شنو يا ناس السودان لقاء امس دا كان دكاكيني ولا شنو ؟..

جلسة جميلة ولقاء رائع كان يوم امس الخميس بمنتزه الرياض التقي فيه مجموعة من ابناء وبنات الحصاحيصا تسامروا تشاوروا تحاروا تناقشوا في شتي المواضيع ولم يفتح الله علينا باحد من الذين كانو مجتمعين بالامس لياتي الينا باخبار اللقاء وتوثيقه ..
يا ناس نحن برضوا اهلكم وبهمنا عملتوا شنو ؟..
تعالو ورونا شوقتونا وشحتفتوا روحنا ...............

الحبيب عارف مصطفي بصراحة القاء قالوا كان جميل جداً وناجح علي حسب ماسمعنا منهم عبر التلفون ووعدونا بإنزال الصور اليوم لنطلع علي القاء وماتم فيه وهو نحن في الانتظار خلي بالك ياعارف الصور تكون في التحميض للان ماطلعت عشان كده الجماعة تاخروا علينا كده!!!

هههه تراهو الشمار ما حارقنى براي انا من امس بالليل اشيل واتاوق عسي ولعل تنزل صورة ساي بس الناس دي ما عبرتنا ياخ

هاهاهاها
عارف مصطفى
ابو عمر
احمد الهمباتى

تبكوا بس....هاهاهاها
سلامات يا حلوين وعينى بارده على شماركم العالى...هاهاها
الصور وديناها الفوتوشوب عشان ناس مناع بدوى وبقية الكوامر قالوا ما بقبلوا صورهم تنزل بالصورة دى وقالوا لينا لازم تسترونا وما تكشفوا حالنا.
اما البنات ناس هنويه ورانيا فقالوا ممنوع الاقتراب والتصوير وكده..
اللقاء كان جميل والكلام الدار كتير...شيلوا الصبر...وغمضوا عيونكم لانوا لما الموضوع ينزل موش ح تقدروا تغمضوا عينيكم...
فاصل وننتقل الى لقاء اعضاء المنتدى بالخرطوم...
انتظرونا..