360 - الوقت: 06:11 PM - التاريخ: 10-03-2023)           »          الشوق غلب (الكاتـب : - مشاركات : 0 - المشاهدات : 838 - الوقت: 04:36 AM - التاريخ: 05-29-2023)           »          سلام ومحبة (الكاتـب : - مشاركات : 0 - المشاهدات : 7698 - الوقت: 08:04 AM - التاريخ: 10-03-2022)           »          «الفقرا» شوق وحنين (الكاتـب : - مشاركات : 0 - المشاهدات : 10309 - الوقت: 01:25 PM - التاريخ: 08-13-2022)           »          جمعية الصفوة السودانية تحتفي بتدشين كتاب ذكرياتي مع الشيخ الوالد محمد أحمد حسن بقاعة (الكاتـب : - مشاركات : 0 - المشاهدات : 10242 - الوقت: 03:00 PM - التاريخ: 07-16-2022)           »          يوم الرحول.. (الكاتـب : - مشاركات : 0 - المشاهدات : 6030 - الوقت: 03:36 PM - التاريخ: 07-14-2022)           »          سلام ومحبة (الكاتـب : - مشاركات : 1 - المشاهدات : 6837 - الوقت: 07:16 PM - التاريخ: 05-08-2022)           »          مبروووك (الكاتـب : - آخر مشاركة : - مشاركات : 1 - المشاهدات : 7247 - الوقت: 04:33 AM - التاريخ: 08-15-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩»

«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
قديم 03-03-2007, 10:30 AM   #61


أبو رائد غير متواجد حالياً

بيانات اضافيه [ + ]
 رقم العضوية : 158
 تاريخ التسجيل :  Sep 2006
 أخر زيارة : 08-18-2010 (08:48 AM)
 المشاركات : 745 [ + ]
لوني المفضل : Brown
افتراضي



[وأححححححح ما تنساها ...
وتقفلا بي سجارة ... ماتقفل علي غطا ...
تصدق ... عندي مزاج اقعد مع ست شاي واشرب جن زبيل ... الجن في كبايه والزبيل في كبايه تانية[/quote]

تعرف في واحد رباطابي عنده محل ببيع فيه أزيار وقلل

مرة واحد جاء ماشي بجنبه وجنزير عجلته انقطع .. قام سأل :

الرباطابي قال ليه عندك جنزير ..؟

قال ليه لا عندي جن قله ...

هههههههههههههههههههههههههههههه

أنت قول بس نفسك في الطباية الأولي ...

دمت اخي الرائع ...

أبو رائد


 

رد مع اقتباس
قديم 03-03-2007, 10:38 AM   #62


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة أبو رائد
[وأححححححح ما تنساها ...
وتقفلا بي سجارة ... ماتقفل علي غطا ...
تصدق ... عندي مزاج اقعد مع ست شاي واشرب جن زبيل ... الجن في كبايه والزبيل في كبايه تانية


تعرف في واحد رباطابي عنده محل ببيع فيه أزيار وقلل

مرة واحد جاء ماشي بجنبه وجنزير عجلته انقطع .. قام سأل :

الرباطابي قال ليه عندك جنزير ..؟

قال ليه لا عندي جن قله ...

هههههههههههههههههههههههههههههه

أنت قول بس نفسك في الطباية الأولي ...

دمت اخي الرائع ...

أبو رائد
[/quote]

بطريقتي دي الا اصور ست شاي والباقي علي ...
والجن لو قله يكون احسن ... ما تكتر منو ...
تعملو زير وما تعرف تطير ...


 

رد مع اقتباس
قديم 03-10-2007, 03:18 PM   #63


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



ويا ضياعك ... لملمتي خاطرك ماشه وين ... داقسه والحس اتقرش ... بارود وبيت حبك خرش ... قشه وفرش باقي المساحات بالحريق ... طفيني لو أصبح غريق ... أو موجه ضد تيار عواصفك ... زولا ضهب تاني المسافة واتقص زي ضهر الطريق ... سكة بتفتش عن رفيق ... ورفيق يفتش عن طريق ... والعمي الكابس دواخلك زي ستارة ... ومسرح الأحداث مدسدس في الكواليس والعبارة ... الإشارة الجاية من عصب الإنارة !! إنو آمبيرك مخستك وضو رتينتك في مغاره ... خافته زي نار السجارة وبقبقت ... ايديا في مكبس هواك ... جازك براميل من حواس مشفوطه من قعر النهر ... الزفة مزيكا ووتر ... والنهر !!! بابو فاتح في بحر ... وبصب عليك ... أديني ضوك وللزمن خليهو دين ... وما تسأليني! متين يدفينا الحنين ... ولمتين نحاحي السترة والشوق المبين... مفضوحه عينيكي وبقاوم من سنين ... عينيكي يا مخزن حنين... طبزن بدايات دهشتي وساحت حواسي علي مسار الشوف حكاوي... تخمه بتنز بالغناوي ... ليزر بقيف قدام عيونك باحترام ويستأذنك... ما أحزنك ... صمتك بياخدك ماشه وين ... يا أصابع داخله في باقي الأصابع ... عفوي المساج... الذكري بتفتش دواخلك بي مزاج ... ابتسامة وسط دميعاتك نتاج ... وفجأة عينيك غمضّن ... دخلن بدون ما يقصدن مخزن حواس... في حته جوه وهبّشن ودخلت قبل يفتحّن ... خليت جفونك في وراي ... ووراي رموشك صفّقن ... داهمتهن ... بالخلعه نطن وطنطنن ... تبتبتِهن ... نامن شويه علي الكتيف وإتقلبن ... حلمن بإني دفقت شوق واتعطّنن ... نفضن دميعات الوداع إتقشقشن ... وانا قبل اللحظه ديك ... ماسك لجامي ويصلهن ... يا خيول النشوة قومن وادخلن ... فتحن مداخلك ضلفتين ... في طاقه واقفات قيلن ... ليلتين وفي التالته الحشود اتململن ... فلسن طبلة وغشاك ... عينيك غرودن ... طلعن حواجبيك يرقصن ... تاني نزلن لم عينيك غمضن ... وسرحت في عالم غريب ... صافي وبسيط ... وعلامة من روجك ختم ... إنسان جديد . فاتحه روحو علي البحر ... ذكراكي موج يدقش سواحلي بلا فتر ... تضرب بدون تصريح دخول وجواز سفر ... وتدقي زي ما تشتهي ... لمن تفكي لحام ضلوعي وتدخلي... مكسرك!!! أنا من زمان.


