مركوب الغريب بـ 4500 ريال

أتانا قادماً من مدينة أبها البهية عروس الجنوب وسلالة جبال عسير الأخ والأستاذ العزيز / حياتي الشيخ ( الغريب) في مساء الخميس تلبية لدعوة تلقاها من أعضاء إحدي المنتديات .. حضر لهذه الدعوة ثلة مخضرمة من أصدقاء ذلك المنتدي ولقد حضروا من بلد الضباب لندن دولة الإمارات العربية ودولة قطر ولفيف من أعضاء المنتدي بمدينة جده والذين هم من أعدوا لهذ الدعوة ، وقد إقيمت الدعوة التعارفية بإحدي قاعات مدينة جدة الفارهة ( غيمة فرح) ... وقد كان بين الحضور حوالي 160 من بنات حواء متزوجات وبنات وكانوا جميعاً على مستوي من الجمال (طبعاً ديل بنات لندن ودبي وجدة) وبالذات بنات لندن كانوا ... ووووب عليّ أنا) .. وكان أخوي الغريب في قمة الإندهاش وكان يقول لي همساً (شوف أنا بعد العيد يا انقلوني لـ جدة ولا السودان) ؟ وبدأت الحفلة الموعودة وكانت قمة الروعة الرقيص جوز جوز وتناقل الحديث هنا وهناك بس كان أخوي الغريب في مقعده لا يبارحه أبداً يفكر فيما يحصل حوله وما مصدق ؟؟ الجكس حاجة رهيبة ؟ وقد إشترك في إحياء الحفل (5) خمسة من الفنانين والفنانات وكان عند كل فاصل يتم التعارف بين الأعضاء وعلى المايكرفون ، وكانت أحلي اللقطات عندما ترجل مقدم الحفل وقال أن بيننا أخ عزيز قادم من مدينة أبها سوف أترك المايكرفون له ليحيكم ويقدم نفسه وتكلم الغريب فأجاد وسط تصفيق الحضور وخصوصا ناس هناية ؟؟؟ وفي نهاية كلمته كشف عن اسمه ولما قال الأسم المستعار ( الغريب سمعنا الجكس وبصوت واحد هي سجمي الغريب؟؟؟) ياله من يوم ممتع وشيق وتمنينا أن لا تشرق الشمس..
وكنت قد دعوت الأخ العزيز الغريب لتناول شاي المغرب من يوم الجمعة في منزلي المتواضع ، وعندما تأخر عن الساعة الخامسة اتصلت عليه فعرفت تأخر لأنه ذهب الى سوق باب شريف ليشتري مركوب ؟؟ وصل الغريب بسيارة أجرة (ليموزين) وسألته عن المركوب فقال اشتريته وليتني لن أذهب للمركوب وقلت له ليه يا أخي قال لي والله جده رحبت بي فقلت له ماذا تقصد ، قال لي للأسف نشلوني مبلغ 4500 ريال في باب شريف وبهذا يكون مركوب الغريب يكلف أربعة ألف وخمسمائة ريال بالتمام والكمال .. من جاني حاولت مازحاً أن أدون لكم عن مركوب الغريب .. ولكم تحياتي ...

يأخوانا الخيانة ليكم شنوا ما عزمتونا للحفلة ده ليه طيب يإسماعيل نحن كل يوم في المنتدي من الصباح لحدي العصر ولمن تكون في حفلات تعزموا ناس أبها وتخلونا نحن بركة السرقوا قروشوا هاهاها :19_26:

البياكل براهو بيتسرق ... اقصد بيتخنق
بروزوهو أو صوروه لنا في هذا البوست
وبعدين يا اسماعيل اثبت ماعهدناك كبكابه ورجافه
صحبك الغريب تلقاهو كان بيفكر في الليلة السابقة وكان دقشتو عربية مابيحس مش يتنشل.