 

رد مع اقتباس
قديم 03-17-2007, 03:02 PM   #64


فاديا غير متواجد حالياً

بيانات اضافيه [ + ]
 رقم العضوية : 253
 تاريخ التسجيل :  Nov 2006
 أخر زيارة : 11-20-2006 (02:11 PM)
 المشاركات : 7 [ + ]
لوني المفضل : Brown
افتراضي



يا مبلولة....
والريحة طين
والالفة ساكنة ما بين عيونك وسكتى
والكلمة واصلة ما بيوتك وحوجتى
مسدودة فيك ريحة الدعاش ومحبوسة فى صدرك قدر
ساسوى وعودنا وبتنا الضاعت غصب
وعنقريب ألفتنا يا حليلو القدر ارفع كفن الحلم
والريحة لسة يتشرق القلب الحنين
القلب ود الحرام مولود مخصب بالامانى الخايبة والناس الغلط
رادوك غلط
لفظوك عدم
والعرفة بيت...
طاقة مفتوحة على دواخل احساس فلان
ما بلحقا ... شبيت على اصابع الرغبة والحب الخلق من جوفى ذول
تاوقت ليك
ناديت عليك بى صمت فاضح ... من ياتو شارع بوصلك؟
بى ياتو شوق انا بدخلك؟
ادينى من عمرك اشارة وانا ما بخون فيك امل
انا ما نسيت حلم السنين متلفحة الطاهر غطا
انا لسة شارقنى الحنين
حسيت ملامحك ما نفس الملامح التشبهك
مسروق حبال عصب الوعد
ومجروح قفاك ...
خفت الوصول لى حلتك
ناديت عليك سامع غناى... طيب هواى فاكر معاى
او اى شئ افكرنى انك ياكا انت... مهدود الحيلة وتعبان واقع؟
ما سمعتنى وانا الاصابع طرقعت من خوفا منك
وقع حيلى على كلى
والخيبة لبست بعضى تانى
لقيتك محنط حاضر ومكتوب عليك (للبيع فقط)
فتشت فى دولاب خيالى لو القى تحويشة تشتريك
لقيت فكة احساس ..وورق كتير من حبى ليك.. وجنيه كبير من شوقى ليك.. فرحت غصب
وجريت عليك
انا بشتريك ما بى جواز او ارتهان
انا بشتريك ما بى كذب وانا الدخراك لى بكرة
الا القدر ضاحك دوام
مسكين غرامك يا طفلة
لو عندك ورق كذب وفكة خداع ويا ريت معاها كم جنيه من الخيانة ببيع ليك الفضل منو ....
رجعت مذهولة قلب
ومدهوشة وواقع
ومعصورة ضلوع....ما عندى ليك غير الصدق؟؟
بنفع معاك؟؟؟
ما بنفع يا بت فلان خليهو لبايع حلال
ما بنفعك يا بت فلان


 
 توقيع : فاديا

لقيتك فى زمن رافض التسامح


رد مع اقتباس
قديم 03-17-2007, 03:44 PM   #65


فاديا غير متواجد حالياً

بيانات اضافيه [ + ]
 رقم العضوية : 253
 تاريخ التسجيل :  Nov 2006
 أخر زيارة : 11-20-2006 (02:11 PM)
 المشاركات : 7 [ + ]
لوني المفضل : Brown
افتراضي



فى الاحتضار واسو الملامح بى كلام ما بفهمو
ضمو الايادى على الجسم وتلو على الايمن كتاب انا بعرفو
نادونى منك بالغصب وقالوا يوم وعدك خرب ...
لمى الاحاسيس يا تساب الليلة ح يكون الدفن
حبيت ادندن بى ارتعاش ايات هواك من اولا
ومر الشريط والذكريات وحاجات جميلة ومخجلة
لبس السكون ابيض حداد وتلما فيها البعرفا
يوم النحيب فتح الجرح وادفق الفاضل هنا
اتذكرت كم شافع معاك ادسا فوق حيل الهدوم ...
والضحكة كيف والشاى معاك اللونو زى عرق العيون...
والريدة كيف كانت هناك ساكنة الشوارع والهموم
والازرق البرتاح جواه وما متذكرة شكل الجنون
مرت على لحظات كتيرة وانا لسه مالينى الحضور
بس الكلام ساعة الهزيمة ما بنفع الحلقوم اقول
مات الوعد...
وسكن الكذب
والسم سكن الجوف خلاص
والعدوى بى ريق القبل قطعت حشا الموصول زمان
والليلة كان يوم احتضار....


 
 توقيع : فاديا

لقيتك فى زمن رافض التسامح


رد مع اقتباس
قديم 03-18-2007, 07:36 AM   #66


غيمة غير متواجد حالياً

بيانات اضافيه [ + ]
 رقم العضوية : 499
 تاريخ التسجيل :  Mar 2007
 أخر زيارة : 03-16-2009 (11:05 AM)
 المشاركات : 1,750 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة محمد ابوعاقلة
أمرق امشي وين؟ ما عارف ... امرق من روحي ... امشي هناك ... مصير وسخف ... وتكتب في دفتر الأحوال عن الهروب البنخر في حيطان وحده ... وكمين أف بتطلع بعفويه لأبعد حد ... كل الحصل كان مكتف ... ليه ما يكون ... لازم يحصل كده عشان القلب يبكي ... والمعاناة تستمر غصباً عن أي حاجه تافهة بنشوفا في اليوم الف مره ... اذا كان حايمه في دواخل زول أو بتترك أثر في اي حدقة اتعلمت تشوف الغلط كل يوم ومافي شي بمنعا الا العمي او عندما تغيب شمس العصرية ... كل التوهان والجري ورا سراب ... من أجل متعه زايفه أو حقيقية ... امكن الموضوع عبارة عن خدعة بني آدم ... مجرد ما يعيش في سعادة ... بنسي أي إبداع أو إحساس بطعم الحياة. للأسف ..ما شغالين بزئبق الجوانا ... في كل الظروف هياكل بتمشي ... وين .. أي سكه .. أو أي سرير فاضي في يوم من الأيام كان شائل وسخنا .. وشاف كل أحلامنا ونحن مفتحين .. المسألة ما كانت يقظه والسلام .. ولا العين كانت بتتمني تشوف صعاب .. بس الحياة كانت كده .. ليل طويل ... ونهار ملخبط .. زحمة وناس وكواريك .. ومواصلات ممله .. ما بتستمع فيها حتي بقراية عمود واحد بحبر باهت وفكره سياسية وسخانه ... او واحد كضاب كان بكتب عن الثورة .. نفس شباك الحافلة اليومي ... مناظر كشريط فيديو ... بتتعاد كل يوم ... عزاي انو الهوا بغير شكل الشدر كم سنتميتر او ينفض جلاليب الناس الواقفه ومنتظرا قدر... كل الحاجات كانت بتوحي برتابه، بتسرق كل يوم امنية ... وتجهض في اي لحظه بداية حلم ... ما كان المصير معروف .. ولا النهايات كانت مرتبه مسبقا .. سخف اننا نسند ضهرنا في الماضي ... نلوك في مجد ما حنشوفو الا في كتاب تاريخ ... ولا احساسنا كان مجرد انك تعايش وضع ... او تبصق علي وش هزيمة .. وكل رموز الطيبه بدت تتلاشي .. مجرد ما ظهرت القروش مكتوبه في ورق وتستلما من أي شباك معتمد ... ونص العمر بضيع في انتظارك لموعد او قعدة سكر عشان النص التاني من العمر يتنسف ... وفي آخر يوم من حياتك .. لو قعدت مع الزول الجواك وسألتو .. طلعت بشنو؟ مع منو؟ لي منو ... مع اننا كنا عارفين ما كل حاجه بتحقق بجرة قلم .. ولا كل أمل يساوي تحقيق ... تطلعات لو كانت اكتر من اللازم مشكله ... ولو كانت مافي، مشكلة اكبر ... وانك تتعايش مع متغيرات كتيره ضغط نفسي ... اذا كان زئبق الروح جامد مدي الحياة ... وفي كتير من الأحيان بتطلع توقعاتنا ردة فعل في وكت غير مناسب ... او الوكت غير مناسب لردة الفعل ... ونكتم غيظنا البتكون في جوانا مشروع غدة او تذكرة مجانية لمصحة نفسية. وين الحاجات الكانت بتتفجر ...

[light=#66FFCC:90ead1497a]وين الزول الممكن يبكي معاك من جووووووووه لمن تحس إنو دموعك طالعه منو ...[/light:90ead1497a]

ياخ انت حلو بشكل والله ردت نضميك

انتحكر واحجز طوبه فى اول الصف

بجيك صادة عشان ابكى معاك من جوه لامان تحس بى

:cry: :cry: :cry:


 
 توقيع : غيمة



رد مع اقتباس
قديم 05-02-2007, 05:39 PM   #67


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي





(تكلت مشاعري) علي قلب مايل ... ومشيت علي دربا منقر بالمواجع وكنت راجع حانف وشيش ... داخل عليك صوتي ... مارق بدون صورتي ومسحت عنوان بالغلط ... شارع زلط كان جابني ليك او توصفي بالاشارة ... الاشارة الحمرا في نص البلد ... وتاشر رقم هاتف فشوش ... الا واحد ... كان محجب من وشوش ... كان مسور بالوحوش وكان الشوف مطوفش ... شوق معشعش ... وزي مشعشع راسي طافش في اماكن تانية في الزول الرحل ... الشد عصبي وجيت مغبي ... جيت اعبي الدمعة في الناس الكئيبة ... العيون كانت غريبة ... وغيرت جواي مواقف ... وكنتي وينك لم كان الزول ضلمة ... والشرايين فيها غمة ... البيوت الفاضية جواي جاتا لمة ... انت في مطلب وحيد وانا في مطب تذكار مسم ... ما كنت فاضي أخش علي غرفة هواي ... افتح شبابيك النسيم ... أو أقطر الشوق اللئيم ... أفرش ملايتين ريد وود وانعل أبو الصرخة التهز جوه الحواس ... في راسي فاسك كان بدق بالجمبتين وانا بالي فات مع زول مهم ... بالجد مهم ... فارقني في الزمن المسم ... فارقني والموسم نزيف ...



 

رد مع اقتباس
قديم 05-03-2007, 04:04 AM   #68


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي





أحبك .. بالليمون والسكر

أحبك .. لو يصير الواقع قيداً

أو يصير القيد خنجر





 

رد مع اقتباس
قديم 05-06-2007, 05:36 AM   #69


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي






سافرت في جواك مكتف بالظروف ... والمسعي خوف ... وانو التلاقي اذا فرضنا الإلفة شوف ... حاجه بتلف في مدارك بالغنا ... بتهز مداركك لو دفر زلزالي شوق ... أو فارق الفرح المكان ...
نفسي ألقاك من زمان ...
تتبعيني محل أفوت ... أرتضيك والفرقه موت ... ونتابع الأحداث سوا ... نتبادل الضحكة الدوا ... أو أختك في دواخلي قلب يدق باب المساكين بالمني ... يترجو فيك أو يشتهون ... الكلمة للزول ما بتهون ... الحروف الصادقة ما شافت عيون ... كيف اذا شافت عيون ...
مدخل طفح بالكيل وكانت نظرة ضيقة ... إنك تخش شارع غلط ... أو الغلط شارعك بدون وقفة ضمير ... بدون تفكير كتير ... وتكتشف إنو المحبة رصيف حياتك ... أو بحر ورصيفو قيف ...‎ مرات يطول الانتظار ... ومرات وقوفك في مداخل دهشة محتارة حلم ... وانت داخل جاي تختار الحلم ... وكل حاجة وراك مشخبته زي رهاب ... وقدامك زمن في لفو حاجات انتهن ... ومن لفو صاره الدنيا عين .

مافيها حاجه لو قلت ليك أنا زول بحبك




 

رد مع اقتباس
قديم 05-23-2007, 04:55 AM   #70


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اشوف جواك سكون صخبك
بذور جواي بتنبت من عرق تعبك
وبنده يا مطر وقًف
على باب الدخول غيمة
على شُرف الفصول نسمة
على الطين الصبح راجيكِ نقطة ضعف

وحل جواي وفيك
ومسافة فترت من مشيك
وإني ألقاك في نهاية كل خطوة ظن وشيك
أو ....
في انتظاري ورا المحطات البتمسح من ملامحنا السفر
جيت وساقتني ابتسامتك
حاجه زي لمح البصر
وجيتك قدر ...
مرهونه بالزاد والمطر
وفرضت اني ألقاك زي مطر
نقط على سافل هواي
وفي رحم المسامات انتشر
أو شطب ألوان دماي
برضو بلقاك في دماي
موجه وبحر
أوراق شجر
خضرت جواي فرضتك ضل مقيل
طول العمر
هو الباقي فيك كم يا عمر !
كلن أملى بيك شتات محب
مخلاية للزول في سفر
مافيها غير صوتك يرن لحظه ويقيف
أنا يا الزمان سبتك وراي ؟
شايلك وراي ؟
انت يالقدامي ووراي
يا المشتته في مداي
رمل الطريق
زمن الحريق
يا بنيه يا وش الرزاز
يابنيه حاريك تبقي لي في الكون ملاذ
تبقى آخر نقطه منك حاجه مني
حاجه زي شتلة حراز
إتخليت دمعي المطر
واتجاهلت موتك مجاز

يالسقيتي وريدي بيك
ويا الرويت شرياني فيك
ما تسفحي المر للدموع ...
يا مطر أمسح مسارك للدموع
وافتح مسارحك للخطاوي الفي رجوع
أسكت عشان عينين بتبكي
وفي ضلامك ضو شموع

شمعه بتوريك حقيقة اني صحيت الليالي
وانو من نفخة هواك اختفت في الليل ليالي
يا صباحات جوه ليلي
ما فارقن شمعة هواك
ما ميلن ضهريه في حرَك مشي
ما سقت ليك الهم عشان قلبك يلين
أنا عندي ليك كل الحنين
للجاي والفات من عمر
يا سكة صعبه بدون صبر
يالله أدينا الصبر
يالله طوٌل في العمر

ألقاكِ نص قطري ومدار
ألقاكِ في اللــيل زي فنار
ألقاك صباح يومي ونهار
ألقاكِ في بــــاب كل دار
ألقاكِ في البــــال انتظار
وفي فؤاد الريشه فكـره
فكره بتعالج قضيه
يا قضية زول بسميك مستحيل

يالغمامات السهن حري ومشن
دفقن على بالك رهاب
مسحن بدل سافلك صعيد
كتبن مشاويرك عذاب
تفن عليك
وطفن عقاب نار القصيد
والكلمه نعلات الكتاب
الكلمه همسات المشي
الكِلمه بتفلي الرويح الطالعه فيك من أي شي
أغسل دواخلك با دميعاتك تبقى شي
تبقى طاحونة مشاعر ما بتقيف
الغمام الفي مساربك طبعو يوماتي النزيف
وتلقى نفسك بعد تالت
وباقي أبعادك خريف

ريحة الأنفاس دعاش
وبهجة ألوانك فراش
رك في الخاطر صبابه
واحتمل زمن انتظارك في نواصيك الأليمه
واحتيالك لم تسرقي من قفا الصيف ألف غيمه
كنتِ بتغشي المواجع في المضاجع وتطفي ضوًك بي بسيمه
أو تجيني بلا انقطاع .