[QUOTE=امجدالشيخ;24861]البياكل براهو بيتسرق ... اقصد بيتخنق
بروزوهو أو صوروه لنا في هذا البوست
وبعدين يا اسماعيل اثبت ماعهدناك كبكابه ورجافه
صحبك الغريب تلقاهو كان بيفكر في الليلة السابقة وكان دقشتو عربية مابيحس مش يتنشل.[/
QUOTE]

العزيز جداً/ أمجد أحمد الشيخ - لك ولأسرتك أعظم التحايا والأشواق - والله أنا ماعرفت بالحفلة إلا الساعة الواحدة صباحاً وحتى الغريب ماكان متوقع الحفلة ح تكون بالتنظيم الجميل والجكس العجيب دا عموماً الجايات أكثر من الرايحات ، بعدين أنت أعلم الناس أنو خالك قدام الحلوين بدووووووووب ؟؟ لك الشكر على مرورك والتعليق الجميل ؟؟

المشاركة الأصلية كتبت بواسطة مدثر عثمان الجاهوري

يأخوانا الخيانة ليكم شنوا ما عزمتونا للحفلة ده ليه طيب يإسماعيل نحن كل يوم في المنتدي من الصباح لحدي العصر ولمن تكون في حفلات تعزموا ناس أبها وتخلونا نحن بركة السرقوا قروشوا هاهاها :19_26:

أخوي بالحيل ود الجاهوري - تحياتي - طبعا انت عارف الخيانة دي ما من طبعي واحد نمرة اتنين والله ما عرفت الغريب في جده إلا حوالي الساعة الواحدة صباحاً وبعد كدة عرفنا الحفلة .. طيب يا ود الجاهوري لو فرضنا عملنا لينا حفلة زي دي البجيب لينا غيمة وضاحة والسمحة وأم أريج منو ههههههه . وقلت لي الغريب مركوبو بي كم ؟؟؟ تحياتي ...

هاهاهاهاهاها .....نسعل الله السلامة...والله يا اسماعيل ده شمار(من امو)..وزى ما ما قال ليك امجد البياكل براو بخنق...وشكلك كده انت والغريب قاعدين تاكلوا فى صحن واحد وبايعين ناس الجاهورى وجماعتو...واظنو الغريب ده تكون نسيبتو ادتو دعوة كاربة كده شان راسو يجى ويعمل حسابو،بينى وبينك قالوا خطيبتو بت شيوخ...
عموما شكرا على الشمار والباقى بنجيبو من مصادر تانية يا اسماعيل شان نعرف انت زاتك سرقوا منك شنو؟؟؟

والله ما عجبتنى ليك يا ود الخاله
(الغريب) والجات فلى المال سامحت
وانا ماشى كاب الجداد قريب وح اكشف الاوراق للجماعة !!!!!!
والبركة فى سلامة الروح وناس سمعة ديل شكلهم شماتين وشيالين
حال والجاهورى وامجدعجبتم ليك العضة وما علينا ربك يعوضك....
وكل الود للاحبة ...................................هنداوى

المشاركة الأصلية كتبت بواسطة عبدالوهاب هنداوى

والله ما عجبتنى ليك يا ود الخاله
(الغريب) والجات فلى المال سامحت
وانا ماشى كاب الجداد قريب وح اكشف الاوراق للجماعة !!!!!!
والبركة فى سلامة الروح وناس سمعة ديل شكلهم شماتين وشيالين
حال والجاهورى وامجدعجبتم ليك العضة وما علينا ربك يعوضك....
وكل الود للاحبة ...................................هنداوى

لم أكن شامت ولا شيال حال في يوم قط ؟؟ وبالمناسبة أنا إستأذنت الغريب في طرح الموضوع وشاف الـDeraft قبل النشر وأعطاني الضو الأخضر على كتابته بالمنتدي من باب الدعابة والمزاح حتي نغير من الرتابة التي سادت المنتدي في الآونة الأخيرة ..... وبالمناسبة ياعزيزي هنداوي نملك الكلمة السحرية حتى لا تصدقك الخطيبة ...... وقلت لي ماشي كاب الجداد لي شنو ؟؟؟؟هههههههه. لك التحية والشوق أخي هنداوي ونشكر تعليقكم ومروركم ......

المشاركة الأصلية كتبت بواسطة ود الحصاحيصا

هاهاهاهاهاها .....نسعل الله السلامة...والله يا اسماعيل ده شمار(من امو)..وزى ما ما قال ليك امجد البياكل براو بخنق...وشكلك كده انت والغريب قاعدين تاكلوا فى صحن واحد وبايعين ناس الجاهورى وجماعتو...واظنو الغريب ده تكون نسيبتو ادتو دعوة كاربة كده شان راسو يجى ويعمل حسابو،بينى وبينك قالوا خطيبتو بت شيوخ...
عموما شكرا على الشمار والباقى بنجيبو من مصادر تانية يا اسماعيل شان نعرف انت زاتك سرقوا منك شنو؟؟؟

ود الحصاحيصا الرهيب - التحية والمحبة - والله ياجماعة دا ما شمار انما حقيقة حصلت وقلنا ننقلها لكم بكل أمانة ومهنية لكي تقيفوا مع الغريب في موضوع المركوب أبو أربعة ألف وخمسمائة ريال دا وتكفروا ليهوا ... وبالمناسبة يا ود الحصاحيصا أنا زي الفريق ما بحب الشريك وخصوصاً في الجكس وأسأل بركة أو كمال الجمل وود الجاهوري أو ود الريح ، وكنا كل واحد بيأكل في صحن لوحده إن لم يزيد الصحون هههههههههه .. كل الود ونلتقيكم ....