 

رد مع اقتباس
قديم 05-23-2007, 07:16 AM   #71




الصورة الرمزية الغريب
الغريب غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jun 2005
 أخر زيارة : 05-22-2019 (05:09 AM)
 المشاركات : 2,497 [ + ]
 التقييم :  57
لوني المفضل : Blue
افتراضي



***1608;***1583; ***1575;***1576;***1608;***1593;***1575;***1602;***1604;***1577;

***1578;***1581;***1610;***1577; ***1576;***1602;***1583;***1585; ***1575;***1604;***1591;***1610;***1576;***1577; ***1608;***1575;***1604;***1575;***1589;***1575;***1604;***1577; ***1575;***1604;***1601;***1610; ***1581;***1585;***1608;***1601;***1603;

***1575;***1578;***1575;***1576;***1593;***1603; ***1607;***1606;***1575; ***1608;***1607;***1606;***1575;***1603; ***1608;***1575;***1601;***1578;***1602;***1583; ***1575;***1604;***1593;***1576;***1575;***1585;***1575;***1578; ***1575;***1604;***1578;***1610; ***1578;***1587;***1608;***1602;***1606;***1610; ***1575;***1604;***1610;***1603;
***1610;***1605;***1603;***1606; ***1610;***1603;***1608;***1606; ***1591;***1585;***1610;***1602;***1603; ***1589;***1593;***1576; ***1608;***1604;***1575; ***1605;***1601;***1585;***1583;***1575;***1578;***1603; ***1604;***1575;***1610;***1587;***1578;***1591;***1610;***1593;
***1575;***1604;***1586;***1608;***1604; ***1575;***1604;***1576;***1587;***1610;***1591; ***1586;***1610; ***1581;***1575;***1604;***1578;***1610; ***1583;***1610; ***1610;***1580;***1575;***1585;***1610;***1607;***1575; ***1576;***1587; ***1576;***1602;***1608;***1604;***1610;***1603;
***1608;***1575;***1589;***1604; ***1608;***1606;***1581;***1606; ***1601;***1610; ***1575;***1606;***1578;***1592;***1575;***1585;***1603; ***1610;***1575;***1594;***1575;***1604;***1610;


 
 توقيع : الغريب

ليـل الغمه هوّد والبروق اتّــــــــــــــالن


دموع الوجعه جن زي السحابات شـــالن


ملن قرب العيون لكنهن ماســــــــــــالـن


مومن قلهن بس في العيون ماخــــــــالن



رد مع اقتباس
قديم 05-24-2007, 05:02 AM   #72


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة الغريب مشاهدة المشاركة
ود ابوعاقلة

تحية بقدر الطيبة والاصالة الفي حروفك

اتابعك هنا وهناك وافتقد العبارات التي تسوقني اليك
يمكن يكون طريقك صعب ولا مفرداتك لايستطيع
الزول البسيط زي حالتي دي يجاريها بس بقوليك
واصل ونحن في انتظارك ياغالي
عزيزي
أتريد أن يرفعك الله بالتواضع !!!
كلنا توّاقون لذلك ...
واعلم أن المفردة البسيطة فعلها أكبر
وانت عارف لم اجي هنا .. بنفصل عن جميع موجاتي العاملة هناك
الجو والهدوء وحاجات تانية قادر عليها
هنا بالذات يوجد أنا ...
وبرضو زيك .. بتجيني رهبة ..
لأني عارف حاجاتي ماشه وين


 

رد مع اقتباس
قديم 05-24-2007, 09:11 AM   #73


أبو رائد غير متواجد حالياً

بيانات اضافيه [ + ]
 رقم العضوية : 158
 تاريخ التسجيل :  Sep 2006
 أخر زيارة : 08-18-2010 (08:48 AM)
 المشاركات : 745 [ + ]
لوني المفضل : Brown
افتراضي



ود الواطة يا حبيب قساي

إشتقت لكتاباتك ... لكن نعمل شنو لمشاغل الدنيا ....

لكن جيتك راجع واليوم نبدأ أول كلام ...

لك التحية والود ...

وربنا يوفقك ...


أبو رائد


 
 توقيع : أبو رائد



رد مع اقتباس
قديم 05-24-2007, 10:50 AM   #74


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة أبو رائد مشاهدة المشاركة
ود الواطة يا حبيب قساي

إشتقت لكتاباتك ... لكن نعمل شنو لمشاغل الدنيا ....

لكن جيتك راجع واليوم نبدأ أول كلام ...

لك التحية والود ...

وربنا يوفقك ...

أبو رائد
ياااااااااااااااا
أطلع من ديني كتبت سطرين عنك في صيغة سؤال في ردي للغريب
ومسحتهم ... خجلت من نفسي .. لأنو تلفونك معاي
طولت الغيبة ... وينك ومشتاقين مدها لما لا نهاية
تحياتي للجماعة الفي توقيعك (تربل شفّع) ماشاء الله

وافرض انا صنيت او حصلت لي اي حاجة .. أسأل (دي في الأنكل) يا أنكل
واتكل علي الله اذا لقيتنا مايلين ... ما تشتغل بينا كتير
خايفين علي حجرك .. حجرنا غطس من زماااان
جاو


 

رد مع اقتباس
قديم 05-25-2007, 09:40 PM   #75


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



سميتك البت التي تسرقني مني في وضح انبهار ... إنزار اذا عز المزار ... مقتولك الزول المدشدش في ودار ... لميني عارفك حاجة مني ... حاجه بتحلي المسار ... حاجه بتخلي الحواس تتشابى ليك ... وانا زي مكتفني الهوي ... حرية تكتب في الشبابيك البراح ... وكان الصباح الببدا من عينيك وشاح ... غطاني ما حسيت بخوف ... رجعني للحتة البتمرقي منها جايه لي ... وانا كنت ماشي عليكي فاجأني المطر ... رحمة للناس البترفع يدها ودقو ناقوس الخطر ... وانا كنت عطشانك براك ... وحلان في انسانك ... ساكن في قيعانك ... وحايمه بي ما قلت شي ... ما نقنق الحس البحوم جواكي لحظة وانفتح باب للضجيج ... رجي روحك لو غفيت او داهم الشوق المبيت ... أو حتل بالمرة مخنوق من ظروف الغربة والشارع زحام ... وانتي عارفه صعوبة اللقمة الحلال ... خلتني أخرت السؤال والمشاعر واقفه صف .


 

رد مع اقتباس
قديم 06-05-2007, 05:46 PM   #76


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي





نادي حنينك يدخل في ضفر الشوف خجلان ... يبلع فكرة لقيا علي أطراف إنسانك ... يا أكتر زوله بتدخل زي ما عايزه الفكرة تكون بي طعم مميز ... سكة بتكتب للخطوات عنوان ... في أي مكان بتلاقيني هواجسك فتحت قوس ( بتفتش عن إنسان ) في أي مكان جواك تلقيني محكر كلوريد صوديوم وفي جواي أكسيد الهم في الدم ... ومرة بتطلعي من تفكير وسخان بي كربون الحوجة (طبعا في وكت عصيب) زي كمساري البص لمن اركب وانا ما عندي قروش التذكرة وفي جيبي بطاقة طالب يدك والحظ واقف جنب الكمساري وسارح بالشباك ... نزل الحظ في أول لفة وانا سارح بالشباك التاني أبزق ومحتاج كلينكس ... مبلول بي عرق الساعة اتنين والراس كابس ... ما تطلعي هسي بتتزلقي ... خلي الهوا في نص الكبري يضرب روحي ويقسمني عليك ... امكن ننزل في أول قيفه يمين ... نزرع فيتامين القدرة ونحصد شوق في اول ضحكة سوا ... الشوق عنوان النص ... الخوف البرجف من حق البص والباقي تسالي ... نسرح طوالي ... نرجع كداري ومالو ... الوضع سخيف ... والمستقبل برضو مخيف ... لكن حنقيف قدام الخوف الواقف في نقطة تفتيش والدنيا تهنضب فينا تكورك ... ارفعو يديكم عن مشروع الحب وشوفو قرايتكم !!! ... دنقرنا الاتنين وانا متأكد كان إحساسنا سوا ... في الزمن الأصبح بي وشين ... متوتر وشين ... وسرحنا كأنو الأمر مجرد نكتة ورحنا نغطغط في الشوق خجلان ... احساس تعبان يتكلم عن فرصة متاحة لو ضحك الحظ ... أو لاحظ إننا مندمجين بي شكل غريب ... يا سخف اللحظة الوقفت قدامنا ونحن بنبحث عن كيفية نلقي طريق ... أو نطفي حريق ...
وانا بتحسس فيك ... لاحظت دواخلك دابت فيني وانا سائل فيك ... تفاعل إنساني ما عندو قضية بأي مصالح ... زول متصالح ... فلتت من يدو القدرة وخلت خشمو مشقق ومالح ... وفي الوقفة أمكانية قعاد... وحنكون بُعاد ما تشفقي ... انا ماشي أتلقى العلم ... بداية حلم ... لم المتاريس تختفي
الحظ يزورنا ونبقى في
أنا جاي ليك لمممم العوينات تكتفي
أنا ما أظن يوم أختفي ... أو نبقى في الواقع خيال
علي وشي أقعد منكفي

عايز أشوفك ...
ملامحك جميلة ... جميلة جدا
ولبسك أنيق ...
مداخلك طويلة ... ونفسك عميق



خبر عاجل
قبضو علي بتهمة الشروع في الشوق...
فتحو محضر إختلاء بأنثى ...
هم شمو ريحتك فيني ...
دي كل الحكاية


 

رد مع اقتباس
قديم 06-06-2007, 03:51 PM   #77


صديق رحمة غير متواجد حالياً

بيانات اضافيه [ + ]
 رقم العضوية : 745
 تاريخ التسجيل :  May 2007
 أخر زيارة : 03-12-2010 (03:06 PM)
 المشاركات : 62 [ + ]
 التقييم :  10
لوني المفضل : Brown
افتراضي



يا ود يا طائر في الفكرة ، وفاجي الواطة مغارب
متخبط لوايق المكان ومشرور في الرقعة
كلامك جنا الفتر الطويل ، لكن أنت جنا مين يا ود يابا ؟؟؟
دقيت الباب عشان تفتح لقيتك زايق من ود عينك
لكن نتلاقي قريب ، وقرب تعال ما تبتعد :1:


 
 توقيع : صديق رحمة

ولعينيك بعد إنكفاء المدى أفقها


رد مع اقتباس
قديم 06-08-2007, 06:11 PM   #78


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة صديق رحمة مشاهدة المشاركة
يا ود يا طائر في الفكرة ، وفاجي الواطة مغارب
متخبط لوايق المكان ومشرور في الرقعة
كلامك جنا الفتر الطويل ، لكن أنت جنا مين يا ود يابا ؟؟؟
دقيت الباب عشان تفتح لقيتك زايق من ود عينك
لكن نتلاقي قريب ، وقرب تعال ما تبتعد :1:

فاجأني حنينك وانت بتدخل في حلق الفكرة ...
مبنشر لو عارف لستك قدرة ...
وياما سألت سؤالي عليك !!!
قصدك عارف اني سألت ... كتير وكتير
وزي الشوق الحاصل ... الشوف الغافل عن دربي ودربك
يا رب نتلاقي متين
وافرض نفسي عليك


 

رد مع اقتباس
قديم 06-09-2007, 07:22 AM   #79


الصورة الرمزية مصعب بخيت
مصعب بخيت غير متواجد حالياً

بيانات اضافيه [ + ]
 رقم العضوية : 170
 تاريخ التسجيل :  Sep 2006
 أخر زيارة : 12-18-2019 (05:22 AM)
 المشاركات : 142 [ + ]
لوني المفضل : Brown
افتراضي



***1604;***1603; ***1575;***1604;***1578;***1581;***1610;***1577; ***1575;***1610;***1607;***1575; ***1575;***1604;***1605;***1578;***1593;***1578;***1602; ***1608;***1605;***1578;***1583;***1601;***1602; ***1575;***1576;***1583;***1575;***1593;***1575;***1611;***1548; ***1578;***1585;***1583;***1583;***1578; ***1603;***1579;***1610;***1585;***1575; ***1608;***1575;***1606;***1575; ***1575;***1591;***1575;***1604;***1593; ***1605;***1575; ***1578;***1603;***1578;***1576;***1607; ***1605;***1606; ***1608;***1581;***1610;***1581; ***1604;***1575; ***1604;***1610; ***1588;***1610; ***1601;***1602;***1591; ***1604;***1575;***1606; ***1575;***1590;***1575;***1601;***1578;***1610; ***1578;***1601;***1587;***1583; ***1585;***1608;***1593;***1577; ***1575;***1604;***1605;***1588;***1607;***1583; ***1608;***1604;***1603;***1606; ***1604;***1575;***1576;***1583; ***1605;***1606; ***1603;***1604;***1605;***1577; ***1608;***1607;***1610; ***1588;***1603;***1585;***1575; ***1605;***1581;***1605;***1583; ***1575;***1576;***1608;***1593;***1575;***1602;***1604;***1577; ***1604;***1603;***1604; ***1607;***1584;***1575; ***1575;***1604;***1575;***1576;***1583;***1575;***1593;


 
 توقيع : مصعب بخيت

وحملت نجمتك الانيقة في فؤادي
ومشيت نحوك وانتهيت الي بلادي


رد مع اقتباس
قديم 06-10-2007, 04:46 PM   #80


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة مصعب بخيت مشاهدة المشاركة
لك التحية ايها المتعتق ومتدفق ابداعاً، ترددت كثيرا وانا اطالع ما تكتبه من وحيح لا لي شي فقط لان اضافتي تفسد روعة المشهد ولكن لابد من كلمة وهي شكرا محمد ابوعاقلة لكل هذا الابداع
المبدع حقا ... من يحسك ... لأجل مسمى .
امنياتي الكتيرة