أتانا قادماً من مدينة أبها البهية عروس الجنوب وسلالة جبال عسير الأخ والأستاذ العزيز / حياتي الشيخ ( الغريب) في مساء الخميس تلبية لدعوة تلقاها من أعضاء إحدي المنتديات .. حضر لهذه الدعوة ثلة مخضرمة من أصدقاء ذلك المنتدي ولقد حضروا من بلد الضباب لندن دولة الإمارات العربية ودولة قطر ولفيف من أعضاء المنتدي بمدينة جده والذين هم من أعدوا لهذ الدعوة ، وقد إقيمت الدعوة التعارفية بإحدي قاعات مدينة جدة الفارهة ( غيمة فرح) ...

بحبك حب ياخ
بفرح لمان القى اسمى محشور في كل بكان
العجب لمان اجى من خشيمك دا

أتانا قادماً من مدينة أبها البهية عروس الجنوب وسلالة جبال عسير الأخ والأستاذ العزيز / حياتي الشيخ ( الغريب) في مساء الخميس تلبية لدعوة تلقاها من أعضاء إحدي المنتديات .. حضر لهذه الدعوة ثلة مخضرمة من أصدقاء ذلك المنتدي ولقد حضروا من بلد الضباب لندن دولة الإمارات العربية ودولة قطر ولفيف من أعضاء المنتدي بمدينة جده والذين هم من أعدوا لهذ الدعوة ، وقد إقيمت الدعوة التعارفية بإحدي قاعات مدينة جدة الفارهة ( غيمة فرح)


قال لي للأسف نشلوني مبلغ 4500 ريال في باب شريف وبهذا يكون مركوب الغريب يكلف أربعة ألف وخمسمائة ريال بالتمام والكمال .. من جاني حاولت مازحاً أن أدون لكم عن مركوب الغريب .. ولكم تحياتي

المشاركة الأصلية كتبت بواسطة غيمة

أتانا قادماً من مدينة أبها البهية عروس الجنوب وسلالة جبال عسير الأخ والأستاذ العزيز / حياتي الشيخ ( الغريب) في مساء الخميس تلبية لدعوة تلقاها من أعضاء إحدي المنتديات .. حضر لهذه الدعوة ثلة مخضرمة من أصدقاء ذلك المنتدي ولقد حضروا من بلد الضباب لندن دولة الإمارات العربية ودولة قطر ولفيف من أعضاء المنتدي بمدينة جده والذين هم من أعدوا لهذ الدعوة ، وقد إقيمت الدعوة التعارفية بإحدي قاعات مدينة جدة الفارهة ( غيمة فرح) ...

بحبك حب ياخ
بفرح لمان القى اسمى محشور في كل بكان
العجب لمان اجى من خشيمك دا

آي آي ياغيمة كدا ما بقدر ؟؟

المشاركة الأصلية كتبت بواسطة غيمة

أتانا قادماً من مدينة أبها البهية عروس الجنوب وسلالة جبال عسير الأخ والأستاذ العزيز / حياتي الشيخ ( الغريب) في مساء الخميس تلبية لدعوة تلقاها من أعضاء إحدي المنتديات .. حضر لهذه الدعوة ثلة مخضرمة من أصدقاء ذلك المنتدي ولقد حضروا من بلد الضباب لندن دولة الإمارات العربية ودولة قطر ولفيف من أعضاء المنتدي بمدينة جده والذين هم من أعدوا لهذ الدعوة ، وقد إقيمت الدعوة التعارفية بإحدي قاعات مدينة جدة الفارهة ( غيمة فرح)


قال لي للأسف نشلوني مبلغ 4500 ريال في باب شريف وبهذا يكون مركوب الغريب يكلف أربعة ألف وخمسمائة ريال بالتمام والكمال .. من جاني حاولت مازحاً أن أدون لكم عن مركوب الغريب .. ولكم تحياتي