 

رد مع اقتباس
قديم 06-10-2007, 04:50 PM   #81


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



قبّلي جاي واديني أضانك
(****) بس .
ما تضحكي ... أنا بتكلم جد في موضوع ممتد ... جزرو التربيعي وأسك واحد ... وانا أصلا فاصله وفاصل مرة مداري ومرة بضاري وما كضبت علي روحي ... ولا خليتك تدمي جروحي ... لمن كان الشاش غالي ... ما عارفين التكلفه كم ... كم حُمتي معايا أماكن ... دروب ومساكن ... ساحات ومدائن ... ونرجع بي وقّف يا عم ... كنت بأشر لأي حديدة في شارع النيل ... ومرة وقف لينا البوكس الشائل شوالين وكراتين صابون اللوكس ... السواق كان واحد وسخان بره وجوه علي ما يبدو ... إتوقع إننا نركب قدام ... نطينا ورا ... طفرنا سوا ... قعدت في شوال سكر ... وأنا أتململ في طرف البوكس ومجهجهني هوا ... والزول السائق شماني شديد ... أنا شايفو بلف في مرايتو شمال وشرق ... ومحمر لي لو وقعت عينو علي عيني ... كان بتأسف علي إنو وقف رفع إتنين بحبو بعض ... طبعا كان بتأمل تركب جنبو وانا ستالين في الباب ... تكالة وداير أوصل بأي طريقة ... لكني طلعت شفت وقريت أفكارو من أول لمحة سريعة ... ودقة سريعة ركبنا ورا ... إتناقشنا عن النقل البري ... الشايلين السكر مع صابون ... وسوبر ريد مع المعجون ... ومرة الجاز مع الليمون ... عن تجار الجملة وقطاعي ... نظام اقطاعي ... وعن الزول البمسك ويقطع من طرف الفكرة وزي ما يحصل يحصل ...
إتكلمنا عن البوكس المليان والراس الفاضي ...
عن جلاد الشارع والقاضي ...
والناس الما خلونا قعدنا في شاطئ النيل نسترجع ماضي
بالجد بتأسف وما راضي ... نظامنا العام وقعادك لازم فرادي ... يا تفتح رادي أو تتخارج بي غادي ... ما تملانا فقُر .... ما فارقه معاهم ... أو تكسح لأي مكان تتعاطي وراهم ... أفيون الصبر .
ومتين نجي راجعين متماسكين في نص الشارع عينك يا تاجر ... يا الزول الفاجر ... نسرح متقاودين ... زي أي اتنين ماشين كداري علي الواطة وأسفلت مشقق ... مبسوط ومجرتق ... والضحكة لغاية إضني ... كانت سرحه طويلة وكنت بعاين للشعر الفالت من طرحه ... ولم تشاغل فيها هبوب الشارع العام ... تتلفت منشرحه ... ما شالت هم السكة ... وشكل المسكه ... ولم يصادف لستك حفرة ... عمك زاد عدّاد السرعة ... عايز إكشحنا بأي طريقة ... أديترو سخّن زي شوقي وانا راكب جمبها سارح في عينيها وخصلة بتلعب في خد ... وعمنا قام فرمل فجأة وكبس البوري ... دخل في لوري ... وكبانا كأننا شوالين ... إندفق السكر من البت ... وانا

يا بت يا عصفورة
انا واقع في مطمورة
أربطي جردل ...
أرمي حبالك تدلدل
وختي معاك في الجردل صورة ...
لو أبقي معاك بس في الصـورة ...
كان مشكلة البير إتحلت ...
وقرينا الفاتحة وجزء من سورة .


 

رد مع اقتباس
قديم 06-11-2007, 11:54 AM   #82


أبو رائد غير متواجد حالياً

بيانات اضافيه [ + ]
 رقم العضوية : 158
 تاريخ التسجيل :  Sep 2006
 أخر زيارة : 08-18-2010 (08:48 AM)
 المشاركات : 745 [ + ]
لوني المفضل : Brown
افتراضي



عزيزي ود والواطة ......................
ما عندي شئ أقوله غير رائع وجميل زي كلماتك وعباراتك النابعة من واقع أليم بنعيشه يوم بعد يوم ولا ندري متي الخلاص .
لكن عشمنا أنه بكرة قد يكون أجمل وأروع مما نحن فيه اليوم والوحل الماشين فيه دا يبقي يباس عشان نجري وننطلق نشوف الدنيا ماشة وين وجاية من وين .........
ناسنا البقوا عايشين بالهم والنكد و الدموع وأحلامهم البتموت قبل تولد بكره يكون يكون لزيز وأطيب

لك الود والتحية ..... والشوق

أبو رائد


 
 توقيع : أبو رائد



رد مع اقتباس
قديم 06-11-2007, 12:14 PM   #83


الصورة الرمزية مناع بدوي عمر مناع
مناع بدوي عمر مناع غير متواجد حالياً

بيانات اضافيه [ + ]
 رقم العضوية : 674
 تاريخ التسجيل :  May 2007
 أخر زيارة : 12-21-2016 (12:02 PM)
 المشاركات : 2,669 [ + ]
 الدولهـ
Sudan
 الجنس ~
Male
لوني المفضل : Blue
افتراضي



***1603;***1578;***1576;***1578; ***1578;***1602;***1608;***1604; ***1587;***1591;***1608;***1585; ***1575;***1604;***1608;***1575;***1591;***1577; ***1610;***1575;***1586;***1608;***1604; ***1610;***1575; ***1606;***1575;***1586;***1604; ***1605;***1606; ***1587;***1605;***1575; ***1575;***1604;***1575;***1576;***1583;***1575;***1593; ***1575;***1604;***1585;***1575;***1574;***1593; ... ***1601;***1578;***1588;***1578; ***1581;***1585;***1608;***1601;***1610; ***1604;***1602;***1610;***1578;***1607;***1575; ***1608;***1587;***1582;***1575;***1606;***1577; ***1605;***1575; ***1576;***1578;***1588;***1576;***1607; ***1581;***1604;***1575;***1608;***1577; ***1575;***1604;***1603;***1575;***1578;***1576;***1608; ***1606;***1590;***1610;***1601; ***1606;***1590;***1575;***1601;***1577; ***1575;***1604;***1602;***1604;***1576; ***1608;***1575;***1604;***1582;***1610;***1575;***1604; ***1575;***1604;***1608;***1575;***1587;***1593; ... ***1585;***1576;***1606;***1575; ***1610;***1581;***1601;***1592;***1603; ***1608;***1608;***1575;***1589;***1604; ***1610;***1575; ***1575;***1581;***1604;***1609; ***1575;***1604;***1585;***1608;***1575;***1574;***1593;...


 
 توقيع : مناع بدوي عمر مناع

لما ترجع بالسلامة وترجع ايامنا الجميلة


رد مع اقتباس
قديم 06-12-2007, 06:34 PM   #84


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة أبو رائد مشاهدة المشاركة
عزيزي ود والواطة ......................
ما عندي شئ أقوله غير رائع وجميل زي كلماتك وعباراتك النابعة من واقع أليم بنعيشه يوم بعد يوم ولا ندري متي الخلاص .
لكن عشمنا أنه بكرة قد يكون أجمل وأروع مما نحن فيه اليوم والوحل الماشين فيه دا يبقي يباس عشان نجري وننطلق نشوف الدنيا ماشة وين وجاية من وين .........
ناسنا البقوا عايشين بالهم والنكد و الدموع وأحلامهم البتموت قبل تولد بكره يكون يكون لزيز وأطيب
لك الود والتحية ..... والشوق
أبو رائد

ود عم ود الواطة ...
ما تكتّر من العشم ... بضرك ... آثارو الجانبية اكبر منو
بنخاف عليك من الصدمة ... او يدقشك واقع يجيبك واقع علي وشك
وتتحسر ... فخليك مسردب حاليا وشوف بتوديك وين ؟؟
تحياتي ليك وللشفّع


 

رد مع اقتباس
قديم 06-12-2007, 06:44 PM   #85


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



اقتباس:
المشاركة الأصلية كتبت بواسطة مناع بدوي عمر مناع مشاهدة المشاركة
كتبت تقول سطور الواطة يازول يا نازل من سما الابداع الرائع ... فتشت حروفي لقيتها وسخانة ما بتشبه حلاوة الكاتبو نضيف نضافة القلب والخيال الواسع ... ربنا يحفظك وواصل يا احلى الروائع...

ياخ ما تبالغ ...
وخت في بالك ... أي حرف وسخان يطلع منك يعني بنضف روحك ...
وروحك أهم ...
حرفين صابون ... كافين جدا تغسل وسخ الكبت ...
شايف ... اديتني مجال اشتري لليفه كتاب ...
روحك لليفه ...
وخليتني سعيد


 

رد مع اقتباس
قديم 06-12-2007, 06:54 PM   #86


محمد ابوعاقلة غير متواجد حالياً

بيانات اضافيه [ + ]
 رقم العضوية : 150
 تاريخ التسجيل :  Sep 2006
 أخر زيارة : 10-09-2014 (04:57 PM)
 المشاركات : 138 [ + ]
لوني المفضل : Brown
افتراضي



ياخ شارعك من زحمتو فجّاني علي ... كجّاني أحاول أدخل بي شارع فرعي من عِرقين الطقو في آخر مرة دخلت علي ... دفر النفاج الختيتو اسبير لم تعصلج جواي الفكرة ... تسليك الراس بالزيت الراجع بُكرة ... منها تتفك طلاسم صدت ... البَكرة اللّفت باقي الأيام من كترها عضّت ... عضّت طرف الجلابية ونطّت جوه الروح تُلّب ... وقعت في جب دقيت الدلجة ... شحمّت الواطة عشان ما تعضي الخطوة المارق بيها علي روحي ... انا قرطت الخطوة عليك ... قربت الخطوة ... قررت أشيل للورطة المطوة ... أجنة وشاكوش ... للداخل تووش ... ستالين للدنيا الدقت فينا وفكت في الضلعة لحام ... لحام النفس الطالع ونازل منشار رئتين ... مشوار ليلتين والسكة ضلام ... أمرق قوام .. إنت بتفتح فيها وانا بقفل في شارع كلو زحام ... دفرت المتوكل قدامي وانا زاتي رميت قدام ... خلينا ورانا الناس تتلفّت ... السيّح مكنة وخفّت ... الفوّت طارة عمرو وواقف لسه مشلهت ... ساكت ضيّع عمرو يتش في الزاوية القاعد فيها ملخبت ... تتخيل !! لقيت الكلمة الحتّت مرة بلالي الصوت !! مليانة كلام ... نفس الكلمة الكسرت ركبه في حلق احلام ... بلعتَ سكوتي ... كم فرشة ولون رسمت جواي لوحة وعنوان ... لوحة إنسان ... نفس الإنسان الكاسر ركبة ... نفس الزول الشاف بي عينو النكبة ... بعدها صنفّرتَ جفون الخوف من شوف ... وشديتا حبال الصوت الطالع طوف ... لملمت بواقي السيخ الما معروف ... شيدت كباري ... فتحت مجاري ... يدخل بيها الدم سدّاري ... وما حاولت أجيك كدّاري ... راكب راس الغربة عِناد ... سلّكت وريد السم الهاري وزيتي الراجع دمو خفيف ... للناس العرفت كيف بتجاري ... كيف بتباري الكلمة لغاية توصل جووووه الجوه ... وتسكن فيك ... ما رجعتْ بالحسرة تضاري النقطة الركزت فيها العين وانطبعت صورة ... مفتاح العين للشوف ماسورة ... ماسورة تنقط في الشبكية ضرورة ... عفريتة بترفع ضغط الالفة الدخلت في حيص بيص ... في فرقة ومرحلة دايش فيها الراس ... صنقرت امام جوايا مرايا بتعكس نفس الاحساس ...
احساسك بي
خلاني أبل الريق بالدهشة
خلاني أخش جواك أتمشي
يا سكة وممشي
مراحل أغرف فيها الشوق بالكُمشه
أملاها لغااااااية تضايق
أو تتدشه ...
والماسورة الحلجت جوايا وفيك خليها تكُب ...
في باقي الورشة ...
ناوليني المفتاح البدخل بيهو أفتش عنك جواي ... ناسيهو معاي ... يا طاريكي ورافعك تبحثي عن حبك في راسي ...في راس الزول الفوّت شنبر وبستمو بستف راس المكنة ... فتشي ما تخلي مكان ... تحت انفاسك أو في اي سطر من كرّاسي ... فوق الحته الطارت وركت مع إحساسي ... انا دسيتو مخافة عليك ... من الناس القاعدة تعاين وراصه كراسي ... عينم حارة ... بخاف النظرة الفي عينيهم تبدانا مآسي .


 

رد مع اقتباس
قديم 06-13-2007, 05:43 AM   #87


هندويه غير متواجد حالياً

بيانات اضافيه [ + ]
 رقم العضوية : 805
 تاريخ التسجيل :  Jun 2007
 أخر زيارة : 07-16-2007 (05:30 AM)
 المشاركات : 10 [ + ]
 التقييم :  10
لوني المفضل : Brown
افتراضي



سلامات ....
اول مشاركة ... 13/6/2007م دي مالي للتاريخ ...
سطور الواطه ...
باريت البوست من اول صفحه لغاية التالته ....
حمتا في سكتك يا انسان ...
قالو للمسطول مراسل الجزيره مات في العراق قال ليهم يستاهل هو المرقو من الحصاحيصا شنو ...
محمد ابوعاقله وقفتا في الصفحه التالته وكلام كتيييييييييييير ...
كتبتا كتير ومسحتا ليه ماعارفه ...