عارفني بريدو ... زاد عليّ في دلو ...غيمة تعالي اللي أكلمك كلام سر انا ......... :1_1:

اولا تحية طيبة ابعثها من عروس الجنوب الي عروس الغرب جده عبر الاخوان الاعزاء اسماعيل وابورائد وسعيد جدا بمقابلتهم وحفاوتهم بي وحسب تضاريس المنطقة نعتبر عندما نذهب الي جدة ننزل ولكن عق مقابلتهم ادركت ان التضاريس يمكنها ان تتغير واعتبرت نفسي اسبح في سماوات الجمال والكرم الذي اعاد الي سنين مضت من عمري لي عودة مفصلة احبتي

اخونا اسماعين/ فرحنا فرحا كثيرا بي سرقة المركوب ,,,و دا لو ما سرقوا حاجات تانية اليوم القبلو!!!!!!!! ما قلت لينا انت اتنشلت شنو يا سمعه,,,,,,, بعدين البوست دا طلع كمية من الدبايب!!!!! لكم الود جميعا

المشاركة الأصلية كتبت بواسطة الكييك

اخونا اسماعين/ فرحنا فرحا كثيرا بي سرقة المركوب ,,,و دا لو ما سرقوا حاجات تانية اليوم القبلو!!!!!!!! ما قلت لينا انت اتنشلت شنو يا سمعه,,,,,,, بعدين البوست دا طلع كمية من الدبايب!!!!! لكم الود جميعا

أخوي حكيم المنتدي أول حاجة انت كنت غاطس وين زي ما بتقول غيمة - لك عاطر التحايا وبعدين المركوب ما انسرق ؟؟ سرقوا القروش وطبعاً ح نصور المركوب ونضع الصورة على المنتدي لكي يشوفوا جميع أعضاء المنتدي ذلك المركوب أبو 4500 رايال لاغير .. بعدين أخوك مدردح أنا سرقت لي قلبين بس للأسف بعيدات شوية (لندن) بس بالطيارة مافي شيء بعيد وكمية الدبايب دي ما عارفها طلعت من وين ؟؟ لك الود أجملة ونلقاك ....

علي حسب علمي بان الغريب بالسودان وقال راجع هل ياربي رجع ام لا
التحية ليك يالمنطط عينيك
وبحب اسالك سؤال اها بطلت تلبس مراكب ولا لسه بتلبس مركوب 4500ريال

الجعلية غطست فى الدفاتر القديمة وجابت ليك البوست دا
لاحولاااا من شماراتك ياجعلية
اسماعيل الكلام دا كلوا حصل والغريب ماجاتوا صدمة نفسية
يعنى الزول إنصدم صدمات فجائية غريبة جدا
طيب ياسمعة
نيوتن كان قاعد كان إتحير فى نظرية (لكل فعل رد فعل)
وكان خلا العلم زاتوا
اها ماوريتنا رد الفعل لحياتي الشيخ
من الصدمتين صدمة الحفلة ودي الكبيره
وصدمة النشلة ودى زى حكايات ود نفاش
الغريب نشلوك حليل أيام زمان

الاخوة الكرام
ود ميرغني وبقية العقد المتفرد
تحياتي لكم وللاخ حياتي الشيخ وطبعا حاولت اعرف ردة فعل الاخ حياتي اللي دخل في المشاركه ولم يعلق ( يعني ذي ما دخل البوست طلع ذي الضل ) واتكلم عن سباحه في السموات والارض والجبال وقرب يقول فابين ان يحملننا
الشي اللي بيؤكد بما لا يدع مجال ابداِ للشك انو الذول ده قلبوا ما معاه هو في شنو والحسانبه في شنو قلبوا يا ناس اتسرق قبل قروشوا واكان مغالطيني جيبوا دكتور الكوباني يشرحوا اكان لقي القلب في محلوا ابقي كضداب ...هههههههههههههه

والله يا شباب انا عجبني الموضوع شديد رغم انه قديم لكن داير اعرف رد فعل الغريب لمن عرف نفسو اتنشل طبعا بكون شاف شريط حايتو او حياتي كلو قدامو....والله ربنا يعوضه لكن شهاده من عند الله الزول دا صبور وبستحمل اي حاجه تشوفوهو كدا ...شيال التقيله...
وتسلمو كلكم

اسماعيل ميرغنى سلامات لك و لكل الاحبة
بكده بكون مركوب الغريب فى نفس اهمية حذاء منتصر الزيدى
كل الود