............................................. راجعه


 
 توقيع : هندويه

بـــــــــــــــــــــــــــدون الي حــــــــــــــين


رد مع اقتباس
قديم 06-13-2007, 08:12 AM   #88


صديق رحمة غير متواجد حالياً

بيانات اضافيه [ + ]
 رقم العضوية : 745
 تاريخ التسجيل :  May 2007
 أخر زيارة : 03-12-2010 (03:06 PM)
 المشاركات : 62 [ + ]
 التقييم :  10
لوني المفضل : Brown
افتراضي



يا ناسج فيني خيوط الدهشة ، وكاسي القلب بتوب الحب الصافي ، يا ماشي مشاوير الدنيا محبة ، وجالب لينا الفرح المافي ، يا معجون من موية العافية ، ويا منقوع في الصحة عوافي
يا بواب القلب أورطي ، ويا حوام في شريان الدم خفافي
يامتور نفس البورد بحالو ، لكن مدينا فرقة وبهجة وبوست خرافي
شكراً ليك يا ود يا حتة


 
 توقيع : صديق رحمة

ولعينيك بعد إنكفاء المدى أفقها


رد مع اقتباس
قديم 06-13-2007, 08:50 AM   #89


الصورة الرمزية مناع بدوي عمر مناع
مناع بدوي عمر مناع غير متواجد حالياً

بيانات اضافيه [ + ]
 رقم العضوية : 674
 تاريخ التسجيل :  May 2007
 أخر زيارة : 12-21-2016 (12:02 PM)
 المشاركات : 2,669 [ + ]
 الدولهـ
Sudan
 الجنس ~
Male
لوني المفضل : Blue
افتراضي



***1605;***1575; ***1576;***1606;***1588;***1576;***1607;***1603; ***1576;***1587; ***1606;***1581;***1575;***1608;***1604; ***1606;***1593;***1585;***1601;***1603; ... ***1583;***1582;***1604;***1606;***1575; ***1575;***1604;***1587;***1608;***1602; ***1606;***1588;***1608;***1601; ***1604;***1610;***1606;***1575; ***1590;***1604;***1608;***1593; ***1576;***1583;***1604; ***1590;***1604;***1608;***1593;***1606;***1575; ***1575;***1604;***1603;***1587;***1585;***1578;***1607;***1575; ***1608;***1602;***1604;***1608;***1576;***1606;***1575; ***1576;***1578;***1582;***1601;***1602; ***1605;***1593; ***1581;***1585;***1608;***1601;***1603; ***1575;***1604;***1605;***1604;***1610;***1575;***1606;***1577; ***1608;***1585;***1608;***1610;***1575;***1606;***1577; ... ***1588;***1601;***1606;***1575; ***1575;***1604;***1578;***1585;***1586;***1610; ***1610;***1582;***1610;***1591; ***1593;***1610;***1608;***1606;***1575; ***1575;***1604;***1605;***1604;***1610;***1575;***1606;***1577; ***1583;***1605;***1608;***1593; ***1601;***1585;***1581; ***1608;***1588;***1575;***1610;***1601;***1577; ***1588;***1605;***1608;***1593; ***1605;***1606; ***1585;***1608;***1593;***1578;***1603; ... ***1603;***1604;***1575;***1605;***1603; ***1585;***1575;***1574;***1593; ***1581;***1585;***1608;***1601;***1603; ***1575;***1585;***1608;***1593; ... ***1603;***1610;***1601; ***1578;***1603;***1608;***1606; ***1587;***1591;***1608;***1585; ***1575;***1604;***1608;***1575;***1591;***1577; ***1608;***1605;***1593;***1575;***1603; ***1576;***1606;***1581;***1604;***1602; ***1601;***1610; ***1575;***1604;***1587;***1605;***1575; ***1575;***1604;***1585;***1575;***1576;***1593; ***1608;***1604;***1575; ***1575;***1604;***1587;***1575;***1576;***1593; ***1605;***1575; ***1593;***1585;***1601;***1578;***1607;***1575; ***1604;***1575;***1606;***1610; ***1605;***1593;***1575;***1603; ***1605;***1581;***1604;***1602; ***1601;***1610; ***1575;***1604;***1575;***1576;***1583;***1575;***1593; ... ***1610;***1575;***1586;***1608;***1604; ***1610;***1575;***1585;***1575;***1574;***1593; ***1594;***1587;***1604;***1606;***1575; ***1608;***1587;***1582; ***1581;***1585;***1608;***1601;***1606;***1575; ***1576;***1589;***1575;***1576;***1608;***1606;***1603; ***1575;***1604;***1580;***1575;***1583;***1593;***1608; ***1581;***1585;***1608;***1601; ***1601;***1610;***1607;***1575; ***1603;***1604;***1575;***1605; ***1580;***1583; ***1576;***1588;***1576;***1607;***1603; ... ***1606;***1590;***1601;***1606;***1575; ***1593;***1602;***1608;***1604;***1606;***1575; ***1576;***1575;***1604;***1605;***1603;***1578;***1608;***1576; ***1605;***1606; ***1608;***1585;***1588;***1578;***1603; ***1608;***1602;***1585;***1590;***1606;***1575; ***1593;***1604;***1610;***1607;***1608; ***1576;***1589;***1575;***1605;***1608;***1604;***1577; ***1576;***1593;***1583; ***1583;***1602;***1610;***1606;***1575; ***1608;***1602;***1601;***1604;***1606;***1575; ***1593;***1604;***1610;***1607;***1608; ***1576;***1575;***1604;***1575;***1580;***1606;***1577; ***1608;***1575;***1604;***1588;***1575;***1603;***1608;***1588; .... ***1605;***1575; ***1575;***1581;***1604;***1609; ***1575;***1604;***1578;***1593;***1575;***1576;***1610;***1585; ***1608;***1575;***1604;***1605;***1601;***1585;***1583;***1575;***1578; ***1608;***1578;***1604;***1575;***1602;***1581;***1607;***1575; ***1605;***1593; ***1575;***1604;***1608;***1575;***1602;***1593; ...


 
 توقيع : مناع بدوي عمر مناع

لما ترجع بالسلامة وترجع ايامنا الجميلة


رد مع اقتباس
قديم 06-13-2007, 01:59 PM   #90
ضيف



بيانات اضافيه [ + ]
 رقم العضوية :
 أخر زيارة : 01-01-1970 (12:00 AM)
 المشاركات : n/a [ + ]
لوني المفضل : Brown
افتراضي



***1583;***1575; ***1575;***1604;***1575;***1576;***1583;***1575;***1593; ***1608;***1604;***1575; ***1575;***1606;***1575; ***1575;***1604;***1605;***1575;***1602;***1575;***1583;***1585;***1577; ***1575;***1593;***1576;***1585; .......
***1604;***1604;***1607; ***1583;***1585;***1603; ***1610;***1575;***1582; ......
***1605;***1581;***1605;***1583; ***1575;***1576;***1608; ***1593;***1575;***1602;***1604;***1577; ........***1580;***1583; ***1575;***1606;***1578; ***1575;***1576;***1583;***1575;***1593; .....***1602;***1604;***1610;***1604;***1575; ***1605;***1575;***1578;***1576;***1603;***1610;***1606;***1610; ***1575;***1604;***1581;***1585;***1608;***1601; ....***1608;***1581;***1585;***1608;***1601;***1603; ***1575;***1583;***1605;***1578;***1606;***1610; ***1576;***1603;***1575;***1569; ***1588;***1603;***1585;***1575; ***1610;***1575; ***1601;***1606;***1575;***1606;


 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:41 AM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009